ࡎࡉࡃࡓࡀ ࡖ ࡄࡉࡉࡀ



Diwan malkuta ʿlaita

Source: Prepared originally from the edition and electronic text of Jorunn J. Buckley, American Oriental Society (Translation Series Volume 3), 1993. Revised 2014 from the digital photographs under the direction of M. Morgenstern.

Published by: CAL project

Stable URL: http://cal.huc.edu/get_a_chapter.php?file=74423&cset=H

Unicode by: Ibrahim Shafiee (University of Tehran)



ادامه مطلب



apta pugdama ḏ-Mia

Source: apta pugdama D-mia based upon the only known surviving copy, DC 51. Copied in Margab, Suq es-uyukh, in 1277 AH (1860-1 CE) by Ram Zihrun, son of Sam Bihram, Kupaia. Prepared by M. Morgenstern.

Published by: CAL project

Stable URL: http://cal.huc.edu/get_a_chapter.php?file=74703&cset=H

Unicode by: Ibrahim Shafiee (University of Tehran)


ادامه مطلب


Diwan malkuta ʿlaita

Source: Prepared originally from the edition and electronic text of Jorunn J. Buckley, American Oriental Society (Translation Series Volume 3), 1993. Revised 2014 from the digital photographs under the direction of M. Morgenstern.

Published by: CAL project

Stable URL: http://cal.huc.edu/get_a_chapter.php?file=74423&cset=H

Unicode by: Ibrahim Shafiee (University of Tehran)





ࡃࡉࡅࡀࡍ ࡌࡀࡋࡊࡅࡕࡀ ࡏࡋࡀࡉࡕࡀ

ࡌࡀࡓࡀࡉ ࡌࡔࡀࡁࡀ ࡁࡋࡉࡁࡀ ࡃࡀࡊࡉࡀ

ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡍࡊࡓࡀࡉࡉࡀ ࡌࡍ ࡀࡋࡌࡀ ࡖࡍࡄࡅࡓࡀ ࡉࡀࡕࡉࡓࡉࡀ ࡖ ࡏࡋࡀࡅࡉࡀ {ࡅ}ࡊࡅࡋࡄࡅࡍ ࡏࡁࡀࡃࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡄࡀࡉࡋࡀ ࡅࡔࡓࡀࡓࡀ ࡅࡏࡌࡓࡀ ࡅࡔࡉࡌࡀ ࡄࡀࡃࡅࡀࡕ ࡋࡉࡁࡀ ࡅࡔࡀࡁࡀࡒ ࡄࡀࡈࡀࡉ^ࡉ^ࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡌࡄࡀࡕࡀࡌ ࡆࡀࡄࡓࡅࡍ ࡁࡓ ࡔࡀࡓࡀࡕ࡞ ࡅࡋࡀࡁ ࡀࡃࡀࡌ ࡁࡓ ࡄࡀࡅࡀ࡞ ࡅࡏࡌ ࡔࡀࡓࡀࡕ ࡐࡕ ࡎࡉࡌࡀࡕ࡞ ࡅࡆࡀࡅࡇ ࡉࡀࡎࡌࡉࡍ ࡐࡕ ࡄࡀࡅࡀ࡞ ࡅࡋࡀࡔࡉࡕࡋࡀࡉ ࡀࡃࡀࡌ ࡄࡅࡀࡅࡀ ࡅࡆࡀࡄࡓࡅࡍ ࡀࡄࡅࡀࡅࡀ ࡀࡁࡍࡉࡀ ࡉࡀࡎࡌࡉࡍ࡞ ࡅࡋࡀࡄࡀࡉ ࡌࡄࡀࡕࡀࡌ ࡅࡁࡀࡄࡓࡀࡌ ࡅࡔࡀࡓࡀࡕ ࡀࡁࡍࡉࡀ ࡔࡀࡓࡀࡕ࡞ ࡁ ࡄࡀࡋࡉࡍ ࡃࡀࡅࡀࡍ ࡌࡀࡋࡊࡅࡕࡀ ࡏࡋࡀࡉࡕࡀ ࡁࡄࡀࡉࡋࡉࡀ ࡉࡀࡅࡀࡓ ࡆࡉࡅࡀ ࡅࡎࡉࡌࡀࡕ ࡄࡉࡉࡀ ࡗ ࡄࡀࡑࡉࡑࡉ ࡔࡊࡉࡍࡕࡀ ࡅࡕࡊࡀࡍࡉࡐࡉࡅࡍ ࡕࡀࡓࡌࡉࡃࡉࡀ ࡔࡅࡁࡀ ࡅࡓࡉࡄࡌࡉࡀ ࡁࡀࡉࡉࡍ ࡏࡅ ࡍࡉࡑࡅࡓࡀࡉࡉࡀ ࡅࡂࡀࡍࡆࡉࡁࡓࡉࡀ ࡔࡅࡁࡀ ࡋࡀ ࡄࡀࡅࡉࡍ ࡁࡅࡑࡓࡀࡍ ࡋࡀࡉࡉࡕ ࡄࡉࡍࡉࡋࡀ ࡍࡉࡄࡅࡉࡀ ࡔࡀࡋࡉࡈࡀࡉ ࡏࡋ ࡊࡅࡋ ࡑࡁࡅ ࡌࡅࡌࡀ ࡁࡂࡀࡅࡀࡉࡄࡍ ࡋࡀࡍࡉࡄࡅࡉࡀ ࡅࡊࡅࡔࡈࡀ ࡌࡍ ࡄࡃࡀࡃࡉࡀ ࡐࡀࡔࡈࡉࡀ ࡋࡀ ࡍࡉࡄࡅࡉࡀ ࡎࡉࡍࡉࡀ ࡅࡒࡀࡍࡉࡀ ࡁࡀࡍࡀࡕࡀࡉࡄࡍ ࡗ ࡊࡅࡔࡈࡀ ࡐࡀࡔࡈࡉࡍ ࡌࡀࡍࡃࡀࡌ ࡋࡕࡀࡂࡀࡉࡅࡍ ࡋࡀࡍࡉࡌࡓࡅࡍ࡞ ࡄࡀࡉࡆࡀࡊ ࡍࡉࡕࡉࡀ ࡋࡔࡅࡀࡋࡉࡀ ࡗ ࡌࡀࡍࡃࡀࡌ ࡌࡍ ࡋࡁࡅࡔࡉࡀ ࡍࡃࡀࡆ ࡁࡂࡀࡅࡀࡉࡄࡍ ࡋࡀࡍࡉࡔࡕࡉࡍࡉࡀ ࡏࡅ ࡕࡉࡍࡉࡔࡍࡉࡀ ࡁࡅࡑࡓࡀࡍࡀ ࡁࡂࡀࡅࡇ ࡍࡉࡄࡉࡀ࡞ ࡗ ࡀࡕࡉࡀ ࡅࡎࡉࡃࡓࡀ ࡖ ࡍࡉࡔࡌࡀࡕࡀ ࡅࡀࡎࡀ ࡁࡅࡊࡓࡀ ࡃࡓࡀ ࡍࡉࡔࡉࡌࡕࡇ ࡄࡀࡃࡉࡀ ࡅࡌࡁࡀࡓࡊࡀࡋࡀ ࡏࡕࡐࡀࡓࡀࡒ ࡅࡀࡁࡀࡓ ࡌࡍ ࡄࡀࡐࡉࡒࡉࡀ ࡌࡉࡀ ࡀࡌࡉࡍࡈࡅࡋ ࡕࡀࡂࡀ ࡌࡀࡋࡊࡉࡀ ࡁࡓࡉࡔࡀࡉ ࡏࡕࡀࡕࡍࡀ ࡌࡀࡈࡀࡓࡀࡉࡀ ࡋࡀࡍࡉ ࡒࡅࡌࡅࡍ ࡒࡅࡃࡀࡌࡀ࡞ ࡅࡍࡉࡄࡅࡉࡀ ࡆࡀࡄࡁࡀ ࡋࡉࡀࡌࡉࡍࡀ ࡅࡊࡀࡎࡐࡉࡀ ࡋࡎࡌࡀࡋࡀࡉ ࡀࡃࡀࡍࡒ^ࡒ^ࡉࡀ ࡑࡉࡋࡌࡉࡀ ࡍࡉࡄࡅࡉࡀ࡞ ࡗ ࡕࡓࡉࡍ ࡎࡉࡄࡃࡉࡀ ࡋࡉࡀࡌࡉࡍࡀࡉ ࡅࡋࡎࡌࡀࡋࡀࡉ ࡍࡉࡄࡅࡉࡀ ࡄࡀࡉࡋࡀ lࡏࡑࡈࡅࡍࡇ ࡉࡀࡄࡁࡉࡀ ࡞ ࡗ ࡀࡆࡉࡋ ࡋࡔࡊࡉࡍࡕࡀ ࡁࡂࡀࡅࡇ ࡉࡀࡕࡁࡉࡀ ࡅࡀࡎࡅࡕࡀ ࡉࡀࡄࡁࡉࡀ ࡄࡀࡅࡒࡀ ࡓࡁࡀ ࡌࡍ ࡌࡀࡋࡊࡉࡀ ࡌࡀࡔࡕࡁࡀࡒ ࡏࡋ ࡌࡉࡔࡕࡉࡓࡉࡉࡍ ࡊࡅࡋࡄࡅࡍ ࡂࡀࡈࡓࡉࡀ ࡄࡀࡕࡌࡉࡀ ࡌࡀࡍࡃࡀࡉࡕࡀ ࡅࡀࡕࡉࡍ ࡄࡀࡕࡌࡉࡀ ࡖࡕࡀࡓࡌࡀࡃࡅࡕࡀ ࡅࡌࡉࡕࡋࡀࡁࡔࡉࡍ ࡁࡂࡀࡅࡇ࡞ ࡅࡗ ࡊࡅࡓࡎࡉࡀ ࡉࡀࡕࡉࡁ ࡅࡏࡍࡉࡀࡍࡀ ࡓࡀࡌࡉࡋࡇ ࡅࡀࡌࡓࡉࡍ࡞ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡍࡄࡀࡓ ࡅࡀࡍࡄࡀࡓ ࡍࡀࡅࡓࡀ ࡃࡀࡊࡉࡀ ࡖࡌࡀࡍࡄࡉࡓࡀࡍࡀ ࡌࡉࡕࡒࡉࡓࡉࡉࡕ ࡁࡊࡅࡋࡄࡅࡍ ࡀࡋࡌࡉࡀ ࡀࡍࡀࡕ ࡏࡅࡕࡓࡀ ࡎࡀࡂࡉࡀ ࡒࡅࡌ ࡏࡋ ࡋࡉࡂࡓࡀࡊ ࡅࡀࡉࡓࡇ ࡋࡊࡅࡋࡇ ࡂࡉࡍࡆࡀࡊ ࡏࡋࡀࡍ ࡅࡀࡍࡉࡍ ࡁࡂࡀࡅࡇ ࡍࡀࡄࡓࡉࡍࡉࡍ ࡅࡓࡀࡁ^ࡅ^ࡆࡉࡍࡉࡍ ࡍࡀࡄࡓࡉࡀ ࡅࡓࡀ^ࡅ^ࡆࡉࡀ ࡏࡅࡕࡓࡉࡀ ࡅࡌࡀࡋࡊࡉࡀ ࡖࡁࡄࡀࡋࡉࡍ ࡔࡊࡉࡍࡕࡀ ࡉࡀࡕࡁࡉࡀ ࡌࡍ ࡓࡉࡔ ࡁࡓࡉࡔ࡞ ࡄࡀࡉࡆࡀࡊ ࡒࡀࡌ ࡏࡋ ࡋࡉࡂࡓࡇ ࡅࡍࡉࡔࡒࡉࡀ ࡋࡄࡀࡃ ࡌࡍ ࡄࡀࡍࡀࡕࡅࡍ ࡂࡀࡍࡆࡉࡁࡓࡉࡀ ࡏࡋࡅ ࡓࡉࡔࡉࡀ ࡖࡄࡅ ࡕࡀࡂࡀ ࡁࡂࡀࡅࡇ ࡕࡓࡉࡑ ࡏࡄࡀࡁࡋࡇ ࡐࡀࡒࡀࡃࡕࡀ ࡖࡀࡍࡃࡉࡆ࡞ ࡄࡀࡉࡆࡀࡊ ࡀࡌࡀࡓ ࡊࡅࡔࡈࡀ ࡀࡎࡉࡍࡊࡅࡍ ࡄࡉࡍࡅࡍ ࡀࡌࡓࡉࡍ ࡁࡏ ࡅࡀࡔࡊࡀ ࡀࡌࡀࡓ ࡅࡏࡔࡕࡌࡀ ࡀࡌࡉࡍࡈࡅࡋ ࡖࡊࡅࡋ ࡌࡀࡄࡅ ࡖࡁࡀࡉࡉࡀ ࡌࡀࡔࡊࡀࡀ ࡅࡃࡔࡀࡉࡉࡋ ࡌࡉࡕࡄࡉࡁࡋࡇ࡞ ࡄࡀࡉࡆࡀࡊ ࡀࡌࡀࡓ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡌࡍ ࡀࡋࡌࡉࡀ ࡖࡍࡄࡅࡓࡀ ࡄࡀࡍࡀࡕࡇ ࡕࡀࡂࡀ ࡖࡁࡀࡉࡉࡀ ࡖ{{ࡌࡉࡍ}} ࡌࡉࡍࡎࡉࡁ ࡀࡌࡉࡍࡈࡅࡋ ࡖࡍࡅࡊࡓࡀࡉࡉࡀ ࡄࡅ ࡍࡉࡔࡉࡌࡕࡀ ࡁࡂࡀࡅࡇ ࡄࡀࡃࡉࡀ ࡖࡄࡅ ࡒࡓࡀࡁࡀࡉࡉࡀ ࡃࡉࡋࡇ ࡄࡅ࡞ ࡅࡗ ࡁࡔࡅࡌࡇ ࡖࡄࡀࡄࡅ ࡂࡀࡁࡓࡀ ࡒࡀࡃࡌࡀࡉࡀ ࡀࡌࡀࡓ ࡏࡋ ࡄࡀࡍࡀࡕࡇ ࡓࡅࡄࡀ ࡌࡍ ࡎࡉࡍࡉࡀࡅࡉࡎ ࡀࡓࡒࡀ ࡕࡉࡕࡀࡉࡕࡀ ࡌࡓࡀࡍࡃࡉࡃࡋࡇ࡞ ࡅࡗ ࡆࡄࡉࡓ ࡅࡌࡆࡀࡄࡀࡓ ࡏࡕࡀࡓ ࡄࡀࡍࡀࡕࡇ ࡕࡀࡂࡀ ࡂࡀࡅࡀࡉࡀ ࡖࡁࡓࡉࡔࡇ ࡕࡓࡉࡑ ࡈࡅࡁࡇ ࡅࡕࡅࡌ ࡈࡅࡁࡇ ࡋࡊࡅࡋ ࡌࡀࡍ ࡖࡑࡀࡅࡕࡀ ࡄࡀࡅࡋࡇ ࡞ ࡅࡀࡉࡋࡇ ࡋࡊࡅࡋ ࡀࡕࡅࡀࡕ ࡖࡆࡀࡅࡀ ࡋࡉࡕࡋࡀ ࡊࡅࡋ ࡀࡕࡅࡀࡕ ࡖࡆࡀࡅࡀ ࡋࡉࡕࡋࡀ ࡅࡀࡋࡉࡀ ࡅࡀࡉࡋࡀ ࡖࡏࡕࡉࡀࡍࡒࡀࡕ {{ࡅࡋࡇ}}ࡅࡋࡇ ࡏࡕࡓࡀࡅࡓࡀࡁࡀࡕ࡞ ࡅࡗ ࡀࡌࡀࡓ ࡁࡔࡅࡌࡀ ࡖࡄࡉࡉࡀ ࡅࡄࡉࡉࡀ ࡒࡉࡓࡉࡅࡉࡀ ࡋࡉࡀࡅࡀࡓ ࡆࡉࡅࡀ ࡏࡕࡀࡓࡁࡀ ࡓࡀࡆࡀ ࡖࡀࡁࡀ࡞ ࡅࡗ ࡀࡌࡀࡓ ࡅࡗ ࡒࡀࡉࡌࡉࡀ ࡏࡅࡕࡓࡉࡀ ࡁࡔࡊࡉࡍࡀࡕࡅࡍ ࡌࡀࡍࡃࡀ ࡖࡄࡉࡉࡀ ࡌࡁࡀࡓࡉࡊࡋࡇ࡞ ࡗ ࡀࡌࡀࡓ ࡍࡄࡅࡓ ࡍࡄࡅࡓࡇ ࡏࡕࡀࡓ ࡀࡉࡍࡀ ࡖࡌࡉࡀ ࡄࡉࡉࡀ ࡖࡁࡀࡉࡉࡀ ࡖࡌࡉࡍࡎࡉࡁ ࡌࡉࡍࡇ ࡓࡅࡔࡅࡌࡇ࡞ ࡅࡗ ࡏࡕࡉࡀࡓ ࡀࡌࡀࡓ ࡏࡅࡕࡓࡉࡀ ࡁࡉࡓࡉࡊࡕࡀ ࡁࡃࡉࡋࡇ ࡁࡀࡓࡊࡉࡍ࡞ ࡅࡗ ࡄࡀࡉࡀࡋ ࡊࡁࡀࡓ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡓࡀࡆࡀ ࡖࡍࡄࡅࡓࡀ ࡖࡌࡁࡀࡈࡉࡋࡇ ࡋࡓࡀࡆࡀ ࡖࡄࡔࡅࡊࡀ࡞ ࡅࡗ ࡓࡉࡄࡀ ࡖࡁࡀࡎࡉࡌ ࡀࡌࡀࡓ ࡄࡀࡍࡀࡕࡀ ࡓࡉࡄࡀ ࡖࡌࡀࡑࡁࡅࡕࡀ ࡖࡁࡀࡉࡉࡀ ࡋࡌࡉࡑࡉࡁࡇ ࡋࡓࡁࡇ࡞ ࡅࡗ ࡀࡌࡀࡓ ࡌࡉࡔࡒࡀࡋ ࡀࡉࡍࡉࡀ ࡏࡕࡀࡓ ࡄࡀࡍࡀࡕࡇ ࡓࡀࡆࡀ ࡖࡁࡉࡀࡓࡃࡍࡀ ࡔࡓࡉࡀ ࡌࡉࡃࡀࡊࡉࡀ ࡋࡓࡁࡇ࡞ ࡗ ࡌࡍ ࡄࡀࡍࡀࡕࡇ ࡓࡀࡆࡀ ࡊࡉࡎࡉࡀ ࡄࡅ ࡋࡍࡀࡐࡔࡉࡀ ࡀࡁࡀࡃ࡞ ࡅࡗ ࡁࡉࡅࡌࡀ ࡖࡉࡀࡓࡃࡍࡀ ࡀࡌࡀࡓ ࡖ^ࡓࡀࡆࡀ^ ࡀࡍࡉࡍ ࡆࡓࡉࡍࡇ ࡁࡀࡋࡌࡀ ࡖࡄࡉࡁࡉࡋ ࡏࡅࡕࡓࡀ ࡀࡃࡉࡍࡒࡉࡀ ࡀࡔࡅࡀࡕ ࡍࡀࡑ^ࡉ^ࡓࡅࡕ࡞ ࡗ ࡁࡉࡅࡌࡀ ࡖࡉࡀࡓࡃࡍࡀ ࡀࡌࡀࡓ ࡏࡕࡀࡓ ࡓࡀࡆࡀ ࡖࡍࡉࡔࡉࡌࡕࡀ ࡖࡁࡀࡉࡉࡀ ࡋࡌࡉࡑࡈࡁࡀ ࡋࡓࡅࡄࡀ {ࡅࡌࡉ} ࡅࡌࡉࡐࡀࡓࡒࡀ ࡌࡍ ࡄࡅࡎࡓࡀࡍࡀ ࡖࡁࡂࡀࡅࡇ ࡔࡊࡉࡍ࡞ ࡅࡗ ࡎࡉࡂࡃࡉࡕ ࡅࡔࡀࡁࡀࡕࡇ ࡋࡄࡀࡊ ࡉࡀࡅࡀࡓ ࡆࡉࡅࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡏࡃࡀࡍ ࡓࡅࡔࡅࡌࡀ ࡌࡍ ࡉࡀࡓࡃࡍࡀ ࡍࡎࡉࡁ ࡊࡋࡉࡋࡀ ࡁࡓࡉࡔࡉࡇ ࡕࡓࡉࡑ࡞ ࡄࡀࡉࡆࡀࡊ ࡌࡎࡀࡊࡉࡋࡀ ࡋࡕࡀࡂࡀ ࡅࡎࡀࡌࡀ ࡏࡋࡇ ࡀࡌࡉࡍࡈࡅࡋ ࡖࡁࡀࡉࡉࡀ ࡋࡌࡉࡌࡀࡓ ࡁࡉࡕ ࡁࡅࡕࡀ ࡌࡍ ࡄࡉࡉࡀ ࡒࡀࡃࡌࡀࡉࡉࡀ ࡄࡀࡍࡀࡕࡇ ࡊࡋࡉࡋࡀ ࡖࡀࡎࡀ ࡌࡀࡑࡁࡅࡕࡀ ࡖࡑࡅࡓࡕࡀ ࡍࡎࡉࡁ ࡅࡀࡔࡊࡉࡕ ࡌࡍ ࡒࡅࡃࡀࡌࡀࡉࡄࡅࡍ ࡖࡄࡉࡉࡀ ࡓࡅࡓࡁࡉࡀ ࡍࡅࡊࡓࡀࡉࡉࡀ ࡄࡀࡍࡀࡕࡇ ࡕࡀࡂࡀ ࡖࡌࡀࡋࡊࡅࡕࡀ ࡖࡁࡓࡉࡔࡉࡇ ࡌࡉࡕࡓࡉࡑ࡞ ࡅࡗ ࡀࡍࡀ ࡄࡅ ࡉࡅࡓ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡀࡎࡀࡓࡀ ࡅࡄࡀࡕࡌࡀ ࡖࡁࡀࡉࡉࡀ ࡌࡉࡎࡀࡓ ࡓࡁࡀ ࡅࡀࡔࡅࡀࡋࡉࡀ ࡁࡂࡉࡈࡓࡀ ࡖࡊࡀࡍࡆࡀࡋࡇ ࡖࡔࡓࡉࡕࡀ ࡁࡃࡀࡓࡀࡀ ࡋࡀࡄࡀࡅࡉࡋࡅࡍ ࡞ ࡅࡗ ࡋࡉࡀࡓࡃࡍࡀ ࡀࡎࡂࡉࡕ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡉࡀࡓࡃࡍࡀ ࡖࡋࡉࡀࡌࡉࡍࡇ ࡒࡀࡉࡉࡌ ࡌࡁࡀ ࡓࡉࡊࡋࡇ ࡅࡀࡌࡀࡓ ࡈࡅࡁࡇ ࡋࡌࡀࡍ ࡖࡁࡂࡀࡅࡇ ࡌࡉࡕࡊࡀ{{ࡓࡀ}}ࡓࡀࡊ࡞ ࡅࡗ ࡁࡔࡅࡌࡇ ࡖࡉࡅࡎࡌࡉࡓ ࡂࡅࡐࡍࡀ ^ࡒࡀࡃࡌࡀࡉࡀ ࡀࡌࡀࡓ ࡄࡀࡍࡀࡕࡇ ࡕࡀࡐࡀࡋࡀ ࡖࡎࡌࡉࡊࡋࡇ ࡋࡊࡅࡋ ࡏࡅࡑࡈࡅࡍࡉࡀ^ ࡅࡍࡀࡒࡉࡔ ࡅࡒࡀࡉࡉࡌ ࡅࡌࡀࡐࡉࡒࡋࡅࡍ ࡓࡀࡆࡉࡀ ࡖࡌࡀࡍࡃࡀࡉࡅࡕࡀ ࡌࡍ ࡂࡅࡋࡑࡈࡌࡀ ࡂࡀࡅࡀࡉࡀ ࡞ ࡅࡗ ࡀࡌࡀࡓ {{ࡄࡀࡍࡀࡕࡇ}} ࡏࡎࡉࡓ ࡉࡀࡌࡀ ࡔࡅࡁࡀ ࡔࡅࡓࡉࡀ ࡖࡐࡀࡓࡆࡋࡀ ࡄࡃࡉࡓࡉࡋࡇ ࡖ ࡀࡄࡃࡀࡓ ࡄࡀࡉࡀࡔࡅࡌ ࡊࡅࡔࡈࡀ ࡒࡀࡃࡌࡀࡉࡀ ࡏࡋ ࡍࡀࡐࡔࡉࡀ ࡏࡕࡀࡄࡃࡀࡓࡋࡇ ࡔࡅࡓࡀࡀ ࡔࡅࡁࡉࡀ ࡖࡃࡌࡀࡎࡀ ࡃࡀࡊࡉࡀ ࡖࡄࡉࡍࡅࡍ ࡔࡅࡁࡀ ࡕࡀࡓࡌࡉࡃࡉࡀ ࡖࡁࡀࡉࡉࡍ ࡋࡌࡉࡄࡉࡕࡌࡇ ࡗ ࡕࡀࡂࡀ {{ࡕࡀࡓ}} ࡕࡀࡓࡅࡑࡉࡋࡇ ࡁࡔࡅࡁࡀ ࡉࡅࡌࡉࡀ ࡍࡀࡈࡀࡓ ࡀࡌࡉࡍࡈࡅࡋ ࡖࡄࡀࡉࡀࡔࡅࡌ ࡊࡅࡔࡈࡀ ࡍࡉࡔࡉࡌࡕࡀ ࡖࡄࡏ ࡀࡕࡀࡕ ࡅࡉࡀࡕࡁࡀࡕ ࡁࡓࡉࡔࡀ ࡅࡀࡄࡃࡓࡀࡕ ࡋࡍࡀࡐࡔࡉࡇ ࡔࡅࡁࡀ ࡔࡅࡓࡉࡀ ࡖࡄࡉࡍࡅࡍ {{ࡉࡀ}} ࡖࡌࡉࡀ ࡄࡉࡅࡀࡓࡉࡀ ࡄࡉࡍࡅࡍ࡞ ࡅࡗ ࡂࡉࡌࡓࡀ ࡀࡍࡀ ࡂࡌࡉࡓࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡄࡉࡌࡉࡀࡍࡀ ࡂࡀࡅࡀࡉࡀ ࡅࡌࡎࡀࡊࡉࡀࡋࡇ ࡋࡄࡉࡌࡉࡀࡍࡀ ࡁࡀࡓࡀࡉࡀ ࡖࡀࡕࡉࡀ ࡅࡎࡀࡌࡉࡊ ࡏࡋࡇ࡞ ࡅࡗ ࡏࡆࡄࡀ ࡅࡏࡕࡀࡆࡄࡀ ࡀࡌࡀࡓ ࡆࡀࡄࡀࡍ ࡊࡅࡋࡄࡅࡍ ࡒࡉࡓࡉࡀࡕࡀ ࡖࡄࡔࡅࡊࡀ ࡌࡉࡍࡇ ࡏࡕࡀࡓ ࡄࡀࡍࡀࡕࡇ ࡓࡅࡔࡅࡌࡀ {{ࡖࡓࡁࡀ}} ࡖࡀࡓࡁࡀ ࡂࡅࡁࡓࡉࡀ ࡁࡍࡉࡀ ࡔࡋࡀࡌࡀ ࡌࡎࡀࡊࡉࡋࡇ ࡗ ࡀࡕࡉࡍ ࡁࡂࡀࡅࡇ ࡌࡉࡕࡊࡀࡓࡀࡊ࡞ ࡅࡗ ࡐࡉࡓࡉࡀࡅࡉࡎ ࡀࡌࡀࡓ ࡅࡍࡐࡀࡒ ࡌࡍ ࡓࡀࡆࡀ ࡖࡌࡀࡍࡃࡀࡉࡅࡕࡀ ࡅࡌࡎࡀࡊࡉࡋࡇ ࡋࡊࡅࡔࡈࡀ ࡖࡌࡀࡋࡊࡅࡕࡀ ࡖࡓࡀࡄࡌࡉࡀ ࡒࡀࡃࡌࡀࡉࡉࡀ ࡖࡔࡀࡁࡀ ࡔࡀࡉࡉࡀ࡞ ࡅࡗ ࡌࡀࡍࡃࡀ ࡒࡓࡀࡍ ࡀࡌࡀࡓ ࡏࡕࡀࡓ ࡑࡌࡀ ࡄࡀࡍࡀࡕࡇ ࡓࡅࡔࡅࡌࡀ ࡖࡁࡉࡀࡍࡒࡅࡕࡀ ࡍࡎࡉࡁ ࡀࡕࡅࡕࡉࡀ ࡃࡓࡀࡁࡔࡀ ࡄࡉࡅࡀࡓࡀ࡞ ࡅࡗ {{ࡁࡓࡉࡕ}} ࡁࡓࡉࡊࡉࡕ ࡕࡉࡓࡀ ࡁࡀࡓࡀࡉࡀ ࡀࡌࡀࡓ ࡔࡉࡋࡌࡀࡉ ࡅࡍࡉࡃࡁࡀࡉ ࡋࡒࡅࡃࡀࡌࡇ ࡒࡀࡉࡌࡉࡍ ࡅࡌࡎࡀࡊࡉࡋࡇ ࡀࡕࡅࡕࡉࡀ ࡃࡓࡀࡁࡔࡀࡉࡅࡍ ࡅࡌࡉࡑࡈࡁࡀ ࡞ ࡅࡗ ࡌࡍ ࡉࡀࡓࡃࡍࡀ ࡎࡉࡋࡒࡉࡕ ࡀࡌࡀࡓ ࡍࡉࡔࡉࡌࡕࡀ ࡄࡀࡃࡉࡀ ࡅࡌࡁࡀࡓࡊࡀࡋࡇ ࡅࡀࡌࡀࡓࡀ ࡄࡀࡆࡉࡍ ࡄࡅ ࡖࡁࡀࡉࡉࡍࡀ ࡌࡍ ࡄࡉࡉࡀ ࡒࡀࡃࡌࡀࡉࡉࡀ࡞ ࡅࡗ ࡀࡅࡃࡉࡍ ࡁࡇ ࡅࡌࡉࡔࡀ ࡀࡍࡀࡕ ࡔࡉࡄࡀ ࡅࡏࡕࡒࡀࡉࡀࡌࡕࡅࡍ ࡄࡉࡉࡀ ࡒࡀࡃࡌࡀࡉࡉࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡖࡁࡀࡉࡉࡀ ࡓࡁࡀ ࡋࡌࡉࡓࡉࡔࡌࡇ࡞ ࡅࡗ ࡏࡄࡀࡁࡋࡇ ࡀࡌࡀࡓ ࡅࡀࡌࡀࡓ ࡊࡁࡉࡔ ࡄࡔࡅࡊࡀ ࡅࡕࡓࡉࡑ ࡍࡄࡅࡓࡀ ࡄࡔࡅࡊࡀ ࡊࡋࡉࡋࡀ ࡖࡄࡅ ࡓࡅࡄࡀ ࡅࡕࡓࡉࡑ ࡍࡄࡅࡓࡀ ࡕࡀࡂࡀ ࡖࡄࡅ ࡍࡉࡔࡉࡌࡕࡀ࡞ ࡗ ࡏࡎࡉࡓࡀࡀ ࡄࡕࡉࡌࡀ ࡀࡌࡀࡓ ࡓࡅࡄࡀ ࡏࡕࡉࡎࡓࡀࡕ ࡁࡀࡎࡀࡓࡀ ࡖࡍࡉࡔࡉࡌࡕࡀ ࡗ ࡏࡅࡑࡀࡓ ࡄࡉࡉࡀ ࡀࡌࡀࡓ ࡄࡕࡀ ࡌࡉࡍࡅࡍ ࡋࡊࡅࡋࡄࡅࡍ ࡋࡁࡅࡔࡉࡇ ࡖࡋࡁࡉࡔ ࡀࡋࡌࡀ ࡏࡋ ࡎࡀࡉࡀࡊࡕࡀ ࡖࡌࡀࡑࡁࡅࡕࡀ ࡖࡁࡀࡉࡉࡀ ࡏࡑࡈࡁࡀࡁࡇ࡞ ࡅࡗ {{ࡏࡕࡓࡉࡑࡕࡅࡍ}} ࡏࡎࡉࡓࡀ ࡄࡕࡉࡌࡀ ࡓࡀࡁࡕࡉࡀ ࡀࡌࡀࡓ ࡏࡐࡀࡓࡄࡀࡆ ࡌࡍ ࡒࡉࡓࡉࡀࡕࡀ {{ࡖࡄ}} ࡖࡄࡔࡅࡊࡀ࡞ ࡗ ࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡀࡉࡍࡀ ࡖࡁࡋࡉࡁࡀ ࡔࡊࡉࡍࡀ࡞ ࡅࡗ ࡌࡀࡄࡅ ࡀࡁࡀࡃࡋࡀࡊ ࡀࡁࡅࡊ ࡍࡉࡔࡌࡀ ࡀࡌࡀࡓ ࡑࡓࡀࡊ ࡁࡒࡀࡋࡇ ࡖࡎࡉࡋࡒࡉࡕ ࡋࡈࡅࡓࡀ ࡅࡋࡀࡍࡉࡐࡋࡉࡕ ࡅࡏࡆࡋࡉࡕ ࡁࡍࡅࡓࡀ ࡅࡋࡀࡁࡉࡔࡋࡉࡕ ࡅࡍࡉࡐࡋࡉࡕ ࡁࡉࡀࡌࡀ ࡅࡋࡀࡈࡁࡉࡕ ࡀࡋࡌࡀ ࡖࡔࡓࡉࡕ ࡅࡒࡀࡌࡉࡕ ࡄࡀࡆࡉࡍ ࡌࡀࡋࡊࡅࡕࡀ ࡖࡏࡕࡄࡉࡁࡋࡇ ࡅࡀࡉࡋࡉࡍࡅࡍ ࡖࡄࡀࡍࡀࡕࡇ ^ࡖࡋࡀ^{{ࡏࡅ}}ࡃࡅࡍࡀ ࡅࡋࡀࡐࡉࡓࡔࡅࡍ ࡌࡍࡀࡕ ࡓࡅࡄࡀ ࡄࡅࡍ࡞ ࡅࡗ ࡆࡉࡅࡀ ࡋࡀࡕࡓࡇ ࡎࡉࡋࡒࡉࡕ ࡀࡌࡀࡓ ࡓࡅࡄࡀ ࡁࡀࡊࡉࡀ ࡁࡕࡉࡄࡌࡀ ࡉࡀࡕࡁࡀ ࡅࡀࡌࡓࡀ ࡖࡍࡉࡔࡌࡀ ࡎࡋࡉࡒ ࡅࡀࡍࡀ ࡄࡀࡊࡀ {{ࡌࡉࡕࡊࡀࡌࡀࡓࡍࡀ}} ࡌࡉࡕࡊࡀࡌࡓࡀࡍࡀ ࡀࡌࡓࡀࡍࡀ ࡋࡀࡕࡓࡀࡉ࡞ ࡅࡗ ࡄࡀࡉࡀࡋ ࡊࡁࡀࡓ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡐࡀࡈࡉࡓࡀ ࡒࡀࡃࡌࡀࡉࡀ ࡖࡌࡀࡎࡉࡒࡕࡀ ࡖࡁࡀࡉࡉࡀ ࡏࡋ ࡓࡁࡀ ࡌࡉࡔࡓࡉࡀ࡞ ࡗ ࡌࡉࡀ ࡀࡍࡀࡕࡅࡍ ࡄࡉࡉࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡌࡀࡆࡓࡅࡕࡀ ࡃࡀࡊࡉࡕࡀ ࡅࡏࡕࡍࡀࡐࡔࡀࡕ ࡁࡕࡋࡀࡕࡌࡀ ࡅࡔࡉࡕࡉࡍ ࡔࡉࡓࡉࡀࡍࡀ ࡅࡌࡀࡐࡒࡀࡋࡇ ࡋࡄࡀࡍࡀࡕࡇ ࡃࡉࡊࡉࡕࡀ ࡈࡅࡍࡅࡐࡉࡀ ࡖࡁࡂࡀࡅࡀࡉࡄࡅࡍ ࡔࡊࡉࡍ ࡏࡅ ࡌࡀࡆࡓࡅࡕࡀ ࡌࡈࡀࡍࡀࡐࡕࡀ ࡄࡏ ࡌࡉࡕࡍࡀࡐࡔࡀ ^ࡁࡔࡉࡓࡉࡀࡍࡀ ࡅࡌࡀࡐࡒࡉࡋࡇ ࡋࡃࡅࡊࡉࡀ ࡖࡁࡂࡀࡅࡀࡉࡄࡅࡍ ࡍࡉࡔࡀࡉࡋࡇ ࡋࡊࡅࡋ ࡖࡌࡉࡍࡃࡀࡌ^ ࡖࡄࡅࡀ ࡌࡍ ࡍࡀࡑ^ࡉ^ࡓࡅࡕࡀ ࡅࡎࡁࡀࡓ ࡅࡔࡀࡋ ࡏࡅ ࡕࡀࡎࡍࡉࡒࡉࡀ ࡕࡉࡕࡀࡉࡉࡀ ࡖࡄࡔࡅࡊࡀ࡞ ࡅࡗ ࡄࡀࡋ ࡄࡉࡉࡀ ࡒࡀࡃࡌࡀࡉࡉࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡓࡉࡄࡀ ࡁࡔࡅࡁࡀ ࡉࡅࡌࡉࡀ ࡖࡁࡀࡉࡉࡀ ࡋࡌࡉࡒࡓࡉࡀ ࡀࡃࡉࡍࡒࡉࡀ ࡀࡁࡀࡄࡀࡕࡇ࡞ ࡅࡗ ࡁࡉࡕ ࡌࡉࡔࡒࡀࡋ ࡀࡉࡍࡉࡀ ࡀࡌࡀࡓ ࡓࡅࡄࡀ ࡅࡔࡉࡁࡉࡀࡄࡉࡀ ࡄࡉࡍࡅࡍ ࡁࡌࡀࡋࡉࡀ ࡉࡀࡕࡁࡉࡀ ࡎࡉࡐࡕࡅࡍ ࡐࡀࡓࡈࡉࡀ ࡏࡋࡇ࡞ ࡅࡗ ࡌࡀࡍࡀ ࡅࡀࡍࡀࡍࡀ ࡅࡉࡀࡅࡀࡓ ࡅࡔࡅࡕࡀ ࡅࡏࡅࡑࡀࡓ {{ࡁࡏࡅࡑࡈࡀ}} ࡁࡏࡅࡑࡀࡓ ࡅࡔࡅࡕࡀ ࡅࡏࡕࡒࡀࡉࡀࡌࡕࡅࡍ ࡄࡉࡉࡀ ࡒࡀࡃࡌࡀࡉࡉࡀ ࡀࡌࡀࡓ ࡏࡕࡉࡓࡀࡕ ࡖࡄࡀࡍࡀࡕࡇ ࡂࡀࡅࡀࡉࡕࡀ ࡖࡁࡋࡉࡁࡀ ࡔࡊࡉࡍࡀ ࡅࡌࡎࡀࡊࡉࡀࡋࡇ ࡋࡐࡉࡄࡕࡀ ࡖࡌࡀࡑࡁࡅࡕࡀ࡞ ࡅࡗ ࡁࡉࡓࡉࡀࡅࡉࡔ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡌࡀࡌࡁࡅࡄࡀ ࡖࡁࡉࡕ ࡌࡉࡍࡃࡀ ࡔࡊࡉࡍࡀ ࡖࡁࡀࡉࡉࡀ ࡋࡌࡉࡃࡀࡊࡉࡀ ࡋࡄࡀࡍࡀࡕࡇ ࡐࡀࡕࡀࡕࡀ ࡅࡌࡀࡌࡁࡅࡄࡀ ࡖࡔࡅࡁࡀ ࡉࡅࡌࡉࡀ ࡖࡑࡅࡓࡕࡀ ࡖࡉࡀࡍࡒࡀ࡞ ࡅࡗ ࡔࡅࡌࡀࡊࡀ ࡉࡀࡕࡉࡓ ࡄࡉࡉࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡔࡅࡌࡀ ^ࡖࡕࡀࡓࡌࡉࡃࡅࡕࡀ ࡖࡄࡅࡀࡕ ࡁࡓࡉࡔࡉࡇ ࡔࡀࡊࡉࡁ ࡄࡀࡍࡀࡕࡇ ࡔࡅࡌࡀ^ ࡖࡌࡀࡍࡃࡀࡉࡅࡕࡀ ࡖࡁࡋࡉࡁࡇ ࡄࡅࡀ ࡖ{{ࡄࡅࡀ ࡁࡓࡉࡔࡀ ࡅࡔࡀࡊࡉࡁ ࡄࡀࡍࡀࡕࡀ ࡔࡅࡌࡇ}}࡞ ࡅࡗ ࡍࡄࡀࡓ ࡍࡄࡅࡓࡀ ࡀࡌࡀࡓ ࡀࡌࡀࡓ ࡍࡀࡄࡓࡀ ࡀࡉࡍࡀ ࡁࡓࡉࡔࡀ ࡅࡐࡉࡓࡔࡀࡕ ࡍࡉࡔࡉࡌࡕࡀ ࡏࡋ ࡓࡀࡄࡌࡉࡀ ࡅࡌࡀࡑࡁࡅࡕࡀ ࡅࡌࡀࡎࡉࡒࡕࡀ ࡅࡋࡊࡅࡋ ࡌࡉࡍࡃࡀࡌ࡞ ࡅࡗ ࡆࡄࡉࡓࡀ ࡅࡌࡆࡀࡄࡓࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡊࡋࡉࡋࡀ ࡖࡁࡀࡉࡉࡀ ࡌࡉࡂࡃࡀࡋ ࡁࡌࡀࡎࡉࡒࡕࡀ ࡖࡓࡁࡇ࡞ ࡅࡗ ࡀࡎࡂࡉࡀ ࡌࡀࡍࡃࡀ ࡖࡄࡉࡉࡀ ࡋࡊࡅࡊࡁࡉࡀ ࡀࡌࡀࡓ ࡊࡅࡋࡄࡅࡍ ࡄࡀࡈࡀࡉࡉࡀ ࡖࡄࡈࡀ ࡍࡉࡔࡕࡁࡉࡒࡋࡇ ࡄࡅ ࡅࡀࡁࡀࡄࡀࡕࡇ࡞ ࡅࡗ ࡍࡅࡊࡓࡀࡉࡉࡀ ࡄࡀࡆࡉࡍ ࡆࡉࡅࡀ ࡅࡍࡄࡅࡓ ࡄࡉࡉࡀ ࡀࡌࡀࡓ ࡓࡅࡄࡀ ࡅࡔࡉࡁࡉࡀࡄࡉࡀ ࡏࡃࡀ ࡏࡋ ࡓࡉࡔࡀࡉࡄࡅࡍ ࡔࡀࡃࡉࡍ ࡏࡃࡒࡉࡀ ࡌࡍ ࡓࡉࡔࡀࡉࡄࡅࡍ ࡀࡒࡓࡀࡍ ࡅࡀࡌࡓࡉࡀ ࡅࡀࡉ ࡅࡀࡉ ࡏࡋ ࡌࡀࡄࡅ ࡖࡄࡀࡔࡀࡁࡍࡉࡍ ࡖࡄࡀࡅࡉࡋࡀࡍ ࡑ^ࡀ^ࡅࡕࡀ ࡁࡄࡀࡆࡉࡍ ࡀࡋࡌࡀ ࡄࡅ ࡌࡍ ࡀࡕࡅࡕࡉࡇ ࡏࡃࡀࡍ ࡏࡕࡐࡀࡓࡀࡒ ࡅࡒࡀࡓࡒࡀࡋࡕࡀࡍ ࡄࡀࡅࡉࡀ࡞ ࡅࡗ ࡀࡔࡀࡓ ࡑࡁࡀࡍ ࡑࡀࡁࡅࡄࡀ ࡀࡌࡀࡓ ࡀࡍࡀ ࡄࡅ ࡌࡀࡓࡀ ࡖࡓࡀࡁࡅࡕࡀ ࡌࡀࡃࡉࡒࡍࡀ ࡏࡋࡇ࡞ ࡅࡗ ࡑࡁࡉࡍࡀ ࡁࡔࡅࡌࡀ ࡖࡄࡉࡉࡀ ࡀࡌࡀࡓ ࡅࡀࡌࡀࡓ ࡄࡉࡉࡀ ࡄࡆࡉࡕ ࡄࡉࡉࡀ ࡄࡆࡅࡍ ࡅࡋࡄࡉࡉࡀ ࡄࡅࡀࡋࡀࡍ ࡓࡅࡄࡑࡀࡍࡀ ࡍࡉࡔࡉࡌࡕࡀ ࡋࡓࡅࡄࡀ ࡀࡌࡓࡀ ࡖࡓࡉࡃࡐࡀ ࡎࡉࡁࡋࡉࡕ ࡌࡉࡍࡉࡊ ࡅࡁࡍࡉࡄࡅࡕࡀ ࡏࡔࡕࡀࡉࡉࡕ ࡌࡉࡍࡀࡊ ࡅࡗ ࡀࡍࡀ ࡀࡁࡃࡀ ࡔࡀࡅࡉࡕࡀࡊ ࡅࡀࡌࡕࡀ ࡖࡋࡀࡌࡀࡓࡀ ࡏࡕࡋࡉࡀ ࡅࡋࡀࡌࡀࡓࡕࡀ ࡄࡆࡀࡉ ࡀࡍࡀࡕ ࡓࡅࡄࡀ ࡖࡏࡕࡋࡉࡀ ࡌࡀࡓࡀ ࡖ{{ࡓࡀࡁࡅࡕࡀ}} ࡌࡀࡓࡕࡉࡀ ࡖࡄࡀࡆࡉࡍ ࡌࡀࡔࡋࡉࡋࡉࡀ ࡋࡁࡅࡔࡀ ࡍࡅࡒࡁࡕࡀ ࡅࡋࡁࡅࡔࡀ ࡆࡀࡊࡓࡉࡀ ࡌࡀࡋࡁࡉࡔࡉࡋࡉࡀ ࡅࡀࡉࡋࡇ ࡏࡋ ࡊࡅࡋ {{ࡌࡉࡍࡃࡀࡌ}} ࡌࡀࡍ ࡖࡓࡉࡃࡐࡀ ࡋࡀࡎࡀࡁࡉࡋ ࡌࡀࡍ ࡖࡋࡀࡎࡀࡁࡉࡋ ࡓࡉࡃࡐࡀ ࡌࡀࡋࡇ ࡁࡀࡋࡌࡀ ࡋࡀࡌࡉࡕࡉࡒࡓࡇ࡞ ࡗ ࡁࡓࡀ ࡀࡍࡀ ࡀࡌࡀࡓ ࡍࡉࡔࡉࡌࡕࡀ ࡄࡀࡃࡉࡀ ࡄࡀࡃࡉࡁࡇ ࡁࡊࡅࡋࡇ {{ࡌࡀࡋࡊ}} ࡌࡀࡋࡊࡅࡕࡀ ࡖࡌࡍ ࡀࡁࡀࡄࡀࡕࡇ ࡏࡕࡄࡉࡁࡋࡇ࡞ ࡗ ࡏࡍࡂࡀࡓࡕࡀ ࡋࡀࡅࡐࡀ ࡅࡆࡀࡊࡅࡕࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡓࡅࡔࡅࡌࡉࡀ ࡂࡀࡅࡀࡉࡀ ࡅࡌࡎࡀࡊࡉࡋࡇ ࡋࡓࡅࡔࡅࡌࡀ ࡖࡁࡓࡇ ࡀࡍࡀ ࡖࡌࡄࡉࡕࡀ ࡅࡀࡎࡅࡕࡀ ࡄࡀࡕࡀࡌ{{࡞࡞}} ࡌࡑࡀࡓࡀࡓࡀ ࡖࡁࡀࡉࡉࡀ ࡋࡌࡉࡌࡀࡓ ࡊࡅࡋ ࡌࡉࡍࡃࡀࡌ ࡖࡍࡉࡐࡉࡄࡕࡇ ࡅࡍࡉࡒࡓࡉࡁࡇ ࡍࡉࡄࡉࡉࡀ ࡅࡍࡉࡕࡀࡎࡉࡀ ࡅࡍࡉࡕࡒࡀࡉࡀࡌ ࡄࡀࡍࡀࡕࡇ ࡏࡃࡀࡍࡀ ࡄࡅ ࡍࡉࡄࡉࡉࡀ ࡏࡅ ࡍࡉࡕࡄࡀࡌࡁࡀࡋ ࡖࡌࡀࡎࡉࡒࡕࡀ ࡖࡓࡁࡀ ࡔࡀࡓࡉࡀ࡞ ࡗ ࡁࡉࡄࡓࡇ ࡉࡅࡊࡀࡔࡀࡓ {{ࡋࡉࡁࡓࡀࡉࡀ}} ࡋࡉࡁࡀࡓࡀࡉࡀ ࡀࡌࡀࡓ ࡀࡍࡀ ࡄࡅ ࡌࡀࡓࡀ ࡖࡓࡀࡁࡅࡕࡀ ࡁࡀࡄࡉࡓࡍࡀ ࡅࡌࡀࡎࡉࡒࡍࡀ ࡁࡆࡀࡊࡅ ࡋࡀࡕࡀࡓ ࡍࡄࡅࡓ ࡗ ࡖࡌࡍ ࡏࡁࡃࡀࡕࡀ ࡎࡀࡉࡍࡀࡕࡀ ࡌࡉࡕࡐࡀࡓࡀࡒ ࡅࡀࡍࡀࡕ ࡓࡁࡀ ࡁࡉࡄࡓࡇ ࡋࡄࡀࡍࡀࡕࡇ ࡔࡅࡀࡋࡉࡀ ࡖࡀࡁࡀࡄࡀࡕࡇ ࡖࡓࡀࡆ ࡂࡀࡍࡉࡁࡅࡕࡉࡀ ࡋࡀࡍࡉࡄࡁࡉࡁࡅࡍ ࡅࡁࡓ ࡑࡀࡉࡃࡀ ࡅࡁࡓ ࡄࡅࡓࡂࡀ ࡅࡋࡌࡀࡍ ࡖࡀࡁࡅࡉࡀ ࡍࡑࡀࡁ ࡀࡓࡌࡀࡋࡕࡀ ࡖࡔࡋࡀࡄࡀ ࡒࡀࡃࡌࡀࡉࡀ {{ࡅࡌࡍ ࡃࡅࡊࡕࡀ}} ࡅࡌࡍ ࡃࡅࡊࡉࡀ ࡖࡁࡂࡀࡅࡀࡉࡄࡅࡍ ࡋࡀࡉࡉࡕ ࡅࡋࡌࡀࡍ ࡖࡄࡃࡀࡓ ࡌࡍ ࡎࡉࡃࡓࡉࡀ ࡄࡅࡓࡉࡍࡉࡀ ࡏࡆࡃࡀࡄࡀࡓ ࡀࡍࡀࡕ ࡌࡉࡍࡀࡉࡄࡅࡍ ࡅࡀࡁࡀࡕࡀࡓ ࡄࡀࡆࡉࡍ ࡁࡄࡉࡓࡀ ࡀࡍࡀࡕ ࡁࡅࡄࡓࡇ lࡏࡅࡑࡈࡅࡍࡀ ࡅࡌࡋࡉࡀ ࡀࡉࡍࡀࡉ^ࡊ^ࡅࡍ ࡁࡂࡀࡅࡇ ࡅࡎࡀࡄࡃࡉࡀ ࡍࡉࡄࡅࡉࡀ ࡋࡉࡀࡌࡉࡍࡀࡊ ࡅࡎࡌࡀࡋࡀࡊ࡞ ࡗ ࡌࡀࡋࡉࡋ ࡅࡐࡕࡀ ࡄࡉࡉࡀ ࡓࡁࡉࡀ ࡐࡅࡌࡀࡉࡄࡅࡍ ࡀࡌࡀࡓ ࡏࡕࡀࡓࡀࡌ ࡄࡀࡍࡀࡕࡇ ࡎࡓࡀࡃࡒࡀ ࡖࡄࡅࡀ ࡍࡂࡉࡃ ࡁࡉࡍࡉࡀ ࡓࡅࡄࡀ ࡏࡋ ࡍࡉࡔࡉࡌࡕࡀ࡞ ࡅࡗ ࡏࡕࡉࡀࡓ ࡀࡌࡀࡓ ࡏࡕࡉࡀࡉࡓࡀࡕ ࡍࡉࡔࡉࡌࡕࡀ ࡏࡋ ࡓࡅࡄࡀ࡞ ࡗ ࡓࡉࡄࡀ ࡁࡀࡎࡉࡌࡀ ࡀࡌࡀࡓ ࡏ ࡏࡕࡀࡓ ࡄࡀࡍࡀࡕࡇ ࡓࡉࡄࡀ ࡒࡀࡃࡌࡀࡉࡉࡀ ࡖࡁࡀࡉࡉࡀ ࡌࡉࡓࡕࡇ^ࡌࡉࡀ^ ࡁࡓࡀࡄࡌࡉࡀ ࡒࡀࡃࡌࡀࡉࡉࡀ ࡅࡁࡓࡀࡄࡌࡉࡀ ࡔࡀࡁࡀ ࡔࡀࡉࡉࡀ ࡞ ࡗ ࡌࡔࡀࡁࡉࡍ ࡄࡉࡉࡀ ࡒࡀࡃࡌࡀࡉࡉࡀ ࡀࡌࡀࡓ ࡅࡀࡌࡀࡓ ࡍࡉࡔࡉࡌ^ࡀ^ࡕࡀ ࡖࡏࡕࡉࡒࡓࡉࡀ ࡅࡏࡕࡉࡓࡔࡉࡌ ࡁࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀࡍ ࡅࡓࡁࡀࡍࡀࡍ ࡅࡃࡀࡄࡀࡍ ࡅࡃࡀࡄࡅࡀࡕࡀࡍ ࡏࡕࡀࡓ ࡄࡀࡍࡀࡕࡇ ࡍࡀࡈࡀࡓ ࡖࡏࡋ ࡀࡁࡀࡄࡀࡕࡀ ࡌࡔࡀࡋࡀࡈ ࡖࡁࡀࡉࡉࡀ ࡋࡌࡉࡌࡀࡓ ࡁࡄࡀࡍࡀࡕࡅࡍ ࡔࡉࡕࡉࡍ ࡉࡅࡌࡉࡀ ࡅࡃࡀࡁࡀࡄࡀࡕࡀࡍ ࡁࡄࡀࡆࡉࡍ ࡃࡅࡊࡕࡀ ࡖࡗ ࡏࡋ ࡋࡉࡂࡓࡇ ࡒࡀࡉࡉࡌ ࡀࡌࡉࡍࡈࡅࡋ ࡖࡔࡅࡁࡀ ࡉࡅࡌࡉࡀ {ࡁࡀࡃࡌࡅ ࡉࡅࡌࡉࡀ} ࡖ^ࡋࡀࡌࡑࡉࡀ ࡖࡍࡉࡌࡀࡓ ࡀࡁࡀࡄࡀࡕࡀࡍ ࡅࡓࡅࡁࡀࡍࡀࡍ ࡀࡌࡉࡍࡈࡅࡋ ࡖࡔࡅࡁࡀ ^ࡉࡅࡌࡉࡀ^ ࡁࡀࡃࡌࡅ ࡉࡅࡌࡉࡀ^ ࡑࡅࡓࡕࡀ ࡖࡉࡀࡍࡒࡉࡀ ࡄࡉࡍࡅࡍ ࡖࡁࡀࡉࡉࡀ ࡋࡌࡉࡁࡉࡀ ࡓࡀࡄࡌࡉࡀ ࡁࡂࡀࡅࡀࡉࡄࡅࡍ ࡖࡌࡄࡀࡌlࡏࡉࡍ ࡔࡀࡉࡋࡉࡍ ࡀࡋࡐࡀ ࡖࡓࡀࡆࡉࡀ ࡖࡊࡅࡋ ࡄࡀࡃ {{ࡓࡀࡄࡌࡉࡀ}} ࡄࡀࡃ ࡉࡅࡌࡀ ࡄࡀࡃ ࡓࡐࡉࡋࡀ ࡂࡀࡄࡍࡀ ࡅࡎࡀࡋࡒࡀ ࡌࡍ ࡒࡅࡃࡀࡌ ࡀࡉࡍࡀ ࡖࡀࡋࡌࡉࡀ ࡅࡃࡀࡓࡉࡀ ࡌࡀࡋࡁࡅࡔࡀ ࡖࡀࡉࡍࡀ ࡒࡀࡓࡉࡋࡀ ࡄࡀࡍࡀࡕࡇ ࡏࡃࡀࡍࡀ lࡏࡌࡇ ࡍࡉࡁࡀࡔࡒࡓࡇ ࡖࡁࡀࡉࡉࡀ ࡍࡉࡔࡕࡀࡋࡀࡈ ࡏࡋ ࡌࡀࡑࡁࡅࡕࡀ ࡖࡓࡁࡇ ࡑࡀࡁࡉࡋࡇ ࡞ ࡖࡁࡀࡉࡉࡀ ࡌࡉࡌࡀࡓ ࡁࡓࡀࡄࡌࡉࡀ ࡄࡀࡍࡀࡕࡇ ࡁࡌࡀࡑࡁࡅࡕࡀ ࡖࡏࡋ ࡓࡁࡇ ࡑࡀࡁࡀࡋࡇ ࡅࡃࡀࡁࡀࡄࡀࡕࡀࡍ ࡅࡓࡅࡁࡀࡍࡀࡍ ࡅࡃࡀࡄࡀࡍ ࡅࡃࡀࡄࡅࡀࡕࡀ^ࡍ^ ࡄࡅ ࡋࡀࡁࡅࡉࡀ ࡒࡀࡓࡅࡋࡇ ࡅࡀࡊࡀࡍࡃࡉࡕ ࡀࡁࡅࡉࡀ ࡋࡀࡁࡀࡔࡒࡀࡓ ࡖࡄࡀࡌࡋࡉࡍ ࡌࡀ ࡅࡕࡌࡀࡍࡀࡍ ࡓࡀࡄࡌࡉࡀ࡞ ࡅࡔࡉࡕࡉࡍ ࡓࡀࡄࡌࡉࡀ ࡖࡁࡅࡑࡅࡓࡕࡀ ࡀࡁࡀ ࡖࡄࡅࡀ ࡁࡊࡀࡍࡐࡀ ࡖࡏࡌࡇ ࡁࡔࡊࡉࡍࡕࡀ ࡋࡀࡄࡅࡃࡇ ࡄࡅࡀ ࡅࡗ ࡓࡀࡄࡌࡇ ࡔࡉࡕࡉࡍ ࡉࡅࡌࡉࡀ ࡓࡁࡇ ࡀࡕࡀ ࡋࡅࡀࡕࡇ ࡅࡏࡃࡀ{{ࡍࡀ}} ࡏࡄࡀࡁࡋࡇ ࡅࡐࡀࡓࡒࡉࡀ ࡌࡍ ࡊࡀࡍࡐࡀ ࡖࡏࡌࡇ ࡁࡔࡊࡉࡍࡀࡕࡀ ࡌࡀࡍࡃࡀࡉࡅࡕࡀ ࡀࡅࡕࡁࡇ {{ࡏࡄࡀࡁࡋࡇ}} ࡀࡌࡉࡍࡈࡅࡋ ࡖࡁࡀࡉࡉࡀ ࡋࡌࡉࡌࡀࡓ ࡓࡁࡀ ࡄࡅ ࡌࡀࡑࡁࡀࡍࡀ ࡏࡅࡍࡉࡀࡍ ࡀࡁ ࡏࡅࡍࡉࡀࡍ ࡖࡀࡍࡀ ࡁࡄࡀࡉࡋࡇ ࡖࡀࡁ ࡉࡀࡅࡀࡓ ࡋࡉࡀࡓࡃࡍࡀ ࡀࡎࡂࡉࡕ ࡅࡁࡄࡀࡉࡋࡇ ࡖࡌࡀࡍࡃࡀ ࡖࡄࡉࡉࡀ ࡊࡋࡉࡋࡀ ࡏࡋ ࡏࡅࡕࡓࡉࡀ ࡕࡓࡉࡑ࡞ ࡅࡔࡉࡕࡉࡍ ࡓࡀࡄࡌࡉࡀ ࡖࡏࡋ ࡓࡁࡀ ࡍࡈࡉࡓࡉࡀ ࡀࡋࡌࡀ ࡖࡌࡀࡎࡉࡒࡕࡀ ࡏࡋࡇ ࡍࡉࡔࡓࡉࡀ ࡅࡍࡉࡑࡉࡁࡇ ࡋࡓࡁࡀ ࡀࡁࡀࡕࡀࡓ ࡖࡍࡉࡔࡓࡉࡀ ࡌࡋࡀ ࡌࡀࡎࡉࡒࡕࡀ ࡅࡔࡉࡕࡉࡍ ࡓࡀࡄࡌࡉࡀ ࡖࡏࡋ ࡀࡁࡅࡉࡀ ࡍࡉࡁࡉࡀ ࡀࡋࡌࡀ ࡖࡄࡀࡌࡋࡉࡍ ࡄࡀࡅࡉࡍ ࡗ ࡆࡀࡍ ࡄࡃࡀ ࡖࡍࡉࡔࡕࡀࡋࡀࡈ ࡋࡊࡅࡋࡄࡉࡍ ࡏࡁࡃࡀࡕࡀ࡞ ࡅࡗ ࡏࡕࡉࡌࡋࡅࡍ ࡄࡉࡉࡀ ࡀࡌࡀࡓ ࡔࡉࡕࡉࡍ ࡐࡀࡈࡉࡓࡉࡀ࡞ ࡗ ࡔࡊࡀࡍ ࡄࡉࡉࡀ {{ࡔࡊࡉࡍࡕࡀ}} ࡖࡌࡀࡎࡉࡒࡕࡀ ࡄࡉࡍࡅࡍ ࡀࡌࡉࡍࡈࡅࡋ ࡖࡏࡕࡉࡌࡋࡅࡍ ࡄࡉࡉࡀ ࡔࡉࡕࡉࡍ ࡄࡅࡂࡉࡀࡍࡉࡀ ࡄࡉࡍࡅࡍ ࡖࡊࡅࡋ ࡄࡀࡃ {{ࡄࡀ}} ࡄࡅࡂࡉࡀࡍࡀ ࡋࡄࡀࡃ ࡌࡍ ࡐࡀࡈࡉࡓࡉࡀ ࡌࡀࡕࡀࡓࡋࡇ࡞ ࡗ ࡔࡊࡉࡍࡉࡀ ࡄࡉࡉࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡓࡅࡔࡅࡌࡀ ࡖࡁࡓࡇ ࡀࡍࡀ࡞ ࡅࡊࡅࡋ ࡊࡋࡉࡋ ࡀࡋࡌࡉࡀ ࡔࡀࡄࡉࡀ ࡀࡌࡀࡓ ࡍࡉࡔࡕࡀࡋࡀࡈ ࡓࡀࡆࡀ࡞ ࡗ ࡀࡋࡌࡀ ࡖࡁࡋࡉࡁࡀ ࡏࡋ ࡓࡀࡆࡉࡀ ࡖࡓࡅࡄࡀ ࡅࡍࡀࡎࡉࡁࡋࡇ ࡏࡋ ࡊࡋࡉࡋࡀ ࡌࡍ ࡓࡉࡔ ࡁࡓࡉࡔ ࡋࡉࡁࡀ ࡕࡓࡀࡑࡋࡇ ࡁࡌࡉࡔࡀ ࡔࡉࡄࡉࡀ ࡀࡌࡀࡓ ࡄࡀࡃࡉࡍ ࡓࡀࡆࡉࡀ ࡏࡋࡀࡉࡉࡀ ࡅࡓࡀ ࡆࡉࡀ ࡕࡉࡕࡀࡉࡉࡀ ࡁࡌࡀࡋࡉࡀ ࡉࡀࡕࡁࡉࡀ࡞ ࡗ ࡁࡆࡉࡅ ࡖࡍࡐࡉࡔ ࡀࡌࡀࡓ ࡊࡅࡋࡄࡅࡍ ࡓࡀࡆࡉࡀ ࡖࡕࡀࡓࡌࡀࡃࡅࡕࡀ ࡌࡉࡕࡄࡀࡉࡀࡋ ࡏࡋ ࡓࡀࡆࡉࡀ ࡖࡌࡀࡍࡃࡀࡉࡅࡕࡀ࡞ ࡅࡗ ࡔࡊࡉࡍࡉࡀ ࡄࡉࡉࡀ ࡀࡌࡀࡓ ࡏࡕࡀࡓ ࡏࡕࡄࡀࡉࡀࡋ ࡉࡀࡌࡉࡍࡀ ࡋࡎࡌࡀࡋࡀ࡞ ࡅࡗ {{ࡔࡊࡉࡍࡉࡀ ࡄࡉࡉࡀ}} ࡏࡕࡓࡀࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡀࡌࡀࡓ ࡏࡕࡀࡓ ࡓࡀࡆࡉࡀ ࡖࡀࡁࡅࡉࡀ ࡖࡄࡅࡀ ࡁࡂࡀࡅࡀ ࡔࡊࡉࡍ ࡅࡀࡌࡀࡓ ࡈࡀ ࡈࡅࡁࡇ ࡅࡕࡅࡌ ࡈࡅࡁࡇ ࡋࡌࡀࡍ ࡖࡀࡁࡀࡄࡀࡕࡇ ^ࡍࡉࡁࡀࡔࡒࡀࡓ^{{ࡍࡉࡔࡁࡀࡉࡒࡋࡇ}} ࡅࡀࡉࡋࡇ ࡅࡕࡅࡌ ࡅࡀࡉࡋࡀ ࡋࡊࡅࡋ ࡖࡀࡁࡀࡄࡀࡕࡀ ࡋࡉࡕࡋࡀ ࡅࡀࡉࡋࡀ ࡖࡁࡔࡊࡉࡍࡀࡕ ࡂࡀࡍࡉࡁࡉࡀ ࡔࡊࡉࡍ ࡞ ࡅࡗ ࡌࡊࡀࡋࡀࡋࡍࡀ ࡅࡔࡀࡊࡉࡁࡍࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡋࡁࡅࡔࡀ ࡖࡄࡅ ࡏࡅࡑࡈࡅࡍࡀ ࡖࡁࡀࡉࡉࡀ {{࡞࡞࡞}} {{ࡌࡄࡀ}} mࡏࡉࡉࡋ ࡁࡂࡀࡅࡇ ࡉࡅࡌࡀ ࡖࡊࡉࡋࡇ ࡔࡀࡋࡌࡉࡀ ࡅࡋࡀࡕࡓࡀ ࡖࡄࡉࡉࡀ ࡌࡉࡆࡋࡇ ࡅࡌࡁࡀࡓࡉࡊࡋࡇ ࡅࡀࡌࡓࡉࡋࡇ ࡀࡕࡀ ࡀࡕࡀ ࡁࡄࡉࡓࡀ ࡃࡀࡊࡉࡀ ࡆࡀࡊࡀࡉࡀ ࡖࡌࡅࡌࡀ ࡋࡉࡕࡁࡇ࡞ ࡗ ࡌࡉࡍࡇ ࡌࡍ ࡔࡀࡓࡅࡉࡀ ࡀࡌࡀࡓ ࡄࡉࡁࡉࡋ ࡋࡒࡅࡃࡀࡌࡇ ࡒࡀࡉࡉࡌ ࡅࡁࡀࡓࡉࡊࡋࡇ࡞ ࡗ ࡁࡉࡍࡉࡀ ࡊࡀࡎࡉࡀ ࡋࡆࡉࡅࡀ ࡀࡌࡀࡓ ࡅࡌࡔࡀࡉࡋࡉࡋࡇ ࡖࡓࡀࡆࡀ ࡖࡓࡅࡄࡀ ࡅࡓࡀࡆࡀ ࡖࡍࡉࡔࡉࡌࡕࡀ ࡅࡀࡌࡀࡓࡋࡀࡍ ࡅࡌࡀࡍ ࡄࡅ ࡖࡏࡌࡀࡉࡊࡅࡍ ࡅࡌࡀࡍ ࡄࡅ ࡀࡁࡅࡊࡅࡍ ࡅࡀࡌࡀࡓࡋࡅࡍ ࡀࡁ ࡀࡁࡅࡉࡀࡍ ࡀ^ࡀ^ࡉࡀࡓ ࡅࡏࡌࡉࡀࡍ ࡉࡀࡓࡃࡍࡀ ࡄࡅ ࡅࡀࡌࡀࡓࡋࡅࡍ ࡅࡌࡀࡍ ࡄࡅ ࡖࡑࡀࡓࡀࡓࡉࡍࡊࡅࡍ ࡅࡁࡊࡀࡍࡐࡀ ࡖ ࡖࡌࡀࡍ ࡄࡅ ࡓࡁࡀࡉࡕࡅࡍ ࡅࡀࡌࡀࡓ ࡀࡍࡉࡍ ࡁࡊࡀࡍࡐࡀ ࡖࡓࡅࡄࡀ ࡓࡁࡀࡉࡍࡉࡍ ࡅࡀࡁ ࡀࡁࡅࡉࡀࡍ ࡑࡀࡓࡀࡓࡉࡍࡀࡍ ࡖࡄࡅ ࡀࡉࡀࡓ ࡃࡀࡊࡉࡀ ࡔࡅࡌࡇ࡞ ࡅࡀࡌࡀࡓ ࡀࡋࡌࡉࡀ ࡁࡍࡉࡀ ࡎࡉࡍࡉࡍ ࡀࡓࡎࡇ ࡖࡏࡌ ࡑࡀࡅࡕࡀ ࡖࡌࡍ ࡋࡀࡒࡀࡃࡌࡉࡀ ࡄࡅࡀࡕ࡞ ࡅࡀࡌࡀࡓ ࡋࡉࡈࡀ ࡓࡅࡄࡀ ࡅࡌࡋࡀࡈࡀࡈࡀ ࡁࡄࡀࡁࡀࡓࡀ ࡂࡀࡄࡉࡀ ࡔࡊࡉࡍࡀ ࡅࡁࡑࡀࡅࡕࡀ ࡖࡍࡅࡓࡀ ࡏࡊࡉࡋࡕࡀ ࡉࡀࡕࡁࡀ ࡅࡌࡉࡀ ࡎࡅࡌࡀࡒࡉࡀ ࡔࡀࡕࡉࡀ ࡄࡏ ࡋࡁࡅࡔࡉࡇ ࡖ ࡂࡀࡅࡍࡉࡀ ࡂࡀࡅࡍࡉࡀ ࡋࡀࡁࡔࡉࡇ ^ࡖ^ࡄࡏ ࡋࡀࡁࡓࡀࡋࡇ ࡋࡉࡀࡌࡀ ࡓࡁࡀ ࡖࡎࡅࡐ࡞ ࡁࡓࡉ^ࡊ^ ࡄࡀࡊ ࡂࡀࡁࡓࡀ ࡖ{{ࡀ}}ࡀ࡞ ࡖ ࡔࡋࡉࡍࡀࡍ ࡋࡁࡅࡔࡉࡇ ࡖࡂࡀࡅࡍࡉࡀ ࡂࡀࡅࡍࡉࡀ ࡅࡋࡁࡅࡔࡀ ࡖࡔࡀࡓࡀࡉࡀ ࡄࡉࡅࡀࡓࡀ ࡖࡀࡋࡁࡉࡔࡉࡍࡀࡍ ࡁࡓࡉࡄࡀ ࡖࡉࡀࡅࡀࡓ ࡓࡀࡅࡆࡉࡍࡉࡍ ࡅࡌࡉࡀ ࡄࡉࡉࡀ ࡄࡀࡊࡀ ࡔࡀࡕࡉࡍ ࡌࡍ ࡄࡀࡁࡀࡓࡀ ࡂࡀࡄࡉࡀ ࡕࡐࡀࡓࡀࡒࡍࡉࡀ࡞ ࡅࡀࡉࡋࡉࡍࡉࡍ ࡋࡄࡀࡋࡉࡍ ࡖࡓࡉࡄࡌࡅࡊ ࡌࡍ ࡋࡅࡀࡕࡀࡊ ࡋࡀࡌࡉࡕࡓࡀࡄࡒࡉࡀ ࡅࡀࡉࡋࡉࡍࡅࡍ ࡋࡄࡀࡋࡉࡍ ࡖࡓࡄࡉࡌ ࡆࡀࡄࡁࡀ ࡅࡊࡀࡎࡐࡀ {{ࡅࡁࡀ}} ࡅࡁࡀࡁࡀࡉࡄࡅࡍ ࡋࡀࡏࡕࡊࡀࡓࡀࡊ ࡌࡍ ࡕࡉࡁࡉࡋ ࡁࡏࡌࡀࡉࡄࡅࡍ ࡋࡀࡍࡀࡐࡒࡉࡀ࡞ ࡅࡗ ࡍࡉࡀࡄࡀ ࡅࡔࡀࡋࡌࡀ ࡍࡉࡄࡅࡉࡀ ࡀࡌࡀࡓ ࡓࡅࡄࡀ ࡅࡔࡉࡁࡉࡀࡄࡉࡀ ࡔࡉࡁࡉࡀࡄࡉࡀ ࡓࡀࡆࡀ ࡄࡀࡔࡋࡉࡀ ࡏࡋࡇ࡞ ࡗ ࡁࡓࡉࡊࡉࡀ ࡅࡌࡔࡀࡁࡉࡀ ࡄࡉࡉࡀ ࡑࡈࡀࡓࡕࡉࡀ ࡀࡌࡀࡓ ࡁࡉࡍࡕࡀ ࡁࡍࡀࡋࡇ ࡁࡀࡓࡒࡀ ࡖࡀࡉࡀࡓ࡞ ࡅࡗ ࡁࡓࡉࡊࡉࡀ ࡀࡌࡀࡓ ࡅࡀࡌࡀࡓ ࡄࡀࡅࡉࡍࡀࡍ ࡀࡉࡀࡓ ࡃࡀࡊࡉࡀ ࡖࡓࡉࡃࡐࡀ ࡖࡕࡉࡁࡉࡋ ࡍࡉࡍࡉࡔࡉࡇ ࡍࡉࡍࡉࡔࡉࡇ ࡋࡓࡉࡃࡐࡀ ࡖࡕࡉࡁࡉࡋ ࡅࡀࡉࡈࡀ ࡅࡀࡉࡈࡀ ࡖࡁࡉࡔࡉࡀ ࡅࡊࡀࡃࡀࡁࡉࡀ ࡖࡂࡆࡀࡓ ࡏࡋࡀࡍ ࡄࡀࡍࡀࡕࡇ ࡏࡃࡀࡍࡀ ࡀࡍࡀ ࡌࡀࡓࡀ ࡖࡓࡀࡁࡅࡕࡀ ࡃࡉࡍࡀ ࡃࡀࡉࡉࡍࡀ ࡌࡍ ࡓࡉࡃࡐࡉࡀ ࡅࡗ ࡄࡀࡈࡀࡉࡉࡀ ࡖࡄࡈࡀ ࡄࡅ ࡅࡀࡁࡅࡉࡀ ࡍࡉࡔࡕࡁࡉࡒࡋࡇ ࡞ ࡅࡗ ࡈࡀࡁ ࡈࡀࡁࡇ ࡋࡈࡀࡁࡉࡀ ࡀࡌࡀࡓ ࡏࡔࡕࡀࡃࡀࡓࡋࡇ ࡓࡀࡄࡀࡈࡀ ࡖࡌࡉࡀ ࡄࡉࡉࡀ ࡖࡀࡓࡒࡀ ࡖࡀࡉࡀࡓ ࡅࡗ ࡏࡍࡂࡉࡓࡕࡀ ࡌࡄࡀࡕࡀࡌࡕࡀ ࡀࡌࡀࡓ ࡓࡅࡄࡀ ࡅࡔࡉࡁࡉࡀࡄࡉࡀ ࡏࡋ ࡄࡃࡀࡃࡉࡀ ࡍࡀࡐࡋࡉࡀ ࡅࡒࡓࡀࡁࡇ ࡌࡍ ࡄࡀࡃࡀࡃࡉࡀ ࡀࡁࡃࡉࡀ ࡏࡋ ࡍࡉࡔࡌࡀ ࡖࡌࡍ ࡀࡕࡅࡕࡉࡀ ࡄࡉࡑࡓࡅࡍ࡞ ࡅࡗ ࡏࡎࡉࡓࡀ ࡄࡕࡉࡌࡀ ࡓࡅࡄࡀ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡀࡎࡀࡓࡀ ࡓࡁࡀ ࡖࡏࡋ ࡓࡉࡔࡀ ࡖࡔࡉࡔࡀ ࡕࡓࡉࡑ ࡅࡌ^ࡎࡀ^ࡊࡀ{{ࡎࡉ}}ࡋࡇ ࡋࡄࡀࡍࡀࡕࡇ ࡏࡎࡉࡒࡕࡀ ࡖࡔࡅࡌ ࡁࡓ ࡉࡀࡅࡀࡓ ࡆࡉࡅࡀ ࡖࡁࡀࡉࡉࡀ ࡋࡌࡉࡊࡃࡉࡁ ࡏࡍࡂࡀࡓࡕࡀ ࡋࡅࡀࡕ ࡀࡁࡀࡕࡅࡓ࡞ ࡅࡗ ࡀࡅࡃࡉࡍ ࡀࡌࡀࡓ ࡓࡅࡄࡀ ࡅࡔࡉࡁࡉࡀࡄࡉࡀ ࡌࡍ ࡒࡅࡃࡀࡌࡇ ࡓࡀࡄࡈࡉࡍ ࡏࡅࡌࡒࡉࡀ ࡋࡀࡂࡈࡉࡍ࡞ ࡅࡗ ࡕࡅࡔࡁࡉࡄࡀࡍ ࡀࡌࡀࡓ ࡁࡉࡀࡃ ࡌࡀࡄࡉࡒࡀࡍࡉࡀ ࡅࡊࡀࡃࡀࡁࡉࡀ ࡅࡄࡅࡍࡐࡀࡍࡉࡀ ࡅࡌࡀࡂࡆࡉࡓࡀࡍࡉࡀ ࡋࡀࡕࡉࡔࡃࡉࡍࡀࡍ ࡏࡕࡐࡀࡓࡀࡒ ࡌࡍ ࡀࡓࡁࡉࡀ ࡌࡉࡄࡉࡀࡕࡀ࡞ ࡗ ࡏࡋࡊࡅࡍ ࡃࡉࡋࡊࡅࡍ ࡀࡌࡀࡓ ࡊࡅࡋࡄࡅࡍ ࡀࡓࡒࡀ ࡖࡍࡄࡅࡓࡀ ࡌࡍ ࡊࡀࡓࡎࡀࡅࡀࡕࡅࡍ ࡒࡀࡉࡌࡉࡀ ࡅࡀࡋࡉࡐ ࡀࡋࡉࡐ ࡏࡍࡉࡀࡍࡀ ࡓࡀࡌࡉࡀ ࡅࡀࡌࡓࡉࡀ ࡈࡅࡁࡇ ࡋࡉࡅࡌࡀ ࡖࡌࡍ ࡕࡉࡁࡉࡋ ࡏࡕࡐࡀࡓࡀࡒ ࡄࡅ ࡌࡍ ࡓࡁࡇ ࡍࡉࡔࡕࡀࡋࡀࡌ ࡄࡅ ࡅࡓࡁࡇ ࡋࡅࡀࡕࡀࡍ ࡅࡀࡍࡉࡍ ࡃࡉࡋࡅࡍ ࡁࡉࡄࡓࡀ ࡔࡊࡉࡍࡕࡀ ࡃࡀࡉࡓࡉࡍࡉࡇ ࡅࡊࡅࡔࡈࡀ ࡌࡍ ࡄࡃࡀࡃࡉࡀ ࡐࡀࡔࡈࡉࡍࡉࡀ࡞ ࡅࡗ ࡀࡎࡀ ࡀࡎࡀ ࡁࡉࡀࡌࡉࡍࡇ ࡌࡉࡕࡀࡓ ࡅࡌࡁࡀࡓࡊࡉࡋࡇ ࡅࡌࡀࡎࡊࡉࡋࡇ ࡏࡋ ࡉࡅࡌࡀ ࡈࡀࡁࡀ ࡖࡄࡅ ࡍࡉࡌࡀࡓ ࡗ ࡀࡎࡀ ࡀࡎࡀ ࡁࡂࡍࡉࡍࡉࡀ ࡅࡄࡉࡁࡉࡋ ࡓࡀࡅࡆ ࡁࡌࡀࡑࡁࡅࡕࡀ ࡖ ࡏࡋ ࡓࡁࡇ ࡑࡀࡁࡉࡋࡇ࡞ ࡅࡗ ࡏࡅࡍࡉࡀࡍ ࡀࡌࡀࡓ ࡏࡕࡀࡓ ࡄࡀࡍࡀࡕࡇ ࡍࡀࡅࡓࡀ ࡖࡁࡉࡀࡓࡃࡍࡀ ࡔࡓࡉࡀ ࡞ ^ࡗ ࡏࡍࡉࡀࡍ ࡀࡁ ࡏࡍࡉࡀࡍ ࡆࡅࡈࡀ ࡀࡌࡀࡓ ࡄࡀࡁࡔࡀࡁࡀ ࡅࡊࡀࡍࡀ ࡖࡆࡉࡃࡒࡀ ࡌࡁࡀࡓࡉ ࡌࡁࡀࡓࡉࡊࡋࡇ^࡞ ࡅࡗ ^ࡁࡓࡉࡔ^ ࡌࡉࡀ ࡍࡉࡐࡒࡉࡕ ࡉࡀࡓࡃࡍࡀ ࡐࡉࡓࡉࡀࡅࡉࡎ ࡌࡁࡀࡓࡉࡊࡋࡇ࡞ {{ࡅࡊࡀࡍࡀ ࡖࡆࡉࡃࡒࡀ ࡌࡁࡀࡓࡉࡊࡋࡇ}} ࡞ ࡗ ࡊࡌࡀ ࡔࡀࡐࡉࡓࡉࡀ ࡔࡉࡕࡋࡉࡀ ࡀࡌࡀࡓ ࡓࡅࡄࡀ ࡁࡀࡊࡉࡀ ࡅࡀ ࡅࡀࡌࡓࡀ ࡅࡀࡉࡋࡉࡊ ࡆࡉࡓࡀ ࡖࡆࡓࡉࡕ ࡖࡋࡀࡄࡃࡀࡕ ࡁࡂࡀࡅࡀࡊ ࡔࡉࡕࡋࡉࡕ ࡔࡉࡕࡋࡉࡀ ࡀࡋࡌࡉࡀ ࡖࡈࡅࡍࡀࡉࡅࡍ ࡃࡓࡀ ࡗ ࡈࡅࡍࡀࡉࡅࡍ ࡀࡆࡀࡋ ࡌࡍࡀࡕ ࡄࡅࡓࡉࡍࡉࡀ ࡄࡅࡍ࡞ ࡗ ࡏࡋࡊࡅࡍ ࡀࡌࡀࡓࡍࡀ ࡀࡌࡀࡓ ࡏࡕࡋࡉࡐ ࡁࡋࡀࡅࡐࡀ ࡖࡔࡉࡔࡋࡀࡌ ࡓࡁࡀ࡞ ࡗ ࡏࡋࡊࡅࡍ ࡒࡀࡓࡉࡍࡀ ࡀࡌࡀࡓ ࡔࡋࡀ ࡋࡁࡅࡔࡉࡀ ࡖࡌࡀࡍࡃࡀࡉࡅࡕࡀ ࡅࡋࡁࡅࡔࡀ ࡖ ࡖࡕࡀࡓࡌࡉࡃࡅࡕࡀ ࡋࡁࡀࡔ࡞ ࡅࡗ ࡕࡀࡓࡌࡉࡃࡉࡀ ࡀࡍࡀ ࡄࡀࡃࡕࡀ ࡀࡌࡀࡓ ࡔࡋࡀ ࡅࡑࡌࡇ ࡄࡀࡍࡀࡕࡇ ࡓࡅࡔࡅࡌࡀ ࡖࡁࡓࡉࡔࡀ ࡔࡓࡉࡀ࡞ ࡅࡊࡁࡀࡓ ࡆࡉࡅࡀ ࡋࡄࡀࡍࡀࡕࡇ ࡓࡅࡔࡌࡀ ࡖࡂࡀࡁࡀࡓࡅࡕࡀ ࡄࡀࡕࡌࡀ ࡏࡋࡇ ࡏࡕࡀࡕࡍࡀ ࡅࡋࡀࡍࡉࡐࡕࡀ ࡀࡉࡍࡀ ࡅࡍࡉࡄࡉࡆࡉࡀ ࡋࡓࡀࡆࡀ ࡕࡉࡕࡀࡉ^ࡉ^ࡀ ^ࡖࡓࡅࡄࡀ^ ࡔ^ࡀ^ࡅࡉ^ࡀ^ࡕ࡞ ࡗ ࡏࡓࡅࡕࡀࡉ ࡅࡕࡅࡔࡁࡉࡄࡕࡀࡉ ࡀࡌࡀࡓ ࡏࡕࡀࡓࡉࡅࡍ ࡓࡀࡆࡀ ࡖࡀࡁࡀࡄࡀࡕࡇ ࡏࡕ ࡏࡕࡄࡀࡉࡀࡋ ࡏࡋ ࡓࡀࡆࡉࡀ ࡖࡁࡕࡀࡅࡌࡀ ࡔࡊࡉࡍ ࡅࡌࡎࡀࡊࡉࡋࡇ ࡋࡒࡉࡍࡀ ࡒࡀࡃࡌࡀࡉࡕࡀ ࡖࡁࡈࡀࡁࡀࡄࡀࡕࡀ ࡔࡊࡉࡍ࡞ ࡗ ࡏࡆࡉࡋ ࡁࡔࡋࡀࡌ ࡀࡌࡀࡓ ࡍࡄࡀ^ࡓ^ࡌ ࡓࡀࡆࡀ ࡖ^ࡀ^ࡁࡀ ࡅࡐࡀࡋࡉࡂ ࡍࡀࡐࡔࡉࡇ ^ࡌࡍ ࡓࡀࡆࡀ^ ࡖࡏࡌࡀ࡞ ࡗ ࡌࡀࡍࡀ ࡁࡂࡉࡍࡆࡀ ࡄࡀࡃࡉࡀ ࡀࡌࡀࡓ ࡄࡃࡀࡕ ࡍࡉࡔࡉࡌࡕࡀ ࡁࡂࡉࡍࡆࡉࡀ {ࡖࡌࡀ} ࡖࡌࡍ ࡀࡉࡀࡓ ࡔࡕࡀࡃࡀࡓࡋࡇ࡞ ࡅࡗ ࡈࡅࡁࡀࡊ ࡈࡅࡁࡀࡊ ࡍࡉࡔࡌࡀ ࡀࡌࡀࡓ ࡍࡉࡔࡉࡌࡕࡀ ࡄࡀࡃࡉࡀ ࡅࡀࡌࡓࡀ ࡈࡅࡁࡇ ࡋࡉࡅࡌࡀ ࡖࡌࡉࡍࡀࡊ ࡐࡀࡂࡓࡀ ࡎࡀࡓࡉࡀ ࡏࡐࡅࡒ ࡅࡗ ࡌࡔࡀࡋࡌࡀࡍࡀ ࡌࡍ ࡏࡅࡁࡀࡃࡉࡀ ࡎࡀࡉࡍࡉࡀ࡞ ࡅࡗ ࡄࡀࡁࡔࡀࡁࡀ ࡅࡊࡅࡔࡈࡀ ࡅࡆࡉࡃࡒࡀ ࡀࡌࡀࡓ ࡄࡀࡁࡔࡀࡁࡀ ࡋࡅࡀࡕࡇ ࡒࡀࡉࡉࡌ ࡅࡌࡁࡀࡓࡊࡉࡋࡇ ࡅࡀࡌࡀࡓࡋࡇ ࡀࡍࡀ ^ࡏࡕࡉࡀ ࡅࡍࡀࡈࡓࡀ ࡄࡁࡉࡋࡀࡊ ࡗ ࡖࡌࡍ ࡏࡁࡃࡀࡕࡀ ࡎࡀࡉࡍࡀ ࡏࡕࡐࡀࡓࡀࡒ࡞^࡞ ࡗ ࡆࡉࡃࡀࡍࡀ ࡅࡌࡆࡅࡃࡀࡍࡀ ࡀࡌࡀࡓ ࡍࡉࡔࡉࡌࡕࡀ ࡋࡓࡅࡄࡀ ࡀࡌࡓࡀ ࡄࡀࡆࡀࡉ ࡓࡅࡄࡀ ࡖࡆࡉࡃࡀࡍࡀ ࡅࡌࡆࡅࡃࡀࡍࡀ ࡁࡄࡀࡆࡉࡍ ࡈࡅࡍࡀ ࡃࡀࡊࡉࡕࡀ {{ࡅࡎ}} ࡅࡎࡉ{{ࡃࡉࡌࡀࡓࡕࡀ}}^ࡌࡀࡃࡓࡀ^ ࡔࡀࡍࡉࡀ࡞ ࡅࡗ ࡎࡋࡉࡒ ࡅࡀࡎࡒࡀࡍ ࡌࡉࡍࡇ ࡀࡌࡀࡓ ࡓࡅࡄࡀ ࡋࡍࡉࡔࡉࡌࡕࡀ ࡀࡌࡓࡀ ࡁࡄࡀࡉࡀࡊ ࡁࡄࡀࡉࡀࡊ ࡀࡍࡀࡕ ࡍࡉࡔࡉࡌࡕࡀ ࡗ ࡎࡋࡉࡒ ࡋࡁࡉࡕ ࡄࡉࡉࡀ ࡃࡅࡁࡓࡉࡍ ࡁࡉࡋࡅࡀࡉࡕࡉ{{ࡍ}}ࡊ ࡏࡅ ࡀࡍࡀ ࡓࡉࡃࡐࡀ ࡔࡉࡁࡒࡉࡕ ࡏࡋࡉࡊ ࡀࡍࡀࡕ ࡁࡈࡀࡁࡅ ࡏࡃࡊࡀࡓ ࡏࡋࡀࡉ ࡀࡌࡉࡍࡈࡅࡋ ࡖࡋࡀࡏࡃࡉࡕ ࡅࡋࡀ ࡏࡐࡉࡓࡔࡉࡕ ࡏࡋࡀࡊ {{ࡈࡀࡁ}} ࡈࡅࡁࡇ ࡋࡌࡀࡍ ࡖࡁࡍࡉࡄࡅࡕࡀ ࡌࡀࡎࡂࡉࡀ ࡊࡅࡋ ࡌࡀࡄࡅ ࡖࡁࡀࡉࡉࡀ ࡍࡀࡔࡊࡀ࡞ ࡅࡗ ࡉࡅࡌࡀ ࡖࡍࡀࡐࡉࡒ ࡍࡉࡔࡌࡀ ࡀࡌࡀࡓ ࡁࡓࡀࡁࡅࡕࡀ ࡓࡀࡌࡕࡀ ࡍࡉࡔࡉࡌࡕࡀ ࡉࡀࡕࡁࡀ࡞ {{ࡗ ࡉࡅࡌࡀ ࡖࡍࡀࡐࡉࡒ ࡍࡉࡔࡌࡀ࡞}} ࡗ ࡏࡕࡓࡉࡑࡕࡅࡍ ࡏࡕࡒࡀࡉࡀࡌࡕࡅࡍ ࡁࡄࡉࡓࡀࡉ ࡀࡌࡀࡓ ࡔࡉࡋࡌࡀࡉ ࡅࡍࡉࡃࡁࡀࡉ ࡋࡉࡀࡌࡉࡍࡇ ࡅࡋࡎࡌࡀࡋࡇ ࡒࡀࡉࡌࡉࡀ ࡅࡌࡁࡀࡓࡊࡉࡋࡇ ࡅࡀࡌࡓࡉࡋࡇ ࡊࡅࡋ ࡌࡀࡄࡅ ࡖࡁࡀࡉࡉࡕ ࡀࡍࡉࡍ ࡍࡉࡕࡉࡋࡀࡊ࡞ ࡗ ࡁࡉࡍࡕࡀ ࡖࡁࡉࡍࡉࡀ ࡄࡉࡉࡀ ࡀࡌࡀࡓ ࡄࡀࡍࡀࡕࡇ ^ࡔࡊࡉࡍࡕࡀ ࡌࡁࡀࡓࡉࡊࡋࡇ ࡅࡗ ࡔࡊࡉࡍࡉࡀ ࡄࡉࡉࡀ ࡔࡊࡉࡍࡕࡀ ࡀࡌࡀࡓ ࡃࡍࡀ ࡆࡉࡅࡀ ࡄࡀࡍࡀࡕࡇ^ ࡖࡃࡓࡀࡁࡔࡀ ࡗ ࡔࡀࡌࡁࡉࡁࡉࡀ ࡖࡆࡉࡅࡀ ࡖࡁࡄࡉࡁࡀࡓࡀ ࡃࡍࡀ ࡅࡋࡉࡀࡓࡃࡍࡀ ࡌࡒࡀࡓࡉࡋࡇ ࡅࡀࡌࡀࡓࡋࡇ ࡀࡍࡀࡕ ࡉࡀࡓࡃࡍࡀ ࡋࡀࡕࡀࡎࡂࡉࡀ ࡖ ࡀࡕࡉࡍࡀ ࡁࡂࡀࡅࡀࡊ ࡌࡉࡕࡊࡀࡓࡀࡊࡍࡀ࡞ ࡅࡗ ࡊࡁࡉࡔ ࡄࡔࡅࡊࡀ ࡀࡌࡀࡓ ࡀࡓࡒࡀ ࡍࡀࡉࡃࡀ ࡌࡍ ࡎࡀࡃࡀࡍࡀ ࡅࡍࡀࡑࡓࡀ ࡗ ࡄࡀ࡞ࡀ ࡅࡍࡀࡐࡋࡀ ࡏࡋ ࡏࡅࡓ ࡌࡀࡓࡉࡀ ࡖࡁࡀࡉࡕࡀ ࡅࡍࡀࡄࡉࡌ ࡗ ࡉࡀࡅࡍࡀ ࡅࡗ ࡂࡀࡂࡅࡕࡀ ࡖࡁࡏࡋࡀࡍࡀ ࡉࡀࡕࡁࡀ࡞ ࡗ ࡓࡀࡌࡉࡋࡇ ࡅࡀࡌࡓࡉࡍ ࡞ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡕࡀࡍࡄࡀࡓࡁࡅࡍ ࡁࡌࡀࡌࡋࡀࡋࡀࡊ ࡃࡀࡊࡉࡀ ࡅࡕࡉࡕࡉࡀࡒࡀࡓ ࡁࡆࡉࡅࡀࡊ ࡏࡋ ࡀࡋࡌࡉࡀ ࡀࡁࡅࡍ ࡕࡉࡍࡄࡀࡓࡁࡅࡍ ࡃࡀࡊࡉࡀ ࡅࡍࡉࡕࡂࡀࡃࡀࡋ ࡔࡀࡓࡔࡀࡊ ࡅࡍࡉࡎࡀࡒ ࡋࡓࡉࡔ࡞ ࡄࡀࡉࡆࡀࡊ ࡄࡀࡍࡀࡕࡇ ࡏࡃࡀࡍࡀ ࡏࡕࡀࡓࡀࡁ ࡄࡅ ࡅࡓࡁࡇ ࡁࡄࡀࡋࡉࡍ ࡕࡓࡉࡍ ࡀࡂࡉࡀ ࡖ ࡀࡎࡀ ࡖࡁࡀࡉࡉࡍ ࡌࡉࡂࡃࡀࡋ ࡁࡌࡀࡑࡁࡅࡕࡀ࡞ ࡗ ࡄࡀࡍࡀࡕࡇ ࡎࡀࡄࡃࡉࡀ ࡏࡍࡉࡀࡍࡀ ࡓࡀࡌࡉࡍ ࡅࡀࡌࡓࡉࡍ࡞ {{ࡁࡔ}} ࡅ{{ࡌࡀ}} ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡄࡃࡅࡍ ࡓࡁࡉࡀ ࡄࡃࡅࡍ {{ࡖࡊࡁࡀ}} ࡖࡎࡊࡀࡋࡇ ࡉࡀࡅࡀࡓ ࡁࡃࡓࡀࡁࡔࡉࡀ ࡖࡆࡉࡅࡀ ࡅࡐࡀࡎࡉࡌࡊࡉࡀ ࡖࡍࡄࡅࡓࡀ ࡄࡃࡅࡍ ࡖࡊࡁࡀࡔࡍࡀ ࡋࡄࡔࡅࡊࡀ ࡅࡁࡀࡈࡉࡋࡍࡉࡀ ࡋࡒࡀࡋࡀ ࡌࡀࡓࡃࡀ ࡄࡉࡍ ࡀࡁࡀࡃࡍࡉࡍ ࡅࡏࡎࡕࡀࡃࡓࡀࡕ ࡄࡉࡍࡉࡋࡀ ࡀࡍࡀࡕࡅࡍ ࡎࡃࡉࡓࡉࡀ ࡎࡉࡃࡓࡅࡉࡀ࡞ ࡄࡉࡁࡉࡋ ࡆࡉࡅࡀ ࡈࡀࡋࡉࡀ ࡋࡒࡅࡃࡀࡌࡀࡉࡄࡅࡍ ࡒࡀࡉࡉࡌ࡞ ࡅࡗ ࡏࡍࡉࡀࡍࡀ ࡓࡀࡌࡅࡉࡍ ࡅࡀࡌࡓࡉࡍ࡞ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡀࡁࡅࡍ ࡍࡀࡅࡓࡀ ࡀࡍࡀࡕ ࡃࡀࡊࡉࡀ ࡌࡀࡍࡄࡉࡓࡀࡍࡀ ࡄࡀࡅࡉࡕ ࡁࡊࡅࡋࡄࡅࡍ ࡀࡋࡌࡉࡀ ࡀࡍࡀࡕ ࡀࡁࡅࡍ ࡄࡃࡀ ࡅࡄࡃࡉࡁࡇ ࡁࡊࡅࡋࡇ ࡌࡀࡋࡊࡅࡕࡀࡊ ࡀࡍࡀࡕ ࡀࡁࡅࡍ ࡖࡀࡍࡉࡍ ࡁࡂࡀࡅࡀࡊ ࡍࡀࡄࡓࡉࡍࡉࡍ ࡅࡓࡀࡅࡆࡉࡍࡉࡍ ࡅࡍࡀࡄࡓࡉࡀ ࡅࡓࡀࡅࡆࡉࡀ ࡏࡅࡕࡓࡉࡀ ࡌࡀࡋࡊࡉࡀ ࡁࡄࡀࡆࡉࡍ ࡔࡊࡉࡍࡕࡀ ࡉࡀࡕࡁࡉࡀ ࡌࡍ ࡓࡉࡔ ࡁࡓࡉࡔ࡞ ࡄࡃࡅࡍ ࡊࡅࡋࡄࡅࡍ ࡓࡀࡅࡆࡉࡀ ࡅࡎࡉࡂࡅࡃࡕࡀ ࡋࡍࡉࡔࡉࡌࡕࡀ ࡉࡀࡄࡁࡉࡀ࡞ ࡗ ࡒࡀࡌ ࡅࡏࡕࡊࡀࡓࡀࡊ ࡁࡂࡀࡅࡀࡉࡄࡅࡍ ࡅࡍࡔࡀࡒࡉࡍࡅࡍ ࡋࡓࡉࡔࡀࡉࡄࡅࡍ ࡋࡄࡀࡋࡉࡍ ࡀࡓࡁࡀ ࡓࡀࡆࡉࡀ ࡖࡔࡓࡉࡍ ࡁࡀࡓࡁࡉࡀ ࡊࡀࡎࡉࡀ ࡖ ࡌࡅࡒࡓࡀ ࡍࡉࡄࡅࡍ ࡏࡋ ࡃࡅࡊࡕࡀࡉࡄࡅࡍ ࡗ ࡏࡍࡉࡀࡍࡀ ࡓࡀࡌࡉࡋࡇ ࡓࡁࡀ ࡅࡀࡌࡀࡓ࡞ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡌࡍ ࡉࡅࡌࡀ ࡖࡀࡎࡀ ࡐࡓࡀࡔ ࡌࡍ ࡀࡉࡍࡀ ࡅࡌࡉࡀ ࡁࡆࡉࡅࡀ ࡌࡉࡕࡂࡀࡃࡀࡋ ࡍࡈࡀࡓ {{ࡅࡏࡕࡀࡐࡔ}} ࡅࡏࡕࡀࡐࡓࡀࡔ ࡅࡀࡉࡀࡓ ࡌࡍ ࡍࡄࡅࡓࡀ ࡐࡓࡀࡔ ࡌࡀࡋࡊࡀ ࡍࡎࡉࡁ ࡀࡎࡀ ࡁࡅࡊࡓࡀ ࡌࡍ ࡏࡃࡀ ࡖࡌࡀࡋࡊࡀ ࡄࡀࡃࡕࡀ ࡖࡂࡉࡍࡆࡀ ࡔࡀࡍࡉࡀ ࡎࡁࡀࡓ ࡂࡃࡀࡋࡇ ࡊࡋࡉࡋࡀ ࡋࡉࡀࡓࡃࡍࡀ ࡆࡀࡊࡅࡕࡀ ࡏࡄࡀࡁࡋࡇ ࡌࡀࡋࡊࡀ ࡕࡀࡒࡅࡍ {{ࡁࡀࡎࡅࡕࡀ}} ࡁࡀࡎࡀ ࡅࡉࡀࡓࡃࡍࡀ ࡁࡌࡀࡋࡊࡀ ࡌࡉࡕࡊࡀࡓࡀࡊ ࡌࡉࡕࡂࡀࡃࡋࡉࡍ ࡁࡉࡄࡃࡀࡃࡉࡀ ࡅࡎࡀࡋࡒࡉࡀ ࡅࡄࡀࡆࡉࡋࡇ ࡋࡀࡕࡀࡓ ࡍࡄࡅࡓ࡞ ࡏࡕࡀࡓ ࡉࡀࡓࡃࡍࡀ ࡎࡉࡍࡃࡉࡓࡉࡀࡅࡉࡎ ࡌࡉࡕࡀࡐࡀࡊ ࡁࡉࡀࡓࡃࡍࡀ ࡗ ࡊࡋࡀࡅࡀࡕࡀ ࡖࡌࡉࡀ࡞ ࡗ {{ࡂࡀ}} ࡂࡃࡀࡋ ࡊࡋࡉࡋࡇ ࡋࡍࡀࡐࡔࡉࡇ ࡅࡊࡋࡉࡋࡀ ࡋࡀࡔࡅࡀࡋࡉࡀ ࡏࡕࡀࡓࡉࡅࡍ ࡓࡀࡆࡉࡀ ࡖࡔࡊࡉࡁࡉࡀ ࡁࡂࡅࡋࡅࡑࡈࡌࡀ ࡂࡀࡅࡀࡉࡀ ࡖࡋࡉࡁࡀ ࡞ ࡗ ࡒࡀࡌ ࡏࡋ ࡋࡉࡂࡓࡇ ࡅࡐࡀࡒࡀࡃࡕࡀ ࡏ[ࡕ]ࡀࡁࡋࡉࡀ ࡖࡍࡀ^ࡒ^ࡅࡓࡅࡍ ࡀࡕࡍࡅࡍ ࡏࡃࡀࡉࡄࡅࡍ ࡏࡋ ࡓࡉࡔࡀࡉࡄࡅࡍ ࡅࡀࡌࡀࡓ ࡊࡅࡔࡈࡀ ࡀࡎࡉࡀࡊ ࡊࡅࡔࡈࡀ ࡀࡎࡉࡀࡊ ࡄࡅࡍ ࡓࡁࡀ ࡔࡒࡀࡋ ࡕࡀࡂࡀ ࡌࡍ ࡓࡉࡔࡉࡀ ࡄࡃࡀࡓ ࡅࡕࡓࡀࡑ ࡕࡉࡍࡉࡀࡍࡀ࡞ ࡄࡀࡍࡀࡕࡇ ࡏࡃࡀࡍࡀ ࡏࡕࡀࡓࡀࡁࡉࡅࡍ ࡁࡉࡄࡃࡀࡃࡉࡀ ࡀࡔࡅࡀࡋࡉࡀ ࡖࡁࡀࡉࡉࡍ ࡕࡀࡂࡀ ࡁࡀࡄࡓࡉࡋࡇ ࡁࡔࡅࡁࡀ ࡌࡀࡋࡊࡉࡀ ࡖࡌࡅࡌࡀ ࡁࡂࡀࡅࡀࡉࡄࡅࡍ ࡋࡀࡍࡉࡄࡅࡉࡀ࡞ ࡗ ࡕࡓࡀࡑࡉࡅࡍ ࡁࡕࡋࡀࡕ ࡁࡀࡅࡀࡕࡀ ࡅࡄࡉࡉࡀ ࡒࡉࡓࡉࡅࡉࡀ ࡅࡍࡄࡅࡓ ࡍࡄࡅࡓࡀ ࡅࡌࡀࡍࡃࡀ ࡒࡓࡀࡍ ࡄࡀࡋࡉࡍ ࡕࡋࡀࡕ ࡁࡀࡅࡀࡕࡀ ࡕࡋࡀࡕࡀ ࡔࡅࡓࡉࡀ ࡖࡃࡌࡀࡎࡀ ࡃࡀࡊࡉࡀ ࡏࡕࡀࡄࡃࡀࡓ ࡏࡋ ࡃࡉࡋࡊࡅࡍ ࡅࡋࡀࡔࡅࡀࡋࡉࡀ࡞ ࡅࡗ ࡏࡋ ࡊࡀࡓࡎࡀࡅࡀࡕࡀ ࡏࡕࡉࡀࡕࡀࡓࡉࡅࡍ ࡊࡅࡋ ࡌࡉࡍࡃࡀࡌ ࡍࡄࡀ ࡋࡃࡅࡊࡕࡇ࡞ ࡗ ࡓࡁࡀ ࡀࡕࡉࡀ ࡋࡔࡊࡉࡍࡕࡀ ࡅࡀࡎࡅࡕࡀ ࡒࡀࡓࡉࡀ ࡄࡀࡅࡒࡀ ࡌࡍ ࡋࡅࡀࡕࡀࡉࡊࡅࡍ ࡏࡔࡕࡁࡉࡒ ࡏࡋࡇ࡞ ࡗ ࡀࡌࡀࡓ {{ࡁࡐࡀࡓࡌࡀ}} ࡁࡐࡅࡓࡌࡀࡍࡀࡉࡊࡅࡍ ࡉࡀࡌࡀࡋࡊࡉࡀ ࡓࡅࡓࡁࡉࡀ ࡅࡃࡉࡓࡃࡉࡒࡉࡀ ࡏࡐࡀࡒࡅࡃࡉࡀ ࡏࡐࡀࡓࡅࡉࡉࡀ ࡉࡀࡓࡃࡍࡀ ࡅࡏࡑࡉࡁࡇ ࡋࡄࡀࡆࡉࡍ ࡀࡔࡅࡀࡋࡉࡀ ࡅࡊࡁࡉࡔ ࡒࡅࡌࡕࡇ ࡒࡅࡃࡀࡌࡀࡉࡊࡅࡍ ࡊࡅࡋࡄࡅࡍ ࡄࡀࡈࡀࡉࡉࡀ ࡖࡄࡈࡀ ࡄࡅ ࡅࡀࡔࡅࡀࡋࡇ ࡏࡍࡕࡀࡓࡉࡅࡍ ࡗ ࡔࡀࡄࡐࡉࡀ ࡖࡏࡋࡀࡍࡉࡀ ࡅࡗ ࡕࡋࡀࡕ ࡆࡉࡁࡍࡉࡀ ࡀࡌࡀࡓ ࡅࡀࡍࡀࡕࡅࡍ ࡕࡉࡌࡓࡅࡍ ࡏࡆࡉࡋ ࡎࡀࡃࡀࡓ ࡔࡁࡀࡒࡋࡀࡊ ࡌࡀࡍࡃࡀ ࡖࡄࡉࡉࡀ ࡄࡀࡈࡀࡉࡀࡊ ࡞ ࡗ ࡀࡌࡀࡓ ࡉࡀࡔࡁࡀࡒࡋࡅࡍ ࡌࡀࡍࡃࡀ ࡖࡄࡉࡉࡀ ࡄࡀࡈࡀࡉࡅࡍ ࡒࡅࡌ ࡋࡅࡀࡕࡀࡉ ࡋࡊࡉࡐࡇ ࡖࡀࡁ ࡀࡁࡅࡄࡀࡍ ࡉࡀࡓࡃࡍࡀ ࡖࡌࡉࡀ ࡄࡉࡉࡀ ࡄࡉࡍࡅࡍ ࡀࡌࡀࡓ ࡁࡐࡀࡒࡀࡃࡕࡀࡊ ࡃࡉࡋࡀࡊ ࡊࡅࡋ ࡌࡉࡍࡃࡀࡌ ࡄࡀࡅࡉࡀ࡞ ࡄࡀࡉࡆࡀࡊ ࡒࡀࡌ ࡀࡎࡂࡅࡍ ࡋࡊࡉࡐࡇ ࡖࡉࡀࡓࡃࡍࡀ ࡗ ࡃࡓࡀࡁࡔࡀ ࡒࡅࡃࡀࡌࡀࡉࡄࡅࡍ ࡄࡅࡀ ࡄࡀࡍࡀࡕࡇ ࡖࡒࡀࡓࡉࡀ ࡔࡅࡕࡀ ࡒࡅࡃࡀࡌࡇ ࡄࡅࡀ ࡅࡗ ࡀࡔࡅࡀࡋࡉࡀ ࡎࡉࡃࡓࡀ ࡁࡔࡅࡁࡀ ࡓࡀࡆࡉࡀ ࡌࡉࡕࡋࡀࡁࡀࡔ ࡁࡓࡀࡆࡉࡀ ࡕࡔࡀࡉࡀࡉࡀ ࡅࡕࡓࡉࡎࡀࡓࡀࡉࡀ ࡖࡓࡀࡆࡉࡀ ࡌࡎࡀࡊࡉࡋࡅࡍ ࡅࡗ ࡏࡄࡀࡁࡋࡇ ࡌࡀࡓࡂࡍࡀ ࡅࡊࡋࡉࡋࡀ ࡅࡏࡎࡉࡒࡕࡀ ࡀࡁࡀࡕࡀࡓ ࡕࡀࡂࡀ ࡄࡅ ࡋࡀࡍࡉࡔࡕࡀࡋࡀࡈ ࡏࡋࡀࡅࡀࡉࡄࡅࡍ ࡋࡁࡀࡓ ࡌࡍ ࡊࡋࡉࡋࡀ ࡖࡁࡀࡉࡉࡀ ࡌࡉࡕࡋࡀࡁࡀࡔ ࡁࡂࡀࡅࡇ ࡀࡌࡉࡍࡈࡅࡋ ࡖࡀࡊࡀࡍࡃࡉࡕ ࡋࡀࡍࡐࡀࡒ ࡌࡍ ࡓࡀࡆࡀ ࡖࡌࡀࡍࡃࡀࡉࡅࡕࡀ ࡄࡀࡕࡌࡀ ࡋࡐࡅࡌࡇ ࡍࡉࡄࡅࡉࡀ࡞ ࡗ ࡊࡉࡍࡕࡀ ࡋࡒࡅࡃࡀࡌࡇ ࡕࡀࡓࡉࡑ ࡅࡁࡉࡕ ࡓࡉࡄࡀ ࡒࡅࡃࡀࡌࡇ ࡒࡀࡌ ࡕࡓࡉࡑ ࡅࡗ ࡆࡅࡐࡉࡀ ࡌࡍ ࡎࡉࡍࡃࡉࡓࡊࡉࡀ ࡅࡍࡅࡓࡀ ࡄࡀࡃࡕࡉࡀ ࡄࡀࡁࡔࡀࡁࡀ ࡒࡅࡃࡀࡌࡇ ࡒࡀࡌ ࡞ ࡗ ࡀࡎࡀ ࡀࡎࡀ ࡂࡃࡀࡋ ࡊࡋࡉࡋࡀ ࡋࡉࡀࡓࡃࡍࡀ࡞ ࡉࡀࡓࡃࡍࡀ ࡅࡕࡓࡉࡍ ࡊࡉࡐࡇ ࡌࡁࡀࡓࡊࡉࡋࡇ ࡞ ࡗ ࡏࡅࡍࡉࡀࡍ ࡀࡁ ࡏࡅࡍࡉࡀࡍ ࡓࡁࡀ ࡀࡌࡀࡓ ࡄࡉࡁࡉࡋ ࡆࡉࡅࡀ ࡋࡉࡀࡌࡉࡍࡇ ࡒࡀࡌ ࡞ ࡗ ࡏࡅࡍࡉࡀࡍ ࡀࡁ ࡏࡅࡍࡉࡀࡍ ࡆࡉࡅࡈࡀ ࡀࡌࡀࡓ {{ࡔࡋࡀࡌ}} ࡔࡅࡔࡋࡀࡌ ࡓࡁࡀ ࡒࡅࡃࡀࡌࡇ ࡉࡀࡕࡉࡁ࡞ ࡗ ࡀࡌࡀࡓ ࡁࡄࡀࡉࡋࡇ ࡖࡀࡁ ࡉࡀࡅࡀࡓ ࡋࡉࡀࡓࡃࡍࡀ ࡀࡎࡂࡉࡕ ࡉࡀࡅࡀࡓ ࡕࡀࡅࡓࡏࡉࡋ ࡖࡄࡅ ^ࡉࡀࡓࡃࡍࡀ^࡞ {{ࡗ ࡀࡌࡀࡓ}} ࡔࡅࡌࡇ ࡒࡀࡓࡉࡋࡇ ࡅࡋࡌࡉࡌࡓࡀ ࡌࡒࡀࡁࡉࡋࡇ ࡞ ࡗ ࡁࡄࡀࡉࡋࡇ ࡖࡌࡀࡍࡃࡀ ࡖࡄࡉࡉࡀ ࡊࡋࡉࡋࡀ lࡏࡅࡕࡓࡉࡀ ࡕࡓࡉࡑ ࡏࡔࡀࡕࡀ ࡄࡀࡉࡕࡀ ࡁࡉࡀࡓࡃࡍࡀ ࡏࡋ ࡀࡔࡅࡀࡋࡉࡀ ࡏࡑࡈࡀࡓࡀࡓࡋࡇ࡞ ࡗ ࡀࡌࡀࡓ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡍࡅࡊࡓࡀࡉࡉࡀ ࡌࡍ ࡀࡋࡌࡉࡀ {{ࡌࡍ}} ࡖࡍࡄࡅࡓࡀ ࡉࡀࡕࡉࡓࡉࡀ ࡖࡏࡋࡀࡅࡉࡀ ࡅࡊࡅࡋࡄࡅࡍ ࡏࡅࡁࡀࡃࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡄࡀࡉࡋࡀ ࡅࡔࡓࡀࡓࡀ ࡏࡌࡓࡀ ࡅࡔࡉࡌࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡌࡄࡀࡕࡀࡌ ࡉࡅࡄࡀࡍࡀ ࡁࡓ ࡄࡀࡅࡀ ࡅࡋࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍ ࡖࡍࡄࡉࡕ ࡋࡉࡀࡓࡃࡍࡀ ࡅࡌࡉࡑࡈࡁࡀ ࡌࡒࡀࡁࡉࡋ ࡃࡀࡊࡉࡀ ࡓࡅࡔࡅࡌࡀ ࡁࡔࡅࡌࡀ ࡖࡄࡉࡉࡀ ࡅࡁࡔࡅࡌࡇ ࡖࡌࡀࡍࡃࡀ ࡖࡄࡉࡉࡀ ࡅࡁࡔࡅࡌࡇ ࡖ ࡄࡀࡄࡅ ࡂࡀࡁࡓࡀ ࡒࡀࡃࡌࡀࡉࡀ ࡅࡕࡀࡂࡀ ࡕࡀࡓࡉࡑ ࡀࡉࡍࡇ ࡖࡍࡈࡉࡓ ࡌࡍ ࡕࡀࡂࡀ ࡖࡔࡅࡔࡋࡀࡌ ࡓࡁࡀ ࡏࡋࡇ ࡏࡕࡓࡉࡑࡀࡕ࡞ ࡗ ࡄࡉࡉࡀ ࡒࡉࡓࡉࡅࡉࡀ ࡋࡉࡀࡅࡀࡓ ࡆࡉࡅࡀ ࡅࡍࡄࡅࡓ ࡍࡄࡅࡓࡀ ࡅࡌࡀࡍࡃࡀ ࡒࡓࡀࡍ ࡒࡀࡓࡉࡀ ࡋࡕࡀࡂࡀ ࡅࡊࡋࡉࡋࡀ ࡕࡀࡓࡉࡑ ࡀࡓࡁࡀ ࡓࡀࡆࡉࡀ ࡖࡄࡉࡍࡅࡍ ࡆࡌࡀ ࡅࡌࡉࡓࡕࡀ ࡅࡁࡀࡋࡂࡀࡌ ࡅࡆࡉࡒࡀ ࡄࡉࡍࡅࡍ ࡏࡕࡉࡊࡁࡉࡔࡉࡅࡍ ࡌࡉࡍࡇ ࡕࡀࡂࡀ ࡋࡍࡉࡔࡉࡌࡕࡀ ࡕࡓࡀࡑࡋࡇ ࡅࡌࡀࡋࡊࡅࡕࡀ ࡏࡄࡀࡁࡋࡇ ࡗ ࡄࡀࡉࡀࡋ ࡊࡁࡀࡓ ࡓࡀࡆࡀ ࡓࡁࡀ ࡒࡀࡓࡉࡕ ࡅࡌࡀࡊࡓࡉࡊࡉࡕ ࡐࡀࡍࡃࡀࡌࡀ ࡓࡀࡆ ࡌࡀࡆࡓࡅࡕࡀ ࡁࡄࡀࡍࡀࡕࡅࡍ ࡀࡓࡁࡀ ࡓࡀࡆࡉࡀ ࡏࡕࡀࡓࡀࡁ ࡁࡄࡀࡕࡌࡀ ࡖࡀࡁࡀ ࡄࡕࡉࡌ࡞ ࡅࡗ ࡓࡉࡄࡀ ࡖࡁࡀࡎࡉࡌ ࡄࡀࡋ ࡄࡉࡉࡀ ࡒࡀࡃࡌࡀࡉࡉࡀ ࡒࡀࡓࡉࡕ ࡏࡋ ࡓࡉࡄࡀ ࡅࡎࡉࡍࡃࡉࡓࡅࡎ ࡅࡓࡀࡌࡉࡕ ࡏࡋ ࡍࡅࡓࡀ ࡌࡉࡀ ࡅࡀࡉࡀࡓ ࡊࡅࡔࡈࡀ ࡌࡍ ࡄࡃࡀࡃࡉࡀ ࡐࡀࡔࡈࡉࡀ ࡅࡐࡀࡓࡅࡀࡍࡒࡀ ࡋࡅࡀࡕ ࡓࡀࡆࡉࡀ ࡌࡀࡎࡂࡉࡀ࡞ ࡅࡗ ࡀࡎࡅࡕࡀ ࡅࡆࡀࡊࡅࡕࡀ ࡁࡓࡉࡔ ࡀࡅࡃࡉࡍ ࡀࡌࡀࡓ ࡂࡀࡓࡂࡋࡀ ࡏࡋࡀࡉࡀ ࡏࡋ ࡂࡀࡓࡂࡉࡋࡉࡀ ࡊࡅࡋࡄࡅࡍ ࡀࡍࡃࡉࡍࡅࡍ࡞ ࡗ ࡕࡅࡔࡁࡉࡄࡀࡍ ࡋࡄࡉࡉࡀ ࡀࡌࡀࡓ ࡀࡓࡒࡀ ࡐࡕ ࡉࡅࡍࡀ ࡄࡀࡃࡉࡀ ࡀࡕࡅࡕࡉࡀ ࡋࡉࡂࡓࡀ ࡖࡕࡀࡓࡌࡉࡃࡉࡀ࡞ ࡊࡃ ࡏࡋࡊࡅࡍ ࡃࡉࡋࡊࡅࡍ ࡒࡀࡓࡉࡕ ࡀࡋࡌࡀ ࡖࡍࡄࡅࡓࡀ ࡊࡅࡋࡄࡅࡍ ࡏࡃࡀ ࡉࡀࡄࡁࡉࡋࡀࡊ ࡞ ࡗ ࡁࡉࡕ ࡌࡉࡔࡒࡀࡋ ࡀࡉࡍࡉࡀ ࡊࡀࡃࡐࡉࡀ ࡅࡀࡃࡓࡀࡉࡉࡀ ࡀࡌࡓࡀࡕ ࡆࡄࡀࡓࡀ ࡌࡍ ࡆࡉࡅࡀࡊ ࡕࡉࡀࡋࡁࡉࡔࡉࡀ ࡅࡌࡍ ࡍࡄࡅࡓࡀࡊ ࡕࡉࡊࡉࡎࡉࡉࡀ ࡌࡍ ࡊࡋࡉࡋࡀࡊ ࡓࡀࡅࡆࡀ ࡕࡉࡕࡓࡉࡑࡋࡇ ࡁࡓࡉࡔࡉࡇ ࡅࡏࡋ ࡌࡀࡎࡉࡒࡕࡀ ࡅࡏࡍࡂࡀࡓࡕࡀ ࡅࡃࡅࡊࡓࡀࡍࡉࡀ ࡁࡀࡉࡉࡍࡀ ࡖࡕࡀࡂࡀ ࡖࡀࡔࡅࡀࡋࡉࡀ ࡅࡏࡑࡈࡀࡓࡀࡓ ࡖࡌࡉࡍࡀࡉࡄࡅࡍ ࡍࡀࡎࡁࡇ ࡁࡂࡉࡍࡆࡉࡀ ࡌࡉࡕࡐࡀࡋࡂࡀ࡞ ࡗ ࡌࡍ ࡆࡉࡅࡀࡊ ࡕࡉࡀࡋࡁࡉࡔࡉࡀ ࡅࡌࡍ ࡍࡄࡅࡓࡀࡊ ࡕࡉࡊࡉࡎࡉࡉࡀ ࡅࡌࡍ ࡊࡋࡉࡋࡀࡊ ࡓࡀࡅࡆࡉࡀ ࡕࡉࡕࡓࡉࡑࡋࡇ ࡁࡓࡉࡔࡉࡇ ࡋࡀࡌࡓࡉࡕ ࡌࡀࡋࡊࡅࡕࡀ ࡆࡓࡉࡆࡕࡀ ࡁࡓࡉࡔࡀ ࡋࡀࡕࡀࡓࡅࡑࡉࡕ ࡄࡅ ࡌࡉࡍࡃࡀࡌ ࡋࡉࡕࡋࡇ ࡖࡍࡉࡐࡀࡋࡀࡂ࡞ ࡗ ࡀࡎࡅࡕࡀ ࡖࡄࡉࡉࡀ ࡀࡌࡓࡉࡕ ^ࡏࡕࡀࡎࡉࡀࡕ ࡌࡍ ࡌࡄࡉࡕࡀ ࡊࡅࡋࡄࡅࡍ ࡗ ࡆࡄࡀࡓࡀ ࡖࡌࡉࡔࡒࡀࡋ ࡀࡉࡍࡇ ࡀࡌࡀࡓࡕ^ ࡍࡉࡔࡉࡌࡕࡀ ࡁࡓࡅࡄࡀ ࡏࡕࡋࡀࡁࡔࡀࡕ࡞ ࡅࡗ ࡁࡉࡅࡌࡀ ࡖࡉࡀࡓࡃࡍࡀ ࡀࡌࡓࡉࡕ ࡏࡅࡕࡓࡉࡀ ࡖࡍࡄࡅࡓࡀ ࡃࡓࡀࡁࡔࡉࡀ ࡍࡂࡀࡃࡋࡊࡅࡍ࡞ ࡗ ࡎࡉࡂࡃࡉࡕ ࡅࡔࡀࡁࡀࡕࡇ ࡋࡄࡀࡊ ࡉࡀࡅࡀࡓ ࡆࡉࡅࡀ ࡀࡌࡓࡉࡕ ࡁࡉࡕ ࡁࡅࡕࡀ ࡌࡍ ࡄࡉࡉࡀ ࡒࡀࡃࡌࡀࡉࡉࡀ ^ࡅࡀࡔࡊࡉࡕ^ ࡌࡍ ࡒࡅࡃࡀࡌࡀࡉࡄࡅࡍ ࡖࡄࡉࡉࡀ ࡓࡅࡓࡁࡉࡀ ࡍࡅࡊࡓࡀࡉࡉࡀ ࡄࡉࡉࡀ ࡒࡀࡃࡌࡀࡉࡉࡀ ࡄࡀࡍࡉࡊ ࡋࡁࡅࡔࡉࡇ ࡖࡋࡁࡉࡔ ࡀࡔࡉࡅࡀࡋࡉࡀ ࡄࡉࡍࡅࡍ࡞ ࡅࡀࡔࡊࡉࡕ ࡌࡍ ࡒࡅࡃࡀ^ࡌࡀ^ࡉࡄࡅࡍ ࡖࡄࡉࡉࡀ ࡓࡅࡓࡁࡉࡀ ࡍࡅࡊࡓࡀࡉࡉࡀ ࡄࡀࡍࡀࡕࡅࡍ ࡋࡁࡅࡔࡉࡀ ࡖࡁࡀࡉࡉࡀ ࡀࡁࡉࡄࡃࡉࡀ ࡕࡀࡂࡀ ࡍࡉࡋࡁࡀࡔ ࡄࡉࡍࡅࡍ࡞ ࡗ ࡀࡍࡀ ࡄࡅ ࡉࡅࡓ ࡁࡓ ࡁࡀࡓࡉࡕ ࡀࡌࡓࡉࡕ ࡊࡀࡍࡆࡀࡋࡉࡀ ࡂࡀࡈࡓࡉࡕ ࡋࡁࡉࡍࡉࡀࡍࡀ ࡊࡅࡋࡇ ࡋࡅࡀࡕ ࡄࡃࡀࡃࡉࡀ ࡒࡀࡓࡉࡁࡕࡀ࡞ ࡅࡗ ࡌࡀࡍࡀࡊ ࡌࡄࡀࡋࡆࡉࡕ ࡅࡋࡉࡀࡌࡉࡍࡀࡊ ࡅࡋࡎࡌࡀࡋࡀࡊ ࡅࡋࡒࡅࡃࡀࡌࡀࡊ ࡋࡉࡀࡓࡃࡍࡀ ࡆࡀࡌࡀࡍࡕࡇ࡞ ࡗ ࡋࡉࡀࡓࡃࡍࡀ ࡀࡎࡂࡉࡕ ࡀࡌࡓࡉࡕ ࡅࡀࡌࡀࡓࡉࡕ ࡐࡓࡀࡋࡉࡀ ࡄࡀࡍࡃࡀࡌࡉࡀ ࡒࡅࡌࡀࡕ ࡅࡏࡄࡅࡕ ࡅࡍࡄࡅࡕ ࡋࡉࡀࡓࡃࡍࡀ ࡉࡀࡓࡃࡍࡀ ࡏࡃࡇ ࡐࡀࡔࡉࡈࡋࡀࡊ ࡅࡌࡁࡀࡓࡊࡉࡋࡀࡊ࡞ ࡗ ࡁࡔࡅࡌࡇ ࡖࡉࡅࡎࡌࡉࡓ ࡀࡌࡓࡉࡕ ࡅࡊࡀࡎࡉࡀࡕࡋࡇ ࡋࡌࡀࡓࡂࡍࡀࡊ ࡁࡉࡀࡓࡃࡍࡀ ࡅࡔࡀࡓࡅࡀࡋࡀࡊ ^ࡅࡀࡍࡄࡉࡓࡕࡀ ࡁࡉࡀࡓࡃࡍࡀ ࡅࡋࡔࡅࡓࡀ ࡖࡉࡀࡓࡃࡍࡀ ࡍࡄࡉࡕ ࡅࡊࡎࡉࡀ ࡓࡀࡆࡉࡀ ࡏࡋࡀࡉࡉࡀ ࡅࡀࡍࡄࡉࡓࡕࡀ^࡞ ࡗ ࡏࡎࡉࡓ ࡉࡀࡌࡀ ࡅࡂࡉࡌࡓࡀ ࡀࡍࡀ ࡂࡌࡉࡓࡀ ࡅࡏࡆࡄࡀ ࡅࡏࡕࡀࡆࡄࡀ ࡀࡌࡓࡉࡕ ࡕࡋࡀࡕࡀ ࡔࡅࡓࡉࡀ ࡖࡐࡀࡓࡆࡋࡀ ࡖࡀࡌࡀࡓࡕࡋࡇ ࡄࡉࡍࡅࡍ ࡄࡀࡃ ࡌࡉࡍࡀࡉࡅࡍ ࡌࡀࡓࡂࡍࡀ ࡄ ࡄࡅࡓࡉࡍࡀ ࡊࡋࡉࡋࡀ ࡖࡁࡂࡀࡅࡇ ࡅࡕࡋࡀࡕࡀࡉࡉࡀ ࡔࡀࡓࡅࡀࡋࡀ ࡖࡋࡉࡀࡓࡃࡍࡀ ࡀࡋࡁࡉࡔࡕࡇ ࡊࡅࡋࡄࡅࡍ ࡏࡅࡑࡈࡋࡉࡀ ࡋࡅࡀࡕࡀࡊ ࡉࡀࡓࡃࡍࡀ ࡅࡋࡀࡒ^ࡀࡓ^ࡁࡉࡀ ࡅࡋࡀ^ࡌࡉ^ࡕࡊࡀ^ࡓࡀ^ࡊࡁࡇ ࡋࡁࡀࡓ ࡌࡀࡍ ࡌࡍ ࡔࡀࡓࡅࡀࡋࡇ ࡖࡄࡅ ࡀࡉࡍࡀ ࡖࡉࡀࡓࡃࡍࡀ {{ࡖࡉࡀࡓࡃࡍࡀ}} ࡌࡉࡍࡇ ࡐࡉࡓࡔࡀࡕ࡞ ࡗ ࡂࡉࡌࡓࡀ ࡀࡍࡀ ࡂࡌࡉࡓࡀ ࡒࡀࡓࡉࡕ ࡅࡀࡌࡓࡉࡕ ࡏࡎࡕࡀࡒࡋࡅࡎ ࡉࡀࡋࡃࡀ ࡆࡅࡈࡀ ࡓࡀࡆࡉࡀ ࡖࡐࡀࡓࡆࡋࡀ ࡄࡅ ࡊࡅࡋࡄࡅࡍ ࡉࡀࡓࡃࡍࡉࡀ ࡅࡌࡀࡌࡁࡅࡂࡉࡀ ࡖࡌࡉࡀ ࡌࡃࡀࡁࡀࡓࡋࡅࡍ࡞ ࡗ ࡏࡆࡄࡀ ࡅࡏࡕࡀࡆࡄࡀ ࡀࡌࡓࡉࡕ ࡅࡕࡋࡀࡕࡀ ࡄࡅࡐࡍࡉࡀ ࡌࡉࡀ ࡌࡀࡆࡋࡉࡕ ࡌࡀࡆࡓࡅࡕࡀ ࡍࡎࡀࡁࡕ ࡁࡓࡀࡆࡉࡀ ࡄࡀࡊ ࡖࡀࡉࡍࡀ ࡓࡌࡀࡉࡕࡀ ࡅࡗ ࡐࡉࡓࡉࡀࡅࡉࡎ ࡉࡀࡓࡃࡍࡀ ࡖࡌࡉࡀ ࡄࡉࡉࡀ ࡀࡌࡓࡉࡕ {{ࡅࡋࡀ}} ^ࡅࡀ^ࡌࡓࡉࡕ ࡅࡆࡄࡀࡓࡀࡀ ࡋࡌࡀࡋࡊࡀ ࡅࡌࡀࡋࡊࡉࡀ ࡀࡌࡀࡓ ࡅࡏࡕࡉࡂࡋࡉࡀ ࡅࡌࡋࡉࡕ ࡄࡅࡆ^ࡉ^ࡅࡉࡀ ࡋࡄࡀࡆࡉࡍ ࡍࡉࡔࡉࡌࡕࡀࡉ ࡖࡐࡋࡀࡍ ࡁࡓ ࡐࡋࡀࡍࡉࡕࡀ ࡖࡍࡄࡉࡕ ࡋࡉࡀࡓࡃࡍࡀ ࡅࡏࡑࡈࡁࡇ ࡅࡌࡒࡀࡁࡉࡋ ࡃࡀࡊࡉࡀ ࡓࡅࡔࡌࡀ ࡖ ࡍࡀࡐࡒࡀ ࡌࡍ ࡄࡁࡉࡋࡀ ࡋࡁࡉࡍࡉࡀࡍࡀ ࡅࡌࡍ ṭࡏࡉࡀ ࡋࡔࡓࡀࡓࡀ ࡅࡌࡍ ࡃࡀࡓࡉࡀ ࡃࡀࡄࡀࡋࡕࡀ ࡅࡌࡍ ࡌࡀࡍࡃࡀࡉࡅࡕࡀ ࡄࡀࡍࡀࡕࡇ ࡍࡉࡔࡉࡌࡕࡀ ࡏࡕࡄࡀࡉࡋࡀࡕ ࡏࡋ ࡀࡋࡌࡉࡀ࡞ ࡗ ࡀࡌࡓࡀࡕ ࡏࡍࡉࡀࡍࡀ ࡊࡅࡋ ࡖࡏࡕࡁࡇ ࡄࡀࡉࡋࡀ ࡅࡓࡀࡄࡌࡉࡀ ࡍࡀࡐࡔࡀ ࡅࡐࡅࡔࡒࡀ ࡖࡄࡀࡆࡉࡍ ࡋࡄࡅࡃࡀࡉࡕࡀ ࡅࡗ ࡌࡀࡐࡓࡉࡔ ࡁࡓࡉࡔࡀ ࡖࡄࡀࡆࡉࡍ ࡎࡉࡂࡉࡀ ࡅࡀࡐࡓࡉࡔࡀࡕࡀ ࡖࡌࡀࡎࡉࡒࡕࡀ ࡖࡌࡀࡑࡁࡅࡕࡀ ࡅࡃࡀࡁࡀࡄࡀࡕࡀ ࡖࡄࡏ ࡏࡋ ࡄࡉࡁࡉࡋ ࡅࡀࡄࡇ ࡀࡓࡁࡀ ࡕࡀࡐࡎࡉࡓ ^ࡅࡐࡅࡔࡒࡀ^ ࡁࡌࡀࡎࡉࡒࡕࡀ ࡖࡄࡉࡁࡉࡋ ࡆࡉࡅࡀ ࡌࡑࡀࡓࡀࡓࡀ ࡑࡀࡓࡀࡓࡕࡀ ࡀࡁࡀࡄࡀࡕࡀࡉ ࡁࡀࡋࡌࡀࡉ ࡃࡉࡋࡉࡀ ࡋࡁࡀࡓ ࡌࡍ ࡀࡋࡌࡀ ࡖࡄࡉࡉࡀ ࡒࡀࡃࡌࡀࡉࡉࡀ ࡖࡄࡏ ࡀࡍࡀࡍࡀ ࡔࡅࡌࡀ ࡑࡀࡓࡀࡓࡕࡀ ࡄࡀࡆࡉࡍ ࡃࡅࡊࡓࡀࡍࡀ ࡋࡉࡄࡃࡀࡉࡀ ࡓࡁࡀ ࡆࡉࡃࡉࡒࡀ ࡅࡃࡉࡅࡀࡍ ࡅࡕࡀࡐࡎࡉࡓ ࡖࡀࡉࡍࡀ ࡎࡉࡍࡃࡉࡓࡊࡀ ࡀࡌࡉࡍࡈࡅࡋ ࡖࡔࡋࡀࡄࡀ ࡅࡋࡁࡀࡔࡀ ࡁࡂࡀࡅࡇ ࡄࡅࡀࡋࡇ ࡅࡊࡅࡋࡌࡀࡍ ࡌࡉࡕࡋࡀࡁࡀࡔ ࡁࡂࡀࡅࡇ ࡌࡉࡎࡋࡉࡒ ࡌࡍ ࡈࡅࡐࡔࡉࡀ ࡖࡕࡉࡁࡉࡋ ࡄࡀࡅࡒࡀ {{ࡖࡌࡀࡈࡀࡓࡀࡉࡉࡀ}} ࡖࡌࡀࡈࡀࡓࡀࡉࡉࡀ ࡋࡀࡍࡉࡄࡆࡉࡀ ࡞ ࡕࡅࡌ ࡏࡆࡃࡀࡄࡀࡓ ࡅࡏࡆࡃࡀࡄࡀࡓ {{ࡅࡏ}} ࡅࡏࡆࡃࡀࡄࡀࡓ ࡕࡋࡀࡕࡌࡀ ࡅࡔ^ࡉࡕ^ࡉࡍ ࡀࡋࡐࡉࡀ ࡆࡉࡁࡍࡉࡀ ࡖࡗ ࡀࡍࡀ ࡆࡀࡄࡓࡉࡕ ࡁࡕࡀࡐࡎࡉࡓ ࡖࡀࡉࡍࡀ ࡅࡎࡉࡍࡃࡉࡓࡊࡀ ࡅࡗ ^ࡏࡋ^ ࡋࡉࡂࡓࡀࡉ ࡒࡀࡌࡉࡕ ࡗ ࡏࡍࡉࡔ ࡌࡍ ࡌࡀࡋࡊࡉࡀ ࡋࡀࡄࡅࡀ ࡅࡗ ࡑࡀࡅࡕࡀ ࡋࡍࡀࡐࡔࡀࡉ ࡋࡀࡒࡓࡉࡕ࡞ ࡗ ࡌࡀࡋࡀࡋࡉࡕ ࡁࡒࡀࡋࡀࡉ ࡅࡃࡉࡓࡔࡉࡕ ࡖࡁࡀࡄࡉࡓࡍࡀ ࡄࡀࡃ ࡌࡍ ࡀࡋࡐࡀ ࡅࡌࡍ ࡕࡓࡉࡍ ࡀࡋࡐࡉࡀ ࡁࡀࡄࡉࡓࡍࡀ ࡕࡓࡉࡍ࡞ ࡄࡀࡉࡆࡀࡊ ࡏࡋࡀࡍࡉࡀ ࡌࡍ ࡉࡀࡌࡉࡍࡀࡉ ࡅࡋࡎࡌࡀࡋࡀࡉ ࡖࡈࡀ^ࡍࡉࡀ^{{ࡁࡉࡀ}} ࡁࡅࡈࡅࡍࡀ ࡃࡀࡊࡉࡀ ࡅࡎࡉࡌࡀࡃࡓࡀ ࡀࡋ ࡄࡀࡅࡒࡀ lࡏࡅࡑࡓࡀࡉࡄࡅࡍ ࡅࡍࡒࡀࡔࡉࡀ ࡃࡓࡀ ࡋࡎࡕࡀࡅࡀࡓࡅࡍ ࡀࡈࡀࡐ ࡅࡍࡐࡀࡑ ࡈࡅࡍࡀࡉࡅࡍ ࡃࡀࡊࡉࡀ ࡎࡉࡌࡀࡃࡓࡅࡍ ࡔࡀࡍࡉࡀ ࡀࡌࡉࡍࡈࡅࡋ ࡖࡈࡀࡍࡉࡀ ࡁࡔࡀࡄࡐࡉࡀ ࡎࡉࡌࡀࡃࡓࡀ࡞ ࡌࡉࡅࡉࡀ ࡃࡀࡊࡉࡀ ࡅࡀࡓࡈࡋࡀࡉࡉࡕ ࡒࡀࡌ ࡅࡀ ࡅࡀࡌࡀࡓ ࡄࡀࡉࡀࡎࡀ ࡄࡅࡎ ࡏࡋࡀࡍ ࡅࡕࡀࡉࡀࡁࡀ ࡕࡅࡁ ࡏࡋࡀࡍ ࡀࡍࡀࡕ ࡉࡀ ࡀࡁࡅࡄࡀࡍ ࡅࡌࡀࡓࡀࡉࡀࡍ ࡖࡌࡍ ࡌࡀࡋࡀࡋࡀࡊ ࡋࡀࡍࡉࡐࡅࡒ ࡏࡋࡇ ࡁࡀࡄࡓࡉࡕ ࡄࡀࡃ ࡌࡍ ࡀࡋࡐࡀ ࡅࡌࡍ ࡕࡓࡉࡍ ࡀࡋࡐࡉࡀ ࡁࡀࡄࡓࡉࡕ ࡕࡓࡉࡍ ࡀࡋࡌࡀ ࡖࡑࡀࡓࡀࡓࡕࡉࡍࡀࡍ ࡌࡍ ࡑࡀࡅࡕࡀࡊ ࡅࡔࡓࡉࡕ ࡏࡋࡀࡍ࡞ ࡅࡄࡀࡉࡆࡀࡊ ࡌࡀࡋࡀࡋࡉࡕ ࡅࡃࡓࡀࡔࡋࡅࡍ ࡁࡒࡀࡋࡀࡉ ࡍࡉࡄࡀ ࡅࡋࡁࡅࡔࡀ ࡔࡀࡍࡉࡀ ࡔࡓࡉࡕ ࡏࡋࡀࡅࡀࡉࡄࡅࡍ ࡅࡏࡋࡀࡍࡉࡀ ࡖࡔࡀࡄࡋࡉࡍ ࡅࡋࡀࡁࡔࡉࡍ࡞ ࡅࡀࡌࡀࡓࡋࡅࡍ ࡋࡀࡕࡉࡃࡉࡄࡋࡅࡍ ࡅࡄࡀࡅࡒࡀ lࡏࡅࡑࡓࡀࡉࡄࡅࡍ ࡋࡀࡍࡉࡄࡅࡍ ࡀࡍࡀ ࡁࡀࡉࡉࡍࡀ ࡌࡉࡒࡓࡉࡀ ࡀࡋࡌࡉࡀ ࡔࡅࡁࡀ ࡖࡄࡂࡀࡂࡀ ࡅࡔࡅࡁࡀ ࡀࡋࡌࡉࡀ ࡋࡉࡀࡌࡉࡍࡀࡉ ࡅࡔࡅࡁࡀ ࡀࡋࡌࡉࡀ ࡋࡎࡌࡀࡋࡀࡉ ࡅࡒࡓࡉࡀ ࡌࡔࡅࡍࡉࡀ ࡊࡅࡔࡈࡀ ࡅࡒࡓࡉࡀ ࡀࡓࡒࡀ ࡖࡕࡉࡁࡉࡋ ࡅࡒ^ࡉ^ࡓࡉ^ࡉ^ࡀ ࡋࡀࡃࡀࡌ ࡐࡀࡂࡓࡉࡀ ࡖࡌࡉࡍࡇ ࡌࡉࡕࡍࡀࡐࡔࡀ ࡔࡅࡓࡁࡀࡕࡀ ࡖࡁࡄࡉࡓࡉࡀ ࡀࡋࡌࡀ ࡋࡃࡀࡅࡓࡀ ࡖࡔࡅࡌ ࡅࡊࡅࡋࡄࡅࡍ ࡋࡅࡀࡕࡀࡊ ࡎࡀࡋࡒࡉࡀ࡞ ࡅࡗ ࡀࡕࡉࡀ ࡃࡀࡓࡀ ࡁࡀࡕࡓࡀࡉࡀ ࡔࡅࡁࡀ ࡃࡀࡓࡉࡍ ࡌࡍࡀࡕࡅࡍ ࡍࡀࡄࡕࡉࡍ ࡔࡅࡁࡀ ࡏࡋࡀࡅࡀࡉࡄࡅࡍ ࡅࡌࡉࡃࡀࡌࡉࡀ ࡏࡋ ࡂࡅࡁࡓࡉࡀ ࡖࡆࡀࡃࡉࡒࡉࡀ ࡅࡌࡀࡋࡉࡐࡋࡅࡍ ࡄࡅࡊࡅࡌࡕࡀ ࡖࡊࡀࡃࡁࡀ ࡅࡌࡀࡐࡒࡉࡍ ࡄࡅࡊࡅࡌࡕࡀ ࡌࡍ ࡋࡉࡁࡀࡉࡄࡅࡍ ࡅࡀࡔࡊࡉࡍ ࡓࡀࡆࡉࡀ ࡕࡀࡒࡍࡉࡀ ࡊࡅࡋ ࡌࡉࡍࡃࡀࡌ ࡀࡍࡀࡉࡀ ࡅࡔࡀࡐࡉࡓࡀ ࡖࡉࡀࡄࡉࡁࡍࡀ ࡋࡍࡉࡔࡉࡌࡕࡀ ࡀࡐࡊࡉࡋࡇ ࡅࡓࡀࡆࡉࡀ ࡄࡀࡔࡊࡉࡀ ࡁࡎࡀࡐࡈࡉࡀ ࡍࡀࡈࡓࡉࡀ ࡀࡐࡊࡉࡋࡇ ࡂࡉࡍࡆࡀ ࡖࡀࡍࡀ ࡋࡍࡉࡔࡌࡀ ࡖࡌࡍ ࡄࡉࡌࡕࡀࡉ ࡌࡑࡀࡓࡀࡓࡀࡍ ࡉࡀࡄࡉࡁࡍࡀ ࡅࡌࡉࡍࡃࡀࡌ ࡌࡍ ࡂࡉࡍࡆࡉࡀ ࡋࡀࡉࡀࡄࡁࡉࡋࡇ ࡅࡌࡀࡐࡒࡉࡋࡇ ࡀࡓࡈࡋࡀࡉࡉࡕ ࡗ ࡉࡀࡍࡒࡀ ࡖࡍࡀࡐࡉࡒ ࡌࡍ ࡊࡓࡀࡎ ࡏࡌࡇ ࡀࡍࡀ ࡆࡉࡓࡀࡉ ࡅࡈࡅࡄࡌࡀࡉ ࡋࡀࡌࡉࡎࡕࡀࡊࡀࡓ ࡄࡉࡍࡉࡋࡀ ࡌࡍ ࡌࡉࡍࡀࡉࡄࡅࡍ ࡋࡀࡌࡉࡑࡀࡓࡀࡓ࡞ ࡅࡄࡀࡉࡆࡀࡊ ࡄࡅ ࡖࡀࡍࡀ ࡏࡌࡓࡉࡕ ࡁࡀࡄࡀࡓࡍࡀ ࡄࡀࡃ ࡌࡍ {{ࡀࡋࡌࡀ}} ࡀࡋࡐࡀ ࡅࡌࡍ ࡕࡓࡉࡍ ࡀࡋࡐࡉࡀ ࡁࡀࡄࡀࡓࡍࡀ ࡕࡓࡉࡍ ࡅࡄࡀࡋࡉࡍ ࡄࡉࡍࡅࡍ ࡍࡀࡑࡅࡓࡀࡉࡉࡀ ࡓࡀࡆࡀ ࡊࡀࡎࡉࡀ ࡌࡍ ࡏࡅࡄࡓࡀࡍ ࡋࡀࡑࡀࡋࡉࡍ ࡅࡓࡉࡃࡐࡀ ࡍࡅࡐࡔࡀ ࡁࡕࡉࡁࡉࡋ ࡎࡀࡁࡉࡋ ࡄࡀࡆࡉࡍ ࡍࡉࡔࡌࡀࡕࡅࡍ ࡈࡅࡍࡀ ࡅࡎࡀࡋࡒࡀ ࡋࡅࡀࡕࡀࡍ࡞ ࡅࡄࡀࡉࡆࡀࡊ ࡕࡅࡔࡋࡉࡌࡉࡀ ࡅࡎࡉࡂࡉࡉࡀ ࡖࡌࡋࡉࡍ ࡁࡅࡈࡅࡍࡀ ࡃࡀࡊࡉࡀ ࡅࡁࡎࡉࡌࡀࡃࡓࡀ ࡔࡀࡍࡉࡀ ࡖࡏࡅࡎࡅࡓࡀ ࡏࡋࡀࡅࡀࡉࡄࡅࡍ ࡏࡒࡓࡉࡀ ࡅࡎࡉࡐࡓࡉࡀ ࡊࡅࡋࡄࡅࡍ ࡆࡄࡀࡓࡉࡀ ࡖࡄࡀࡆࡉࡍ ࡁࡀࡉࡍࡀࡉࡅࡍ ࡄࡀࡅࡒࡉࡍ ࡖࡌࡍ ࡏࡅࡄࡓࡀ ࡖࡀࡁࡅࡉࡀࡍ ࡋࡀࡑࡀࡋࡉࡍ࡞ ࡄࡀ^ࡉ^ࡆࡀࡊ ࡑࡓࡀࡊ ࡁࡒࡀࡋࡇ ࡅࡒࡓࡀ ࡅࡀࡌࡀࡓ ࡀࡁࡂࡀࡍ ࡄࡉࡉࡀ ࡒࡀࡃࡌࡀࡉࡉࡀ ࡀࡁࡂࡀࡍ ࡄࡉࡉࡀ ࡕࡉࡍࡉࡀࡍࡇ ࡅࡀࡁࡂࡀࡍ ࡄࡉࡉࡀ ࡕࡋࡉࡕࡀࡉࡉࡀ ࡅࡊࡅࡋࡄࡅࡍ ࡏࡅࡕࡓࡉࡀ ࡅࡌࡀࡋࡊࡉࡀ ࡖࡀࡓࡒࡀ ࡖࡍࡄࡅࡓࡀ ࡅࡊࡅࡋࡄࡅࡍ ࡕࡅࡔࡋࡉࡌࡉࡀ ࡎࡀࡂࡉࡉࡀ ࡅࡀࡌࡀࡓ ࡏࡉࡍ ࡏࡉࡍ ࡏࡉࡍ ࡏࡉࡍ ࡏࡉࡍ ࡏࡉࡍ ࡏࡉࡍ ࡖࡔࡀࡓࡉࡓࡀ ࡍࡉࡄࡅࡉࡀ ࡊࡅࡋ ࡂࡀࡁࡓࡀ ࡍࡀࡑࡅࡓࡀࡉࡀ ࡖࡒࡀࡓࡉࡀ ࡋࡉࡄࡃࡀࡉࡀ ࡋࡌࡀࡍ ࡖࡒࡀࡉࡉࡌ ࡁࡐࡀࡂࡓࡇ ࡀࡌࡉࡍࡈࡅࡋ ࡖࡎࡀࡊࡀࡊࡀ ࡋࡍࡉࡔࡉࡌࡕࡀ ࡀࡌࡉࡍࡈࡅࡋ ࡁࡂࡀࡅࡀ ࡄࡅࡀࡋࡉࡍ ࡔࡋࡀࡄࡀ ࡅࡋࡁࡀࡔࡀ ࡀࡌࡉࡍࡈࡅࡋ ࡖࡔࡋࡀࡄࡅࡕࡀ ࡋࡉࡋࡁࡅࡔ ࡖࡆࡉࡅࡀ ࡅࡍࡄࡅࡓࡀ ࡅࡏࡒࡀࡓࡀ ࡅࡐࡀࡂࡓࡀ ࡌࡍ ࡆࡓࡀࡆ ࡄࡈࡉࡕ ࡋࡉࡁࡔࡉࡕ ࡅࡒࡀࡁࡉࡍ ࡐࡉࡎࡒࡉࡕ ࡅࡔࡊࡀࡁࡉࡅࡍ ࡓࡀࡆࡉࡀ ࡋࡅࡀࡕ ࡄࡃࡀࡃࡉࡀ ࡌࡍ ࡄࡀࡊࡀ ࡏࡃࡀࡍࡀ ࡏࡕࡀࡎࡒࡋࡇ ࡔࡅࡌࡀ ࡄࡈࡉࡕࡀ ࡀࡌࡉࡍࡈࡅࡋ ࡖࡄࡈࡉࡕ ࡅࡀࡎࡊࡉࡋࡉࡕ ࡖࡕࡓࡉࡍ ࡏࡐࡉࡀ ࡅࡐࡋࡉࡂࡋࡇ ࡄࡆࡅࡍ ࡖࡂࡉࡋࡉࡕࡀ ࡖࡎࡉࡍࡃࡉࡓࡊࡀ ࡖࡁࡀࡆࡉࡓࡀ ࡃࡉࡋࡇ ࡌࡍ ࡄࡀࡋࡑࡇ ࡍࡐࡀࡒ ࡖࡄࡅ ࡕࡀࡂࡀ ࡔࡅࡌࡇ ࡅࡋࡀࡓࡒࡀ ࡁࡀࡆࡀࡋࡇ ࡄࡆࡅࡍ ࡖࡁࡓ ࡀࡍࡀࡔࡀ ࡁࡀࡆࡉࡓࡀ ࡃࡉࡋࡇ ࡁࡌࡉࡑࡀࡉ ࡏࡅࡑࡈࡅࡍࡀࡀ ࡒࡀࡉࡉࡌ ࡄࡅ ࡕࡀࡋࡀ ࡔࡅࡌࡇ ࡅࡂࡀࡁࡀࡓࡅࡕࡀ ࡒࡀࡓࡉࡋࡇ ࡀࡌࡉࡍࡈࡅࡋ ࡖࡀࡕࡀࡋࡇ࡞ ࡕࡀࡋࡀ ࡋࡁࡉࡍࡉࡀࡍࡀ ࡅࡋࡄࡀࡕࡌࡀ ࡖࡌࡀࡋࡊࡀ࡞ ࡊࡅࡋࡌࡀࡍ ࡖࡒࡀࡁࡉࡍ ࡃࡉࡋࡇ ࡀࡁࡀࡓ ࡍࡉࡕࡀࡂࡆࡀࡓ ࡌࡍ ࡀࡋࡅࡀࡕࡀࡉ࡞ ࡊࡅࡋࡌࡀࡍ ^ࡖࡌࡀࡎࡉࡒࡕࡀࡉ ࡅࡃࡅࡊࡓࡀࡍࡀࡉ ࡅࡌࡀࡑࡁࡅࡕࡀࡉ^ ࡃࡉࡋࡇ ࡀࡁࡀࡃ ࡅࡓࡀࡄࡌࡀࡉ ࡍࡉࡁࡀࡓ ࡓࡅࡂࡆࡀࡉ ࡃࡉࡋࡇ ࡍࡉࡄࡅࡉࡀ ࡏࡋࡇ࡞ ^ࡀ^ࡌࡉࡍࡈࡅࡋ ࡖࡀࡍࡀ ࡋࡍࡉࡔࡉࡌࡕࡀ ࡉࡀࡄࡉࡁࡍࡀ ࡁࡄࡀࡍࡀࡕࡇ ࡔࡊࡉࡍࡕࡀ ࡖࡉࡀࡕࡁࡉࡁࡀ ࡁࡀࡉࡉࡋࡅࡍ ࡀࡋࡌࡀ ࡖࡌࡉࡍࡇ ࡍࡀࡐࡒࡀ ࡊࡅࡋ ࡊ ࡌࡀࡍ ࡌࡉࡍࡀࡉࡅࡍ ࡔࡅࡕࡀࡐࡀ ࡋࡃࡉࡋࡉࡀ ࡄࡅࡀ࡞ ࡄࡀࡉࡆࡀࡊ ࡍࡉࡎࡁࡀࡀ ࡋࡄࡀࡍࡀࡕࡇ ࡆࡉࡃࡒࡀ ࡁࡉࡀࡌࡉࡍࡇ ࡅࡓࡀࡌࡉࡀ ࡁࡔࡊࡉࡍࡕࡉࡀ ࡖࡄࡀࡁࡔࡀࡁࡀ ࡅࡊࡀࡍࡀ ࡖࡆࡉࡃࡒࡀ ࡌࡎࡀࡄࡃࡉࡀ ࡖࡎࡀࡄࡃࡉࡋࡇ ࡖࡄࡉࡍࡅࡍ ࡅࡌࡀࡓࡂࡍࡀ ࡁࡉࡃࡇ ࡍࡉࡄࡅࡉࡀ ࡀࡌࡉࡍࡈࡅࡋ ࡖࡀࡎࡀ ࡅࡎࡐࡀࡓࡂࡋࡀ ࡅࡕࡓࡅࡍࡂࡀ {{ࡏࡕࡄࡉࡁ࡞ ࡅࡀࡁࡓࡀ}} ࡅࡓࡅࡌࡀࡍࡀ ࡅࡀࡍࡆࡓࡀࡓࡀ ࡅࡂࡉࡃࡀ ࡖࡌࡍ ࡎࡉࡍࡃࡉࡓࡊࡀ ࡋࡒࡉࡍࡉࡀ ࡄࡅࡓࡉࡍࡉࡀࡕࡀ {{ࡏࡄࡉ}} ࡏࡕࡄࡉࡁ ࡞ ࡄࡆࡅࡍ ࡖࡆࡀࡄࡁࡀ ࡋࡆࡀࡉࡕࡀ ࡏࡕࡄࡉࡁ ࡅࡊࡀࡎࡐࡀ ࡋࡎࡐࡀࡓࡂࡋࡀ ࡏࡕࡄࡉࡁ࡞ ࡖࡐࡀࡓࡆࡉࡋࡀ ࡋࡀࡎࡀ ࡏࡕࡄࡉࡁ࡞ ࡅࡀࡍࡊࡀ ࡏࡋ ࡏࡕࡓࡅࡍࡂࡀ ࡏࡕࡄࡉࡁ ࡅࡀࡁࡀࡓࡀ ࡋࡓࡅࡌࡀࡍࡀ {{ࡏ}} ࡏࡕࡄࡉࡁ࡞ ࡅࡐࡋࡀࡍࡆࡀ ࡋࡉࡍࡆࡀࡓࡀࡓࡀ ࡏࡕࡄࡉࡁ࡞ ࡅࡀࡉࡈࡀ ࡋࡎࡉࡍࡃࡉࡓࡊࡀ ࡏࡕࡄࡉࡁ࡞ ࡉࡀࡁࡄࡉࡓࡉࡀ ࡅࡔࡀࡋࡌࡀࡍࡉࡀ ࡉࡀࡔࡀࡋࡌࡀࡍࡉࡀ ࡅࡌࡄࡀࡉࡌࡍࡉࡀ ࡄࡆࡅࡍ ࡖࡊࡅࡋ ࡋࡓࡀࡆࡉࡀ ࡌࡍ ࡊࡅࡋࡄࡅࡍ ࡖࡀࡍࡉࡍ ࡋࡃࡀࡄࡁࡀ ࡃࡉࡋࡀࡍ ࡃࡉࡋࡀࡍ ࡋࡊࡅࡋࡄࡅࡍ ࡅࡔࡅࡌࡀࡉ ࡃࡉࡋࡉࡀ ࡏࡋࡇ ࡏࡕࡀࡕࡍࡀ ࡅࡁࡄࡉࡑࡓࡉࡀ ࡖࡉࡀࡌࡉࡍࡀ ࡏࡕࡀࡕࡍࡀ ࡅࡕࡀࡂࡀ ࡌࡉࡍࡇ ࡔࡀࡅࡉࡍࡉࡍ ࡅࡁࡓࡉࡔ ࡖࡃࡓࡀࡁࡔࡉࡀ ࡖࡄࡅ ࡍࡉࡔࡉࡌࡕࡀ ࡕࡓࡀࡑࡍࡀ ࡖࡍࡉࡃࡀࡋࡉࡀ ࡍࡉࡔࡉࡌࡕࡀ ࡋࡊࡅࡋࡄࡅࡍ ࡓࡀࡆࡉࡀ ࡀࡌࡉࡍࡈࡅࡋ ࡖࡓࡀࡆࡉࡀ ࡊࡅࡋࡄࡅࡍ ࡋࡆࡀࡄࡁࡀ ࡓࡀࡄࡉࡌࡋࡇ ࡆࡀࡄࡁࡀ ࡋࡅࡀࡕࡀࡉࡅࡍ ࡋࡀࡉࡉࡕ ࡍࡉࡔࡉࡌࡕࡀ ࡊࡑࡉࡓࡀ ࡅࡏࡒࡀࡓࡀ ࡌࡉࡍࡇ ࡌࡉࡔࡕࡀࡒࡉࡋ࡞ ࡗ ࡏࡍࡂࡉࡓࡕࡀ ࡌࡄࡀࡕࡀࡌࡕࡀ ࡎࡀࡉࡉࡊࡕࡀ ࡅࡏࡎࡉࡒࡕࡀ ࡁࡉࡀࡌࡉࡍࡇ ࡓࡌࡉࡕ ࡍࡉࡔࡉࡌࡕࡀ ࡅࡏࡃࡀࡋࡉࡀࡕ ࡋࡊࡅࡋࡄࡅࡍ ࡓࡀࡆࡉࡀ࡞ ࡅࡗ ࡍࡄࡉࡕࡕ ࡋࡉࡀࡓࡃࡍࡀ ࡋࡀࡄࡅࡓࡉࡀ ࡓࡁࡀ ࡉࡀࡓࡃࡍࡀ ࡐࡉࡓࡉࡀࡅࡉࡎ ࡐࡀࡔࡉࡈ ࡂࡀࡍࡐࡇ ࡅࡌࡒࡀࡁࡉࡋࡀ ࡅࡀ ࡌࡀࡓࡋࡀ ࡀࡕࡀࡋࡀࡊ ࡀࡕࡀࡋࡀࡊ ࡆࡀࡄࡁࡀ ࡎࡒࡉࡋࡀ ࡖࡁࡉࡄࡓࡅࡉࡀ ࡑࡀࡓࡀࡐࡀࡉࡉࡀ ࡀࡌࡉࡍࡈࡅࡋ ࡖࡄࡀࡍࡀࡕࡇ ࡕࡀࡓࡌࡉࡃࡉࡀ ࡖࡀࡉࡓࡇ ࡋࡊࡅࡋࡇ ࡂࡉࡍࡆࡉࡀࡊ ࡏࡋࡀࡅࡀࡉࡄࡅࡍ {{ࡈࡌࡉࡔ ࡅࡌࡀࡆࡓࡅࡕࡀ}} {{ࡖࡁࡋࡉࡁࡇ ࡔࡊࡉࡍ ࡅࡍࡀࡄࡓࡀ ࡑࡀࡓ

Ginzā Rabbā Vol.1

Transliterated by: Majid Fandi Al-Mubaraki, Brian Mubaraki

Source: Julius Heinrich Petermann (1867) Thesaurus sive liber magnus liber vulgo Adami appellatus, 2 parts, Leipzig : Vol.1 [lines & pages are accoring to the original book]

Unicode, Revise & Editing according to Petermann's version by: Ibrāhīm afiʿī (University of Tehrān)

 
ࡃࡓࡀࡔࡀ ࡖ ࡉࡀࡄࡉࡀ
ࡌࡔࡀࡁࡀ ࡌࡀࡓࡀࡉ


001
ࡌࡔࡀࡁࡀ ࡌࡀࡓࡀࡉ ࡁࡋࡉࡁࡀ ࡃࡀࡊࡉࡀ
ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡍࡅࡊࡓࡀࡉࡉࡀ ࡌࡍ ࡀࡋࡌࡉࡀ ࡖ ࡍࡄࡅࡓࡀ
ࡉࡀࡕࡉࡓࡉࡀ ࡖ ࡏࡋࡀࡅࡉࡀ ࡊࡅࡋࡄࡅࡍ ࡏࡅࡁࡀࡃࡉࡀ  ࡀࡎࡅࡕࡀ ࡅࡆࡀࡊࡅࡕࡀ
ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡓࡀࡌ ࡁࡀࡊࡕࡉࡀࡓ
ࡁࡓ ࡄࡀࡅࡀ ࡌࡅࡃࡀࡋࡀࡋ ࡞ ࡅࡋࡀࡁ ࡁࡉࡄࡓࡀࡌ ࡔࡀࡃࡀࡍ ࡁࡓ
ࡔࡀࡃࡉࡀ ࡊࡉࡎࡍࡀ ࡞ ࡅࡋࡏࡌ ࡄࡀࡅࡀ ࡌࡅࡃࡀࡋࡀࡋ ࡐࡕ ࡀࡍࡄࡀࡓ ࡞ ࡅࡋࡆࡀࡅࡀࡉ
ࡔࡀࡃࡉࡀ ࡌࡀࡌࡀࡍࡉࡀ ࡐࡕ ࡄࡀࡅࡀ ࡞ ࡅࡋࡔࡉࡕࡋࡀࡉ ࡄࡀࡅࡀ ࡁࡀࡍࡇ ࡅࡁࡉࡄࡓࡀࡌ
ࡔࡉࡕࡉࡋ ࡅࡆࡉࡄࡓࡅࡍ ࡁࡀࡊࡕࡉࡀࡓ ࡅࡆࡀࡊࡉࡀ ࡔࡉࡕࡉࡋ ࡅࡀࡃࡀࡌ
ࡁࡍࡉࡀ ࡔࡀࡃࡉࡀ ࡌࡀࡌࡀࡍࡉࡀ ࡞ ࡋࡀࡄࡀࡉ ࡆࡉࡄࡓࡅࡍ ࡅࡔࡀࡃࡉࡀ ࡅࡀࡍࡄࡀࡓ
ࡁࡍࡉࡀ ࡄࡀࡅࡀ ࡌࡅࡃࡀࡋࡀࡋ ࡞ ࡅࡋࡔࡉࡕࡋࡀ ࡖ ࡀࡄࡀࡉ ࡀࡃࡀࡌ ࡁࡀࡉࡀࡍ ࡅࡎࡀࡌ
ࡅࡁࡉࡄࡓࡀࡌ ࡔࡉࡕࡋࡀࡍ ࡁࡍࡉࡀ ࡀࡍࡄࡀࡓ ࡞ ࡅࡀࡄࡀࡅࡀࡕࡀ ࡀࡍࡄࡀࡓ ࡌࡅࡃࡀࡋࡀࡋ
ࡐࡕ ࡀࡍࡄࡀࡓ ࡉࡀࡎࡌࡉࡍ ࡞ ࡅࡁࡀࡊࡕࡉࡀࡓ ࡁࡓ ࡌࡀࡄࡍࡅࡔ ࡞ ࡅࡔࡉࡕࡋࡇ ࡀࡃࡀࡌ
ࡉࡅࡄࡀࡍࡀ ࡁࡓ ࡀࡍࡄࡀࡓ ࡌࡅࡃࡀࡋࡀࡋ ࡞ ࡀࡃࡀࡌ ࡁࡓ ࡄࡀࡅࡀ ࡞ ࡅࡆࡀࡅࡇ ࡔࡀࡃࡉࡀ

ࡅࡌࡀࡍࡃࡀ ࡖ ࡄࡉࡉࡀ ࡍࡉࡕࡉࡓࡑࡀ ࡋࡔࡅࡌࡀࡉࡄࡅࡍ ࡁࡉࡕ ࡂࡉࡍࡆࡉࡀ ࡅࡍࡉࡋࡉࡐࡉࡍࡅࡍ
ࡁࡋࡀࡅࡐࡀ ࡔࡀࡍࡉࡀ ࡅࡍࡉࡄࡅࡉࡋࡅࡍ ࡎࡉࡌࡀࡊࡀ ࡖ ࡏࡋ ࡔࡅࡌ ࡄࡉࡉࡀ
ࡄࡅࡀࡋࡉࡀ ࡓࡅࡄࡑࡀࡍࡀ ࡅࡊࡃࡀࡁ ࡄࡀࡋࡉࡍ ࡎࡉࡃࡓࡉࡀ ࡖ ࡍࡉࡄࡅࡉࡋࡅࡍ ࡃࡅࡊࡓࡀࡍࡀ
ࡁࡕࡉࡁࡉࡋ ࡅࡍࡉࡕࡓࡉࡑ ࡔࡅࡌࡀࡉ ࡁࡉࡕ ࡕࡅࡔࡋࡉࡌࡀ ࡞  ࡕࡅࡌ  ࡔࡀࡁࡉࡒ
ࡄࡀࡈࡀࡉࡉࡀ ࡍࡉࡄࡅࡉࡋࡅࡍ ࡋࡊࡅࡋࡄࡅࡍ ࡕࡀࡓࡌࡉࡃࡉࡀ ࡅࡌࡀࡍࡃࡀࡉࡉࡀ ࡖ ࡁࡄࡀࡋࡉࡍ
ࡎࡉࡃࡓࡉࡀ ࡌࡉࡕࡀࡐࡓࡉࡔࡉࡀ ࡅࡒࡀࡋࡀ ࡖ ࡄࡉࡉࡀ  ࡑࡀࡉࡕࡉࡍ ࡅࡋࡄࡉࡉࡀ
ࡒࡀࡃࡌࡀࡉࡉࡀ ࡌࡔࡀࡁࡉࡋࡅࡍ ࡞ ࡌࡔࡀࡁࡉࡕ ࡌࡀࡓࡀࡉ ࡁࡋࡉࡁࡀ
ࡃࡀࡊࡉࡀ ࡌࡀࡓࡀࡉࡄࡅࡍ ࡖ ࡊࡅࡋࡄࡅࡍ ࡀࡋࡌࡉࡀ ࡞ ࡌࡔࡀࡁࡉࡕ  ࡅࡁࡓࡉࡊ
ࡅࡌࡔࡀࡁࡀ ࡅࡌࡓࡀࡅࡓࡀࡁ ࡅࡌࡉࡀࡒࡀࡓ ࡅࡌࡒࡀࡉࡀࡌ ࡀࡋࡀࡄࡀ
ࡖ ࡔࡓࡀࡓࡀ ࡖ ࡍࡐࡉࡔ ࡄࡀࡉࡋࡀ ࡅࡎࡀࡊࡀ ࡋࡉࡕࡋࡇ ࡆࡉࡅࡀ ࡃࡀࡊࡉࡀ
ࡅࡍࡄࡅࡓࡀ ࡓࡁࡀ ࡖ ࡋࡀࡁࡀࡈࡉࡋ ࡄࡀࡉࡀࡎࡀ ࡅࡕࡀࡉࡀࡁࡀ ࡅࡓࡉࡅࡀࡍࡀ

002
ࡅࡌࡓࡀࡄࡌࡀࡍࡀ ࡅࡐࡀࡓࡅࡒࡀ ࡖ ࡊࡅࡋࡄࡅࡍ ࡌࡄࡀࡉࡌࡍࡉࡀ ࡅࡌࡒࡀࡉࡌࡀࡍࡀ ࡖ ࡊࡅࡋࡄࡅࡍ
ࡈࡀࡁࡉࡀ ࡀࡆࡉࡆࡀ ࡄࡀࡊࡉࡌࡀ ࡅࡉࡀࡃࡅࡉࡀ  ࡅࡄࡀࡆࡅࡉࡀ ࡅࡐࡀࡓࡅࡔࡀ ࡅࡔࡀࡋࡉࡈࡀ
ࡖ ࡏࡋ ࡊࡅࡋ ࡑࡁࡅ ࡌࡀࡓࡀࡉࡄࡅࡍ ࡖ ࡊࡅࡋࡄࡅࡍ ࡀࡋࡌࡉࡀ ࡖ ࡍࡄࡅࡓࡀ ࡏࡋࡀࡉࡉࡀ
ࡅࡌࡉࡑࡀࡉࡉࡀ ࡅࡕࡉࡕࡀࡉࡉࡀ  ࡐࡀࡓࡑࡅࡐࡀ ࡓࡁࡀ ࡖ ࡏࡒࡀࡓࡀ ࡖ ࡋࡀࡌࡉࡕࡀࡄࡆࡉࡀ
ࡅࡋࡀࡌࡉࡎࡕࡀࡉࡀࡊ ࡖ ࡋࡉࡕࡋࡇ ࡄࡀࡁࡓࡀ ࡁࡕࡀࡂࡇ ࡅࡋࡀࡔࡅࡕࡀࡐࡀ ࡁࡔࡅࡋࡈࡀࡍࡇ
ࡌࡀࡍ ࡖ ࡕࡀࡊࡉࡋࡁࡇ ࡋࡀࡁࡀࡄࡉࡕ ࡅࡃࡌࡔࡀࡁࡀ ࡔࡅࡌࡇ ࡁࡊࡅࡔࡈࡀ
ࡋࡀࡍࡀࡐࡉࡋ ࡅࡃࡒࡀࡉࡉࡌ ࡏࡋ ࡕࡅࡊࡋࡀࡍࡇ ࡋࡀࡌࡉࡔࡕࡐࡉࡋ ࡌࡀࡓࡀ
ࡓࡁࡀ ࡖ  ࡊࡅࡋࡄࡅࡍ ࡌࡀࡋࡊࡉࡀ ࡖ ࡋࡀࡄࡅࡀ ࡗ ࡖ ࡋࡀࡄࡅࡀ ࡅࡋࡀࡄࡀࡅࡉࡀ
ࡗ ࡖ ࡋࡀࡄࡀࡅࡉࡀ ࡖ ࡌࡅࡕࡀ ࡋࡀࡎࡀࡌࡋࡇ ࡅࡁࡅࡈࡋࡀࡍࡀ ࡋࡉࡕࡋࡇ ࡍࡀࡄࡅࡓ
ࡍࡄࡅࡓࡀ ࡅࡕࡀࡒࡅࡍ ࡆࡉࡅࡀ ࡏࡋ ࡊࡅࡋࡄࡅࡍ ࡀࡋࡌࡉࡀ ࡅࡌࡀࡋࡊࡉࡀ ࡖ ࡒࡀࡉࡌࡉࡀ
ࡒࡅࡃࡀࡌࡇ ࡅࡌࡉࡍࡉࡄࡓࡉࡀ ࡁࡆࡉࡅࡀࡉࡄࡅࡍ  ࡅࡁࡍࡄࡅࡓࡀ ࡓࡁࡀ ࡖ ࡏࡋࡀࡅࡀࡉࡄࡅࡍ
ࡔࡓࡉࡀ ࡏࡄࡀࡁࡋࡅࡍ ࡁࡅࡕࡀ ࡅࡕࡅࡔࡁࡉࡄࡕࡀ ࡖ ࡔࡓࡀࡋࡅࡍ ࡁࡋࡉࡁࡀࡉࡄࡅࡍ
ࡖ ࡒࡀࡉࡌࡉࡀ ࡁࡀࡍࡀࡍࡉࡀ ࡖ  ࡍࡄࡅࡓࡀ ࡎࡀࡂࡃࡉࡍ ࡅࡌࡔࡀࡁࡉࡍ ࡅࡌࡀࡅࡃࡉࡍ
ࡅࡌࡉࡃࡍࡉࡍ ࡋࡌࡀࡓࡀ ࡖ ࡓࡀࡁࡅࡕࡀ ࡌࡀࡋࡊࡀ ࡓࡀࡌࡀ ࡖ ࡍࡄࡅࡓࡀ
ࡖ ࡋࡉࡕࡋࡇ ࡊࡏࡋࡀ  ࡅࡌࡉࡍࡉࡀࡍࡀ ࡅࡎࡀࡉࡀࡊࡕࡀ ࡋࡆࡉࡅࡇ ࡅࡋࡍࡄࡅࡓࡇ ࡅࡋࡏࡒࡀࡓࡇ
ࡖ ࡊࡅࡋࡇ ࡆࡉࡅࡀ ࡖ ࡊࡅࡋࡇ ࡍࡄࡅࡓࡀ ࡖ ࡊࡅࡋࡇ ࡕࡅࡒࡍࡀ ࡖ ࡊࡅࡋࡇ  ࡄࡉࡉࡀ
ࡖ ࡊࡅࡋࡇ ࡊࡅࡔࡈࡀ ࡖ ࡊࡅࡋࡇ ࡓࡄࡀࡌࡕࡀ ࡖ ࡊࡅࡋࡇ ࡄࡀࡉࡀࡎࡅࡕࡀ ࡅࡊࡅࡋࡇ
ࡕࡉࡀࡁࡅࡕࡀ ࡅࡊࡅࡋࡇ ࡀࡉࡍࡉࡀ ࡅࡊࡅࡋࡇ ࡄࡉࡆࡅࡉࡀ  ࡅࡊࡅࡋࡇ ࡐࡀࡓࡑࡅࡐࡉࡀ ࡔࡁࡉࡄࡉࡀ
ࡖ ࡔࡅࡐࡓࡀ ࡖ ࡊࡅࡋࡇ ࡐࡓࡉࡔࡅࡕࡀ ࡅࡉࡀࡃࡉࡕࡀ ࡅࡂࡀࡋࡉࡅࡕࡀ ࡅࡊࡅࡋࡇ ࡏࡔࡅࡌࡉࡀ
ࡖ ࡏࡒࡀࡓࡀ ࡀࡋࡀࡄࡀ  ࡓࡁࡀ ࡓࡀࡌࡀ ࡄࡀࡉࡋࡀ ࡖ ࡏࡍࡉࡔ ࡅࡋࡀࡌࡉࡄࡔࡉࡀ
ࡅࡋࡀࡎࡀࡉࡊࡇ ࡅࡋࡀ ࡒࡀࡉࡉࡌ ࡏࡋ ࡄࡀࡉࡋࡀ ࡃࡉࡋࡇ ࡅࡃࡊࡅࡋࡄࡅࡍ ࡀࡋࡌࡉࡀ
ࡄࡅ  ࡌࡀࡋࡊࡀ ࡓࡀࡌࡀ ࡖ ࡍࡄࡅࡓࡀ ࡁࡓࡉࡊ ࡁࡊࡅࡋࡄࡉࡍ ࡁࡉࡓࡊࡀࡕࡀ
ࡌࡍ ࡒࡃࡉࡌ ࡅࡋࡀࡋࡀࡌ ࡀࡋࡌࡉࡀ ࡒࡀࡃࡌࡀࡉࡉࡀ ࡖ ࡌࡍ ࡓࡉࡔ ࡁࡓࡉࡔ
ࡁࡀࡓࡅࡉࡀ ࡖ ࡊࡅࡋࡄࡉࡍ ࡃࡌࡀࡅࡀࡕࡀ ࡌࡔࡀࡅࡉࡀࡍࡀ ࡖ ࡔࡀࡐࡉࡓࡀࡕࡀ ࡖ ࡄࡅ

003
ࡍࡈࡉࡓ ࡁࡄࡅࡊࡅࡌࡕࡇ ࡅࡊࡎࡉࡀ ࡅࡋࡀࡌࡂࡀࡋࡀࡋ ࡄࡅ  ࡌࡀࡋࡊࡀ
ࡓࡀࡌࡀ ࡖ ࡍࡄࡅࡓࡀ ࡌࡀࡓࡀࡉࡄࡅࡍ ࡖ ࡊࡅࡋࡄࡅࡍ ࡀࡋࡌࡉࡀ ࡖ ࡍࡄࡅࡓࡀ
ࡓࡀࡌࡀ ࡏࡋ ࡊࡅࡋࡄࡅࡍ ࡏࡅࡕࡓࡉࡀ ࡀࡋࡀࡄࡀ ࡖ ࡏࡋ ࡊࡅࡋࡄࡅࡍ
ࡌࡀࡋࡊࡀ ࡖ ࡌࡀࡋࡊࡉࡀ ࡅࡌࡀࡓࡉࡀ ࡓࡁࡀ ࡖ ࡊࡅࡋࡄࡅࡍ ࡌࡀࡋࡊࡉࡀ ࡆࡉࡅࡇ
ࡋࡀࡌࡉࡔࡕࡀࡍࡉࡀ ࡅࡍࡄࡅࡓࡀ ࡖ ࡋࡀࡓࡅࡁ ࡔࡅࡐࡓࡀ ࡔࡀࡉࡀ  ࡅࡏࡒࡀࡓࡀ
ࡖ ࡋࡀࡌࡉࡕࡀࡎࡋࡉࡀ ࡄࡉࡉࡀ ࡖ ࡏࡋࡀࡅࡉࡀ ࡄࡉࡉࡀ ࡆࡉࡅࡀ ࡖ ࡏࡋࡀࡅࡉࡀ ࡆࡉࡅࡉࡀ
ࡅࡍࡄࡅࡓࡀ ࡖ ࡏࡋࡀࡅࡉࡀ ࡍࡄࡅࡓࡉࡀ ࡖ ࡋࡀࡄࡀࡅࡉࡀ ࡌࡉࡍࡇ  ࡄࡀࡎࡉࡓ
ࡅࡁࡑࡉࡓ ࡍࡄࡅࡓࡀ ࡖ ࡋࡉࡕࡁࡇ ࡄࡔࡅࡊࡀ ࡄࡀࡉࡀ ࡄࡅ ࡖ ࡌࡅࡕࡀ
ࡋࡉࡕࡁࡇ ࡈࡀࡁࡀ ࡄࡅ ࡖ ࡁࡉࡔࡅࡕࡀ ࡋࡉࡕࡁࡇ ࡍࡉࡄࡀ
ࡖ ࡌࡉࡓࡃࡀ  ࡅࡓࡅࡂࡆࡀ ࡋࡉࡕࡁࡇ ࡁࡀࡎࡉࡌࡀ ࡄࡅ ࡖ ࡆࡉࡄࡉࡓࡀ
ࡅࡌࡓࡀࡓࡀ ࡋࡉࡕࡁࡇ ࡉࡀࡕࡉࡁ ࡁࡂࡉࡓࡁࡉࡀ ࡏࡋࡀࡉࡉࡀ ࡔࡀࡋࡉࡈ ࡉࡀࡉࡏ
ࡅࡌࡉࡕࡂࡀࡉࡉࡀ ࡊࡀࡍࡀ ࡖ  ࡊࡅࡋࡄࡅࡍ ࡍࡀࡄࡉࡓࡉࡀ ࡅࡀࡁࡀ ࡖ ࡊࡅࡋࡄࡅࡍ ࡏࡅࡕࡓࡉࡀ
ࡁࡀࡓࡉࡊࡋࡅࡍ ࡋࡊࡅࡋࡄࡅࡍ ࡀࡋࡌࡉࡀ ࡅࡔࡀࡓࡉࡀ ࡏࡋ ࡊࡅࡋࡄࡅࡍ ࡔࡀࡋࡌࡀࡍࡉࡀ
ࡊࡔࡉࡈࡉࡀ  ࡅࡌࡄࡀࡉࡌࡍࡉࡀ ࡖ ࡔࡅࡌࡇ ࡁࡔࡅࡌࡀࡉࡄࡅࡍ ࡕࡓࡉࡑ ࡌࡀࡋࡊࡀ
ࡖ ࡌࡃࡉࡍࡀࡕ ࡄࡉࡉࡀ ࡖ ࡀࡌࡀࡓ ࡁࡃࡀࡓࡉࡀ ࡌࡀࡋࡊࡅࡕࡀ ࡅࡌࡉࡕࡒࡀࡉࡀࡌ
ࡅࡆࡉࡅࡇ ࡃࡍࡉࡄ ࡅࡌࡀࡍࡄࡀࡓ ࡖ ࡎࡀࡊࡀ ࡅࡊࡉࡋࡀ ࡅࡌࡉࡍࡉࡀࡍࡀ ࡋࡉࡕࡋࡇ
ࡄࡀࡃࡉࡀ ࡁࡄࡀࡃࡅࡕࡀ ࡖ ࡋࡀࡍࡎࡉࡎࡅࡕࡀ ࡄࡀࡃࡉࡀࡁࡇ ࡊࡅࡋࡇ  ࡌࡀࡋࡊࡅࡕࡀ
ࡑࡅࡓࡕࡀ ࡄࡀࡃࡓࡀ ࡅࡂࡀࡉࡅࡕࡀ ࡖ ࡋࡀࡉࡉࡕ ࡔࡅࡐࡓࡀ ࡖ ࡃࡀࡌࡉࡋࡇ
ࡊࡅࡔࡈࡀ ࡖ ࡔࡓࡉࡀ ࡁࡌࡓࡅࡌࡉࡀ ࡏࡋࡀࡉࡉࡀ ࡌࡀࡓࡀ ࡖ  ࡓࡀࡁࡅࡕࡀ
ࡌࡀࡓࡀࡉࡄࡅࡍ ࡖ ࡊࡅࡋࡄࡅࡍ ࡓࡅࡓࡁࡀࡕࡀ ࡖ [ࡋࡀࡉࡉࡕ] ࡖ ࡍࡉࡎࡀࡉࡉࡊ ࡅࡍࡉࡌࡀࡓ ࡏࡋ
ࡄࡀࡉࡋࡇ ࡃࡉࡋࡇ ࡅࡁࡊࡅࡋࡄࡅࡍ ࡀࡋࡌࡉࡀ  ࡅࡏࡋ ࡔࡊࡉࡍࡀࡕࡀ ࡖ ࡔࡊࡉࡍࡁࡉࡍ
ࡅࡏࡋ ࡏࡅࡕࡓࡉࡀ ࡅࡌࡀࡋࡊࡉࡀ ࡖ ࡔࡓࡉࡁࡉࡍ ࡄࡀࡄࡅ ࡌࡀࡋࡊࡀ
ࡓࡀࡌࡀ ࡖ ࡍࡄࡅࡓࡀ ࡌࡕࡀࡒࡀࡍ ࡁࡃࡀࡅࡓࡇ ࡅࡓࡀࡌ ࡄࡅ ࡌࡍ
ࡊࡅࡋࡄࡅࡍ ࡀࡋࡌࡉࡀ ࡀࡉࡀࡊ ࡀࡓࡒࡀ  ࡌࡍ ࡃࡀࡉࡀࡓࡀ ࡅࡌࡀࡓࡉࡌ ࡏࡋ

004
ࡊࡅࡋࡄࡅࡍ ࡀࡉࡀࡊ ࡔࡅࡌࡉࡀ ࡌࡍ ࡈࡅࡓࡉࡀ ࡅࡍࡀࡄࡅࡓ ࡌࡍ ࡊࡅࡋࡄࡅࡍ
ࡀࡉࡀࡊ ࡔࡀࡌࡉࡔ ࡌࡍ ࡔࡓࡀࡂࡉࡀ  ࡅࡌࡕࡀࡒࡀࡍ ࡌࡍ ࡊࡅࡋࡄࡅࡍ ࡅࡗ
ࡎࡉࡓࡀ ࡌࡍ ࡊࡅࡊࡁࡉࡀ ࡅࡀࡉࡕࡀ ࡁࡎࡀࡊࡉࡀ ࡖ ࡋࡉࡕࡁࡀࡉࡄࡅࡍ ࡄࡅࡎࡓࡀࡍࡀ
ࡅࡎࡉࡌࡋࡇ ࡕࡀࡂࡉࡀ ࡓࡅࡓࡁࡉࡀ ࡖ ࡋࡉࡕࡁࡇ ࡎࡀࡊࡀ ࡋࡄࡀࡉࡋࡇ ࡅࡋࡓࡀࡁࡅࡕࡇ
ࡅࡀࡐ ࡋࡀࡁࡀࡌࡉࡍࡉࡀࡍࡀ ࡅࡋࡀࡁࡄࡅࡔࡁࡀࡍࡀ ࡌࡉࡎࡕࡀࡉࡀࡊ ࡅࡀࡆࡋࡀࡍ ࡐࡀࡓࡀࡄࡉࡀࡕࡀ
ࡖ ࡕࡀࡂࡇ  ࡋࡊࡅࡋ ࡀࡕࡀࡓ ࡅࡍࡀࡐࡒࡀࡍ ࡑࡀࡋࡉࡀࡕࡀ [ࡑࡀࡋࡀࡄࡉࡀࡕࡀ] ࡖ ࡆࡉࡅࡀ ࡅࡍࡄࡅࡓࡀ
ࡅࡏࡒࡀࡓࡀ ࡌࡍ ࡒࡅࡃࡀࡌ ࡀࡍࡐࡇ ࡅࡌࡍ ࡀࡁࡉࡍࡉࡀ ࡀࡈࡉࡓࡐࡉࡀ ࡖ  ࡊࡋࡉࡋࡇ
ࡅࡊࡅࡋࡄࡅࡍ ࡏࡅࡕࡓࡉࡀ ࡅࡌࡀࡋࡊࡉࡀ ࡀࡋࡌࡉࡀ ࡊࡅࡋࡄࡅࡍ ࡁࡁࡅࡕࡀ ࡅࡕࡅࡔࡁࡉࡄࡕࡀ
ࡒࡀࡉࡌࡉࡀ ࡅࡌࡔࡀࡁࡉࡋࡇ ࡋࡄࡀࡄࡅ ࡌࡀࡋࡊࡀ  ࡓࡀࡌࡀ ࡖ ࡍࡄࡅࡓࡀ
ࡅࡍࡀࡐࡒࡉࡍ ࡌࡉࡍࡇ ࡄࡀࡌࡔࡀ ࡎࡀࡊࡉࡀ ࡓࡅࡓࡁࡉࡀ ࡒࡀࡃࡌࡀࡉࡉࡀ
ࡅࡊࡀࡁࡉࡓࡉࡀ ࡍࡄࡅࡓࡇ ࡃࡍࡉࡄ ࡏࡋࡀࡅࡀࡉࡄࡅࡍ  ࡅࡕࡉࡍࡉࡀࡍࡀ ࡓࡉࡄࡀ ࡁࡀࡎࡉࡌࡀ
ࡖ ࡍࡀࡔࡉࡌ ࡏࡋࡀࡅࡀࡉࡄࡅࡍ ࡕࡋࡉࡕࡀࡉࡀ ࡄࡀࡋࡉࡅࡕ ࡒࡀࡋࡇ ࡖ ࡁࡂࡀࡅࡇ
ࡓࡀࡅࡆࡉࡀ ࡀࡓࡁࡀࡉࡀ ࡌࡉࡌࡓࡀ ࡖ  ࡐࡅࡌࡇ ࡖ ࡁࡂࡀࡅࡇ ࡍࡀࡑࡉࡁࡋࡅࡍ
ࡅࡌࡀࡅࡃࡉࡋࡅࡍ ࡄࡀࡌࡔࡉࡀࡉࡀ ࡔࡅࡐࡓࡀ ࡖ ࡃࡌࡅࡕࡇ ࡖ ࡁࡂࡀࡅࡇ ࡌࡉࡕࡓࡀࡅࡓࡀࡁࡉࡍ
ࡀࡉࡀࡊ ࡐࡉࡓࡉࡀ  ࡁࡔࡀࡌࡔࡀ ࡐࡕࡀ ࡐࡅࡌࡀࡉࡄࡅࡍ ࡊࡅࡋࡄࡅࡍ
ࡏࡅࡕࡓࡉࡀ ࡌࡔࡀࡁࡉࡋࡇ ࡋࡄࡀࡄࡅ ࡌࡀࡋࡊࡀ ࡓࡀࡌࡀ ࡖ ࡍࡄࡅࡓࡀ ࡅࡀࡌࡓࡉࡋࡇ
ࡌࡀࡍ  ࡍࡉࡔࡀࡁࡀࡊ ࡅࡌࡀࡍ ࡍࡉࡓࡀࡅࡓࡁࡀࡊ ࡅࡌࡀࡍ ࡍࡉࡁࡉࡓࡊࡀࡊ ࡅࡌࡀࡍ
ࡍࡏࡉࡀࡒࡓࡀࡊ [ࡅࡌࡀࡍ ࡍࡉࡒࡀࡉࡌࡀࡊ] ࡏࡅ ࡍࡏࡔࡀࡁࡀࡊ  ࡁࡕࡅࡔࡁࡉࡄࡕࡀࡊ
ࡕࡅࡔࡁࡉࡄࡕࡀࡊ ࡎࡀࡉࡀࡊࡕࡀ ࡋࡉࡕࡋࡇ ࡏࡅ ࡍࡉࡁࡉࡓࡊࡀࡊ ࡁࡀࡁࡉࡓࡊࡕࡀࡊ ࡁࡉࡓࡊࡕࡀࡊ
ࡍࡀࡐࡔࡀ ࡅࡎࡀࡊࡀ ࡋࡉࡕࡋࡇ ࡏࡅ  ࡍࡉࡓࡀࡅࡓࡁࡀࡊ ࡁࡓࡀࡅࡌࡀࡊ ࡋࡓࡀࡅࡌࡀࡊ
ࡌࡀࡔࡉࡄࡕࡀ ࡋࡉࡕࡋࡇ ࡏࡅ ࡍࡉࡒࡀࡉࡌࡀࡊ ࡁࡏࡅࡌࡒࡀࡊ ࡋࡏࡅࡌࡒࡀࡊ
ࡊࡔࡀࡔࡀ ࡋࡉࡕࡋࡇ ࡏࡅ  ࡍࡉࡌࡀࡓ ࡏࡋ ࡄࡀࡉࡋࡀࡊ ࡅࡆࡉࡅࡀࡊ ࡅࡍࡄࡅࡓࡀࡊ
ࡍࡐࡉࡔ ࡆࡉࡅࡀࡊ ࡌࡍ ࡌࡉࡌࡀࡓ ࡁࡌࡉࡌࡓࡉࡀ ࡅࡉࡀࡕࡉࡓ ࡅࡊࡀࡁࡉࡓ
ࡍࡄࡅࡓࡀ ࡌࡍ  ࡀࡌࡋࡅࡋࡉࡀ ࡅࡏࡔࡕࡀࡉࡅࡉࡀ ࡁࡌࡀࡋࡀࡋࡉࡀ ࡅࡁࡉࡓࡊࡕࡇ

005
ࡅࡈࡀࡁࡅࡕࡇ ࡅࡓࡀࡁࡅࡕࡇ [ࡅࡓࡀࡅࡓࡀࡁࡕࡇ] ࡖ ࡌࡀࡋࡊࡀ ࡓࡀࡌࡀ ࡖ ࡍࡄࡅࡓࡀ ࡐࡀࡓࡉࡀࡍ
ࡅࡍࡀࡐࡒࡀࡍ ࡅࡋࡀࡌࡉࡎࡕࡀࡉࡊࡀࡍ ࡅࡋࡀࡉࡉࡕ ࡖ ࡉࡀࡃࡀࡋࡅࡍ ࡅࡐࡀࡓࡉࡔࡋࡅࡍ ࡋࡁࡀࡓ
ࡌࡍ ࡄࡉࡉࡀ ࡖ ࡀࡋࡅࡀࡕࡀࡊ ࡅࡏࡅࡕࡓࡉࡀ ࡅࡔࡋࡉࡄࡉࡀ ࡖ  ࡋࡒࡅࡃࡀࡌࡀࡊ ࡒࡀࡉࡌࡉࡀ
ࡀࡋࡌࡉࡀ ࡊࡅࡋࡄࡅࡍ ࡔࡅࡌࡀࡊ ࡋࡀࡉࡀࡃࡉࡀ ࡅࡀࡌࡓࡉࡀ ࡌࡀࡋࡊࡀ ࡖ ࡍࡄࡅࡓࡀ
ࡅࡀࡌࡓࡉࡀ ࡋࡄࡃࡀࡃࡉࡀ ࡌࡀࡍ  ࡔࡅࡌࡀ ࡋࡍࡄࡅࡓࡀ ࡓࡁࡀ ࡅࡀࡌࡓࡉࡀ ࡋࡀࡉࡉࡕ [ࡔࡅࡌࡀ]
ࡀࡉࡀࡊ ࡔࡅࡌࡇ ࡅࡋࡀࡉࡉࡕ ࡖ ࡍࡉࡒࡓࡉࡀ ࡁࡔࡅࡌࡇ ࡅࡋࡀࡉࡉࡕ ࡖ ࡍࡉࡒࡅࡌ
ࡏࡋ ࡊࡉࡍࡉࡀࡍࡇ  ࡈࡅࡁࡀࡉࡄࡅࡍ ࡋࡔࡀࡋࡌࡀࡍࡉࡀ ࡖ ࡏࡃࡅࡊ ࡁࡋࡉࡁࡀ ࡃࡀࡊࡉࡀ
ࡅࡏࡃࡉࡊࡓࡅࡊ ࡁࡓࡅࡉࡀࡍࡀ ࡊࡔࡉࡈࡀ ࡄࡀࡉࡌࡀࡍࡅࡁࡀࡊ ࡁࡕࡉࡓࡀࡕࡀ  ࡌࡔࡀࡋࡀࡌࡀࡕࡀ
ࡅࡁࡉࡓࡊࡅࡊ ࡁࡐࡅࡌࡀ ࡖ ࡊࡅࡋࡀ ࡕࡅࡔࡁࡉࡄࡕࡀ ࡅࡔࡀࡁࡅࡊ ࡁࡋࡉࡔࡀࡍࡀ
ࡕࡓࡉࡑࡀ ࡅࡄࡀࡉࡌࡀࡍࡅࡁࡀࡊ ࡁࡏࡎࡐࡉࡀ  ࡌࡄࡀࡉࡍࡀࡕࡀ ࡅࡀࡌࡓࡉࡀ ࡄࡀࡃ
ࡄࡅ ࡌࡀࡋࡊࡀ ࡖ ࡍࡄࡅࡓࡀ ࡁࡌࡀࡋࡊࡅࡕࡇ ࡅࡋࡀࡉࡉࡕ ࡖ ࡓࡀࡁ ࡌࡉࡍࡇ
[ࡅࡋࡀࡉࡉࡕ ࡖ ࡌࡉࡍࡇ] ࡍࡉࡓࡌࡉࡀ  ࡒࡓࡀࡁࡀ ࡋࡀࡉࡉࡕ ࡌࡀࡍ ࡖ ࡁࡃࡌࡅࡕࡇ ࡍࡉࡃࡀࡌࡉࡀ ࡅࡋࡀࡉࡉࡕ
ࡌࡀࡍ ࡖ ࡍࡀࡓࡉࡌ ࡀࡉࡍࡇ ࡅࡍࡉࡄࡉࡆࡉࡀ ࡋࡕࡀࡂࡇ ࡖ ࡁࡓࡉࡔࡉࡇ ࡖ ࡄࡀࡄࡅ
ࡌࡀࡋࡊࡀ  ࡓࡀࡌࡀ ࡖ ࡍࡄࡅࡓࡀ ࡖ ࡋࡀࡍࡀࡐࡉࡋ ࡕࡀࡂࡇ ࡌࡍ ࡓࡉࡔࡀ ࡈࡅࡓࡀ
ࡄࡅ ࡓࡀࡌࡀ ࡖ ࡋࡀࡌࡀࡍࡃࡉࡋࡇ ࡆࡉࡒࡉࡀ ࡖ ࡀࡉࡀࡓ ࡋࡁࡉࡔ ࡋࡁࡅࡔࡉࡀ
ࡄࡀࡃࡕࡉࡀ ࡖ ࡔࡅࡐࡓࡀ ࡖ ࡋࡀࡄࡅࡍ ࡌࡍ ࡋࡁࡅࡔࡉࡀ ࡖ ࡄࡀࡆࡉࡍ ࡀࡋࡌࡀ
ࡅࡋࡀࡌࡓࡀࡕ ࡀࡕࡅࡀࡕ ࡖ ࡍࡉࡔࡀࡅࡉࡀ ࡋࡁࡅࡔࡀ ࡋࡌࡀࡓࡉࡀ ࡕࡀࡂࡉࡀ
ࡅࡋࡀࡀࡌࡓࡉࡍ ࡅࡋࡀࡌࡑࡏࡉࡍ ࡁࡍࡉࡀ ࡀࡌࡀࡌࡉࡀ ࡖ ࡍࡉࡍࡑࡀࡁࡅࡋࡇ ࡊࡎࡅࡉࡀ ࡖ ࡏࡋ
ࡊࡀࡃࡐࡀ ࡅࡋࡀࡁࡀࡋࡉࡀ ࡋࡁࡅࡔࡀ ࡖ ࡋࡁࡉࡔ ࡅࡋࡀࡍࡀࡐࡉࡋ  ࡎࡀࡎࡀ ࡄࡁࡀࡋࡀ
ࡁࡊࡎࡅࡉࡀ ࡅࡋࡀࡓࡁࡀ ࡔࡀࡌࡔࡀ ࡒࡅࡃࡀࡌࡇ ࡅࡋࡀࡃࡀࡉࡊࡉࡀ ࡐࡀࡎࡉࡌࡊࡉࡀ
ࡖ ࡌࡃࡉࡍࡕࡇ ࡋࡀࡄࡀࡉࡌࡉࡀ ࡕࡀࡂࡉࡀ ࡖ  ࡁࡓࡉࡔࡉࡀ ࡅࡋࡀࡍࡀࡕࡓࡉࡀ ࡀࡈࡉࡓࡐࡉࡀ
ࡖ ࡊࡋࡉࡋࡇ ࡖ ࡌࡍ ࡒࡅࡃࡀࡌ ࡀࡍࡐࡇ ࡍࡀࡐࡒࡉࡀ ࡍࡀࡐࡉࡒ ࡓࡉࡄࡀ ࡁࡀࡎࡉࡌࡀ
ࡌࡍ ࡀࡁࡉࡍࡉࡀ ࡀࡈࡉࡓࡐࡉࡀ ࡖ ࡊࡋࡉࡋࡇ ࡖ ࡌࡍ ࡀࡍࡐࡇ ࡅࡌࡉࡕࡊࡀࡓࡊࡉࡁࡇ ࡊࡅࡋࡄࡅࡍ ࡏࡅࡕࡓࡉࡀ
ࡅࡓࡀࡅࡆࡉࡀ ࡔࡁࡉࡄ ࡒࡀࡌ ࡅࡂࡀࡁࡉࡓ ࡏࡋ ࡊࡅࡋࡄࡅࡍ ࡀࡋࡀࡄࡉࡀ ࡖ ࡁࡓࡉࡔ

006
ࡊࡅࡋࡄࡅࡍ ࡃࡀࡓࡉࡀ ࡄࡅࡀ  ࡌࡀࡋࡊࡀ ࡖ ࡌࡍ ࡒࡃࡉࡌ [ࡒࡅࡃࡀࡌ] ࡅࡋࡀࡒࡉࡎࡕࡀࡉࡀࡊ ࡔࡅࡌࡇ
ࡁࡐࡅࡌࡀࡍ ࡅࡋࡀࡊࡉࡍࡉࡀࡍࡇ ࡁࡉࡕ ࡎࡐࡉࡄࡀࡕࡀࡍ ࡃࡀࡉࡀࡍࡀ ࡄࡅ ࡖ ࡀࡕࡓࡇ
ࡖ  ࡋࡉࡕࡁࡇ ࡊࡀࡃࡁࡀ ࡁࡐࡅࡌࡇ ࡌࡕࡀࡒࡉࡍ ࡊࡅࡓࡎࡉࡀ ࡖ ࡓࡁࡀ ࡅࡏࡋࡀࡉࡀ
ࡖ ࡋࡀࡌࡉࡔࡕࡀࡍࡉࡀ ࡋࡀࡋࡀࡌ ࡀࡋࡌࡉࡀ ࡋࡀࡅ ࡍࡀࡍࡂࡀࡓࡉࡀ ࡖ ࡐࡀࡂࡓࡉࡀ
ࡕࡀࡒࡉࡍࡉࡅࡍ ࡊࡅࡓࡎࡉࡀ ࡖ ࡀࡕࡅࡕࡇ ࡋࡀࡅ ࡀࡓࡃࡉࡊࡋࡉࡀ ࡖ ࡈࡉࡍࡀ ࡖ ࡁࡍࡅࡍ ࡁࡀࡕࡉࡀ
ࡌࡅࡕࡁࡇ ࡌࡀࡋࡊࡀ ࡄࡅ ࡖ ࡌࡍ  ࡋࡀࡒࡀࡃࡌࡉࡀ ࡖ ࡒࡀࡉࡌࡀ ࡌࡀࡋࡊࡅࡕࡇ
ࡋࡀࡋࡀࡌ ࡅࡋࡀࡁࡀࡈࡋࡀ ࡖ ࡋࡀࡓࡉࡕࡋࡇ ࡄࡀࡋࡑࡇ ࡁࡃࡀࡄࡀࡋࡕࡀ ࡅࡋࡀࡌࡉࡈࡉࡋࡇ
ࡄࡀࡅࡒࡀ ࡅࡆࡉࡄࡅࡀ ࡖ  ࡁࡍࡉࡀ ࡄࡔࡅࡊࡀ ࡅࡋࡀࡒࡀࡌࡋࡇ ࡁࡉࡅࡌࡀ ࡖ ࡆࡉࡄࡅࡀ
ࡅࡋࡀࡌࡀࡈࡉࡀࡋࡇ ࡔࡉࡕࡀ ࡖ ࡓࡅࡂࡆࡀ ࡅࡆࡉࡅࡉࡄࡕࡀ ࡌࡀࡋࡊࡀ ࡖ ࡍࡄࡅࡓࡀ  ࡌࡀࡌࡋࡀࡊ
ࡁࡕࡀࡂࡀ ࡋࡀࡋࡀࡌ ࡅࡋࡉࡕࡋࡇ ࡁࡅࡈࡋࡀࡍࡀ ࡋࡌࡀࡋࡊࡅࡕࡇ ࡌࡋࡉࡊ ࡔࡋࡉࡄ
ࡅࡉࡀࡒࡉࡓ ࡁࡌࡃࡉࡍࡕࡇ ࡄࡃࡀࡓࡉࡋࡇ ࡔࡅࡓࡉࡀ ࡓࡅࡓࡁࡉࡀ ࡖ  ࡃࡌࡀࡎࡀ
ࡌࡀࡋࡊࡀ ࡖ ࡓࡅࡓࡁࡀࡍࡉࡀ ࡍࡐࡉࡔ ࡏࡅࡕࡓࡉࡀ ࡅࡉࡀࡕࡉࡓ ࡔࡋࡉࡄࡉࡀ ࡅࡓࡀࡁ
ࡌࡍ ࡌࡀࡋࡊࡉࡀ ࡖ ࡀࡕࡀࡓ ࡀࡕࡀࡓ ࡄࡀࡃࡉࡀ ࡄࡅ ࡄࡀࡃࡉࡀ  ࡌࡃࡉࡍࡕࡇ
ࡅࡄࡀࡃࡉࡀࡁࡇ ࡊࡅࡋࡀ ࡌࡀࡋࡊࡅࡕࡇ ࡋࡉࡕࡋࡇ ࡀࡁࡀ ࡖ ࡒࡀࡔࡉࡔ ࡌࡉࡍࡇ
ࡅࡋࡀࡁࡅࡊࡓࡀ ࡖ ࡌࡍ ࡒࡅࡃࡀࡌࡇ ࡄࡅࡀ ࡋࡉࡕࡋࡇ ࡀࡄࡀ ࡖ  ࡐࡀࡋࡉࡂࡋࡇ ࡌࡍࡀࡕࡀ
ࡅࡋࡀࡕࡀࡅࡌࡀ ࡖ ࡁࡊࡉࡑࡀࡕ ࡄࡃࡀࡃࡉࡀ ࡋࡀࡒࡉࡁࡋࡇ ࡅࡋࡀࡐࡋࡉࡂࡋࡇ ࡅࡋࡀࡄࡀࡅࡉࡀ
ࡐࡋࡅࡂࡕࡇ ࡁࡌࡃࡉࡍࡕࡇ  ࡅࡋࡀࡍࡀࡊࡎࡉࡀ ࡏࡍࡊࡅࡎࡕࡀ ࡒࡅࡃࡀࡌࡇ ࡅࡋࡀࡊࡋࡉࡀ
ࡁࡉࡎࡓࡀ ࡋࡄࡃࡇ [ࡋࡎࡉࡁࡀ] ࡅࡋࡀࡔࡀࡕࡉࡍ ࡄࡀࡌࡓࡀ ࡖ ࡔࡉࡄࡀ ࡅࡋࡀࡆࡀࡌࡓࡉࡀ
ࡒࡅࡃࡀࡌࡇ  ࡆࡌࡀࡓࡀ ࡖ ࡀࡅࡋࡇ ࡅࡋࡀࡊࡅࡌ ࡋࡁࡅࡔࡀ ࡖ ࡋࡁࡉࡔ ࡅࡋࡀࡄࡀࡉࡌࡉࡀ
ࡕࡀࡂࡉࡀ ࡖ ࡁࡓࡉࡔࡀ ࡅࡋࡀࡍࡀࡕࡓࡉࡀ ࡀࡈࡉࡓࡐࡉࡀ ࡖ ࡊࡋࡉࡋࡇ ࡋࡀࡒࡀࡋ  ࡍࡅࡌࡁࡉࡀ
ࡄࡀࡅࡉࡀ ࡁࡀࡕࡓࡇ ࡅࡋࡀࡕࡊࡀࡋࡇ ࡖ ࡁࡍࡀࡕ ࡀࡍࡀࡔࡀ ࡋࡀࡄࡀࡋࡐࡀ ࡔࡋࡀࡍࡃࡀ
ࡒࡅࡃࡀࡌࡇ ࡅࡋࡀࡌࡈࡀࡍࡀࡐ ࡃࡀࡅࡓࡀ  ࡁࡌࡉࡕࡀ ࡋࡀࡏࡁࡉࡃࡋࡇ ࡒࡓࡀࡁࡀ ࡖ ࡕࡀࡒࡉࡐ
ࡅࡋࡀࡒࡀࡌࡋࡇ ࡁࡉࡅࡌࡀ ࡖ ࡆࡉࡄࡅࡀ ࡄࡀࡃࡉࡁࡅࡍ ࡌࡀࡋࡊࡀ ࡁࡁࡍࡉࡀ ࡍࡄࡅࡓࡀ
ࡅࡒࡀࡓࡉࡀ  ࡋࡄࡀࡃ ࡅࡀࡋࡐࡀ ࡀࡍࡉࡋࡇ ࡁࡌࡉࡍࡉࡋࡕࡇ ࡍࡀࡑࡉࡁ ࡏࡅࡕࡓࡉࡀ

007
ࡁࡌࡉࡌࡓࡀ ࡖ ࡐࡅࡌࡇ ࡌࡀࡓࡉࡌ ࡕࡅࡔࡋࡉࡌࡉࡀ ࡌࡀࡋࡊࡀ ࡖ ࡊࡅࡋࡄࡅࡍ  ࡏࡅࡕࡓࡉࡀ
ࡅࡔࡊࡉࡍࡀࡕࡀ ࡕࡀࡂࡀ ࡓࡁࡀ ࡖ ࡁࡓࡉࡔ ࡌࡓࡅࡌࡀ ࡍࡉࡄࡀ ࡌࡊࡀࡁࡉࡔ ࡕࡀࡒࡉࡐࡉࡀ
ࡄࡀࡉࡋࡀ ࡖ ࡏࡋ ࡊࡅࡋࡄࡅࡍ ࡌࡀࡓࡃࡉࡀ ࡁࡓࡉࡊࡉࡕ  ࡅࡌࡔࡀࡁࡉࡕ ࡌࡍ ࡆࡁࡀࡍ ࡅࡏࡃࡀࡍ
ࡋࡀࡋࡀࡌ ࡓࡀࡁ ࡄࡅ ࡔࡅࡋࡈࡀࡍ ࡍࡀࡐࡔࡀࡊ ࡌࡍ ࡌࡀࡋࡊࡉࡀ ࡊࡅࡋࡄࡅࡍ ࡖ ࡀࡕࡀࡓ
ࡄࡔࡅࡊ ࡔࡓࡏࡉࡉࡕ  ࡁࡀࡕࡓࡀ ࡖ ࡍࡀࡄࡅࡓ ࡅࡕࡀࡒࡅࡍ ࡅࡔࡀࡐࡉࡓࡀ ࡅࡌࡓࡀࡅࡓࡁࡀ
ࡄࡀࡄࡏ ࡀࡓࡒࡀ ࡖ ࡔࡓࡏࡉࡀࡕࡁࡇ ࡁࡓࡉࡊࡉࡕ ࡁࡃࡅࡓ ࡈࡀࡁࡉࡀ ࡅࡌࡒࡀࡉࡌࡉࡕ
ࡁࡀࡕࡓࡀ ࡖ ࡊࡅࡋࡇ ࡁࡉࡓࡊࡕࡀ ࡖ ࡀࡍࡀࡕ ࡁࡂࡀࡅࡇ ࡄࡀࡃࡉࡕ ࡅࡓࡀࡅࡆ ࡋࡉࡁࡀࡊ
ࡁࡊࡅࡋࡄࡅࡍ ࡃࡀࡉࡀࡓࡀࡊ ࡀࡉࡕࡀࡊ ࡌࡍ ࡉࡅࡌࡀ ࡒࡀࡃࡌࡀࡉࡀ  ࡅࡌࡒࡀࡉࡌࡉࡕ
ࡋࡀࡋࡀࡌ ࡀࡋࡌࡉࡀ ࡁࡄࡀࡉࡋࡀ ࡓࡁࡀ ࡅࡁࡌࡉࡌࡓࡀ ࡊࡀࡁࡉࡓࡀ ࡀࡌࡀࡓ ࡄࡅࡍ
ࡌࡀࡋࡊࡉࡀ ࡖ ࡍࡄࡅࡓࡀ ࡌࡍ ࡆࡉࡅࡀ ࡃࡀࡊࡉࡀ  ࡅࡌࡍ ࡍࡄࡅࡓࡀ ࡓࡁࡀ ࡖ ࡋࡀࡁࡀࡈࡉࡋ
ࡐࡓࡅࡍ ࡄࡅࡍ ࡅࡏࡕࡒࡀࡉࡀࡌ ࡌࡀࡋࡊࡉࡀ ࡖ ࡕࡅࡔࡁࡉࡄࡕࡀ ࡖ ࡎࡀࡊࡀ ࡅࡌࡉࡍࡉࡀࡍࡀ
ࡅࡁࡅࡈࡋࡀࡍࡀ ࡋࡉࡕࡋࡅࡍ ࡖ ࡊࡅࡋࡄࡅࡍ ࡁࡕࡅࡔࡁࡉࡄࡕࡀ ࡌࡋࡉࡍ ࡅࡒࡀࡉࡌࡉࡍ ࡅࡌࡔࡀࡁࡉࡋࡇ
ࡋࡄࡀࡄࡅ ࡌࡀࡋࡊࡀ ࡓࡀࡌࡀ ࡖ ࡍࡄࡅࡓࡀ ࡖ  ࡆࡉࡅࡇ ࡍࡐࡉࡔ ࡌࡍ ࡌࡉࡌࡀࡓ
ࡁࡐࡅࡌࡇ ࡖ ࡁࡉࡎࡓࡇ ࡅࡆࡌࡇ ࡅࡍࡄࡅࡓࡇ ࡊࡀࡁࡉࡓ ࡌࡍ ࡀࡌࡋࡅࡋࡉࡀ ࡁࡎࡐࡉࡄࡀࡕࡀ
ࡕࡀࡒࡅࡍ ࡆࡉࡅࡇ  ࡅࡍࡀࡄࡅࡓ ࡍࡄࡅࡓࡇ ࡏࡋ ࡊࡅࡋࡄࡅࡍ ࡀࡋࡌࡉࡀ ࡕࡀࡒࡍࡀ ࡅࡌࡉࡍࡉࡄࡓࡀ
ࡓࡒࡉࡄࡀ ࡖ ࡁࡂࡀࡅࡇ ࡔࡓࡉࡍ ࡀࡋࡌࡀ ࡖ ࡒࡀࡉࡉࡌࡁࡇ ࡁࡅࡈࡋࡀࡍࡀ  ࡋࡉࡕࡋࡇ
ࡀࡋࡌࡀ ࡖ ࡆࡉࡅࡀ ࡅࡍࡄࡅࡓࡀ ࡖ ࡄࡀࡁࡀࡓࡀ ࡋࡉࡕࡁࡇ ࡀࡋࡌࡀ ࡖ ࡍࡉࡄࡅࡕࡀ
ࡖ ࡌࡓࡉࡃࡅࡕࡀ ࡋࡉࡕࡁࡇ ࡀࡋࡌࡀ ࡖ ࡊࡉࡍࡅࡕࡀ ࡖ ࡔࡉࡂࡔࡀ  ࡅࡈࡉࡓࡒࡀ ࡋࡉࡕࡁࡇ
ࡀࡋࡌࡀ ࡖ ࡁࡅࡎࡌࡀࡍࡉࡀ ࡖ ࡓࡉࡄࡀ ࡖ ࡎࡀࡉࡍࡀ ࡋࡉࡕࡁࡇ ࡀࡋࡌࡀ ࡖ ࡄࡉࡉࡀ ࡖ ࡋࡀࡋࡀࡌ
ࡖ ࡁࡅࡈࡋࡀࡍࡀ ࡅࡌࡅࡕࡀ  ࡋࡉࡕࡁࡇ ࡀࡋࡌࡀ ࡖ ࡌࡉࡀ ࡄࡉࡉࡀ ࡖ ࡁࡓࡉࡄࡀࡉࡅࡍ
ࡌࡀࡋࡊࡉࡀ ࡓࡀࡅࡆࡉࡀ ࡀࡋࡌࡀ ࡖ ࡈࡀࡁࡅࡕࡀ ࡖ ࡁࡉࡔࡅࡕࡇ ࡋࡉࡕࡁࡇ ࡀࡋࡌࡀ
ࡖ ࡊࡅࡔࡈࡀ  ࡅࡄࡀࡉࡌࡀࡍࡅࡕࡀ ࡖ ࡊࡀࡃࡁࡀ ࡅࡍࡉࡊࡋࡀ ࡋࡉࡕࡁࡇ ࡀࡋࡌࡀ ࡄࡅ ࡃࡀࡊࡉࡀ
ࡖ ࡏࡅࡓࡁࡀࡍࡀ ࡁࡉࡔࡀ ࡋࡉࡕࡁࡇ ࡌࡔࡀࡁࡉࡋࡇ ࡌࡀࡋࡀࡊࡉࡀ ࡖ ࡆࡉࡅࡀ  ࡋࡄࡀࡄࡅ
ࡌࡀࡋࡊࡀ ࡓࡀࡌࡀ ࡖ ࡍࡄࡅࡓࡀ ࡁࡆࡉࡅࡀ ࡅࡍࡄࡅࡓࡀ ࡖ ࡏࡄࡀࡁࡋࡅࡍ ࡌࡔࡀࡁࡉࡋࡇ

008
ࡌࡀࡋࡀࡊࡉࡀ ࡖ ࡆࡉࡅࡀ ࡁࡋࡁࡅࡔࡉࡀ ࡖ ࡆࡉࡅࡀ ࡖ  ࡏࡄࡀࡁࡋࡅࡍ ࡌࡔࡀࡁࡉࡋࡇ
ࡌࡀࡋࡀࡊࡉࡀ ࡖ ࡆࡉࡅࡀ ࡁࡊࡎࡅࡉࡉࡀ ࡖ ࡍࡄࡅࡓࡀ ࡖ ࡏࡄࡀࡁࡋࡅࡍ ࡌࡔࡀࡁࡉࡋࡇ
ࡌࡀࡋࡀࡊࡉࡀ ࡖ ࡆࡉࡅࡀ ࡁࡄࡉࡌࡉࡀࡍࡉࡀ  ࡖ ࡆࡉࡅࡀ ࡖ ࡏࡄࡀࡁࡋࡅࡍ ࡌࡔࡀࡁࡉࡋࡇ
ࡌࡀࡋࡀࡊࡉࡀ ࡖ ࡆࡉࡅࡀ ࡁࡊࡋࡉࡋࡉࡀ ࡖ ࡆࡉࡅࡀ ࡖ ࡏࡄࡀࡁࡋࡅࡍ ࡖ ࡕࡓࡀࡑࡋࡅࡍ ࡌࡔࡀࡁࡉࡋࡇ
ࡌࡀࡋࡀࡊࡉࡀ ࡖ  ࡆࡉࡅࡀ ࡁࡄࡀࡉࡋࡀ ࡅࡔࡓࡀࡓࡀ ࡖ ࡏࡄࡀࡁࡋࡅࡍ ࡌࡔࡀࡁࡉࡋࡇ
ࡌࡀࡋࡀࡊࡉࡀ ࡖ ࡆࡉࡅࡀ ࡁࡊࡅࡔࡈࡀ ࡅࡋࡀࡅࡐࡀ ࡅࡄࡀࡉࡌࡀࡍࡅࡕࡀ ࡖ ࡏࡄࡀࡁࡋࡅࡍ
ࡊࡅࡋࡄࡅࡍ ࡍࡉࡄࡉࡀ ࡅࡄࡀࡊࡉࡌࡉࡀ ࡅࡁࡀࡎࡉࡌࡉࡀ ࡖ ࡁࡉࡔࡅࡕࡀ ࡅࡊࡀࡃࡁࡀ ࡅࡍࡉࡊࡋࡀ
ࡋࡉࡕࡁࡅࡍ ࡋࡁࡉࡔࡉࡀ ࡋࡁࡅࡔࡉࡀ ࡖ ࡆࡉࡅࡀ ࡅࡌࡊࡀࡎࡉࡍ  ࡊࡎࡅࡉࡉࡀ ࡖ ࡍࡄࡅࡓࡀ ࡅࡔࡓࡉࡍ
ࡅࡔࡊࡉࡍࡉࡀ ࡋࡅࡀࡕ ࡄࡃࡀࡃࡉࡀ ࡅࡋࡀࡌࡀࡎࡊࡉࡋࡉࡀ ࡄࡀࡃ ࡁࡄࡀࡁࡓࡀ ࡅࡋࡀࡄࡀࡈࡉࡍ
ࡁࡉࡄࡃࡀࡃࡉࡀ ࡅࡉࡀࡒࡀࡓࡉࡍ  ࡏࡋ ࡀࡓࡒࡀࡄࡀࡉࡄࡅࡍ ࡅࡃࡀࡌࡉࡍ ࡀࡉࡀࡊ ࡆࡀࡐࡀ
ࡋࡀࡉࡍࡇ ࡅࡕࡉࡓࡀࡕࡅࡍ ࡂࡀࡋࡉࡀࡍ ࡋࡄࡃࡀࡃࡉࡀ ࡅࡒࡀࡃࡌࡉࡀࡕࡀ ࡅࡁࡀࡕࡓࡀࡉࡀࡕࡀ
ࡉࡀࡃࡉࡍ  ࡀࡋࡉࡐ ࡀࡋࡉࡐ ࡐࡀࡓࡎࡉࡀ ࡓࡀࡄࡉࡒࡉࡀ ࡌࡍ ࡄࡃࡀࡃࡉࡀ ࡅࡁࡆࡉࡅࡀ
ࡖ ࡄࡃࡀࡃࡉࡀ ࡍࡀࡄࡓࡉࡀ ࡅࡁࡓࡉࡄࡀ ࡖ ࡄࡃࡀࡃࡉࡀ ࡁࡀࡎࡌࡉࡀ ࡅࡊࡅࡔࡈࡀ
ࡋࡄࡃࡀࡃࡉࡀ ࡐࡀࡔࡈࡉࡀ ࡅࡏࡅࡑࡓࡀࡉࡄࡅࡍ ࡋࡄࡃࡀࡃࡉࡀ  ࡐࡀࡓࡔࡉࡀ ࡄࡉࡍࡅࡍ
ࡌࡓࡀࡄࡒࡉࡀ ࡌࡍ ࡊࡅࡋ ࡌࡅࡕࡀ ࡅࡄࡁࡉࡋࡀ ࡖ ࡌࡅࡕࡀ ࡋࡀࡎࡀࡌࡋࡇ  ࡁࡅࡈࡋࡀࡍࡀ
ࡋࡉࡕࡋࡅࡍ ࡅࡋࡀࡎࡀࡉࡁࡉࡍ ࡅࡄࡀࡉࡋࡀࡉࡄࡅࡍ ࡋࡀࡁࡀࡑࡀࡓ ࡅࡁࡊࡉࡁࡉࡀ ࡅࡌࡅࡌࡉࡀ
ࡋࡀࡌࡉࡕࡋࡀࡁࡔࡉࡍ ࡋࡁࡅࡔࡀࡉࡄࡅࡍ ࡋࡀࡊࡅࡌ  ࡅࡊࡎࡅࡉࡀࡉࡄࡅࡍ ࡋࡀࡄࡀࡔࡅࡊ
ࡅࡊࡋࡉࡋࡀࡉࡄࡅࡍ ࡋࡀࡔࡀࡄࡉࡍ ࡅࡋࡀࡐࡀࡉࡉࡍ ࡅࡀࡈࡉࡓࡐࡀ ࡌࡉࡍࡀࡉࡄࡅࡍ ࡋࡀࡍࡀࡕࡓࡉࡀ
ࡅࡊࡅࡋ ࡌࡉࡓࡁࡀ ࡓࡀࡁࡉࡍ  ࡅࡄࡀࡉࡉࡍ ࡅࡌࡉࡕࡒࡀࡉࡌࡉࡍ ࡏࡋ ࡃࡅࡊࡕࡀࡉࡄࡅࡍ ࡋࡀࡍࡀࡉࡃࡉࡀ
ࡅࡋࡀࡌࡉࡆࡃࡓࡀࡍࡁࡉࡍ ࡋࡉࡕࡁࡀࡉࡄࡅࡍ ࡎࡀࡁࡀ ࡖ ࡎࡀࡉࡉࡁ ࡅࡋࡀࡉࡀࡄࡈࡀ ࡖ ࡌࡍ
ࡊࡓࡀࡎ ࡏࡌࡇ ࡍࡐࡀࡒ ࡋࡀࡉࡉࡕ ࡃࡉࡍࡀ ࡁࡌࡃࡉࡍࡕࡅࡍ ࡅࡀࡐ ࡄࡉࡍࡅࡍ
ࡄࡃࡀࡃࡉࡀ ࡋࡀࡃࡀࡉࡍࡉࡀ ࡋࡀࡊࡀࡐࡍࡉࡀ ࡅࡋࡀࡑࡀࡄࡅࡍ ࡅࡄࡀࡅࡌࡀ  ࡅࡁࡀࡓࡃࡀ
ࡅࡁࡉࡔࡅࡕࡀ ࡅࡓࡅࡂࡆࡀ ࡋࡉࡕࡁࡅࡍ ࡋࡀࡒࡀࡓࡁࡉࡀ ࡒࡓࡀࡁࡀ ࡌࡍ ࡄࡃࡀࡃࡉࡀ
ࡅࡀࡐ ࡋࡀࡁࡔࡉࡁࡉࡀ ࡌࡉࡔࡕࡁࡉࡍ ࡀࡓࡒࡀࡉࡄࡅࡍ  ࡄࡉࡅࡀ ࡁࡀࡋࡀ ࡏࡋࡇ

009
ࡋࡀࡃࡀࡌࡉࡍ ࡅࡓࡉࡄࡔࡀ ࡁࡉࡔࡀ ࡌࡍ ࡂࡀࡅࡇ ࡋࡀࡍࡐࡀࡒ ࡏࡅࡑࡀ ࡁࡉࡔࡀ
ࡋࡀࡉࡉࡕ ࡁࡉࡋࡀࡍࡅࡍ ࡅࡋࡀࡌࡓࡀࡓࡀ ࡁࡐࡉࡓࡉࡀ ࡖ ࡃࡀࡅࡓࡀࡉࡄࡅࡍ ࡏࡁࡉࡁࡀࡉࡄࡅࡍ
ࡋࡀࡑࡀࡅࡉࡍ ࡅࡋࡀࡉࡀࡁࡔࡉࡀ ࡅࡀࡈࡉࡓࡐࡉࡀ ࡖ ࡏࡋࡀࡍࡉࡀ ࡋࡀࡍࡀࡕࡓࡉࡀ ࡁࡀࡕࡓࡀࡉࡄࡅࡍ
ࡎࡀࡎࡀ ࡅࡄࡁࡉࡋࡀ  ࡋࡀࡍࡀࡐࡉࡋ ࡔࡊࡉࡍࡀࡕࡅࡍ ࡁࡅࡈࡋࡀࡍࡀ ࡋࡉࡕࡋࡅࡍ ࡔࡀࡋࡉࡈࡀࡍࡉࡀ ࡌࡓࡉࡃࡉࡀ
ࡖ ࡋࡀࡄࡀࡉࡎࡅࡕࡀ ࡏࡋࡀࡅࡀࡉࡄࡅࡍ ࡋࡀࡌࡔࡀࡋࡈࡉࡀ ࡌࡓࡉࡃࡉࡀ  ࡓࡂࡉࡆࡉࡀ ࡖ ࡋࡀࡓࡀࡄࡌࡅࡕࡀ
ࡁࡃࡀࡅࡓࡀࡉࡄࡅࡍ ࡋࡀࡉࡉࡕ ࡀࡓࡒࡀࡉࡄࡅࡍ ࡌࡃࡀࡋࡉࡀࡍ ࡅࡓࡀࡌࡀࡍ ࡁࡉࡍࡕࡀࡉࡄࡅࡍ
ࡁࡀࡕࡉࡀ ࡁࡉࡕ ࡕࡅࡔࡋࡉࡌࡀ  ࡔࡀࡋࡉࡀ ࡅࡍࡉࡄࡉࡀ ࡉࡀࡌࡀࡌࡀࡉࡄࡅࡍ ࡅࡋࡀࡉࡉࡕ
ࡏࡓࡉࡀ ࡁࡂࡀࡅࡀࡉࡄࡅࡍ ࡉࡀࡓࡃࡍࡉࡀ ࡖ ࡀࡋࡌࡉࡀ ࡖ ࡍࡄࡅࡓࡀ ࡌࡉࡀ ࡄࡉࡅࡀࡓࡉࡀ
ࡌࡋࡉࡍ  ࡄࡉࡅࡀࡓࡉࡀ ࡌࡍ ࡄࡀࡋࡁࡀ ࡅࡒࡀࡓࡉࡓࡉࡀ ࡅࡁࡀࡎࡉࡌࡉࡀ ࡅࡌࡀࡆࡉࡆ
ࡓࡉࡄࡀࡉࡅࡍ ࡌࡍ ࡂࡅࡐࡍࡇ ࡓࡅࡓࡁࡉࡀ ࡖ ࡁࡅࡎࡌࡀࡍࡉࡀ ࡅࡏࡅࡕࡓࡉࡀ  ࡅࡌࡀࡋࡊࡉࡀ
ࡖ ࡔࡀࡕࡉࡍ ࡌࡉࡍࡀࡉࡄࡅࡍ ࡈࡀࡌࡀ ࡖ ࡌࡅࡕࡀ ࡋࡀࡈࡀࡉࡌࡉࡍ ࡅࡋࡉࡕࡋࡀࡉࡄࡅࡍ ࡉࡅࡌ
ࡖ ࡁࡉࡔ ࡅࡍࡎࡉࡎ ࡅࡕࡀࡒࡉࡐࡉࡀ ࡅࡀࡐ  ࡋࡀࡊࡀࡓࡉࡅࡕࡀ ࡁࡍࡉࡔࡌࡀࡕࡅࡍ ࡅࡋࡉࡕࡋࡀࡉࡄࡅࡍ
ࡌࡉࡍࡉࡀࡍࡀ ࡋࡔࡍࡀࡉࡄࡅࡍ ࡅࡋࡀࡊࡉࡋࡀ ࡋࡊࡅࡋ ࡄࡀࡉࡅࡕࡅࡍ ࡅࡊࡅࡋࡄࡅࡍ ࡄࡀࡃࡉࡍ
ࡅࡓࡀࡅࡆࡉࡍ  ࡁࡄࡀࡃࡅࡕࡀ ࡖ ࡋࡀࡍࡎࡉࡎࡅࡕࡀ ࡅࡌࡀࡎࡂࡉࡍ ࡁࡒࡀࡋࡉࡋ ࡎࡉࡂࡉࡀ
ࡅࡌࡉࡈࡀࡎࡀࡎࡉࡍ ࡁࡄࡀࡄࡏ ࡀࡓࡒࡀ ࡖ ࡀࡉࡀࡓ ࡄࡉࡅࡀࡓࡕࡉࡀ ࡅࡆࡉࡅࡇ ࡖ ࡃࡍࡉࡄ
ࡏࡋࡀࡅࡀࡉࡄࡅࡍ ࡅࡋࡀࡏࡓࡉࡁࡁࡇ ࡄࡔࡅࡊࡀ ࡅࡄࡉࡍࡅࡍ ࡀࡋࡌࡉࡀ ࡖ ࡍࡄࡅࡓࡀ
ࡁࡎࡀࡊࡉࡀ ࡖ ࡍࡀࡐࡔࡉࡀ ࡀࡉࡕࡉࡍࡄࡅࡍ ࡅࡌࡐࡀࡋࡂࡉࡀ  ࡁࡀࡓࡒࡀࡄࡀࡕࡀ
ࡅࡔࡊࡉࡍࡀࡕࡀ ࡅࡉࡀࡓࡃࡍࡉࡀ ࡅࡏࡋࡀࡍࡉࡀ ࡅࡏࡅࡕࡓࡉࡀ ࡅࡌࡀࡋࡊࡉࡀ ࡅࡆࡉࡅࡀ ࡅࡍࡄࡅࡓࡀ
ࡅࡕࡅࡒࡍࡀ ࡖ ࡏࡋࡀࡅࡀࡉࡄࡅࡍ ࡔࡓࡉࡀ  ࡅࡌࡉࡑࡓࡀ ࡁࡉࡍࡉࡀ ࡄࡃࡀ ࡋࡄࡃࡀ
ࡋࡀࡉࡉࡕ ࡅࡍࡀࡄࡓࡀ ࡅࡕࡀࡒࡍࡀ ࡃࡌࡀࡅࡀࡕࡅࡍ ࡅࡄࡉࡆࡅࡀ ࡖ ࡐࡀࡓࡑࡅࡐࡀࡉࡄࡅࡍ
ࡆࡂࡉࡂ ࡅࡕࡀࡒࡅࡍ  ࡁࡃࡌࡅ ࡁࡉࡋࡅࡓ ࡃࡀࡊࡉࡀ ࡅࡊࡅࡋ ࡉࡅࡌࡀ ࡌࡉࡕࡉࡍࡑࡉࡁࡋࡅࡍ
ࡅࡌࡉࡔࡕࡀࡃࡀࡓࡋࡅࡍ ࡄࡀࡉࡋࡀ ࡅࡒࡀࡋࡀ ࡅࡌࡉࡌࡓࡀ ࡅࡆࡀࡊࡅࡕࡀ ࡌࡍ ࡒࡅࡃࡀࡌ
ࡌࡀࡋࡊࡀࡉࡄࡅࡍ ࡖ ࡊࡅࡋࡄࡅࡍ ࡀࡋࡌࡉࡀ ࡖ ࡍࡄࡅࡓࡀ ࡅࡄࡉࡍࡅࡍ ࡊࡅࡋࡄࡅࡍ ࡒࡀࡉࡌࡉࡀ
ࡁࡁࡅࡕࡀ ࡅࡕࡅࡔࡁࡉࡄࡕࡀ ࡅࡎࡉࡃࡓࡉࡀ ࡅࡃࡓࡀࡔࡉࡀ  ࡔࡀࡍࡉࡀ ࡅࡉࡀࡄࡁࡉࡋࡇ

010
ࡃࡍࡅࡕࡀ ࡅࡏࡓࡅࡕࡀ ࡅࡕࡅࡔࡁࡉࡄࡕࡀ ࡋࡌࡀࡋࡊࡀ ࡓࡀࡌࡀ ࡖ ࡍࡄࡅࡓࡀ ࡅࡌࡀࡋࡀࡊࡉࡀ
ࡄࡉࡍࡅࡍ ࡖ ࡌࡍ ࡌࡀࡋࡊࡀ  ࡓࡁࡀࡉࡄࡅࡍ ࡅࡍࡀࡐࡉࡒ ࡓࡉࡄࡀ ࡁࡀࡎࡉࡌࡀ ࡌࡍ
ࡁࡉࡍࡀࡕࡀࡉࡄࡅࡍ ࡅࡊࡅࡋ ࡁࡅࡎࡌࡀࡍࡉࡀ ࡖ ࡄࡀࡃࡅࡕࡀ ࡋࡀࡅ ࡁࡅࡎࡌࡀ ࡖ ࡏࡊࡅࡓࡉࡀ
ࡅࡋࡀࡅ ࡓࡉࡄࡀ ࡅࡁࡀࡓࡀࡕࡀ ࡖ ࡊࡅࡋ ࡏࡎࡕࡉࡓࡀࡕࡀ ࡅࡊࡅࡋࡄࡅࡍ ࡓࡀࡅࡆࡉࡀ ࡌࡍ
ࡄࡃࡀࡃࡉࡀ ࡀࡊࡅࡀࡕ ࡀࡍࡀࡍࡉࡀ ࡌࡉࡈࡓࡀ ࡋࡏࡋࡀࡍࡉࡀ ࡅࡁࡀࡆࡓࡅࡍࡉࡀ
ࡖ ࡀࡓࡒࡀ ࡅࡀࡉࡕࡉࡍࡄࡅࡍ ࡁࡀࡕࡅࡀࡕࡀ ࡖ ࡔࡅࡐࡓࡀ ࡅࡄࡉࡆࡅࡀ ࡅࡃࡌࡅࡕࡀ ࡅࡑࡀࡅࡕࡀ
ࡅࡄࡃࡀ ࡌࡍ ࡄࡃࡀ ࡔࡀࡍࡀࡉ ࡅࡄࡃࡀ ࡌࡍ ࡄࡃࡀ ࡍࡀࡄࡅࡓ ࡌࡀࡋࡊࡀ ࡓࡀࡌࡀ ࡖ ࡍࡄࡅࡓࡀ
ࡁࡓࡉࡊ ࡅࡌࡔࡀࡁࡀ ࡔࡅࡌࡇ ࡋࡀࡋࡀࡌ ࡀࡋࡌࡉࡀ ࡅࡏࡅࡕࡓࡉࡀ ࡅࡌࡀࡋࡊࡉࡀ
ࡅࡔࡋࡉࡄࡉࡀ ࡅࡐࡀࡓࡑࡅࡐࡉࡀ ࡅࡃࡌࡀࡅࡀࡕࡀ ࡀࡓࡒࡀࡄࡀࡕࡀ ࡅࡔࡊࡉࡍࡀࡕࡀ ࡀࡓࡒࡉࡀ
ࡅࡁࡉࡍࡉࡀࡍࡉࡀ ࡅࡉࡀࡓࡃࡍࡉࡀ ࡅࡏࡋࡀࡍࡉࡀ ࡅࡆࡉࡅࡀ ࡖ  ࡏࡋࡀࡅࡀࡉࡄࡅࡍ ࡔࡓࡉࡀ ࡌࡍ
ࡌࡀࡋࡊࡀ ࡖ ࡍࡄࡅࡓࡀ ࡄࡅࡍ ࡏࡅࡕࡓࡉࡀ ࡅࡌࡀࡋࡊࡉࡀ ࡌࡉࡕࡉࡒࡓࡉࡍ ࡅࡌࡍ ࡀࡓࡒࡀ
ࡉࡀࡓࡃࡍࡉࡀ ࡅࡏࡋࡀࡍࡉࡀ  ࡌࡉࡕࡍࡉࡑࡁࡉࡍ ࡅࡌࡍ ࡆࡉࡅࡀ ࡅࡍࡄࡅࡓࡀ ࡋࡁࡉࡔࡉࡀ ࡅࡊࡎࡅࡉࡉࡀ
ࡅࡊࡋࡉࡋࡉࡀ ࡌࡉࡑࡈࡀࡓࡀࡓࡉࡍ ࡅࡋࡀࡉࡉࡕ ࡌࡉࡍࡀࡉࡄࡅࡍ ࡖ ࡄࡀࡅࡉࡀ ࡌࡉࡍࡇ
ࡄࡀࡎࡉࡓ ࡅࡁࡑࡉࡓ ࡄࡀࡄࡅ ࡀࡕࡓࡀ ࡀࡕࡓࡀ ࡖ ࡄࡉࡉࡀ ࡖ ࡊࡅࡔࡈࡀ ࡍࡉࡀࡄࡀ
ࡔࡓࡀࡓࡀ ࡔࡀࡋࡌࡀ ࡅࡄࡀࡉࡌࡀࡍࡅࡕࡀ ࡖ ࡊࡅࡋ ࡏࡍࡉࡔ ࡋࡀࡌࡎࡀࡊࡉࡋࡇ  ࡅࡏࡋࡀࡅࡇ
ࡄࡀࡅࡉࡋࡇ ࡓࡅࡄࡑࡀࡍࡀ ࡄࡀࡃࡉࡁࡅࡍ ࡌࡀࡋࡊࡀ ࡁࡁࡍࡉࡀ ࡍࡄࡅࡓࡀ ࡅࡄࡉࡍࡅࡍ
ࡁࡂࡀࡅࡇ ࡔࡀࡄࡁࡉࡀ ࡁࡉࡍࡀࡕࡅࡍ  ࡅࡔࡊࡉࡍࡀࡕࡅࡍ ࡁࡆࡉࡅࡀ ࡅࡍࡄࡅࡓࡀ ࡁࡍࡏࡉࡀ
ࡅࡀࡔࡉࡀࡕࡅࡍ ࡔࡓࡀࡓࡀ ࡅࡕࡅࡒࡍࡀ ࡆࡉࡅࡀࡉࡄࡅࡍ ࡔࡀࡍࡀࡉ ࡌࡍ ࡆࡉࡅࡇ ࡖ ࡔࡀࡌࡉࡔ
ࡅࡎࡉࡓࡀ ࡅࡕࡅࡒࡍࡀࡉࡄࡅࡍ ࡕࡀࡒࡅࡍ ࡌࡍ ࡕࡅࡒࡍࡇ ࡖ ࡄࡀࡆࡉࡍ ࡀࡋࡌࡀ ࡆࡉࡅࡀ
ࡖ ࡀࡋࡌࡀ ࡄࡀࡆࡉࡍ ࡏࡕࡁࡀ ࡌࡆࡉࡂࡅࡕࡀ ࡅࡆࡉࡅࡀ ࡖ  ࡄࡀࡍࡀࡕࡇ ࡕࡅࡒࡍࡀ
ࡖ ࡋࡉࡕࡁࡇ ࡃࡅࡓࡃࡉࡀ ࡄࡉࡍࡉࡋࡀ ࡆࡉࡅࡀ ࡖ ࡀࡋࡌࡀ ࡄࡀࡆࡉࡍ ࡏࡕࡉࡍࡑࡉࡁ ࡁࡃࡌࡅࡕࡀ
ࡖ ࡄࡀࡍࡀࡕࡇ ࡆࡉࡅࡀ ࡀࡊࡅࡀࡕ  ࡄࡅࡌࡓࡉࡀ ࡅࡀࡑࡀࡑࡏ [ࡅࡀࡑࡀࡑࡉࡀ] ࡖ ࡁࡃࡌࡅ ࡌࡀࡓࡂࡀࡍࡉࡀࡕࡀ
ࡀࡉࡕࡉࡍࡉࡍ ࡀࡓࡒࡀࡉࡄࡅࡍ ࡏࡋ ࡎࡀࡃࡀࡍࡀ ࡋࡀࡉࡀࡕࡁࡉࡀ ࡅࡀࡓࡒࡀࡉࡄࡅࡍ
ࡁࡂࡉࡓࡂࡋࡉࡀ  ࡋࡀࡄࡀࡃࡓࡀ ࡅࡊࡅࡊࡁࡉࡀ ࡔࡅࡁࡀ ࡏࡋࡀࡅࡀࡉࡄࡅࡍ ࡋࡀࡌࡀࡎࡂࡉࡍ

011
ࡄࡀࡌࡔࡀ ࡅࡕࡓࡉࡎࡀࡓ ࡁࡄࡉࡋࡒࡀࡉࡄࡅࡍ ࡋࡀࡌࡃࡀࡁࡓࡉࡀ ࡀࡒࡀࡐࡓࡀ
ࡁࡔࡁࡉࡋࡅࡍ  ࡋࡀࡉࡉࡕ ࡅࡈࡉࡍࡀ ࡁࡉࡀࡓࡃࡍࡀࡉࡄࡅࡍ ࡋࡀࡌࡉࡕࡀࡔࡊࡀ ࡅࡒࡀࡋࡉࡋࡉࡀ ࡄࡉࡍࡅࡍ
ࡁࡎࡀࡂࡉࡀࡉࡄࡅࡍ ࡀࡊࡅࡀࡕ ࡋࡉࡁࡀ ࡖ ࡁࡓ ࡀࡍࡀࡔࡀ ࡖ ࡁࡋࡉࡂࡓࡉࡀ  ࡋࡀࡎࡀࡂࡉࡀ
ࡅࡁࡔࡉࡕࡀ ࡄࡃࡀ ࡌࡀࡈࡉࡀ ࡋࡊࡅࡋ ࡀࡕࡀࡓ ࡒࡀࡋࡉࡋ ࡅࡍࡉࡄ ࡎࡉࡂࡉࡀࡉࡄࡅࡍ
ࡀࡊࡅࡀࡕ ࡆࡀࡋࡉࡒࡉࡀ ࡖ ࡔࡀࡌࡉࡔ ࡌࡉࡕࡀࡄࡆࡉࡍ ࡁࡀࡉࡍࡀࡉࡄࡅࡍ ࡖ ࡁࡍࡉࡀ
ࡖ ࡀࡃࡀࡌ ࡖ ࡆࡀࡋࡉࡒࡉࡀ ࡌࡀࡈࡉࡍ ࡌࡍ ࡔࡅࡌࡉࡀ ࡅࡀࡋࡌࡀ ࡀࡓࡒࡀ ࡊࡅࡉ
ࡁࡀࡂࡉࡍ ࡁࡉࡄࡃࡀࡃࡉࡀ ࡔࡀࡄࡋࡉࡀ ࡅࡋࡀࡁࡔࡉࡀ ࡁࡏࡅࡑࡓࡉࡀ ࡖ ࡄࡃࡀࡃࡉࡀ
ࡋࡀࡄࡀࡈࡉࡍ ࡅࡋࡀࡌࡀࡎࡊࡋࡉࡍ ࡅࡁࡉࡄࡃࡀࡃࡉࡀ ࡀࡊࡅࡀࡕ ࡆࡉࡅࡀ ࡖ ࡔࡀࡌࡉࡔ
ࡅࡆࡉࡒࡀ ࡍࡅࡓࡀ ࡅࡌࡉࡀ ࡖ ࡀࡋࡌࡀ ࡄࡀࡆࡉࡍ ࡏࡊࡉࡋࡕࡀࡉࡄࡅࡍ  ࡌࡍ ࡁࡉࡓࡊࡕࡇ
ࡖ ࡉࡀࡓࡃࡍࡉࡀ ࡐࡉࡓࡉࡀ [ࡅࡏࡌࡁࡉࡀ] ࡅࡏࡋࡀࡍࡉࡀ ࡅࡋࡉࡕࡋࡀࡉࡄࡅࡍ ࡎࡀࡊࡀ [ࡅࡌࡉࡍࡉࡀࡍࡀ] ࡅࡌࡉࡑࡓࡀ ࡋࡆࡀࡊࡅࡀࡕࡅࡍ
ࡅࡋࡀࡍࡀࡔࡊࡀ ࡖ ࡍࡉࡌࡀࡓ ࡏࡋ ࡄࡀࡉࡋࡀࡉࡄࡅࡍ ࡀࡊࡅࡀࡕ ࡖ ࡀࡌࡀࡓ ࡏࡅ
ࡐࡀࡂࡓࡀ ࡎࡀࡓࡉࡀ ࡍࡉࡔࡀࡁࡀࡊ ࡏࡅ ࡋࡉࡔࡀࡍࡀ ࡁࡀࡈࡋࡀ ࡄࡉࡍ  ࡐࡅࡌࡀࡍ
ࡗ ࡉࡀࡌࡀ ࡍࡉࡄࡅࡉࡀ ࡅࡋࡉࡔࡀࡍࡀࡍ ࡗ ࡈࡅࡓࡉࡀ ࡂࡆࡉࡓࡉࡀ ࡖ ࡁࡂࡀࡅࡇ
ࡅࡎࡐࡉࡄࡀࡕࡀࡍ ࡗ ࡕࡓࡉࡍ ࡊࡉࡐࡉࡀ ࡋࡀࡌࡀࡈࡉࡀࡋࡀࡍ ࡖ ࡍࡉࡎࡀࡉࡉࡊ ࡅࡍࡉࡌࡀࡓ
ࡏࡋ ࡄࡀࡉࡋࡀࡊ ࡃࡉࡋࡀࡊ ࡌࡀࡓࡀࡉ ࡏࡋ ࡊࡅࡋࡄࡅࡍ ࡀࡋࡌࡀࡊ ࡅࡄࡉࡍࡏࡋࡀࡍࡇ
ࡋࡏࡔࡊࡇ [ࡅࡄࡉࡍࡉࡋࡀ ࡋࡉࡔࡊࡀ] ࡖ ࡌࡑࡉࡀ ࡖ ࡍࡉࡎࡀࡉࡉࡊ ࡅࡍࡉࡌࡀࡓ  ࡏࡋ ࡄࡀࡉࡋࡀࡊ ࡃࡉࡋࡀࡊ
ࡈࡅࡁࡇ ࡋࡌࡀࡍ ࡖ ࡏࡃࡀࡊ ࡅࡈࡅࡁࡇ ࡋࡌࡀࡍ ࡖ ࡀࡌࡀࡓ ࡁࡉࡀࡃࡉࡕࡀࡊ
ࡅࡈࡅࡁࡇ ࡋࡌࡀࡍ ࡖ ࡐࡉࡓࡔࡀࡊ ࡈࡅࡁࡇ ࡋࡉࡅࡀࡍ [ࡋࡌࡀࡍ] ࡖ ࡀࡐࡓࡉࡔ ࡏࡋࡀࡊ
ࡈࡅࡁࡇ ࡋࡌࡀࡍ ࡖ ࡍࡉࡎࡉࡁࡓࡀࡊ ࡁࡔࡓࡀࡓࡀ ࡅࡈࡅࡁࡇ ࡋࡌࡀࡍ ࡖ ࡀࡎࡁࡀࡓ
ࡏࡋࡀࡊ ࡈࡅࡁࡇ ࡋࡌࡀࡍ ࡖ ࡀࡎࡁࡀࡓ
ࡌࡍ ࡄࡅࡊࡅࡌࡕࡀࡊ ࡅࡏࡕࡐࡀࡓࡀࡒ ࡌࡍ ࡈࡏࡉࡀ ࡅࡔࡉࡂࡔࡀ ࡖ
ࡄࡀࡆࡉࡍ ࡀࡋࡌࡀ ࡈࡅࡁࡀࡉࡄࡅࡍ ࡋࡔࡀࡋࡌࡀࡍࡉࡀ ࡊࡔࡉࡈࡉࡀ  ࡅࡌࡄࡀࡉࡌࡍࡉࡀ
ࡖ ࡏࡃࡅࡊ ࡅࡐࡉࡓࡔࡅࡊ ࡖ ࡎࡀࡋࡒࡉࡀ ࡁࡆࡀࡊࡅࡕࡀ ࡄࡀࡆࡉࡋࡀ ࡋࡀࡕࡀࡓ

012
ࡍࡄࡅࡓ ࡁࡓࡉࡊࡉࡕ ࡅࡌࡔࡀࡁࡉࡕ ࡌࡀࡓࡀࡉ ࡌࡀࡋࡊࡀ  ࡓࡀࡌࡀ
ࡖ ࡍࡄࡅࡓࡀ ࡌࡍ ࡉࡅࡌࡀ ࡅࡋࡀࡋࡀࡌ ࡀࡋࡌࡉࡀ ࡁࡌࡉࡌࡓࡀࡊ ࡄࡅࡀ ࡊࡅࡋ
ࡌࡉࡍࡃࡀࡌ ࡅࡏࡕࡉࡒࡓࡉࡀ ࡅࡏࡔࡕࡀࡃࡀࡓ ࡏࡅࡕࡓࡀ ࡌࡍ  ࡒࡅࡃࡀࡌࡇ ࡖ ࡄࡀࡄࡅ
ࡌࡀࡓࡀ ࡖ ࡓࡀࡁࡅࡕࡀ ࡖ ࡄࡅ ࡄࡉࡁࡉࡋ ࡆࡉࡅࡀ ࡔࡅࡌࡇ ࡅࡂࡀࡁࡓࡏࡉࡋ
ࡔࡋࡉࡄࡀ ࡌࡉࡕࡉࡒࡓࡉࡀ ࡗ ࡑࡁࡀ ࡌࡀࡋࡊࡀ  ࡓࡀࡌࡀ ࡖ ࡍࡄࡅࡓࡀ
ࡌࡍ ࡆࡉࡅࡀ ࡅࡍࡄࡅࡓࡀ ࡖ ࡒࡀࡉࡉࡌࡁࡇ ࡒࡓࡀࡍ ࡌࡍ ࡔࡊࡉࡍࡕࡀ
ࡄࡀࡍࡀࡕࡇ ࡖ ࡄࡅ ࡓࡁࡀ ࡋࡉࡀࡌࡉࡍࡇ ࡔࡊࡉࡍ  ࡅࡀࡌࡀࡓࡋࡇ ࡀࡎࡂࡉࡀ
ࡏࡆࡉࡋ ࡋࡀࡋࡌࡀ ࡖ ࡄࡔࡅࡊࡀ ࡖ ࡊࡅࡋࡇ ࡁࡉࡔࡅࡕࡀ ࡌࡋࡉࡀ ࡊࡅࡋࡇ
ࡌࡋࡉࡀ ࡁࡉࡔࡅࡕࡀ ࡅࡌࡋࡉࡀ ࡍࡅࡓࡀ ࡀࡊࡋࡀ ࡀࡋࡌࡀ ࡖ ࡌࡋࡉࡀ ࡊࡀࡃࡁࡀ
ࡅࡍࡉࡊࡋࡀ ࡅࡆࡓࡉࡀ [ࡅࡆࡓࡏࡉࡀ] ࡁࡊࡅࡁࡀ ࡅࡀࡈࡀࡈࡀ ࡀࡋࡌࡀ ࡖ ࡔࡉࡂࡔࡀ ࡅࡈࡉࡓࡒࡀ
ࡖ ࡕࡅࡒࡍࡀ ࡁࡂࡀࡅࡇ ࡋࡉࡕࡁࡇ ࡀࡋࡌࡀ ࡖ  ࡄࡔࡅࡊࡀ ࡖ ࡍࡄࡅࡓࡀ ࡋࡉࡕࡁࡇ
ࡀࡋࡌࡀ ࡖ ࡏࡎࡓࡅࡕࡀ ࡖ ࡓࡉࡄࡀ ࡁࡀࡎࡉࡌࡀ ࡋࡉࡕࡁࡇ ࡀࡋࡌࡀ
ࡖ ࡓࡉࡃࡐࡀ ࡅࡌࡅࡕࡀ ࡖ ࡄࡉࡉࡀ ࡖ ࡋࡀࡋࡀࡌ ࡋࡉࡕࡁࡇ  ࡀࡋࡌࡀ ࡖ ࡁࡀࡈࡋࡀࡍ
ࡈࡀࡁࡀࡅࡀࡕࡀ ࡅࡌࡄࡀࡔࡀࡁࡀࡕࡀ ࡋࡀࡔࡀࡋࡌࡀࡍ ࡅࡀࡌࡀࡓࡋࡇ ࡖ ࡏࡆࡉࡋ
ࡊࡁࡅࡔ ࡄࡔࡅࡊࡀ ࡅࡓࡀࡆࡉࡀ ࡖ ࡌࡉࡍࡇ  ࡂࡁࡉࡋ ࡌࡎࡉࡀ ࡀࡓࡒࡀ ࡅࡍࡂࡅࡃ
ࡓࡒࡉࡄࡀ ࡅࡑࡀࡓࡀࡓ ࡁࡂࡀࡅࡇ ࡊࡅࡊࡁࡉࡀ ࡄࡀࡁ ࡆࡉࡅࡀ ࡋࡔࡀࡌࡉࡔ
ࡅࡕࡅࡒࡍࡀ ࡋࡎࡉࡓࡀ ࡅࡑࡀࡌࡀࡄࡕࡀ [ࡅࡑࡀࡄࡀࡌࡕࡀ] ࡋࡊࡅࡋࡄࡅࡍ ࡊࡅࡊࡁࡉࡀ ࡄࡀࡁ ࡁࡅࡎࡌࡀ
ࡋࡌࡉࡀ ࡅࡑࡀࡅࡕࡀ ࡋࡍࡅࡓࡀ ࡒࡓࡉࡀ ࡐࡉࡓࡉࡀ ࡏࡌࡁࡉࡀ ࡅࡏࡋࡀࡍࡉࡀ ࡖ ࡌࡓࡀࡅࡆࡉࡁࡇ
ࡁࡀࡋࡌࡀ  ࡍࡏࡄࡅࡉࡀࡍ ࡄࡀࡅࡀࡍࡉࡀࡕࡀ ࡁࡉࡓࡉࡀࡕࡀ ࡅࡍࡅࡍࡉࡀ ࡅࡑࡉࡐࡀࡓ ࡂࡀࡃࡐࡀ
ࡊࡅࡋ ࡔࡅࡓࡁࡀ ࡆࡀࡊࡓࡀ ࡅࡍࡅࡒࡅࡁࡕࡀ ࡖ ࡍࡉࡄࡅࡉࡋࡇ  ࡐࡅࡄࡋࡀࡍࡀ ࡋࡀࡃࡀࡌ
ࡅࡊࡅࡋࡀ ࡔࡅࡓࡅࡁࡕࡇ ࡍࡉࡄࡅࡍ ࡂࡀࡁࡓࡀ ࡅࡏࡍࡕࡀ ࡅࡍࡉࡄࡅࡉࡀ ࡔࡅࡌࡀࡉࡄࡅࡍ
ࡀࡃࡀࡌ ࡅࡄࡀࡅࡀ ࡅࡌࡍ  ࡌࡀࡋࡀࡊࡉࡀ ࡖ ࡍࡅࡓࡀ ࡋࡒࡅࡃࡀࡌ ࡀࡃࡀࡌ
ࡍࡉࡔࡕࡀࡁࡃࡅࡍ ࡊࡅࡋ ࡌࡀࡍ ࡖ ࡌࡍ ࡌࡉࡍࡉࡋࡕࡀࡊ ࡀࡁࡀࡓ ࡍࡉࡎࡕࡀࡓ

013
ࡁࡍࡅࡓࡀ ࡖ ࡉࡀࡒࡃࡀ ࡍࡉࡄࡅࡍ  ࡕࡋࡀࡕࡀ ࡌࡀࡋࡀࡊࡉࡀ ࡖ ࡆࡉࡅࡀ ࡅࡍࡄࡅࡓࡀ ࡅࡑࡀࡅࡕࡀ
ࡋࡀࡃࡀࡌ ࡍࡉࡄࡅࡉࡋࡇ ࡍࡉࡕࡅࡍ ࡌࡉࡀ ࡄࡉࡉࡀ ࡅࡍࡉࡓࡁࡅࡍ ࡁࡌࡉࡀ ࡕࡀࡄࡌࡉࡀ
ࡁࡓࡉࡄࡀ ࡖ ࡌࡉࡀ ࡄࡉࡉࡀ ࡍࡉࡓࡅࡀࡆ ࡊࡅࡋࡇ ࡀࡋࡌࡀ ࡏࡕࡉࡁࡓࡅࡍ [ࡍࡉࡕࡅࡍ] ࡀࡓࡁࡀ

 

(Neo-Mandaic)

Mandaean Poems from the 18th Century: A Forgotten Genre

Author: Matthew Morgenstern
Source:Orientalia Suecana (2019) Vol. 62–68: 31–56
Published by: Uppsala University
Stable URL: https://www.diva-portal.org/smash/get/diva2:1362560/FULLTEXT01.pdf
Unicode by: Ibrāhīm afiʿī (University of Tehrān)

 

 

 

Text I: Rbai Rafid Collection 5I Composed 1161 AH (1748 CE), copied 1294 AH (1877 CE)

 

1. ࡀ ࡀࡉࡍࡀ ࡖ ࡍࡀࡑࡓࡅࡕࡀ ࡊࡉࡁࡓࡀࡕ ࡏࡋࡀ ࡁࡉࡔࡅࡕࡀ ࡖ ࡀࡊࡉࡓ ࡃࡀࡓࡀ

2. ࡔࡉࡁࡉࡀࡄࡉࡀ ࡋࡂࡀࡈࡉࡅࡍ ࡄࡀࡉࡋࡀ ࡄࡉࡁࡀࡈࡉࡅࡍ ࡄࡉࡈࡀ ࡁࡎࡀࡓࡀ

3. ࡉࡀ ࡄࡉࡉࡀ ࡍࡔࡀࡉࡕࡉࡍࡀࡍ ࡀࡍࡏࡍ ࡂࡀࡉࡓࡀࡊ ࡋࡉࡕࡋࡀ ࡌࡀࡓࡀ

4. ࡓࡅࡄࡀ ࡄࡀࡎࡉࡓࡕࡉࡀ ࡓࡌࡀࡕ ࡏࡋࡀࡍ ࡂࡀࡅࡓࡀ ࡅࡂࡆࡀࡓࡀ

5. ࡁ ࡁࡄࡉࡓࡀ ࡃࡀࡊࡉࡀ ࡀࡍࡀࡕ ࡌࡍ ࡄࡔࡅࡊࡀ ࡐࡀࡓࡒࡉࡍࡀࡍ

6. ࡌࡍ ࡁࡉࡔࡅࡕࡀ ࡅࡌࡀࡄࡓࡉࡀ ࡗ ࡕࡀࡕࡀ ࡍࡉࡔࡈࡅࡉࡍࡀࡍ

7. ࡁࡉࡔࡉࡀ ࡅࡊࡀࡃࡀࡁࡉࡀ ࡁࡁࡉࡔࡅࡕࡀ ࡀࡎࡓࡅࡍࡀࡍ

8. ࡔࡀࡓࡔࡀࡍ ࡄࡎࡉࡓ ࡁࡄࡀࡔࡀࡁࡕࡀ ࡒࡀࡁࡀࡉࡉࡀ ࡁࡄࡀࡓࡀ

9. ࡂ ࡁࡂࡀࡅࡁࡀ ࡖ ࡀࡊࡉࡓ ࡃࡀࡓࡀ ࡏࡍࡐࡉࡋࡍࡏ

10. ࡂ ࡃࡉࡁࡉࡀ ࡅࡀࡓࡉࡀࡅࡀࡕࡀ ࡏࡋ ࡒࡍࡀࡍ ࡐࡀࡓࡑࡅࡍࡏ

11. ࡂࡅࡃ ࡁࡉࡔࡅࡕࡀ ࡅࡈࡅࡓࡉࡀ ࡏࡋ ࡐࡀࡂࡓࡀࡍ ࡍࡉࡄࡋࡅࡍࡇ

12. ࡉࡀ ࡄࡉࡉࡀ ࡒࡀࡃࡌࡀࡉࡉࡀ ࡍࡀࡐࡔࡀࡊ ࡔࡀࡃࡉࡓ ࡏࡋࡀࡍ ࡌࡀࡓࡀ

13. ࡃ ࡃࡀࡄࡅࡀ ࡖ ࡌࡑࡀࡐࡀ ࡏࡍࡐࡉࡋ ࡁࡂࡀࡅࡇ ࡄ࡙ࡉࡃࡀ

14. ࡉࡀ ࡄࡉࡉࡀ ࡄࡅࡎ ࡏࡋࡀ ࡌࡍ ࡕࡀ ࡌࡅࡓࡀ ࡅࡂࡉࡃࡀ

15. ࡌࡍ ࡂࡉࡓ ࡕࡀ ࡍࡀࡅࡓࡀ ࡎࡒࡉࡋࡀ ࡕࡅࡌ ࡋࡉࡊࡀ ࡒࡀࡓࡀ ࡌࡉࡍࡃࡀ

16. ࡃࡅࡄࡀࡋࡕࡀࡍ ࡋࡍࡀࡅࡓࡀ ࡖ ࡁࡉࡔࡉࡀ ࡌࡀࡄࡉࡍ ࡁࡂࡀࡅࡇ ࡂࡋࡀࡋࡀ

17. ࡄ ࡄࡀࡉࡀࡎࡅࡕࡀ ࡌࡉࡍࡀࡊ ࡆࡀࡄࡓࡉࡍࡀࡍ ࡌࡍ ࡀࡓࡁࡀࡉࡉࡇ

18. ࡋࡉࡕࡋࡀࡍ ࡀࡔ࡙ࡀ ࡁࡊࡅࡋ ࡕࡉࡁࡉࡋ ࡏࡅࡄࡁࡉࡈࡅࡍࡀ ࡏࡅࡓࡊࡉࡋ ࡎࡀࡍࡀࡉࡉࡀ

19. ࡌࡍ ࡏࡃࡀ ࡖ ࡄࡀࡌࡁࡀࡂࡀ ࡔࡀࡓࡔࡀࡍ ࡏࡕࡉࡁ ࡁࡕࡀࡋࡉࡀ

20. ࡉࡀ ࡌࡀࡋࡊࡀ ࡖ ࡍࡄࡅࡓࡀ ࡆࡀࡄࡓࡀࡍ ࡌࡍ ࡂࡆࡀࡓࡀ

21. ࡅࡀ ࡅࡀࡉࡋࡉࡍࡀࡍ ࡋࡕࡀࡓࡌࡉࡃࡉࡀ ࡖ ࡀࡊࡉࡓ ࡃࡀࡓࡀ ࡏࡍࡐࡉࡋࡍࡉࡍ

22. ࡂࡀࡌ ࡕࡀ ࡄࡀࡌࡔࡀ ࡉࡅࡌࡀࡉࡀ ࡁࡔࡉࡁࡉࡀ ࡖ ࡀࡋࡌࡀ ࡔࡁࡉࡍࡉࡍ

23. ࡌࡉࡍࡃࡀ ࡋࡀࡎࡀࡉࡉࡒ ࡌࡍ ࡏࡃࡀࡍ ࡋࡓࡅࡄࡀ ࡂࡀࡁࡀ ࡏࡉࡉࡃࡀࡉࡍࡉࡍ

24. ࡀࡕࡀ ࡏࡋࡀࡅࡀࡍ ࡁࡀࡉࡉࡍࡉࡍ ࡋࡉࡋࡉࡀ ࡁࡀࡉࡉࡍࡉࡍ ࡌࡉࡍࡀࡊ ࡍࡄࡀࡓࡀ

25. ࡆ ࡆࡀࡉࡍࡀ ࡒࡀࡁࡉࡍࡉࡀ ࡌࡉࡍࡀࡊ ࡂࡀࡌ ࡕࡀ ࡎࡀࡄࡓࡀ

26. ࡒࡀࡁࡋࡅ ࡋࡍࡉࡔࡌࡀࡕࡀࡍ ࡀࡐࡒࡅࡍࡀࡍ ࡌࡍ ࡕࡀ ࡌࡀࡄࡓࡀ

27. ࡀࡄࡋࡉࡐࡅࡍࡀ ࡌࡍ ࡌࡀࡈࡀࡓࡀࡉࡉࡀ ࡖ ࡄࡉࡍࡅࡍ ࡃࡀࡌࡉࡍ ࡗ ࡒࡅࡐࡓࡀ

28. ࡉࡀࡄࡉࡉࡀ ࡒࡀࡃࡌࡀࡉࡉࡀ ࡀࡍࡀࡕ ࡃࡅࡊࡓࡅࡍࡀࡍ ࡃࡊࡀࡓࡀ

29. ࡇ ࡄࡉࡉࡀ ࡄࡉࡉࡀࡍࡅࡍ ࡖ ࡋࡀࡁࡀࡈࡋࡉࡀ ࡁࡅࡈࡋࡀࡍࡀ ࡏࡊࡀ ࡁࡕࡉࡁࡉࡋ

30. ࡌࡀࡄࡅ ࡄࡈࡀࡉࡍࡉࡍ ࡖ ࡌࡕࡉࡕ ࡏࡃࡀ ࡌࡉࡍࡀࡊࡍ ࡉࡀ ࡄࡉࡁࡉࡋ

31. ࡋࡉࡁࡀࡍ ࡎࡌࡉࡊ ࡁࡂࡀࡅࡀࡊ ࡀࡍࡀࡕ ࡎࡅࡌࡊࡉࡍࡀࡍ ࡉࡀ ࡔࡉࡕࡉࡋ

32. ࡄࡀࡉࡀࡎࡅࡕࡀ ࡌࡉࡍࡀࡊ ࡉࡀࡀࡀࡍࡅࡔ ࡐࡀࡓࡒࡉࡍࡀࡍ ࡁࡎࡃࡀࡓࡀ

33. ࡈ ࡈࡀࡁࡅࡕࡀ ࡁࡉࡑࡓࡀࡕ ࡁࡉࡔࡅࡕࡀ ࡕࡀࡌࡀࡕ ࡂࡉࡍࡆࡀ

34. ࡀࡒࡍࡉࡀ ࡏࡌࡁࡓࡀ ࡄࡎࡀࡓࡉࡅࡍ ࡏࡕࡍࡀࡐࡀࡔࡉࡅࡍ ࡀࡒࡍࡀ ࡖ ࡘࡉࡍࡆࡀ

35. ࡊࡌࡀ ࡁࡀࡊࡉࡍࡇ ࡖ ࡃࡉࡍࡀࡍࡀ ࡂࡉࡈࡋࡉࡋ ࡏࡋ ࡓࡅࡍࡆࡀ

36. ࡉࡀ ࡄࡉࡉࡀ ࡒࡀࡃࡌࡀࡉࡉࡀ ࡔࡀࡃࡉࡓ ࡏࡋࡀࡍ ࡁࡀࡒࡀࡓࡀ

37. ࡉ ࡉࡅࡌࡀ ࡖ ࡈࡀࡁࡉࡀ ࡃࡀࡌࡉࡀ ࡀࡊ ࡉࡅࡌࡀ ࡌࡍ ࡕࡉࡁࡉࡋ ࡍࡀࡐࡒࡉࡍࡇ

38. ࡀࡉࡍࡀࡍ ࡁࡏࡅࡄࡓࡀ ࡖ ࡍࡀࡑࡁࡇ ࡓࡀࡄࡌࡀ ࡌࡍ ࡓࡀࡄࡌࡀ ࡃࡀࡊࡓࡉࡍࡇ

39. ࡓࡀࡄࡌࡀ ࡌࡍ ࡓࡀࡄࡌࡀ ࡔࡀࡐࡉࡓ ࡋࡀࡒࡀࡉࡉࡌ ࡌࡀࡄࡅ ࡀࡁࡃࡉࡍࡇ

40. ࡄࡀࡌࡁࡀࡂࡀࡍ ࡏࡂࡀࡁࡀࡓࡉࡅࡍ ࡋࡀࡉࡀࡃࡉࡍࡉࡀ ࡀࡋࡉࡍࡇ ࡁࡄࡉࡌࡔࡀࡓࡀ

41. ࡊ ࡗ ࡊࡋࡉࡋࡀ ࡄࡃࡀࡓࡉࡅࡍ ࡏࡋࡀࡅࡀࡍ ࡅࡔࡉࡁࡉࡀࡄࡉࡀ

42. ࡂࡀࡌ ࡋࡀࡄࡌࡀ ࡄࡀࡉࡅࡕࡀ ࡂࡉࡍࡆࡀ ࡏࡋࡀࡅࡀࡍ ࡕࡀࡌࡀ ࡁࡍࡀࡄࡉࡀ

43. ࡌࡍ ࡁࡉࡔࡅࡕࡀ ࡖ ࡕࡉࡁࡉࡋ ࡂࡉࡍࡆࡀ ࡋࡉࡁࡀࡍ ࡀࡄ࡙ࡌࡉࡋ ࡂࡅࡍࡀࡄࡉࡀ

44. ࡄࡔࡅࡊࡀ ࡄ࡙ࡀࡓࡆࡉࡒ ࡏࡋࡀࡍ ࡍࡉࡔࡌࡀࡕࡀ ࡐࡔࡀࡓࡉࡅࡍ ࡐࡔࡀࡓࡀ

45. ࡋ ࡋࡀࡁࡀࡉ ࡏࡐࡀࡍࡃࡀࡋ ࡌࡍ ࡓࡃࡀࡐࡀ ࡖ ࡕࡀ ࡀࡋࡌࡀ

46. ࡀࡊ ࡉࡅࡌࡀ ࡖ ࡈࡀࡁࡀ ࡖ ࡀࡊࡉࡋࡀ ࡓࡅࡄࡀ ࡔࡀࡋࡌࡀ

47. ࡊࡉࡋࡀ ࡖ ࡁࡍࡇ ࡄࡀࡎࡉࡓࡕࡇ ࡉࡀ ࡆࡀࡊࡀࡉࡉࡀ ࡌࡋࡀ

48. ࡉࡀ ࡄࡉࡉࡀ ࡔࡀࡃࡉࡓ ࡏࡋࡀࡍ ࡓࡉࡔࡀ ࡖ ࡄࡀࡅࡉࡋࡀࡍ ࡔࡓࡀࡓࡀ

49. ࡌࡀ ࡌࡍ ࡌࡀࡍࡉࡀ ࡌࡀࡔࡉࡅࡍ ࡂࡉࡍࡆࡇ ࡔࡉࡁࡉࡀࡄࡉࡀ

50. ࡁࡈࡅࡓࡉࡀ ࡅࡁࡉࡔࡅࡕࡀ ࡐࡎࡀࡒࡉࡅࡍ ࡌࡉࡍࡀࡍ ࡓࡅࡀࡄࡉࡇ

51. ࡐࡀࡍࡃࡀࡋࡕࡀ ࡁࡃࡀࡒࡉࡅࡍ ࡁࡔࡀࡓࡔࡀ ࡁࡀࡈࡀࡉࡋࡉࡅࡍ ࡌࡉࡍࡀࡍ ࡒࡌࡀࡄࡉࡀ

52. ࡆࡂࡀࡕ ࡌࡉࡍࡀࡍ ࡌࡀࡃࡉࡄࡕࡀ ࡏࡍࡐࡉࡋ ࡁࡎࡀࡎࡀࡍ ࡕࡁࡀࡓࡀ

53. ࡍ ࡍࡉࡁࡄࡅࡕࡀ ࡒࡀࡁࡉࡍࡉࡍࡀ ࡖ ࡌࡔࡀࡃࡓࡉࡕ ࡋࡒࡉࡍࡀࡍ

54. ࡔࡀࡌࡉࡔࡔ ࡅࡔࡀࡓࡁࡉࡔ ࡁࡃࡀࡒࡉࡅࡍ ࡄࡁࡀࡈࡀ ࡁࡔࡀࡓࡔࡀࡍ

55. ࡍࡉࡒࡃࡅ ࡋࡍࡉࡔࡌࡀࡕࡀ ࡁࡈࡀࡁࡅࡕࡀ ࡅࡃࡅࡊࡉࡀ ࡏࡅࡎࡓࡅࡍࡀࡍ

56. ࡄࡔࡅࡊࡀ ࡋࡉࡁࡔࡀࡍ ࡗ ࡄ࡙ࡉࡃࡀ ࡖ ࡏࡕࡋࡀࡁࡀࡔ ࡁࡍࡉࡀࡓࡀ

57. ࡎ ࡎࡀࡉࡀࡓࡀ ࡀࡍࡀࡕ ࡎࡅࡓࡀ ࡏࡋ ࡔࡀࡓࡔࡀࡊ

58. ࡄࡀࡋࡉࡀ ࡀࡐࡉࡒ ࡌࡍ ࡌࡀࡊࡀ ࡀࡒࡌࡇ ࡋࡃࡓࡀࡁࡔࡀࡊ

59. ࡐࡀࡓࡂࡀࡋࡕࡀ ࡏࡍࡐࡉࡋ ࡁࡔࡀࡓࡔࡀ ࡑࡅࡕࡉࡋ ࡒࡀࡋࡀࡉ ࡍࡀࡐࡔࡀࡊ

60. ࡉࡀ ࡄࡉࡉࡀ ࡒࡀࡃࡌࡀࡉࡉࡀ ࡒࡀࡁࡉࡋ ࡍࡉࡔࡌࡀࡕࡀ ࡖ ࡀࡊࡉࡓ ࡃࡀࡓࡀ

61. ࡏ ࡀࡉࡍࡀ ࡖ ࡏࡅࡕࡓࡉࡀ ࡀࡍࡀࡕ ࡄࡉࡁࡉࡋ ࡀࡋࡀࡄࡀ

62. ࡀࡍࡀࡕ ࡅࡀࡁࡀࡄࡀࡕࡀࡊ ࡎࡀࡃࡀࡉࡓࡕࡅ ࡋࡄࡔࡅࡊࡀ ࡅࡊࡈࡀࡄࡀ

63. ࡁࡃࡀࡒࡕࡅࡍࡀࡍ ࡁࡕࡉࡁࡉࡋ ࡔࡃࡉࡄࡍࡇ ࡏࡅࡓࡊࡅ ࡔࡃࡀࡄࡀ

64. ࡄࡀࡉࡀࡎࡀ ࡄࡅࡎࡉࡅࡍ ࡀࡐࡒࡅࡍࡀࡍ ࡌࡍ ࡄࡎࡀࡓࡀ

65. ࡐ ࡐࡉࡓࡀ ࡁࡀࡎࡉࡌࡀ ࡈࡀࡌࡀ ࡖ ࡌࡅࡕࡀ ࡋࡉࡕࡁࡋࡇ ࡔࡀࡓࡔࡀ

66. ࡔࡀࡓࡔࡀ ࡖ ࡄࡔࡅࡊࡀ ࡊࡅࡋࡇ ࡁࡆࡉࡐࡀ ࡅࡄࡀࡓࡔࡀ

67. ࡖ ࡋࡀࡏࡃࡀ ࡋࡋࡉࡄࡉࡀ ࡖ ࡓࡅࡄࡀ ࡏࡕࡁࡀࡓ ࡗ ࡂࡀࡓࡔࡀ

68. ࡉࡀ ࡌࡀࡓࡀ ࡖ ࡂࡉࡍࡆࡀ ࡆࡀࡄࡓࡀࡉࡍࡀࡍ ࡌࡍ ࡕ ࡕࡁࡀࡓࡀ

69. ࡑ ࡑࡀࡅࡌࡀ ࡓࡌࡀࡕ ࡓࡅࡄࡀ ࡁࡍࡉࡔࡌࡀࡕࡀ

70. ࡒࡀࡓ ࡏࡋࡀࡍ ࡀࡋࡌࡀ ࡋࡉࡕࡋࡀࡍ ࡀࡔࡀ ࡁࡔࡅࡒࡉࡀ ࡅࡁࡉࡓࡉࡀࡕࡀ

71. ࡁࡔࡀࡓࡔࡀ ࡖ ࡌࡕࡀࡒࡀࡍ ࡄࡔࡅࡊࡀ ࡋࡂࡀࡈ ࡌࡍࡀࡕࡀ

72. ࡉࡀ ࡄࡉࡉࡀ ࡒࡀࡃࡌࡀࡉࡉࡀ ࡆࡀࡄࡓࡉࡍࡀࡍ ࡌࡍ ࡌࡅࡓࡀ ࡅࡄࡅࡀࡋࡀ

73. ࡒ ࡒࡀࡁࡉࡍࡀ ࡌࡉࡍࡀࡊ ࡄࡀࡉࡀࡎࡅࡕࡀ ࡉࡀ ࡌࡀࡓࡀࡉ

74. ࡄࡀࡉࡀࡎࡀ ࡄࡅࡎ ࡏࡋࡀࡍ {ࡏࡋࡀࡍ} ࡁࡀࡋࡀ ࡁࡃࡅࡒ ࡁࡔࡀࡓࡀࡉ

75. ࡌࡍ ࡍࡒࡀࡔࡀ ࡖ ࡔࡅࡁࡀ ࡏࡐࡀࡍࡃࡀࡋ ࡌࡉࡌࡓࡀࡉ ࡅࡁࡀࡋࡀࡉ

76. ࡁࡀࡉࡉࡍࡀ ࡖ ࡌࡆࡀࡄࡓࡉࡕ ࡁࡍࡉࡔࡌࡀࡕࡀ ࡖ ࡀࡊࡉࡓ ࡃࡀࡓࡀ

77. ࡓ ࡓࡁࡀࡉࡄࡅࡍ ࡖ ࡂࡀࡍࡆࡉࡁࡓࡉࡀ ࡀࡍࡀ ࡃࡊࡀࡓࡕࡀࡊ

78. ࡁࡋࡉࡋࡉࡀ ࡅࡏࡅࡌࡀࡌࡀ ࡌࡍ ࡋࡉࡁࡀ ࡁࡓࡀࡊࡕࡀࡊ

79. ࡀࡄࡋࡉࡐࡀ ࡋࡁࡅࡕࡊࡉࡍ ࡁࡁࡉࡓࡉࡊࡕࡀࡊ

80. ࡁࡅࡓࡉࡊࡉࡋ ࡍࡉࡔࡌࡀࡕࡀ ࡐࡀࡓࡓࡉࡍࡅ ࡌࡍ ࡄࡎࡀࡓࡀ

81. ࡔ ࡔࡅࡌࡇ ࡋࡒࡀࡋࡀࡉ ࡉࡀ ࡌࡀࡓࡉࡀ ࡃࡓࡀࡁࡔࡀ

82. ࡐࡀࡓࡉࡒ ࡍࡉࡔࡌࡀࡕࡀ ࡌࡍ ࡂࡀࡅࡓࡀ ࡅࡄࡀࡓࡔࡀ

83. ࡏࡍࡐࡉࡋࡍࡇ ࡁࡉࡍ ࡂࡋࡀࡋࡀ ࡀࡍࡉࡍ ࡗ ࡔࡉࡔࡀ ࡅࡂࡀࡓࡔࡀ

84. ࡔࡀࡓࡔࡀࡍ ࡆࡀࡊࡀࡉࡀ ࡖ ࡔࡀࡓࡔࡉࡀ ࡒࡀࡁࡀࡉࡉࡀ ࡌࡀࡓࡀ

85. ࡕ ࡕࡉࡀࡁࡅࡕࡀ ࡒࡀࡁࡉࡍࡉࡀ ࡌࡉࡍࡀࡉࡊࡅࡍ ࡉࡀ ࡌࡀࡋࡊࡉࡀ

86. ࡋࡉࡕࡋࡀࡍ ࡍࡀࡑࡁࡀ ࡏࡋ ࡃࡔࡅࡁࡀ ࡀࡓࡁࡉࡊ ࡁࡅࡓࡊࡉࡀ

87. ࡋࡊࡅࡋࡌࡀࡍ ࡊࡉࡋࡉࡀ ࡔࡋࡉࡌ ࡌࡉࡁࡇ ࡍࡀࡑࡁࡉࡀ ࡏࡅࡓࡊࡉࡀ

88. ࡄࡀࡔࡕࡀ ࡔࡀࡃࡉࡓࡉࡅࡍ ࡍࡀࡑࡁࡇ ࡋࡉࡁࡀࡍ ࡒࡃࡀࡄࡉࡋ ࡌࡍ ࡂࡆࡀࡓࡀ

89. ࡖ ࡃࡉࡍࡀ ࡋࡀ ࡋࡀࡂࡈࡉࡕ ࡏࡋࡀࡍ ࡉࡀ ࡌࡅࡆࡀࡍࡉࡀ ࡀࡊ ࡉࡅࡌࡀ

90. ࡐࡀࡓࡒࡀࡍ ࡌࡍ ࡌࡀࡈࡀࡓࡀࡕࡀ ࡄࡅࡍࡇ ࡊࡉࡍࡉࡀࡍࡅ ࡏࡊࡅࡌ

91. ࡏࡕࡋࡀࡍ ࡍࡒࡀࡔࡀ ࡌࡉࡍࡅ ࡊࡅࡋ ࡏࡃࡀࡍࡀ ࡅࡊࡅࡋ ࡉࡅࡌࡀ

92. ࡋࡔࡅࡌࡀࡊ ࡀࡁࡀࡋࡉࡍࡉࡍ ࡓࡃࡀࡐࡀ ࡁࡀࡉࡉࡍࡉࡍ ࡌࡉࡍࡀࡊ ࡍࡄࡀࡓࡀ

93. ࡀ ࡀࡍࡀ ࡉࡀ ࡉࡀࡄࡉࡀ ࡉࡅࡄࡀࡍࡀ ࡋࡕࡀ ࡌࡉࡌࡓࡀ ࡀࡌࡓࡉࡕ

94. ࡌࡍ ࡔࡉࡒࡅࡐࡕࡀ ࡖ ࡕࡉࡁࡉࡋ ࡂࡉࡍࡆࡀ ࡃࡉࡄࡋࡉࡕ

95. ࡋࡔࡉࡒࡅࡐࡕࡀ ࡁࡀࡈࡋࡀ ࡌࡉࡍࡀࡉ ࡌࡀࡓࡂࡀࡍࡉࡀࡕࡀ ࡆࡓࡉࡕ

96. ࡉࡀ ࡄࡉࡉࡀ ࡀࡍࡀࡕࡅࡍ ࡆࡀࡄࡓࡅࡍࡀࡍ ࡌࡍ ࡕࡀ ࡌࡓࡀࡓࡀ

97. ࡕࡀࡓࡉࡊ ࡕࡀ ࡌࡉࡌࡓࡀ ࡄࡅࡀ ࡔࡍࡀࡕ ࡌࡇ ࡅࡔࡉࡕࡉࡍ

98. ࡄࡃࡀ ࡀࡁࡀࡕࡀࡓ ࡀࡋࡐࡀ ࡀࡍࡀ ࡉࡀ ࡁࡉࡄࡓࡀࡌ ࡊࡃࡀࡁࡕࡉࡀ

99. ࡁࡀࡓࡁࡀ ࡅࡕࡔࡉࡍ ࡅࡏࡌࡀࡕࡉࡍ ࡀࡁࡀࡕࡀࡓ ࡀࡋࡐࡀ

100. ࡁࡓࡉࡔࡀ ࡖ ࡉࡀࡄࡓࡀ ࡖ ࡌࡀࡑࡀࡉ ࡎࡉࡕࡅࡀ ࡀࡃࡀࡓ ࡍࡅࡍࡀ

101. ࡁࡉࡅࡌࡀ ࡖ ࡄࡀࡌࡔࡀࡄࡀ ࡁࡔࡀࡁࡀ ࡁࡔࡀࡁࡀ ࡔࡀࡉࡉࡀ ࡖ ࡏࡅࡌࡀࡌࡀ

 

࡞࡞࡞࡞࡞࡞


 

Text II: Bibliothèque nationale et universitaire de Strasbourg Ms.3.978 Composed 1203 AH (1788 CE), copied 1270 CE (1853–4 CE)

 

1. ࡌࡔࡀࡁࡀ ࡌࡀࡓࡀࡉ ࡁࡋࡉࡁࡀ ࡃࡀࡊࡉࡀ

2. ࡀࡌࡀࡓ ࡓࡁࡀࡉ ࡀࡃࡀࡌ ࡉࡅࡄࡀࡍࡀ ࡁࡓ ࡎࡀࡌ ࡁࡓ ࡁࡉࡄࡓࡀࡌ

3. ࡁࡓ ࡀࡃࡀࡌ ࡆࡉࡄࡓࡅࡍ ࡋࡀࡒࡀࡁ ࡊࡀࡌࡉࡎࡉࡀ ࡅࡊࡉࡍࡉࡀࡍࡇ ࡓࡉࡔ

4. ࡖ ࡓࡀࡆ

5. ◉ ࡉࡀ ࡌࡀࡋࡊࡀ ࡖ ࡍࡄࡅࡓࡀ ࡊࡉࡁࡃࡀࡕ ࡏࡋࡀࡅࡀࡍ ࡁࡉࡔࡅࡕࡀ ◉

6. ࡌࡍ ࡔࡅࡌࡉࡊ ࡃࡉࡋࡀࡊ ࡌࡔࡀࡃࡓࡉࡕ ࡏࡋࡀࡍ ࡍࡉࡄࡅࡕࡀ ◉

7. ◉ ࡄࡔࡅࡊࡀ ࡄࡀࡉࡋࡀ ࡋࡂࡀࡈ ࡄࡉࡁࡈࡉࡍࡀࡍ ࡄࡁࡀࡈࡀ

8. ࡋࡌࡉࡔࡊࡀࡍ ࡌࡍ ࡁࡉࡎࡓࡀࡍ ࡍࡉࡔࡈࡅࡍࡇ ࡍࡔࡀࡈࡀ

9. ࡁࡉࡑࡓࡀࡕ ࡌࡀࡍࡃࡉࡅࡕࡀ ࡅࡕࡍࡀࡐࡀࡔ ࡔࡉࡓࡔࡀ ࡖ ࡓࡄࡀࡈࡀ

10. ࡉࡀ ࡀࡍࡅࡔ ࡏࡅࡕࡓࡀ ࡍࡉࡔࡌࡀࡕࡀࡊ ࡒࡀࡁࡀࡉࡉࡍ ࡆࡀࡄࡓࡅࡕࡀ ◉

11. ◉ ࡕࡅࡌ ࡒࡀࡋࡀࡍ ࡋࡀࡒࡎࡀࡉࡉࡒ ࡒࡀࡓ ࡄࡉࡉࡀ ࡁࡏࡌࡓࡅࡌࡀ

12. ࡋࡀࡁࡀࡓࡊࡀࡕ ࡌࡀࡍࡃࡀࡉࡉࡀ ࡅࡋࡀࡕࡀࡓࡌࡉࡃࡀ ࡌࡀࡓࡉࡀ ࡓࡀࡄࡌࡀ

13. ࡁࡕࡀ ࡃࡀࡅࡓ ࡕࡀࡌࡉࡍࡉࡀ ࡌࡀࡓࡉࡓࡉࡀ ࡀࡃࡉࡍࡒࡉࡀ ࡈࡀࡌࡀ

14. ࡉࡀ ࡄࡉࡁࡉࡋ ࡌࡀࡂࡆࡉࡓࡉࡕ ࡋࡌࡀࡓࡉࡀ ࡂࡀࡅࡓࡀ ࡅࡆࡀࡍࡉࡅࡕࡀ ◉

15. ◉ ࡁࡀࡉࡍࡉࡀ ࡌࡉࡍࡀࡊ ࡌࡔࡀࡃࡓࡉࡕ ࡂࡀࡌࡃࡀࡍ ࡓࡉࡔ ࡀࡌࡀ

16. ࡌࡐࡀࡓࡉࡒࡋࡅ ࡋࡍࡉࡔࡌࡀࡕࡀࡍ ࡌࡍ ࡕࡀ ࡀࡕࡓࡀ ࡖ ࡆࡅࡄࡌࡀ

17. ࡀࡍࡀࡕ ࡀࡌࡀࡓࡕ ࡋࡉࡂࡈࡅࡍࡇ ࡋࡔࡀࡓࡔࡀࡉࡊࡅࡍ ࡁࡑࡀࡅࡌࡀ

18. ࡌࡍ ࡏࡁࡉࡃࡀࡕࡀ ࡎࡀࡉࡍࡀࡕࡀ ࡅࡏࡅࡁࡅࡃࡉࡅࡍ ࡁࡉࡄࡃࡀࡃࡉࡀ ࡈࡀࡁࡅࡕࡀ

19. ◉ ࡎࡀࡊࡋࡉࡀ ࡕࡀ ࡃࡀࡅࡓ ࡍࡔࡉࡍࡀ ࡋࡌࡀࡌࡋࡀࡊ ࡏࡁࡀࡃࡉࡅࡍ ࡄࡅࡓࡁࡀ

20. ࡀࡉࡀࡊ ࡍࡅ ࡉࡅࡌࡀ ࡖ ࡄࡅࡀ ࡔࡀࡃࡓࡇ ࡏࡋ ࡏࡅࡓࡁࡀ

21. ࡄࡀࡊ ࡖ ࡀࡁࡉࡃ ࡎࡀࡉࡍࡀ ࡌࡀࡂࡆࡉࡓࡉࡕ ࡏࡋࡀࡅࡇ ࡁࡄࡉࡓࡁࡀ

22. ࡅࡋࡒࡀࡁࡉࡋࡀࡊ ࡎࡀࡉࡉࡒ ࡁࡔࡅࡌࡀ ࡅࡓࡅࡔࡅࡌࡀ ࡅࡆࡀࡊࡅࡕࡀ ◉

23. ◉ ࡉࡀ ࡄࡉࡁࡉࡋ ࡁࡄࡀࡉࡋࡀࡊ ࡕࡀ ࡀࡕࡓࡀ ࡀࡍࡀࡕ ࡎࡀࡃࡉࡓࡕࡀ

24. ࡋࡘࡀࡅࡔࡅࡓ ࡒࡀࡓࡀࡊ ࡉࡀ ࡄࡉࡉࡀ ࡌࡀࡓࡉࡀ ࡖ ࡏࡍࡂࡉࡓࡕࡀ

25. ࡉࡀ ࡃࡀࡓࡉࡀࡕࡀࡍ ࡒࡀࡓࡀࡊ ࡉࡀ ࡌࡔࡀࡃࡓࡉࡕ ࡂࡀࡌࡃࡀࡍ ࡆࡀࡄࡀࡓࡕࡀ

26. ࡌࡍ ࡕࡀ ࡌࡅࡓࡀ ࡀࡋࡁࡀࡕ ࡄࡀࡆࡉࡍࡉࡀ ࡄࡀࡋࡉࡅࡕࡀ ◉

27. ◉ ࡌࡍ ࡉࡅࡌࡀ ࡐࡕࡀࡄࡉࡋ ࡕࡀ ࡀࡋࡌࡀ ࡁࡍࡀࡄࡀ

28. ࡌࡍ ࡁࡉࡔࡅࡕࡀ ࡌࡕࡀࡒࡋࡉࡀ ࡅࡕࡉࡍࡉࡄࡕࡀ ࡅࡁࡍࡀࡄࡀ

29. ࡋࡕࡀ ࡍࡉࡔࡉࡌࡕࡀ ࡀࡕࡉࡀ ࡉࡀࡅࡀࡓ ࡆࡉࡅࡀ ࡆࡓࡀࡄࡀ ࡆࡓࡀࡄࡀ

30. ࡄࡀࡔࡀࡁࡕࡅ ࡄࡅࡀࡕ ࡌࡍ ࡒࡅࡃࡀࡌ ࡌࡎࡅࡕࡀ ◉

31. ◉ ࡌࡀࡃࡉࡄࡕࡀ ࡏࡆࡂࡀࡕ ࡌࡍ ࡂࡀࡍࡆࡉࡁࡓࡉࡀ ࡅࡕࡀࡓࡌࡉࡃࡉࡀ

32. ࡉࡀ ࡌࡀࡓࡉࡀ ࡎࡉࡃࡓࡉࡀ ࡊࡀࡎࡉࡉࡀ ࡅࡃࡓࡀࡁࡔࡉࡀ ࡍࡂࡉࡃࡉࡀ

33. ࡀࡁࡂࡀࡍ ࡄࡉࡉࡀ ࡒࡀࡓࡉࡕ ࡂࡀࡌ ࡔࡀࡒࡀࡓࡉࡀ ࡅࡌࡓࡉࡃࡉࡀ

34. ࡅࡋࡈࡀࡁࡀ ࡌࡆࡀࡄࡓࡀࡕࡇ ࡌࡍ ࡊࡅࡋ ࡀࡂࡆࡀࡓࡕࡀ ࡄࡉࡎࡓࡅࡕࡀ ◉

35. ◉ ࡕࡅࡌ ࡋࡉࡊࡀ ࡄࡀࡉࡌࡀࡍࡅࡕࡀ ࡔࡀࡓࡔࡀࡍ ࡕࡀࡌࡀ ࡁࡋࡉࡔࡀࡍࡀ

36. ࡌࡀࡊࡔࡋࡀࡍࡉࡀ ࡏࡕࡍࡀࡐࡀࡔࡉࡅࡍ ࡋࡉࡊࡀ ࡂࡀࡁࡓࡀ ࡔࡀࡋࡌࡀࡍࡀ

37. ࡋࡀࡌࡀࡓࡀࡉ ࡄ࡙ࡅࡊࡅࡌ ࡒࡀࡁࡉࡃ ࡁࡕࡀ ࡃࡀࡅࡓ ࡋࡉࡊࡀ ࡔࡉࡄࡉࡀࡍࡀ

38. ࡋࡉࡊࡀ ࡂ࡙ࡀࡉࡓࡀࡊ ࡉࡀ ࡀࡍࡅࡔ ࡏࡅࡕࡓࡀ ࡁࡀࡉࡍࡉࡀ ࡌࡉࡍࡀࡊ ࡁࡅࡕࡀ

39. ◉ ࡁࡀࡉࡍࡉࡀ ࡌࡀࡓࡀࡅࡀࡕࡀ ࡖ ࡂࡉࡍࡆࡀ ࡌࡀࡕࡀࡌࡀ ࡎࡀࡅࡐࡀ

40. ࡃࡅࡊࡉࡀ ࡆࡂࡀ ࡌࡉࡍࡅ ࡅࡓࡅࡄࡀ ࡏࡓࡌࡀࡕ ࡏࡋࡀࡅࡅ ࡈࡍࡅࡐࡀ

41. ࡎࡀࡒࡉࡅࡍ ࡍࡀࡈࡓࡉࡀ ࡕࡀࡌࡉࡍࡉࡀ ࡁࡌࡉࡄ࡙ࡍࡀ ࡅࡓࡃࡅࡐࡀ

42. ࡓࡅࡄࡀ ࡋࡀࡉࡅࡁࡀ ࡏࡋࡀࡅࡀࡍ ࡁࡉࡃࡒࡀࡕ ࡌࡉࡑࡀࡉࡕࡀࡍ ࡎࡉࡍࡉࡅࡕࡀ ◉

43. ◉ ࡋࡉࡊࡀ ࡂࡀࡁࡓࡀ ࡋࡍࡀࡐࡔࡉࡀ ࡌࡍ ࡌࡄࡉࡕࡀ ࡁࡀࡄࡀࡓ

44. ࡋࡀࡁࡉࡃ ࡂࡀࡅࡓࡀ ࡅࡌࡍ ࡕࡓࡉࡍ ࡕࡓࡉࡍ ࡋࡉࡔࡀࡍࡉࡀ ࡍࡀࡈࡀࡓ

45. ࡃࡅࡌࡀ ࡖ ࡀࡆࡉࡋ ࡒࡅࡃࡀࡌ ࡄࡉࡉࡀ ࡄࡀࡋࡁࡀࡕ ࡀࡌࡉࡓ

46. ࡔࡁࡀࡕࡀࡍ ࡓࡅࡄࡀ ࡅࡓࡌࡀࡕ ࡏࡋࡀࡅࡀࡉࡀࡍ ࡈࡉࡓࡉࡀ ࡅࡈࡀࡍࡐࡅࡕࡀ ◉

47. ◉ ࡄࡔࡅࡊࡀ ࡕࡂࡀࡁࡀࡓ ࡅࡏࡋࡀࡅࡀࡍ ࡏࡍࡐࡅࡔ ࡄࡉࡋࡉࡀ

48. ࡕࡀࡓࡌࡉࡃࡉࡀ ࡌࡀࡃࡅࡄࡕࡅ ࡏࡔࡉࡒࡋࡀࡕ ࡕࡀࡌࡅࡍ ࡁࡋࡉࡋࡉࡀ

49. ࡌࡀࡍࡃࡀࡉࡉࡀ ࡌࡀࡕࡀࡌࡀ ࡍࡉࡄࡋࡉࡍࡅ ࡋࡂࡉࡓࡌࡅ ࡍࡄࡉࡋࡉࡀ

50. ࡉࡀ ࡉࡀࡄࡉࡀ ࡉࡄࡀࡍࡀ ࡌࡀࡕࡀࡌࡀ ࡂࡀࡌࡃࡀࡊ ࡌࡀࡍࡃࡉࡅࡕࡀ

51. ◉ ࡁࡍࡉࡀ ࡔࡉࡁࡉࡀࡄࡉࡀ ࡄࡅࡍࡉࡀ ࡋࡃࡀࡍ ࡆࡉࡁࡍࡅࡍࡀࡍ ࡆࡁࡀࡍࡀ

52. ࡀࡌࡓࡉࡋࡀࡍ ࡋࡉࡄࡋࡊࡅࡍ ࡌࡀࡓࡀ ࡉࡀ ࡁࡅࡊࡀ ࡖ ࡎࡉࡀࡍࡀ

53. ࡉࡀ ࡌࡀࡋࡊࡀ ࡖ ࡍࡄࡅࡓࡀ ࡁࡀࡉࡉࡍ ࡌࡉࡍࡀࡊ ࡓࡅࡄࡑࡀࡍࡀ

54. ࡔࡀࡓࡔࡀࡊ ࡁࡌࡄࡉࡕࡀ ࡕࡋࡀࡁࡀࡔ ࡒࡀࡁࡀࡉࡉࡀ ࡀࡎࡅࡕࡀ ◉

55. ࡋࡉࡁࡀࡍ ࡁࡕࡀ ࡀࡋࡌࡀ ࡋࡀࡄࡆࡀ ࡉࡅࡌࡀ ࡖ ࡍࡉࡄࡀ

56. ࡌࡍ ࡔࡉࡒࡅࡐࡉࡀࡕࡀ ࡖ ࡓࡌࡀࡕ ࡓࡅࡄࡀ ࡅࡌࡔࡉࡄࡀ

57. ࡁࡍࡉࡀ ࡄࡀࡎࡉࡓࡕࡀ ࡀࡌࡓࡉࡋࡀࡍ ࡋࡉࡕࡋࡀࡉࡊࡅࡍ ࡍࡁࡉࡄࡀ

58. ࡅࡋࡀ ࡀࡋࡀࡄࡀ ࡖ ࡀࡁࡉࡃ ࡏࡋࡅࡀࡉࡊࡅࡍ ࡄࡀࡉࡎࡅࡕࡀ ◉

59. ◉ ࡋࡀࡏࡃࡅࡍ ࡏࡅࡉࡓࡉࡀ ࡌࡀࡋࡊࡀ ࡁࡏࡌࡓࡅࡌࡀ ࡄࡃࡀ

60. ࡈࡅࡁࡇ ࡄࡀࡊ ࡁࡀࡔࡒࡉࡓࡇ ࡅࡋࡔࡅࡌࡇ ࡏࡃࡀ

61. ࡌࡍ ࡔࡅࡌࡇ ࡖ ࡄࡉࡁࡉࡋ ࡓࡅࡄࡀ ࡖ ࡒࡅࡃࡔࡀ ࡒࡀࡄࡃࡀ

62. ࡈࡀࡋࡁࡉࡍࡉࡀ ࡌࡉࡍࡀࡊ ࡉࡀ ࡌࡀࡍࡃࡀ ࡖ ࡄࡉࡉࡀ ࡕࡉࡀࡁࡅࡕࡀ ◉

63. ◉ ࡉࡀ ࡌࡀࡋࡊࡀ ࡖ ࡍࡄࡅࡓࡀ ࡊࡉࡁࡃࡀࡕ ࡏࡋࡀࡉࡀࡍ ࡁࡉࡔࡅࡕࡀ

64. ࡌࡍ ࡌࡀࡋࡊࡅࡕࡀࡊ ࡌࡔࡀࡃࡓࡉࡕ ࡏࡋࡀࡍ ࡍࡉࡄࡅࡕࡀ

65. ◉ ࡉࡀ ࡊࡀࡍࡀ ࡖ ࡍࡉࡔࡌࡀࡕࡀ ࡋࡌࡀࡓࡀࡉࡊࡅࡍ ࡃࡅࡊࡓࡅࡍࡇ

66. ࡁࡋࡉࡔࡀࡍࡀ ࡕࡓࡉࡑࡀ ࡅࡁࡋࡉࡁࡀ ࡖ ࡌࡔࡀࡋࡀࡌ ࡁࡅࡓࡊࡅࡍࡇ

67. ࡔࡀࡓࡔࡀࡉࡊࡅࡍ ࡌࡕࡀࡒࡀࡍ ࡋࡉࡊࡀ ࡗ ࡃࡉࡋࡇ ࡆࡀࡄࡓࡅࡍࡇ

68. ࡌࡍ ࡁࡀࡕࡀࡓ ࡕࡀ ࡌࡉࡄࡍࡀ ࡒࡄࡀࡆࡉࡕࡅࡍ ࡔࡀࡐࡓࡅࡕࡀ ◉

69. ◉ ࡋࡄࡀࡁࡔࡀࡁࡀ ࡓࡅࡄࡌࡅࡍࡇ ࡄࡉࡁࡉࡅࡍ ࡁࡂࡀࡅࡇ ࡆࡀࡃࡒࡀ

70. ࡄࡅ ࡌࡆࡀࡄࡀࡓࡋࡊࡅࡍ ࡅࡍࡉࡔࡌࡀࡕࡊࡅࡍ ࡌࡍ ࡌࡀࡊࡎࡉࡀ ࡌࡐࡉࡕࡐࡀࡓࡒࡉࡀ

71. ࡊࡅࡋࡌࡀࡍ ࡄࡅࡀࡋࡇ ࡋࡀࡏࡄࡀࡁ ࡍࡉࡔࡉࡌࡕࡇ ࡁࡄࡉࡁࡀࡓࡀ ࡔࡉࡁࡒࡀ

72. ࡌࡉࡍࡃࡇ ࡁࡀࡋࡌࡀ ࡕࡀࡌࡀ ࡁࡏࡃࡇ ࡋࡀࡉࡍࡇ ࡀࡁࡀࡃ ࡏࡅࡓࡅࡕࡀ ◉

73. ◉ ࡏࡍࡊࡀࡍ ࡍࡐࡀࡒ ࡁࡋࡀ ࡊࡋࡉࡋࡀ ࡅࡁࡌࡀࡍࡇ ࡁࡅࡑࡓࡀࡍࡉࡀ

74. ࡒࡀࡁࡀࡉࡉࡀ ࡌࡀࡎࡉࡒࡕࡀ ࡄࡏ ࡄࡀࡌࡋࡀࡋࡀ ࡋࡊࡅࡋ ࡔࡉࡓࡉࡀࡍࡉࡀ

75. ࡁࡐࡀࡓࡅࡀࡍࡀࡉࡉࡀ ࡃࡅࡊࡓࡀࡍࡀ ࡒࡉࡓࡉࡍ ࡅࡌࡐࡀࡋࡂࡉࡍ ࡏࡋࡇ ࡌࡀࡍࡉࡀ

76. ࡄࡀࡊ ࡉࡅࡌࡀ ࡒࡀࡉࡉࡌ ࡌࡉࡕࡀࡓ ࡅࡌࡉࡕࡓࡉࡑ ࡁࡕࡓࡉࡑࡅࡕࡀ ◉

77. ◉ ࡊࡅࡋࡌࡀࡍ ࡖ ࡍࡀࡐࡉࡒ ࡁࡌࡀࡍࡉࡀ ࡌࡔࡀࡋࡌࡉࡀ ࡅࡊࡋࡉࡋࡀ ࡖ ࡀࡎࡀ

78. ࡌࡍ ࡊࡅࡋ ࡄࡀࡈࡀࡉࡉࡀ ࡖ ࡀࡋࡌࡀ ࡕࡐࡀࡓࡀࡒ ࡅࡏࡕࡀࡎࡀ

79. ࡍࡀࡑࡁࡇ ࡐࡀࡔࡉࡈ ࡉࡀࡌࡉࡍࡇ ࡅࡋࡀࡂࡉࡈࡋࡇ ࡌࡍ ࡌࡀࡎࡀ

80. ࡄࡅ ࡄࡀࡅࡉࡋࡇ ࡁࡏࡅࡄࡓࡀ ࡎࡉࡌࡀࡊࡀ ࡅࡃࡉࡍࡉࡅࡕࡀ ◉

81. ◉ ࡄࡀࡊ ࡋࡔࡀࡓࡔࡀ ࡆࡀࡄࡓࡇ ࡅࡍࡐࡀࡒ ࡀࡃࡉࡍࡒࡉࡀ ࡄࡅࡎࡓࡀࡍࡀ

82. ࡉࡀࡄࡉࡁࡋࡇ ࡄࡉࡉࡀ ࡌࡍ ࡀࡋࡌࡇ ࡈࡀࡁࡅࡕࡀ ࡕࡅࡐࡉࡀࡍࡀ

83. ࡊࡅࡋ ࡖ ࡁࡀࡉࡉࡀ ࡌࡀࡔࡊࡀ ࡅࡄࡀࡅࡉࡀ ࡁࡔࡊࡉࡍࡀࡕࡀ ࡌࡎࡀࡃࡓࡀࡍࡀ

84. ࡀࡁࡀࡕࡀࡓ ࡕࡀ ࡌࡅࡓࡀ ࡒࡄࡀࡅࡉࡀ ࡁࡄࡉࡕࡓࡀ ࡅࡄࡀࡃࡅࡕࡀ ◉

85. ◉ ࡋࡒࡀࡁࡉࡃ ࡓࡀࡂࡀࡂࡕࡀ ࡖ ࡀࡋࡌࡀ ࡅࡋࡄࡀࡆࡉࡀ ࡂ࡙ࡅࡑࡀ ࡅࡂ࡙ࡀࡌࡀ

86. ࡔࡀࡋࡉࡌ ࡊࡉࡋࡅ ࡅࡀࡒࡀࡕࡉࡍ ࡅࡌࡀࡈࡉࡍ ࡄࡀࡊ ࡉࡅࡌࡀ

87. ࡈࡅࡁࡀ ࡄࡀࡊ ࡖ ࡐࡀࡓࡒࡇ ࡋࡍࡀࡐࡔࡉࡀ ࡌࡍ ࡌࡅࡌࡀ

88. ࡎࡁࡀࡋ ࡓࡉࡃࡐࡀ ࡅࡍࡐࡀࡒ ࡌࡍ ࡀࡋࡌࡀ ࡖ ࡎࡀࡊࡋࡅࡕࡀ ◉

89. ◉ ࡍࡊࡀࡍ ࡌࡎࡀࡃࡓࡀࡍࡀ ࡁࡔࡉࡓࡔࡇ ࡅࡋࡄࡉࡉࡀ ࡓࡀࡄࡉࡌ

90. ࡃࡅࡌࡀ ࡖ ࡄࡀࡋࡉࡐ ࡓࡅࡄࡀ ࡅࡏࡅࡓ ࡌࡉࡍࡇ ࡍࡀࡄࡉࡌ

91. ࡗ ࡂࡉࡓࡀ ࡌࡀࡎࡂࡉࡀ ࡅࡗ ࡆࡉࡒࡀ ࡖ ࡍࡀࡔࡉࡌ

92. ࡌࡀࡄࡋࡉࡐࡇ ࡆࡉࡃࡒࡉࡇ ࡅࡏࡅࡁࡀࡃࡉࡀࡇ ࡅࡌࡀࡑࡁࡅࡕࡇ ࡅࡄࡀࡉࡌࡀࡍࡅࡕࡀ ◉

93. ◉ ࡄࡀࡁࡔࡀࡁࡀ ࡌࡀࡄࡋࡉࡐࡇ ࡌࡍ ࡄࡀࡅࡒࡀ ࡖ ࡌࡀࡈࡀࡓࡀࡕࡀ

94. ࡌࡀࡋࡁࡉࡔࡋࡇ ࡏࡅࡑࡈࡋࡀ ࡖ ࡆࡉࡅࡀ ࡅࡊࡋࡉࡋࡀ ࡖ ࡆࡀࡊࡀࡅࡀࡕࡀ

95. ࡌࡍ ࡍࡀࡄࡓࡀ ࡊࡔࡀࡔ ࡌࡀࡁࡉࡓ ࡓࡊࡇ ࡍࡉࡔࡌࡀࡕࡀ

96. ࡀࡃࡀࡕࡀࡍ ࡅࡉࡀࡃࡀࡕࡀࡍ ࡎࡀࡄࡃࡉࡍ ࡏࡋࡇ ࡁࡊࡅࡔࡈࡀ ࡎࡀࡄࡃࡅࡕࡀ ◉

97. ◉ ࡏࡅ ࡂࡀࡁࡓࡀ ࡁࡄࡉࡓ ࡆࡉࡃࡒࡀ ࡖ ࡂࡉࡍࡆࡀ ࡎࡀࡁࡀࡓ

98. ࡌࡀࡕࡉࡍ ࡒࡅࡃࡀࡌࡇ ࡐࡀࡎࡉࡌࡊࡀ ࡖ ࡆࡉࡅࡀ ࡁࡂࡀࡅࡇ ࡍࡀࡄࡀࡓ

99. ࡒࡅࡃࡀࡌ ࡌࡀࡋࡊࡀ ࡖ ࡍࡄࡅࡓࡀ ࡃࡀࡊࡉࡓࡋࡇ ࡋࡔࡅࡌࡇ ࡉࡀࡅࡀࡓ

100. ࡄࡅ ࡒࡀࡄࡉࡁࡋࡇ ࡔࡊࡉࡍࡕࡀ ࡅࡂࡉࡍࡆࡀ ࡅࡍࡀࡑࡉࡓࡅࡕࡀ ◉

101. ◉ ࡀࡁࡅࡓ ࡒࡄࡀࡆࡉࡋࡇ ࡓࡀࡌࡉࡀ ࡒࡅࡃࡀࡌࡇ ࡏࡍࡉࡀࡍࡉࡀ

102. ࡐࡀࡓࡌࡀࡍࡀ ࡀࡁࡉࡃ ࡅࡑࡀࡁࡉࡋࡇ ࡄࡀࡍࡉࡊ ࡌࡀࡑࡁࡀࡍࡉࡀ

103. ࡌࡉࡕࡊࡀࡓࡀࡊ ࡂࡀࡅࡇ ࡅࡌࡀࡌࡋࡉࡊ ࡌࡉࡍࡇ ࡌࡅࡋࡊࡀࡍࡉࡀ

104. ࡌࡍ ࡌࡀࡄࡅ ࡖ ࡄࡆࡀ ࡌࡍ ࡍࡀࡌࡓࡅࡎ ࡅࡌࡀࡆࡓࡅࡕࡀ ◉

105. ◉ ࡄࡀࡊ ࡈࡅࡁࡇ ࡋࡔࡀࡋࡌࡀࡍࡀ ࡁࡀࡉࡍࡇ ࡄࡀࡆࡉࡋࡇ ࡋࡀࡁࡀࡕࡅࡓ

106. ࡌࡍ ࡊࡅࡋ ࡌࡄࡉࡕࡉࡀࡕࡀ ࡕࡐࡀࡓࡀࡒ ࡄࡀࡈࡀࡉࡉࡀ ࡍࡀࡕࡅࡓ

107. ࡁࡕࡀࡊ ࡊࡅࡔࡈࡀ ࡐࡀࡔࡉࡈ ࡌࡉࡍࡇ ࡅࡁࡂࡀࡅࡇ ࡄࡀࡕࡅࡓ

108. ࡌࡀࡒࡉࡌࡋࡇ ࡒࡀࡓࡇ ࡗ ࡏࡅࡕࡓࡀ ࡁࡌࡆࡀࡓࡅࡕࡀ ◉

109. ◉ ࡁࡑࡅࡓࡇ ࡕࡊࡀࡋࡀࡑ ࡌࡍ ࡊࡅࡋ ࡌࡄࡀࡔࡀࡁࡀࡕࡀ ◉

110. ࡁࡀࡕࡓࡀ ࡖ ࡈࡀࡁࡉࡀ ࡋࡉࡊࡀ ࡂࡀࡅࡇ ࡁࡉࡔࡀࡅࡀࡕࡀ

111. ࡀࡋࡌࡀ ࡖ ࡊࡅࡋࡄࡅࡍ ࡍࡉࡄࡉࡀ ࡅࡔࡓࡀࡓࡀ ࡅࡕࡉࡓࡀࡕࡀ

112. ࡄࡉࡉࡀ ࡄࡉࡍࡅࡍ ࡋࡉࡕࡁࡅ ࡊࡉࡁࡉࡀ ࡅࡌࡅࡕࡀ ◉

113. ◉ ࡌࡀࡋࡊࡀ ࡖ ࡍࡄࡅࡓࡀ ࡖ ࡑࡀࡉࡕ lࡏࡍࡉࡀࡍࡀ ࡌࡔࡀࡃࡉࡓ ࡔࡋࡉࡄࡀ ◉

114. ࡌࡍ ࡌࡀࡋࡊࡉࡀ ࡔࡂࡀࡍࡃࡇ ࡈࡀࡁࡀ ࡅࡔࡁࡉࡄࡀ

115. ࡍࡉࡔࡌࡀ ࡍࡉࡕࡀࡎࡉࡀ ࡅࡕࡒࡀࡉࡀࡌ ࡁࡕࡀࡊ ࡓࡉࡄࡀ

116. ࡁࡍࡉࡀ ࡔࡋࡀࡌࡀ ࡊࡀࡎࡉࡋࡇ ࡊࡎࡅࡉࡉࡀ ࡖ ࡓࡁࡅࡕࡀ ◉

117. ◉ ࡀࡆࡉࡋ ࡒࡅࡃࡀࡌ ࡌࡀࡋࡊࡀ ࡁࡄࡉࡋࡁࡅࡍࡉࡀ ࡀࡉࡉࡋ ◉

118. ࡅࡁࡄࡀࡉࡀࡋ ࡏࡒࡀࡓࡀ ࡄࡀࡊ ࡍࡉࡔࡌࡀ ࡕࡄࡀࡉࡉࡋ

119. ࡅࡊࡅࡋ ࡌࡀ ࡖ ࡁࡀࡉࡉࡀ ࡌࡍ ࡄࡉࡉࡀ ࡌࡔࡀࡉࡉࡋ

120. ࡒࡀࡄࡉࡁࡋࡇ ࡔࡅࡐࡓࡀ ࡅࡔࡀࡉࡀ ࡅࡏࡒࡀࡓࡀ ࡅࡑࡀࡅࡕࡀ ◉

121. ࡌࡀࡅࡕࡉࡁࡋࡇ ࡁࡀࡕࡓࡀ ࡖ ࡔࡓࡀࡓࡀ ࡖ ࡋࡉࡕࡁࡇ ࡈࡀࡉࡀ

122. ࡌࡀࡋࡁࡉࡔࡋࡇ ࡏࡅࡑࡈࡋࡇ ࡖ ࡆࡉࡅࡀ ࡅࡈࡀࡓࡈࡀࡁࡅࡍࡀ ࡃࡀࡊࡉࡀ

123. ࡒࡀࡄࡉࡁࡋࡀ ࡋࡍࡉࡔࡉࡌࡕࡀࡇ ࡊࡅࡋ ࡌࡀࡄࡅ ࡖ ࡁࡀࡉࡀ

124. ࡕࡀࡓࡉࡑ ࡏࡋࡇ ࡊࡅࡓࡎࡉࡀ ࡁࡏࡌࡓࡀ ࡅࡔࡉࡌࡀ ࡅࡌࡀࡋࡊࡅࡕࡀ ◉

125. ◉ ࡁࡕࡀࡓࡉࡊ ࡕࡀࡌࡉࡌࡓࡉࡀ ࡍࡅࡐࡅࡔ ࡏࡋࡀࡅࡀࡍ ࡂࡉࡍࡆࡀ ࡓࡃࡀࡐࡀࡕࡀ

126. ࡁࡍࡉࡀ ࡔࡉࡁࡉࡀࡄࡉࡀ ࡋࡀࡋࡌࡀ ࡊࡅࡋࡇ ࡕࡀࡌࡅࡍ ࡌࡀࡓࡀࡅࡀࡕࡀ

127. ࡀࡁࡀࡕࡀࡓ ࡀࡋࡐࡀ ࡅࡕࡓࡉࡍ ࡏࡌࡀ ࡅࡔࡍࡉࡀ ࡕࡋࡀࡕࡀ

128. ࡁࡕࡀ ࡏࡃࡀࡍࡀ ࡏࡍࡐࡅࡔ ࡂࡀࡅࡇ ࡔࡉࡒࡓࡀ ࡅࡃࡀࡂࡋࡅࡕࡀ ◉

129. ◉ ࡓࡁࡀࡉ ࡀࡃࡀࡌ ࡉࡄࡀࡍࡀ ࡀࡍࡀ ࡕࡀ ࡌࡉࡌࡓࡀࡍࡀ ࡆࡓࡉࡕ

130. ࡌࡍ ࡂࡉࡍࡆࡀ ࡓࡀࡌࡀ ࡅࡌࡍ ࡌࡀࡄࡅ ࡌࡉࡄࡍࡀ ࡖ ࡎࡉࡁࡋࡉࡕ

131. ࡁࡔࡅࡌࡀ ࡖ ࡄࡉࡉࡀ ࡊࡅࡋ ࡉࡅࡌࡀ ࡁࡉࡓࡊࡉࡕ

132. ࡁࡀࡉࡉࡍࡉࡀ ࡌࡉࡍࡀࡊ ࡎࡉࡌࡀࡊࡀ ࡉࡀ ࡌࡀࡍࡀ ࡅࡃࡌࡅࡕࡀ ◉

133. ◉ ࡉࡀ ࡌࡀࡍࡃࡀ ࡖ ࡄࡉࡉࡀ ࡌࡍ ࡁࡉࡔࡉࡀ ࡆࡀࡄࡓࡉࡍࡀࡍ

134. ࡁࡃࡉࡍࡁࡀ ࡖ ࡃࡀࡓࡀ ࡔࡉࡕࡋࡀࡊ ࡀࡍࡉࡍ ࡐࡀࡓࡒࡉࡍࡀࡍ

135. ࡏࡋࡀࡅ ࡔࡅࡌࡀ ࡖ ࡄࡉࡉࡀ ࡁࡍࡉࡀ ࡐࡉࡎࡅࡎࡕࡀ ࡌࡓࡀࡃࡐࡉࡋࡀࡍ

136. ࡓࡅࡄࡑࡀࡍࡀ ࡁࡀࡉࡉࡍࡉࡀ ࡌࡉࡍࡀࡊ ࡉࡀ ࡌࡀࡓࡀ ࡖ ࡓࡀࡁࡅࡕࡀ ◉

137. ࡖ ࡀࡍࡀ ࡌࡓࡉࡕ ࡅࡀࡍࡎࡉࡕ ࡌࡍ ࡌࡉࡄࡍࡀ ࡅࡓࡉࡃࡐࡀ ࡅࡀࡍࡒࡀࡔࡀࡕࡀ

138. ࡖ ࡕࡀ ࡀࡋࡌࡀ ࡌࡍ ࡁࡍࡉࡀ ࡔࡉࡁࡉࡀࡄࡉࡀ ࡄࡀࡉࡋࡀ ࡋࡂࡀࡈࡉࡅࡍ

139. ࡏࡋࡀࡅࡀࡍ ࡅࡀࡍࡉࡍ ࡕࡀࡌࡉࡍࡉࡀ ࡀࡕࡅࡕࡀ ࡏࡃࡀࡉࡄࡅࡍ ࡀࡉࡀࡊ ࡀࡁࡃࡀ

140. ࡖ ࡋࡉࡕࡋࡇ ࡌࡀࡓࡀ ࡏࡅ ࡉࡀࡍࡒࡀ ࡉࡀࡋࡃࡀ ࡖ ࡋࡉࡕࡋࡇ ࡀࡁࡀ ࡅࡌࡀࡍࡃࡀࡉࡉࡀ

141. ࡏࡍࡉࡔ lࡏࡍࡉࡔ ࡌࡍ ࡄࡃࡀࡃࡉࡀ ࡋࡀࡒࡓࡀࡄࡉࡌ ࡅࡋࡉࡊࡀ ࡓࡉࡔࡀ

Haran Gauaita

Author: Bogdan Burtea

Source: (Mandäistische Forschungen 7) Bogdan Burtea (2020) Haran Gauaita: Ein Text zur Geschichte der Mandäer . Edition, Übersetzung, Kommentar

Published by: Harrassowitz Verlag

Stable URL: 

https://www.harrassowitz-verlag.de/Geschichte/Haran_Gauaita._Ein_Text_zur_Geschichte_der_Mand%C3%A4er/titel_6488.ahtml

Unicode by: Ibrāhīm afiʿī (University of Tehrān)

 

 

ࡄࡀࡓࡀࡍ ࡂࡀࡅࡀࡉࡕࡀ

 

ࡌࡀࡓࡀࡉ ࡌࡔࡀࡁࡀ

(2496) ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡅࡄࡀࡉࡋࡀ ࡅࡔࡓࡀࡓࡀ ࡅࡏࡌࡓࡀ ࡅࡔࡉࡌࡀ ࡅࡄࡀࡃࡅࡀࡕ ࡋࡉࡁࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡆࡀࡊࡉࡀ 

(2497) ࡆࡉࡄࡓࡅࡍ ࡁࡓ ࡔࡀࡃࡉࡀ ࡅࡋࡔࡉࡕࡋࡀࡉ ࡅࡋࡀࡄࡀࡉ ࡅࡋࡀࡁࡀࡄࡀࡕࡀࡉ ࡅࡁࡄࡀࡉࡋࡀ ࡖ ࡉࡀࡅࡀࡓ ࡆࡉࡅࡀ ࡅࡎࡉࡌࡀࡕࡄࡉࡉࡀ ࡎࡀ 

(2498) ○ ࡄࡀࡓࡀࡍ ࡂࡀࡅࡀࡉࡕࡀ ࡌࡒࡀࡁࡋࡀ ࡏࡋࡇ ࡄࡀࡍࡀࡕࡇ ࡌࡃࡉࡍࡕࡀ ࡖ ࡍࡀࡑࡅࡓࡀࡉࡉࡀ ࡁࡂࡀࡅࡇ ࡀࡌࡉࡍࡈࡅࡋ ࡖ ࡋࡀࡄࡅࡀࡋࡅࡍ ࡏࡅࡄࡓࡀ ࡏࡋ ࡌࡀࡋࡊࡉࡀ ࡖ 

(2499) ࡉࡀࡄࡅࡈࡀࡉࡉࡀ ࡏࡋࡀࡅࡀࡉࡄࡅࡍ ࡀࡓࡃࡁࡀࡍ ࡌࡀࡋࡊࡀ ࡅࡔࡉࡕࡉࡍ ࡀࡋࡐࡉࡀ ࡍࡀࡑࡅࡓࡀࡉࡉࡀ ࡏࡕࡐࡀࡓࡀࡒ ࡌࡍ ࡓࡅࡔࡅࡌࡀࡉࡄࡅࡍ ࡖ ࡔࡅࡁࡀ ࡅࡀࡋࡁࡉࡅࡍ ࡋࡈࡅࡓࡀ ࡖ ࡌࡉࡃࡀࡉ 

(2500) ࡃࡅࡊࡕࡀ ࡖ ࡋࡀࡔࡕࡀࡋࡀࡈ ࡏࡋࡀࡅࡀࡉࡀࡍ ࡖ ࡔࡅࡓࡁࡀࡕࡀ ࡊࡅࡋࡄࡅࡍ ࡅࡁࡍࡅࡍ ࡁࡉࡌࡀࡍࡃࡉࡀ ࡅࡃࡀࡓࡉࡅࡍ ࡁࡒࡀࡋࡀ ࡖ ࡄࡉࡉࡀ ࡅࡁࡄࡀࡉࡋࡇ ࡖ ࡌࡀࡋࡊࡀ ࡓࡀࡌࡀ ࡖ 

(2501) ࡍࡄࡅࡓࡀ ࡀࡋࡌࡀ ࡖ ࡀࡊࡀࡋࡉࡅࡍ ࡅࡓࡉࡄࡌࡀ ࡌࡀࡓࡀ ࡖ ࡀࡃࡅࡍࡀࡉ ࡀࡋࡌࡀ ࡖ ࡁࡉࡕ ࡏࡎࡓࡀࡉࡉࡋ ࡏࡕࡉࡒࡓࡉࡀ ࡑࡁࡅ ࡖ ࡋࡀࡉࡀࡄࡉࡁ ࡏࡁࡌࡀࡓࡁࡀ ࡖ 

(2502) ࡌࡉࡓࡉࡀࡉ ࡁࡓࡀࡕࡇ ࡖ ࡌࡉࡔࡀ ࡏࡕࡉࡊࡎࡉࡀ ࡁࡌࡀࡓࡁࡀ ࡏࡕࡔࡀ ࡉࡀࡄࡓࡉࡀ ࡄࡀࡆࡉࡋࡇ ࡀࡋࡌࡀ ࡖ ࡌࡀࡈࡉࡀ ࡕࡔࡀ ࡉࡀࡄࡓࡉࡀ ࡄࡀࡌࡁࡋࡀࡕ ࡅࡉࡀࡃࡀࡋࡕࡇ 

(2503) ࡋࡌࡔࡉࡄࡀ ࡅࡍࡐࡀࡒ ࡅࡒࡓࡀ ࡀࡌࡀ ࡋࡍࡀࡐࡔࡉࡇ ࡅࡌࡀࡋࡉࡋ ࡌࡍ ࡌࡉࡕࡀ ࡅࡍࡀࡎࡉࡁࡋࡇ ࡋࡓࡀࡆࡉࡀ ࡖ ࡏࡊࡉࡋࡕࡀ ࡌࡉࡍࡇ ࡅࡋࡂࡀࡈ ࡐࡅࡌࡀ ࡌࡍ ࡏࡊࡉࡋࡕࡀ ࡅࡋࡂࡀࡈ 

(2504) ࡀࡌࡀ ࡋࡍࡀࡐࡔࡉࡇ ࡅࡏࡕࡉࡒࡓࡉࡀ ࡏࡔࡅࡌ ࡌࡔࡉࡄࡀ ࡁࡀࡈࡋࡀ ࡅࡀࡐࡉࡊࡋࡅࡍ ࡋࡊࡅࡋࡄࡅࡍ ࡅࡔࡀࡅࡉࡍࡅࡍ ࡀࡊࡅࡀࡕ ࡍࡀࡐࡔࡉࡇ ࡖ ࡀࡐࡀࡊࡏࡍࡉࡍ ࡏࡋ ࡌࡀࡋࡀࡋࡉࡀ 

(2505) ࡖ ࡍࡄࡅࡓࡀ ࡅࡔࡀࡍࡉࡍࡅࡍ ࡖ ࡄࡔࡅࡊࡀ ࡅࡀࡐࡀࡊࡉࡍࡅࡍ ࡀࡋࡌࡀ ࡋࡏࡋࡀࡉ ࡅࡌࡍࡉࡉࡉࡀ ࡅࡀࡐࡀࡊࡉࡍࡅࡍ ࡏࡋ ࡏࡁࡉࡃࡀࡕࡀ ࡊࡅࡋࡄࡅࡍ ࡄࡅ ࡅࡀࡄࡇ ࡋࡈࡅࡓࡀ ࡖ ࡎࡉࡍࡀࡉ 

(2506) ࡉࡀࡕࡁࡉࡀ ࡅࡌࡔࡀࡅࡉࡋࡇ ࡋࡊࡅࡋࡄࡅࡍ ࡔࡅࡓࡁࡀࡕࡀ ࡅࡀࡐࡉࡊ ࡅࡌࡔࡀࡅࡉࡀ ࡀࡌࡀ ࡋࡍࡀࡐࡔࡉࡇ ࡅࡌࡉࡕࡉࡒࡓࡉࡀ ࡊࡓࡀࡎࡈࡉࡍࡀࡉࡉࡀ ○ ࡅࡌࡍ ࡍࡉࡑࡓࡀࡕ 

(2507) ࡌࡃࡉࡍࡕࡀ ࡖ ࡉࡀࡄࡅࡈࡀࡉࡉࡀ ࡖ ࡄࡏ ࡒࡅࡌ ࡌࡃࡉࡍࡕࡇ ࡌࡉࡕࡒࡉࡓࡉࡀ ○ ࡖ ࡄࡏ ࡔࡊࡉࡍࡕࡇ ࡖ ࡍࡁࡅ ࡁࡂࡀࡅࡇ ࡖ ࡒࡅࡌ ࡊࡀࡍ ࡊࡉࡍࡕࡀ ࡅࡊࡉࡅࡀࡍ 

(2508) ࡁࡈࡅࡓࡀ ࡖ ࡎࡉࡍࡀࡉ ࡊࡀࡍ ࡊࡉࡍࡕࡀ ○ ࡁࡉࡕ ࡀࡓࡁࡀࡉࡉࡀ ࡖ ࡄࡏ ࡌࡉࡕࡒࡉࡓࡉࡀ ࡁࡀࡑࡓࡀ ࡖ ࡄࡏ ࡎࡅࡐࡀࡕ ࡆࡀࡁࡀ ࡌࡉࡕࡒࡉࡓࡉࡀ ○ ࡄࡃࡀ 

(2509) ࡏࡕࡄࡀࡔࡀࡁ ࡄࡉࡉࡀ ࡒࡀࡃࡌࡀࡉࡉࡀ ࡋࡌࡉࡋࡂࡀࡈ ࡋࡉࡂࡈࡕࡇ ࡖ ࡏࡄࡀࡌࡁࡋࡅࡍ ࡋࡓࡀࡆࡉࡀ ࡖ ࡀࡃࡅࡍࡀࡉ ࡌࡍ ࡉࡀࡌࡀࡌࡉࡀ ࡅࡋࡄࡀࡌࡁࡅࡋࡉࡀ ࡄࡀࡔࡀࡁࡕࡀ 

(2510) ࡖ ࡓࡅࡄࡀ ࡅࡀࡃࡅࡍࡀࡉ ࡀࡕࡀ ࡌࡍ ࡁࡀࡉࡕࡀ ࡖ ࡓࡅࡄࡀ ࡅࡄࡀࡌࡁࡅࡋࡉࡀ ࡄࡀࡔࡀࡁࡕࡀ ࡖ ࡓࡅࡄࡀ ࡌࡍ ࡒࡅࡃࡀࡌ ࡖ ࡀࡁࡀ ࡓࡁࡀ ࡖ ࡏࡒࡀࡓࡀ ࡋࡔࡀࡓࡄࡀࡁࡏࡉࡋ 

(2511) ࡓࡀࡆࡉࡀ ○ ࡅࡁࡕࡌࡀࡓ ࡉࡀࡓࡃࡍࡀ ࡃࡀࡊࡉࡀ ࡅࡏࡎࡕࡀࡄࡃࡀࡕ ࡎࡀࡄࡃࡅࡕࡀ ࡖ ࡊࡅࡔࡈࡀ ࡅࡏࡑࡈࡀࡓࡀࡓ ࡁࡀࡆࡉࡓࡀ ࡃࡀࡊࡉࡀ ࡁ ࡉࡀࡓࡃࡍࡀ ࡓࡁࡀ ○ ࡅࡀࡕࡀ 

(2512) ࡅࡆࡃࡓࡀ ࡏࡌࡁࡀࡓࡁࡀ ࡖ ࡏࡍࡉࡔࡁࡀࡉ ࡖ ࡌࡉࡍࡇ ࡄࡀࡅࡉࡀ ࡉࡀࡋࡃࡀ ࡍࡁࡉࡄࡀ ࡖ ࡀࡁࡀ ࡓࡁࡀ ࡖ ࡏࡒࡀࡓࡀ ࡌࡔࡀࡁࡀ ࡔࡅࡌࡇ ࡋࡄࡀࡌࡁࡅࡋࡉࡀ 

(2513) ࡁࡉࡍࡉࡀࡍࡀ ࡖ ࡓࡅࡄࡀ ࡅࡀࡃࡅࡍࡀࡉ ○ ࡁࡁࡀࡉࡕࡀ ࡖ ࡁࡍࡀࡕ ࡓࡅࡄࡀ ࡅࡔࡅࡁࡀ ࡁࡍࡇ ࡅࡄࡃࡀࡓࡕࡇ ࡋࡃࡀࡅࡓࡀ ࡊࡅࡋࡇ ○ ࡌࡀࡃࡀࡉ ࡖ ࡓࡅࡄࡀ ࡅࡔࡅࡁࡀ 

(2514) ࡁࡍࡇ ࡏࡋࡇ ࡋࡀࡌࡑࡅࡍ ࡀࡌࡉࡍࡈࡅࡋ ࡖ ࡏࡕࡋࡇ ࡋࡄࡉࡁࡉࡋ ࡆࡉࡅࡀ ○ ࡖ ࡄࡉࡉࡀ ࡅࡔࡀࡓࡅࡁࡀ ࡔࡅࡓࡁࡀ ࡁࡀࡉࡕࡀ ࡖ ࡁࡍࡀࡕ ࡓࡅࡄࡀ ࡅࡔࡅࡁࡀ ࡁࡍࡇ ࡖ 

(2515) ࡋࡀࡕࡉࡔࡀࡋࡀࡈ ○ ࡁࡌࡉࡑࡀࡕ ࡀࡋࡌࡉࡀ ࡅࡍࡉࡕࡉࡒࡓࡉࡀ ࡉࡀࡄࡉࡀ ࡉࡅࡄࡀࡍࡀ ࡍࡁࡉࡄࡀ ࡖ ࡊࡅࡔࡈࡀ ࡔࡋࡉࡄࡀ ○ ࡖ ࡃࡀࡓ ࡋࡏࡅࡓࡀࡔࡋࡀࡌ ࡌࡃࡉࡍࡕࡀ 

(2516) ࡀࡎࡉࡀ ࡖ ࡎࡉࡌࡀࡍࡀ ࡌࡉࡀ ࡅࡄࡉࡉࡀ ࡀࡎࡉࡀ ࡖ ࡌࡀࡎࡉࡀ ○ ࡖ ࡌࡍ ࡓࡅࡄࡀ ࡅࡀࡃࡅࡍࡀࡉ ࡍࡀࡐࡒࡉࡀ ࡋࡄࡀࡌࡁࡅࡋࡉࡀ ࡁࡏࡑࡈࡅࡍࡀ ࡖ ࡐࡀࡂࡓࡇ ࡅࡄࡀࡉࡆࡀࡊ ○ ࡗ 

(2517) ࡌࡉࡕࡀࡅࡃࡀࡋ ࡉࡀࡋࡃࡇ ࡀࡕࡀ ࡏࡍࡅࡔ ࡏࡅࡕࡓࡀ ࡁࡐࡀࡒࡀࡃࡕࡀ ࡖ ࡀࡁࡀ ࡓࡁࡀ ࡖ ࡏࡒࡀࡓࡀ ࡅࡀࡕࡅࡍ ࡒࡅࡃࡀࡌ ࡄࡉࡁࡉࡋ ࡆࡉࡅࡀ ࡁࡐࡀࡒࡀࡃࡕࡀ ࡖ 

(2518) ࡀࡁࡀ ࡓࡁࡀ ࡖ ࡏࡒࡀࡓࡀ ࡖ ࡀࡆࡉࡋࡉࡅࡍ ࡖ ࡔࡉࡓࡁࡉࡀ ࡋࡅࡀࡕ ࡈࡅࡓࡀ ࡖ ࡎࡉࡍࡀࡉ ࡅࡀࡆࡉࡋࡉࡅࡍ ○ ࡋࡅࡀࡕ ࡊࡉࡍࡕࡀ ࡖ ࡓࡅࡄࡀ ࡖ ࡌࡉࡕࡒࡉࡓࡉࡀ ࡖ ࡏࡔࡓࡏࡉࡀ 

(2519) ࡋࡅࡀࡕ ࡃࡅࡊࡕࡀ ࡖ ࡏࡕࡁࡉࡍࡉࡀࡕ ࡊࡀࡅࡉࡋࡀ ࡕࡉࡄࡅࡉࡋࡇ ࡐࡀࡓࡒࡀ ࡋࡉࡀࡋࡃࡀ ○ ࡁࡐࡀࡓࡅࡀࡍ ࡈࡅࡓࡀ ࡄࡉࡅࡀࡓࡀ ࡃࡅࡊࡕࡀ ࡖ ࡀࡓࡒࡀ ࡅࡐࡉࡓࡀ ࡅࡓࡒࡉࡄࡀ 

(2520) ࡓࡁࡀ ࡄࡀࡕࡀࡌ ○ ࡏࡋࡀࡍࡀ ࡖ ࡌࡓࡀࡁࡉࡀ ࡉࡀࡍࡒࡉࡀ ࡅࡊࡀࡌࡓࡅࡉࡀ ࡋࡑࡅࡐࡍࡀࡉ ࡋࡉࡋࡉࡕࡀ ࡃࡅࡊࡕࡀ ࡖ ࡗ ࡄࡀࡅࡉࡍ ࡁࡌࡀࡑࡁࡅࡕࡀ ࡄࡀࡉࡕࡀ ࡅࡃࡀࡊࡉࡅࡉࡀ 

(2521) ࡋࡉࡀࡋࡃࡀ ࡉࡀࡄࡉࡀ ࡉࡅࡄࡀࡍࡀ ࡔࡋࡉࡄࡀ ࡖ ࡊࡅࡔࡈࡀ ○ ࡅࡋࡀࡔࡀࡍࡉࡀ ࡌࡉࡌࡓࡀ ࡅࡌࡀࡌࡋࡀ ࡖ ࡀࡕࡀ ࡌࡍ ࡒࡅࡃࡀࡌ ࡀࡁࡀ ࡓࡁࡀ ࡖ ࡏࡒࡀࡓࡀ ○ ࡍࡎࡀࡁࡕࡇ 

(2522) ࡑࡅࡐࡍࡀࡉ ࡋࡉࡋࡉࡕࡀ ࡌࡍ ࡒࡅࡃࡀࡌ ࡖ ࡀࡉࡍࡀ ࡖ ࡏࡌࡇ ࡍࡀࡐࡋࡀ ࡏࡋࡇ ○ ࡁࡌࡉࡌࡓࡀ ࡖ ࡀࡍࡅࡔ ࡏࡅࡕࡓࡀ ࡅࡋࡅࡀࡕ ࡐࡀࡓࡅࡀࡍ ࡈࡅࡓࡀ ࡄࡉࡅࡀࡓࡀ 

(2523) ࡎࡋࡉࡒ ○ ࡓࡒࡉࡄࡀ ࡓࡁࡀ ࡄࡀࡕࡀࡌ ࡔࡉࡓࡉࡅࡉࡇ ࡏࡋ ࡉࡀࡄࡉࡀ ࡉࡅࡄࡀࡍࡀ ࡋࡅࡀࡕ ࡏࡋࡀࡍࡀ ࡖ ࡌࡓࡀࡁࡉࡀ ࡉࡀࡍࡒࡉࡀ ○ ࡄࡀࡉࡆࡀࡊ ࡑࡅࡐࡍࡀࡉ ࡋࡉࡋࡉࡕࡀ 

(2524) ࡏࡕࡊࡀࡌࡓࡀࡕ ࡋࡃࡅࡊࡕࡀ ࡊࡃ ࡄࡅࡍ ࡕࡋࡀࡕࡉࡍ ࡉࡅࡌࡉࡀ ࡀࡕࡀ ࡄࡉࡁࡉࡋ ࡆࡉࡅࡀ ࡁࡐࡀࡒࡀࡃࡕࡀ ࡖ ࡀࡁࡀ ࡓࡁࡀ ࡒࡀࡃࡌࡀࡉࡀ ࡖ ࡏࡒࡀࡓࡀ ࡅࡀࡕࡀ ࡋࡈࡅࡓࡀ 

(2525) ࡖ ࡌࡀࡃࡀࡉ ࡅࡔࡀࡃࡓࡀ ࡋࡀࡍࡅࡔ ࡏࡅࡕࡓࡀ ࡋࡁࡉࡄࡓࡀࡌ ࡁࡓ ࡏࡅࡕࡓࡉࡀ ࡅࡋ ࡈࡅࡓࡀ ࡖ ࡌࡀࡃࡀࡉ ࡅࡍࡉࡎࡁࡀ ࡋࡁࡉࡄࡓࡀࡌ ࡌࡍ ࡈࡅࡓࡀ ࡖ ࡌࡀࡃࡀࡉ 

(2526) ࡅࡀࡆࡀࡋ ○ ࡅࡀࡒࡀࡌࡋࡇ ࡌࡀࡑࡁࡅࡕࡀ ࡑࡉࡁࡅࡉࡇ ࡅࡔࡉࡃࡉࡇ ࡋࡉࡀࡍࡒࡀ ࡋࡅࡀࡕ ࡏࡋࡀࡍࡀ ࡖ ࡌࡓࡀࡁࡉࡀ ࡉࡀࡍࡒࡉࡀ ࡄࡅࡀ ࡁࡓ ࡔࡀࡁࡀ ࡔࡍࡉࡀ ࡀࡕࡀ 

(2527) ࡏࡍࡅࡔ ࡏࡅࡕࡓࡀ ࡅࡊࡃࡀࡁࡋࡇ ࡀ ࡁࡀ ࡂࡀ ࡃࡀ ○ ࡅࡀࡋࡌࡀ ࡖ ࡄࡅࡀ ࡁࡓ ࡎࡓࡉࡍ ࡅࡕࡀࡓࡕࡉࡍ ࡏࡔࡍࡉࡀ ࡉࡀࡋࡐࡇ ࡖ ࡊࡅࡋࡇ ࡍࡀࡑࡉࡓࡅࡕࡀ ○ ࡄࡀࡉࡆࡀࡊ 

(2528) ࡁࡐࡀࡒࡀࡃࡕࡀ ࡖ ࡀࡁࡀ ࡓࡁࡀ ࡖ ࡏࡒࡀࡓࡀ ࡅࡕࡓࡀࡑࡋࡇ ࡕࡀࡂࡀ ࡅࡀࡅࡕࡁࡇ ࡏࡍࡅࡔ ࡏࡅࡕࡓࡀ ࡋࡅࡀࡕࡇ ࡀࡋࡌࡀ ࡖ ࡀࡕࡀ ࡋࡏࡅࡓࡀࡔࡋࡀࡌ ࡌࡃࡉࡍࡕࡀ 

(2529) ࡁࡊࡉࡍࡕࡀ ࡖ ࡊࡀࡍࡀࡕ ࡓࡅࡄࡀ ○ ࡊࡅࡋࡇ ࡋࡃࡉࡋࡇ ࡅࡏࡋ ࡔࡅࡁࡀ ࡁࡍࡇ ࡋࡁࡀࡓ ࡌࡍ ࡈࡅࡓࡀ ࡖ ࡌࡀࡃࡀࡉ ࡖ ࡀࡄࡀࡓࡀࡍ ○ ࡄࡉࡁࡉࡋ ࡆࡉࡅࡀ ࡖ ࡈࡅࡓࡀ 

(2530) ࡖ ࡌࡀࡃࡀࡉ ࡖ ࡄࡃࡀࡓࡉࡅࡍ ࡏࡋࡇ ࡌࡍ ࡈࡅࡓࡀ ࡋࡈࡅࡓࡀ ○ ࡅࡀࡋࡌࡀ ࡋࡌࡃࡉࡍࡕࡀ ࡖ ࡍࡀࡑࡅࡓࡀࡉࡉࡀ ࡔࡉࡕࡀ ࡀࡋࡐࡉࡀ ࡐࡀࡓࡎࡉࡀ ࡄࡀࡅࡉࡀ ࡅࡄࡃࡀࡓࡀ ࡖ ࡄࡉࡁࡉࡋ 

(2531) ࡆࡉࡅࡀ ࡌࡉࡕࡉࡒࡓࡉࡀ ○ ࡅࡄࡀࡉࡆࡀࡊ ࡉࡀࡄࡉࡀ ࡉࡅࡄࡀࡍࡀ ࡋࡂࡀࡈ ࡉࡀࡓࡃࡍࡀ ࡅࡎࡀࡌࡀࡍࡀ ࡌࡉࡀ ○ ࡅࡃࡀࡊࡉࡀ ࡂࡉࡓࡁࡀࡍࡉࡀ ࡅࡀࡐࡕࡀ ࡏࡅࡉࡓࡉࡀ ࡅࡀࡒࡉࡌ ࡌࡕࡀࡁࡓࡉࡀ 

(2532) ࡋࡌࡀࡎࡂࡅࡉࡉࡀ ࡏࡋ ࡋࡉࡂࡓࡀࡉࡄࡅࡍ ○ ࡁࡄࡀࡉࡋࡀ ࡖ ࡌࡀࡋࡊࡀ ࡓࡀࡌࡀ ࡖ ࡍࡄࡅࡓࡀ ࡌࡔࡀࡁࡀ ࡔࡅࡌࡇ ࡅࡏࡄࡀࡁࡋࡇ ࡏࡌࡓࡀ ࡅࡔࡉࡌࡀ ࡖ ࡊࡅࡋ 

(2533) ࡖ ࡁࡇ ࡅࡏࡕࡉࡒࡓࡉࡀ ࡁࡀࡋࡌࡀ ࡅࡔࡋࡉࡄࡀ ࡖ ࡌࡀࡋࡊࡀ ࡓࡀࡌࡀ ࡓࡁࡀ ࡖ ࡍࡄࡅࡓࡀ ࡌࡔࡀࡁࡀ ࡔࡅࡌࡇ ࡋࡃࡀࡅࡓࡀ ࡅࡁࡉࡍࡉࡀࡍࡀ ࡖ ࡓࡅࡄࡀ ࡅࡀࡃࡅࡍࡀࡉ ࡅࡔࡅࡁࡀ 

(2534) ࡁࡍࡇ ࡅࡕࡀࡓࡌࡉࡃ ࡕࡀࡓࡌࡉࡃࡉࡀ ○ ࡅࡒࡓࡀ ࡒࡀࡋࡀ ࡖ ࡄࡉࡉࡀ ࡁࡂࡀࡅࡇ ࡖ ࡁࡀࡉࡕࡀ ࡍࡀࡐࡋࡀ ࡀࡓࡁࡉࡍ ࡅࡕࡀࡓࡕࡉࡍ ࡔࡍࡉࡀ ࡁࡂࡀࡅࡇ ࡅࡄࡀࡉࡆࡀࡊ ࡏࡕࡀࡄࡆࡉࡋࡇ 

(2535) ࡍࡀࡑࡁࡇ ࡅࡎࡋࡉࡒ ࡋࡅࡀࡕࡇ ࡍࡀࡑࡁࡇ ࡁࡐࡀࡒࡀࡃࡕࡇ ࡖ ࡌࡀࡋࡊࡀ ࡓࡀࡌࡀ ࡖ ࡍࡄࡅࡓࡀ ࡌࡔࡀࡁࡀ ࡔࡅࡌࡇ ○ ࡅࡏࡃࡀࡍࡀ ࡌࡈࡀ ࡅࡄࡀࡉࡆࡀࡊ ࡌࡍ 

(2536) ࡀࡁࡀࡕࡀࡓ ࡖ ࡍࡐࡀࡒ ࡌࡍ ࡐࡀࡂࡓࡇ ࡉࡀࡄࡉࡀ ࡉࡅࡄࡀࡍࡀ ࡔࡉࡕࡉࡍ ࡔࡍࡉࡀ ○ ࡋࡉࡀࡄࡅࡈࡀࡉࡉࡀ ࡀࡊࡅࡀࡕ ࡄࡀࡉࡋࡀ ࡒࡀࡃࡌࡀࡉࡀ ࡋࡓࡅࡄࡀ ࡅࡀࡃࡅࡍࡀࡉ ࡖ 

(2537) ࡍࡀࡎࡁࡉࡀ ࡓࡁࡅࡕࡀ ○ ࡄࡀࡉࡆࡀࡊ ࡀࡁࡀࡕࡀࡓ ࡔࡉࡕࡉࡍ ࡔࡍࡉࡀ ࡏࡕࡄࡀࡔࡁࡀࡕ ࡓࡅࡄࡀ ࡅࡀࡃࡅࡍࡀࡉ ࡋࡌࡉࡎࡒࡀ ○ ࡋࡁࡀࡉࡕࡀ ࡍࡀࡐࡋࡀ ࡅࡀࡌࡀࡓࡅࡋࡇ ࡋࡌࡉࡔࡀ ࡍࡁࡉࡄࡀ 

(2538) ࡖ ࡓࡅࡄࡀ ࡅࡁࡍࡉࡀ ࡎࡓࡀࡉࡉࡋ ࡖ ࡀࡎࡒࡀ ࡋࡁࡀࡉࡕࡀ ○ ࡅࡄࡀࡉࡆࡀࡊ ࡓࡌࡅࡍ ࡒࡀࡋࡀ ࡁࡀࡈࡋࡀ ࡁࡔࡅࡓࡁࡀࡕࡀ ࡖ ࡀࡍࡅࡔ ࡏࡅࡕࡓࡀ ࡓࡉࡔࡀ ࡖ 

(2539) ࡃࡀࡓࡀ ࡅࡀࡔࡉࡃ ࡆࡌࡀࡉࡅࡍ ࡖ ࡋࡀࡔࡁࡀࡒࡉࡍࡅࡍ ࡌࡍ ࡕࡀࡓࡌࡉࡃࡉࡀ ࡅࡍࡀࡑࡅࡓࡀࡉࡉࡀ ࡏࡍࡉࡔ ○ ࡄࡀࡉࡆࡀࡊ ࡓࡕࡀ ࡉࡀࡓࡃࡍࡀ ࡅࡐࡓࡀࡔࡅࡕࡇ ࡅࡎࡋࡉࡒ 

(2540) ࡋࡓࡉࡒࡀࡕࡀ ࡅࡆࡉࡅࡀ ࡖ ࡃࡓࡀࡁࡔࡉࡇ ࡖ ࡀࡁࡀࡕࡅࡓ ࡅࡀࡍࡅࡔ ࡏࡅࡕࡓࡀ ○ ࡅࡄࡀࡉࡆࡀࡊ ࡃࡓࡀࡕࡉࡍࡅࡍ ࡓࡅࡄࡀ ࡋࡉࡀࡄࡅࡈࡀࡉࡉࡀ ○ ࡖ ࡁࡀࡉࡕࡀ ࡖ 

(2541) ࡔࡅࡁࡀ ࡌࡉࡕࡒࡉࡓࡉࡀ ࡅࡄࡀࡉࡆࡀࡊ ࡔࡀࡃࡀࡓࡋࡇ ࡀࡃࡅࡍࡀࡉ ࡄࡅࡈࡓࡀ ○ ࡅࡀࡌࡀࡓ ࡏࡋࡇ ࡅࡌࡀࡄࡉࡋࡇ ࡋࡎࡅࡐ ࡆࡀࡁࡀ ࡅࡌࡉࡐࡀࡋࡂࡉࡀ ࡌࡉࡀ ࡖ 

(2542) ࡔࡓࡉࡍ ࡁࡎࡅࡐ ࡆࡀࡁࡀ ࡀࡊࡅࡀࡕ ࡕࡓࡉࡍ ࡈࡅࡓࡉࡀ ࡖ ࡂࡆࡉࡓࡀ ࡄࡅࡀࡕ ࡏࡅࡄࡓࡀ ࡅࡀࡁࡀࡓࡕࡉࡍࡅࡍ ࡓࡅࡄࡀ ࡄࡀࡍࡀࡕࡇ ࡖ ࡎࡅࡐ ࡆࡀࡁࡀ ࡅࡁࡍࡀࡋࡅࡍ 

(2543) ࡅࡊࡁࡀࡔࡋࡅࡍ ࡋࡉࡁࡕࡀ ࡖ ࡒࡅࡃࡔࡀ ࡅࡁࡍࡀࡕ ࡁࡉࡍࡉࡀࡍࡀ ○ ࡅࡀࡒࡌࡅ ࡋࡇ ࡏࡅࡑࡈࡅࡍࡉࡀ ࡏࡅࡑࡈࡅࡍࡉࡀ ࡖ ࡊࡀࡃࡁࡀ ࡅࡀࡎࡉࡒࡋࡇ ࡋࡊࡅࡋ ࡏࡅࡑࡈࡅࡍࡀ ○ ࡂࡁࡉࡋ 

(2544) ࡄࡔࡅࡊࡀ ࡌࡉࡍࡇ ࡅࡀࡅࡕࡁࡉࡍࡅࡍ ࡋࡉࡀࡄࡅࡈࡀࡉࡉࡀ ࡖ ࡄࡈࡅࡍ ࡅࡀࡎࡊࡉࡋࡉࡅࡍ ○ ࡕࡋࡀࡕࡀ ࡔࡅࡓࡉࡀ ࡖ ࡄࡃࡀ ࡔࡀࡍࡀࡉ ࡌࡍ ࡄࡀࡁࡓࡀ ࡌࡀࡐࡓࡉࡔ 

(2545) ࡏࡋࡀࡅࡀࡉࡄࡅࡍ ○ ࡄࡉࡃࡓࡀࡕ ࡓࡅࡄࡀ ࡋࡏࡅࡓࡀࡔࡋࡀࡌ ࡁࡀࡕࡓࡀࡉࡕࡀ ࡖ ࡉࡀࡄࡅࡈࡀࡉࡉࡀ ࡅࡄࡀࡉࡆࡀࡊ ○ ࡓࡅࡄࡀ ࡋࡉࡀࡄࡅࡈࡀࡉࡉࡀ ࡅࡋࡀࡌࡑࡀ 

(2546) ࡖ ࡍࡉࡔࡀࡍࡉࡍࡅࡍ ࡋࡔࡅࡓࡉࡀ ࡌࡉࡍࡀࡉࡄࡅࡍ ○ ࡄࡀࡉࡆࡀࡊ ࡎࡋࡉࡒ ࡀࡍࡅࡔ ࡏࡅࡕࡓࡀ ࡋࡅࡀࡕ ࡀࡁࡀࡄࡀࡕࡀ ࡅࡀࡌࡀࡓࡋࡅࡍ ࡋࡀࡁࡀࡄࡀࡕࡀ ࡉࡀࡄࡅࡈࡀࡉࡉࡀ 

(2547) ࡅ ࡓࡅࡄࡀ ○ ࡀࡁࡀࡓࡕࡉࡍࡅࡍ ࡋࡎࡅࡐ ࡆࡀࡁࡀ ࡅࡁࡍࡀࡕ ࡁࡉࡍࡕࡀ ࡅࡄࡉࡃࡓࡀࡕ ࡔࡅࡁࡀ ࡔࡅࡓࡉࡀ ࡖ ࡋࡀࡌࡑࡉࡕ ࡀࡍࡀ ࡁࡄࡀࡉࡋࡀࡉࡄࡅࡍ ࡌࡀࡄࡅ 

(2548) ࡀࡌࡓࡉࡕࡅࡍ ࡏࡋࡀࡅࡀࡉࡀࡍ ○ ࡀࡍࡅࡔ ࡏࡅࡕࡓࡀ ࡌࡀࡋࡉࡋ ࡋࡅࡀࡕ ࡀࡁࡀࡄࡀࡕࡀ ࡅࡀࡌࡀࡓࡋࡅࡍ ࡗ ࡄࡅࡀ ࡄࡀࡉࡆࡀࡊ ࡀࡕࡀ ࡅࡒࡀࡌ ࡀࡁࡀ ࡓࡁࡀ ࡖ 

(2549) ࡏࡒࡀࡓࡀ ࡋࡅࡀࡕ ࡄࡉࡁࡉࡋ ࡁࡓࡇ ࡍࡉࡄࡀ ○ ࡅࡀࡁࡀࡃ ࡄࡀࡉࡆࡀࡊ ࡀࡕࡀ ࡄࡉࡁࡉࡋ ○ ࡋࡅࡀࡕ ࡀࡍࡅࡔ ࡏࡅࡕࡓࡀ ࡅࡀࡌࡀࡓࡋࡇ ࡍࡄࡅࡕ ࡁࡌࡀࡃࡀࡉ 

(2550) ࡅࡍࡎࡅࡁ ࡔࡅࡁࡀ ࡎࡉࡋࡅࡀࡍࡉࡀ ࡖ ࡄࡉࡍࡅࡍ ࡔࡅࡁࡀ ࡂࡉࡓࡉࡀ ࡅࡏࡆࡉࡋ ࡅࡀࡌࡅࡓ ࡏࡋࡀࡅࡀࡉࡄࡅࡍ ࡌࡉࡌࡓࡉࡀ ࡅࡍࡎࡅࡁ ࡋࡅࡀࡕࡀࡊ ࡔࡅࡁࡀ ࡍࡀࡈࡓࡉࡀ ࡌࡍ 

(2551) ࡐࡀࡓࡅࡀࡍ ࡈࡅࡓࡀ ࡅࡍࡎࡅࡁࡋࡅࡍ ࡁࡒࡀࡔࡕࡀࡕࡀ ࡅࡍࡉࡌࡓࡅࡍ ࡏࡋࡀࡅࡀࡉࡄࡅࡍ ࡔࡅࡁࡀ ࡌࡉࡌࡓࡉࡀ ࡅࡍࡉࡐࡉࡓࡃࡅࡍ ࡁࡁࡀࡉࡕࡀ ࡖ ࡓࡅࡄࡀ ࡏࡋ ࡋࡉࡐࡕࡀ ࡖ ࡒࡅࡃࡔࡀ 

(2552) ࡖ ࡊࡅࡋ ࡃࡅࡊࡕࡀ ࡖ ࡍࡀࡐࡉࡋ ࡄࡀࡍࡀࡕࡇ ࡂࡉࡓࡀ ࡕࡉࡕࡋࡉࡀ ࡍࡅࡓࡀ ࡅࡕࡉࡊࡀࡋ ࡁࡓࡒࡉࡄࡀ ࡅࡀࡋࡌࡀ ࡋࡕࡓࡉࡎࡀࡓ ࡍࡉࡎࡊࡉࡀ ࡁࡀࡓࡒࡀ ࡕࡉࡊࡀࡋ ࡁࡄࡀࡉࡋࡀࡉࡅࡍ 

(2553) ࡖ ࡄࡀࡋࡉࡍ ࡌࡉࡌࡓࡉࡀ ࡃࡀࡊࡉࡉࡀ ࡅࡉࡀࡒࡉࡓࡉࡀ ࡅࡍࡉࡁࡈࡅࡋ ࡔࡅࡋࡈࡀࡍࡀ ࡖ ࡓࡅࡄࡀ ࡅࡔࡅࡁࡀ ࡁࡍࡀ ࡅࡖ ࡉࡀࡄࡅࡈࡀࡉࡉࡀ ࡅࡔࡅࡓࡁࡀࡕࡅࡍ ࡌࡍ ࡄࡀࡔࡕࡀ 

(2554) ࡅࡀࡋࡌࡀ ࡋࡊࡉࡌࡑࡀࡕ ࡀࡋࡌࡉࡀ ࡅࡄࡀࡉࡆࡀࡊ ࡀࡍࡅࡔ ࡏࡅࡕࡓࡀ ࡋࡀࡔࡀࡍࡉࡀ ࡌࡉࡍࡃࡀࡌ ࡖ ࡐࡀࡒࡃࡀ ࡄࡉࡁࡉࡋ ࡆࡉࡅࡀ ࡀࡕࡀ ࡅࡎࡀࡐࡀ ࡄࡀࡌࡁࡋࡇ ࡋ ࡏࡅࡓࡀࡔࡋࡀࡌ 

(2555) ࡌࡃࡉࡍࡕࡀ ࡅࡂࡈࡀࡋࡉࡍࡅࡍ ࡋࡁࡍࡉࡀ ࡎࡓࡀࡉࡉࡋ ࡅࡋࡊࡀࡄࡍࡉࡀ ࡖ ࡏࡅࡓࡀࡔࡋࡀࡌ ࡅࡔࡀࡅࡉࡀ ࡀࡊࡅࡀࡕ ࡕࡉࡋࡉࡀ ࡖ ࡄࡀࡁࡀࡓࡀ ࡅࡀࡕࡀ ࡋࡁࡀࡂࡃࡀࡃ ࡅࡂࡀࡈࡋࡉࡍࡅࡍ 

(2556) ࡋࡊࡅࡋࡄࡅࡍ ࡊࡀࡄࡍࡉࡀ ࡅࡍࡉࡎࡁࡀ ࡋࡌࡀࡋࡊࡅࡕࡀ ࡌࡉࡍࡀࡉࡅࡍ ࡅࡃࡀࡒࡀ ࡄࡀࡓࡒࡀ ࡋࡊࡅࡋ ࡌࡃࡉࡍࡕࡀ ࡖ ࡄࡅࡀࡁࡇ ࡉࡀࡄࡅࡈࡈࡀࡉࡉࡀ ࡅࡄࡀࡉࡆࡀࡊ ࡕࡌࡀࡍࡉࡌࡀ ࡔࡍࡉࡀ 

(2557) ࡅࡌࡀࡋࡊࡅࡕࡅࡍ ࡁࡁࡀࡂࡃࡀࡃ ࡄࡅࡀࡕ ࡃࡀࡁࡀࡓࡁࡅࡍ ࡌࡀࡋࡊࡅࡕࡀ ࡀࡓࡁࡉࡌࡀ ࡌࡀࡋࡊࡉࡀ ࡌࡍ ࡉࡀࡄࡈࡅࡀࡉࡉࡀ ࡀࡊࡀࡋࡉࡅࡍ ࡉࡀࡄࡅࡈࡀࡉࡉࡀ ࡕࡌࡀࡍࡉࡌࡀ ࡔࡍࡉࡀ 

(2558) ࡌࡀࡋࡊࡅࡕࡅࡍ ࡁࡁࡀࡂࡃࡀࡃ ࡄࡅࡀࡕ ࡃࡀࡁࡉࡓࡉࡅࡍ ࡌࡀࡋࡊࡅࡕࡀ ࡀࡓࡁࡉࡌࡀ ࡌࡀࡋࡊࡉࡀ ࡌࡍ ࡉࡀࡄࡈࡅࡀࡉࡉࡀ ࡅࡄࡀࡉࡆࡀࡊ ࡁࡀࡉࡕࡀ ࡖ ࡉࡀࡄࡅࡈࡀࡉࡉࡀ ࡁࡈࡉࡋ 

(2559) ࡅࡏࡕࡁࡀࡈࡀࡋ ࡅࡁࡈࡉࡋ ࡄࡀࡉࡋࡇ ࡖ ࡄࡔࡅࡊࡀ ࡄࡀࡍࡀࡕࡅࡍ ࡔࡅࡁࡀ ࡍࡀࡈࡓࡉࡀ ࡖ ࡄࡅࡍ ࡁࡄࡉࡓࡉࡀ ࡆࡉࡃࡒࡀ ࡌࡉࡕࡒࡉࡓࡉࡅࡍ ࡌࡍ ࡀࡍࡅࡔ ࡏࡅࡕࡓࡀ 

(2560) ࡁࡌࡉࡌࡓࡀ ࡅࡐࡀࡒࡀࡃࡕࡀ ࡖ ࡄࡉࡁࡉࡋ ࡆࡉࡅࡀ ࡀࡕࡅࡍ ࡖ ࡐࡀࡒࡃࡀ ࡀࡁࡀ ࡓࡁࡀ ࡖ ࡏࡒࡀࡓࡀ ࡄࡃࡀ ࡌࡉࡍࡀࡉࡅࡍ ࡆࡀࡆࡀࡉ ࡁࡓ ࡄࡉࡁࡉࡋ ࡆࡉࡅࡀ 

(2561) ࡏࡅࡕࡓࡀ ࡀࡅࡕࡁࡇ ࡀࡍࡅࡔ ࡏࡅࡕࡓࡀ ࡁࡁࡀࡂࡃࡀࡃ ࡌࡃࡉࡍࡕࡀ ࡄࡃࡀ ࡔࡅࡌࡇ ࡐࡀࡐࡀ ࡁࡓ ࡂࡅࡃࡀ ࡀࡅࡕࡁࡇ ࡀࡍࡅࡔ ࡏࡅࡕࡓࡀ ࡋࡃࡉࡂࡋࡀࡕ 

(2562) ࡓࡁࡀ ࡅࡋࡃࡍࡀࡁ ࡏࡅࡋࡀࡉ ࡄࡃࡀ ࡖ ࡔࡅࡌࡇ ࡀࡍࡅࡔ ࡁࡓ ࡍࡀࡈࡀࡓ ࡄࡉࡉࡀ ࡀࡅࡕࡁࡇ ࡀࡍࡅࡔ ࡏࡅࡕࡓࡀ ࡋࡓࡉࡔ ࡀࡍࡅࡔ ࡔࡀࡉࡀࡓ ࡁࡓ ࡍࡅࡍࡀࡁ ࡋࡐࡓࡀࡕ 

(2563) ࡄࡃࡀ ࡔࡅࡌࡇ ࡁࡓࡉࡊ ࡉࡀࡅࡀࡓ ࡁࡓ ࡁࡉࡄࡃࡀࡃ ࡉࡀࡕࡉࡁ ࡋࡐࡅࡌ ࡁࡉࡕ ࡀࡔࡊࡀࡓࡕࡀ ࡖ ࡀࡉࡕࡀ ࡁࡓࡉࡔ ࡎࡅࡓࡀ ࡄࡃࡀ 

(2564) ࡖ ࡔࡅࡌࡇ ࡍࡅࡍࡀࡁ ࡁࡓ ࡁࡉࡄࡓࡀࡌ ࡉࡀࡕࡉࡁ ࡋࡈࡅࡓࡀ ࡖ ࡂࡋࡀࡆࡍࡀࡊ ࡄࡃࡀ ࡔࡅࡌࡇ ࡎࡊࡀ ࡌࡀࡍࡃࡀ ࡉࡀࡕࡉࡁ ࡋࡃࡍࡀࡁ ࡈࡅࡓࡀ ࡖ 

(2565) ࡀࡉࡍࡀ ࡖ ࡌࡉࡀ ࡖ ࡀࡉࡕࡀ ࡋࡃࡍࡀࡁ ࡐࡀࡓࡅࡀࡍ ࡈࡅࡓࡀ ࡃࡅࡊࡕࡀ ࡖ ࡍࡀࡐࡉࡒ ࡅࡃࡓࡀ ࡄࡀࡋࡉࡍ ࡄࡉࡍࡅࡍ ࡔࡅࡁࡀ ࡌࡀࡋࡊࡉࡀ ࡖ ࡀࡕࡅࡍ ࡌࡍ ࡀࡍࡅࡔ ࡏࡅࡕࡓࡀ 

(2566) ࡅࡊࡉࡁࡔࡅࡉࡀ ࡋࡄࡔࡅࡊࡀ ࡅࡁࡀࡈࡋࡅࡉࡀ ࡋࡄࡀࡔࡀࡁࡕࡀ ࡖ ࡓࡅࡄࡀ ࡅࡁࡀࡈࡋࡉࡍࡅࡍ ࡋࡌࡀࡋࡊࡉࡀ ࡖ ࡉࡀࡄࡅࡈࡀࡉࡉࡀ ࡅࡔࡀࡅࡉࡍࡅࡍ ࡗ ࡆࡀࡍ ࡖ ࡋࡀࡄࡅࡍ ࡅࡀࡅࡕࡁࡉࡍࡅࡍ ࡀࡍࡅࡔ 

(2567) ࡏࡅࡕࡓࡀ ࡁࡀࡓࡁࡉࡀ ࡆࡀࡅࡀࡉࡀࡕࡀ ࡖ ࡁࡀࡉࡕࡀ ࡋࡔࡅࡁࡀ ࡒࡅࡓࡍࡀࡕࡀ ࡖ ࡀࡋࡌࡀ ࡏࡋ ࡌࡉࡊࡉࡁࡔࡀ ࡄࡀࡉࡋࡇ ࡖ ࡄࡔࡅࡊࡀ ࡅࡋࡌࡉࡕࡉࡓࡑࡉࡀ ࡋࡒࡀࡋࡀ ࡖ ࡄࡉࡉࡀ 

(2568) ࡅࡋࡌࡉࡁࡀࡈࡋࡇ ࡋࡒࡀࡋࡀ ࡌࡀࡓࡃࡀ ○ ࡅࡄࡀࡉࡆࡀࡊ ࡗ ࡄࡀࡆࡉࡍ ࡀࡁࡀࡃ ࡀࡍࡅࡔ ࡏࡅࡕࡓࡀ ࡁࡐࡀࡒࡀࡃࡕࡀ ࡖ ࡄࡉࡁࡉࡋ ࡆࡉࡅࡀ ࡖ ࡐࡀࡒࡃࡇ ࡀࡁࡀ ࡓࡁࡀ 

(2569) ࡖ ࡏࡒࡀࡓࡀ ࡀࡆࡀࡋ ࡀࡍࡅࡔ ࡏࡅࡕࡓࡀ ࡋࡈࡅࡓࡀ ࡖ ࡌࡀࡃࡓࡀࡉ ࡖ ࡌࡉࡕࡒࡉࡓࡉࡀ ࡄࡀࡓࡀࡍ ࡂࡀࡅࡀࡉࡕࡀ ࡅࡀࡕࡉࡇ ࡋࡁࡄࡉࡓࡀ ࡁࡓ ࡔࡉࡕࡉࡋ ࡁࡍࡉࡀ 

(2570) ࡖ ࡁࡍࡇ ࡖ ࡀࡓࡃࡁࡀࡍ ࡌࡀࡋࡊࡀ ࡖ ࡍࡀࡑࡅࡓࡀࡉࡉࡀ ࡄࡅࡀ ࡅࡀࡉࡕࡉࡀ ࡋࡅࡀࡕࡇ ࡔࡉࡕࡉࡍ ࡍࡀࡑࡅࡓࡀࡉࡉࡀ ࡅࡕࡉࡓࡑࡀ ࡁࡁࡀࡂࡃࡀࡃ ࡅࡀࡅࡕࡁࡇ ࡁࡌࡀࡋࡊࡅࡕࡀ 

(2571) ࡅࡔࡉࡕࡉࡍ ࡍࡀࡑࡅࡓࡀࡉࡉࡀ ࡋࡅࡀࡕࡇ ࡅࡍࡐࡀࡔࡉࡅࡍ ࡅࡏࡕࡍࡀࡐࡀࡔࡉࡅࡍ ࡍࡀࡑࡅࡓࡀࡉࡉࡀ ࡁࡁࡀࡂࡃࡀࡃ ࡌࡍ ࡔࡅࡓࡁࡕࡀ ࡖ ࡁࡄࡉࡓࡀ ࡁࡓ ࡔࡉࡕࡉࡋ ࡅࡍࡀࡑࡅࡓࡀࡉࡉࡀ 

(2572) ࡀࡕࡅࡍ ࡀࡋࡅࡀࡕࡇ ࡀࡋࡌࡀ ࡖ ࡄࡅࡍ ࡀࡓࡁࡉࡌࡀ ࡌࡀࡔࡊࡍࡉࡀ ࡁࡁࡀࡂࡃࡀࡃ ࡅࡄࡀࡅࡀࡋࡀࡉ ࡃࡉࡋࡇ ࡅࡊࡅࡋࡄࡅࡍ ࡁࡄࡀࡆࡉࡍ ࡊࡃࡀࡁࡀ ࡅࡀࡁࡀࡃࡉࡅࡍ ࡁࡄࡀࡆࡉࡍ ࡔࡉࡓࡔࡀ 

(2573) ࡕࡀࡒࡍࡀ ࡀࡁࡀࡃࡉࡅࡍ ࡅࡋࡀࡔࡀࡍࡅࡍ ࡌࡍ ࡄࡀࡆࡉࡍ ࡆࡄࡀࡓࡀ ࡄࡀࡆࡉࡍ ࡊࡃࡀࡁࡀ ࡖ ࡂࡀࡋࡀࡋࡕࡀ ࡓࡀࡁࡕࡉࡀ ࡖ ࡏࡕࡉࡀࡄࡁࡀࡕ ࡋࡀࡃࡀࡌ ࡂࡀࡁࡓࡀ ࡒࡀࡃࡌࡀࡉࡀ 

(2574) ࡅࡔࡅࡓࡁࡀࡕࡀ ࡊࡅࡋࡄࡅࡍ ࡖ ࡎࡀࡄࡃࡉࡍ ࡀࡋࡌࡀ ࡋࡊࡉࡌࡑࡀࡕ ࡀࡋࡌࡀ ࡁࡄࡀࡆࡉࡍ ࡆࡄࡀࡓࡀ ࡄࡀࡆࡉࡍ ࡕࡅࡒࡍࡀ ࡋࡀࡍࡉࡁࡈࡅࡋ ࡌࡍ ࡌࡉࡌࡓࡀ ࡖ ࡀࡁࡀ ࡓࡁࡀ 

(2575) ࡖ ࡏࡒࡀࡓࡀ ࡌࡔࡀࡁࡀ ࡔࡅࡌࡇ ࡄࡀࡉࡆࡀࡊ ࡄࡀࡍࡀࡕࡀ ࡄࡀࡉࡆࡀࡊ ࡄࡀࡍࡀࡕࡇ ࡆࡀࡆࡀࡉ ࡁࡄࡉࡓ ࡆࡉࡃࡒࡀ ࡎࡋࡉࡒ ࡋࡓࡒࡉࡄࡀ ࡅࡃࡀࡓ ࡋࡅࡀࡕࡇ 

(2576) ࡖ ࡉࡅࡓࡁࡀ ࡔࡉࡕࡉࡍ ࡅࡕࡓࡉࡍ ࡉࡅࡌࡉࡀ ࡅࡎࡋࡉࡒ ࡋࡅࡀࡕ ࡀࡁࡀࡄࡀࡕࡀ ࡅࡄࡀࡍࡀࡕࡅࡍ ࡔࡉࡕࡀ ࡁࡄࡉࡓࡉࡀ ࡆࡉࡃࡒࡀ ࡔࡀࡃࡀࡓ ࡔࡅࡓࡁࡀࡕࡅࡍ ࡁࡀࡋࡌࡀ 

(2577) ࡅࡌࡍ ࡁࡍࡀࡉࡅࡍ ࡖ ࡄࡀࡍࡀࡕࡅࡍ ࡕࡀࡓࡌࡉࡃࡉࡀ ࡖ ࡕࡀࡓࡌࡉࡃ ࡉࡀࡄࡉࡀ ࡉࡄࡀࡍࡀ ࡏࡊࡀ ࡁࡀࡋࡌࡀ ࡖ ࡕࡉࡁࡉࡋ ࡅࡌࡍ ࡍࡉࡑࡅࡁࡕࡀ ࡒࡀࡃࡌࡀࡉࡕࡀ ࡖ 

(2578) ࡕࡉࡁࡉࡋ ࡌࡀࡋࡊࡉࡀ ࡏࡊࡀ ࡁࡍࡀࡑࡅࡓࡀࡉࡉࡀ . ࡌࡍ ࡓࡉࡔࡀ ࡄࡀࡋࡑࡀ ࡅࡃࡉࡍࡁࡀ ࡏࡊࡀ ࡁࡍࡀࡑࡅࡓࡀࡉࡉࡀ ࡃࡉࡍࡁࡀ ࡖ ࡃࡀࡓࡀ ࡁࡀࡕࡓࡀࡉࡀ ࡀࡌࡉࡍࡈࡅࡋ ࡖ ࡍࡀࡐࡒࡉࡍ 

(2579) ࡖ ࡕࡉࡌࡋࡅࡍ ࡅࡍࡀࡑࡅࡓࡀࡉࡉࡀ ࡖ ࡃࡉࡍࡁࡀ ࡖ ࡃࡀࡓࡀ ࡌࡍ ࡁࡍࡀࡉࡅࡍ ࡅࡌࡍ ࡔࡉࡓࡔࡀࡉࡅࡍ ࡖ ࡄࡀࡍࡀࡕࡅࡍ ࡕࡀࡓࡌࡉࡃࡉࡀ ࡖ ࡉࡀࡄࡉࡀ ࡉࡄࡀࡍࡀ ࡍࡀࡐࡒࡉࡍ ࡀࡍࡀࡔࡉࡀ 

(2580) ࡖ ࡋࡀࡈࡀࡒࡎࡀ ࡀࡌࡉࡍࡈࡅࡋ ࡗ ࡌࡀࡌࡋࡉࡍ ࡁࡍࡀࡉࡅࡍ ࡖ ࡌࡀࡋࡊࡉࡀ ࡖ ࡁࡀࡂࡃࡀࡃ ࡖ ࡌࡀࡋࡊࡅࡕࡀ ࡁࡁࡀࡂࡃࡀࡃ ࡀࡊࡋࡉࡍ ࡅࡌࡀࡕࡉࡍ ࡅࡕࡌࡀࡍࡀࡍ ࡔࡍࡉࡀ ࡍࡀࡐࡒࡉࡍ ࡌࡍ ࡁࡍࡀࡉࡅࡍ ࡖ 

(2581) ࡄࡀࡍࡀࡕࡅࡍ ࡕࡀࡓࡌࡉࡃࡉࡀ ࡖ ࡉࡀࡄࡉࡀ ࡉࡄࡀࡍࡀ ࡖ ࡀࡕࡉࡀ ࡓࡅࡄࡀ ࡅࡔࡀࡂࡔࡀࡋࡅࡍ ࡅࡀࡐࡊࡀࡋࡅࡍ ࡋ ࡌࡀࡋࡀࡋࡉࡀ ࡅࡀࡐࡏࡊࡉࡋࡅࡍ ࡋࡄࡀࡕࡌࡉࡀ ࡅࡀࡐࡊࡉࡋࡅࡍ 

(2582) ࡋ ࡌࡉࡌࡓࡉࡀ ࡅࡒࡀࡃࡀࡄࡉࡀ ࡏࡋ ࡏࡃࡀࡉࡄࡅࡍ ࡖ ࡄࡀࡍࡀࡕࡅࡍ ࡁࡍࡀࡉࡅࡍ ࡖ ࡄࡀࡍࡀࡕࡅࡍ ࡕࡀࡓࡌࡉࡃࡉࡀ ࡌࡍ ࡆࡉࡓࡀ ࡖ ࡉࡀࡄࡅࡈࡀࡉࡉࡀ ࡖ ࡏࡔࡕࡀࡓࡄࡀࡁ 

(2583) ࡀࡌࡉࡍࡈࡅࡋ ࡖ ࡁࡓ ࡍࡉࡈࡅࡐࡕࡀ ࡃࡀࡊࡉࡕࡀ ࡓࡀࡆࡀ ࡖ ࡉࡀࡄࡅࡈࡀࡉࡉࡀ ࡏࡅࡓࡀࡔࡋࡀࡌ ࡓࡅࡄࡀ ࡑࡀࡉࡕࡀࡋࡅࡍ ࡓࡀࡆࡉࡀ ࡖ ࡐࡀࡂࡓࡉࡀ ࡅࡔࡐࡉࡋ ࡌࡍ ࡔࡐࡉࡕࡀ 

(2584) ࡌࡀࡐࡓࡉࡔࡍࡀࡋࡊࡅࡍ ࡕࡀࡓࡌࡉࡃࡉࡀ ࡖ ࡄࡀࡅࡉࡍ ࡁࡃࡉࡍࡁࡀ ࡖ ࡃࡀࡓࡀ ࡀࡓࡀࡁࡀࡉࡀ ࡌࡍ ࡒࡅࡃࡀࡌ ࡖ ࡍࡀࡐࡉࡒ ࡁࡓࡇ ࡖ ࡔࡄࡀࡈ ࡀࡓࡀࡁࡀࡉࡀ 

(2585) ࡅࡌࡉࡕࡍࡀࡍࡁࡉࡀ ࡍࡁࡉࡄࡀ ࡁࡀࡋࡌࡀ ࡖ ࡂࡀࡆࡀࡓ ࡂࡆࡅࡓࡕࡀ ࡀࡊࡅࡀࡕ ࡉࡀࡄࡅࡈࡀࡉࡉࡀ ࡅࡀࡐࡉࡊ ࡌࡉࡌࡓࡉࡀ ࡀࡌࡉࡍࡈࡅࡋ ࡖ ࡄࡅ ࡔࡉࡐࡅࡋࡕࡀ ࡖ ࡍࡁࡉࡄࡉࡍ 

(2586) ࡖ ࡊࡀࡃࡁࡀ ࡄࡅ ࡅࡀࡕࡉࡀ ࡍࡉࡓࡉࡂ ࡋࡅࡀࡕࡇ ࡀࡌࡉࡍࡈࡅࡋ ࡖ ࡄࡅ ࡄࡀࡕࡌࡅࡍ ࡖ ࡍࡁࡉࡄࡉࡀ ࡖ ࡊࡀࡃࡁࡀ ࡄࡅ ࡀࡁࡀࡕࡀࡓ ࡃࡉࡋࡇ ࡍࡀࡐࡉࡒ ࡌࡔࡉࡄࡀ 

(2587) ࡁࡃࡉࡍࡁࡀ ࡖ ࡃࡀࡓࡀ ࡌࡀࡐࡓࡉࡔࡍࡀࡋࡊࡅࡍ ࡍࡀࡑࡅࡓࡀࡉࡉࡀ ࡌࡍ ࡒࡅࡃࡀࡌ ࡖ ࡍࡀࡐࡉࡒ ࡁࡓࡇ ࡖ ࡁࡓࡇ ࡖ ࡔࡄࡀࡈ ࡀࡓࡀࡁࡀࡉࡀ ࡅࡍࡁࡉࡄࡀ ࡌࡉࡕࡉࡒࡓࡉࡀ 

(2588) ࡁࡀࡋࡌࡀ ࡅࡍࡀࡄࡉࡕ ࡍࡉࡓࡉࡂ ࡋࡅࡀࡕࡇ ࡗ ࡔࡀࡐࡉࡋ ࡎࡉࡐࡀ ࡅࡌࡀࡄࡃࡀࡓ ࡀࡌࡀ ࡋࡍࡀࡐࡔࡉࡀ ࡁࡎࡉࡐࡀ ࡁࡕࡌࡀࡍࡀࡍ ࡅࡔࡉࡕ ࡔࡍࡉࡀ ࡌࡍ ࡒࡅࡃࡀࡌ ࡖ 

(2589) ࡍࡀࡐࡉࡒ ࡁࡓࡇ ࡖ ࡔࡄࡀࡈ ࡀࡓࡀࡁࡀࡉࡀ ࡌࡔࡀࡃࡀࡓࡋࡇ ࡀࡃࡅࡍࡀࡉ ࡋࡔࡅࡓࡁࡉࡔ ࡓࡅࡄࡀ ࡖ ࡄࡏ ࡆࡀࡅࡇ ࡋࡈࡉࡁ ࡌࡃࡉࡍࡕࡀ ࡌࡉࡕࡒࡉࡓࡉࡀ ࡖ 

(2590) ࡄࡏ ࡌࡃࡉࡍࡕࡀ ࡖ ࡀࡔࡂࡀࡍࡃࡀ ࡁࡈࡉࡁ ࡌࡉࡕࡒࡉࡓࡉࡀ ࡀࡌࡉࡍࡈࡅࡋ ࡖ ࡊࡅࡋ ࡖ ࡀࡁࡀࡃ ࡌࡀࡋࡊࡅࡕࡀ ࡁࡁࡀࡂࡃࡀࡃ ࡀࡔࡂࡀࡍࡃࡀ ࡁࡈࡉࡁ ࡌࡀࡕࡀ 

(2591) ࡄࡅࡀ ࡌࡃࡉࡍࡕࡀ ࡖ ࡀࡔࡂࡀࡍࡃࡀ ࡌࡉࡕࡒࡉࡓࡉࡀ ࡀࡌࡉࡍࡈࡅࡋ ࡖ ࡄࡅࡍ ࡁࡂࡀࡅࡇ ࡍࡀࡑࡅࡓࡀࡉࡉࡀ ࡓࡉࡔ ࡀࡌࡉࡀ ࡄࡅࡀ ࡄࡃࡀ ࡓࡉࡔ ࡀࡌࡀ ࡖ ࡌࡉࡕࡉࡒࡓࡉࡀ 

(2592) ࡒࡉࡒࡉࡋ ࡅࡌࡔࡀࡃࡀࡓࡋࡇ ࡁࡄࡀࡆࡉࡍ ࡀࡋࡌࡀ ࡀࡃࡅࡍࡀࡉ ࡋࡔࡅࡓࡁࡉࡔ ࡓࡅࡄࡀ ࡅࡀࡌࡀࡓࡋࡇ ࡏࡆࡉࡋ ࡅࡏࡃࡀࡌࡉࡋࡇ ࡋ ࡒࡉࡒࡉࡋ ࡖ ࡍࡀࡑࡅࡓࡀࡉࡉࡀ ࡁࡄࡉࡁࡉࡋ 

(2593) ࡆࡉࡅࡀ ࡅࡍࡉࡎࡁࡅࡉࡇ ࡌࡉࡍࡇ ࡋࡌࡀࡃࡉࡄࡕࡇ ࡅࡀࡐࡉࡊࡕࡍࡅࡍ ࡏࡋ ࡌࡀࡋࡀࡋࡉࡀ ࡅࡋࡌࡉࡑࡓࡉࡀ ࡖ ࡁࡉࡍࡉࡀࡍࡀ ࡏࡋࡀࡅࡀࡉࡅࡍ ࡒࡀࡉࡉࡌ ࡗ ࡄࡀࡆࡀ ࡀࡁࡀࡃࡕ ࡀࡌࡀ 

(2594) ࡊࡅࡋࡇ ࡍࡀࡑࡅࡓࡀࡉࡉࡀ ࡋࡃࡉࡋࡀࡍ ࡅࡄࡀࡃࡓࡉࡍ ࡅࡀࡆࡋࡀࡕ ࡓࡅࡄࡀ ࡔࡅࡓࡁࡉࡔ ࡆࡀࡅࡇ ࡖ ࡀࡃࡅࡍࡀࡉ ࡅࡔࡓࡀࡕ ࡏࡋ ࡒࡉࡒࡉࡋ ࡖ ࡍࡀࡑࡅࡓࡀࡉࡉࡀ ࡅࡏࡃࡀࡌࡉࡀࡕ 

(2595) ࡁࡀࡃࡌࡅࡕ ࡖ ࡄࡉࡁࡉࡋ ࡆࡉࡅࡀ ࡖ ࡋࡀࡉࡉࡕ ࡔࡀࡐࡉࡓ ࡀࡊࡅࡀࡕ ࡄࡉࡁࡉࡋ ࡆࡉࡅࡀ ࡌࡀࡅࡃࡉࡀࡁࡇ ࡍࡉࡔࡌࡀࡕࡀ ࡅࡍࡀࡎࡁࡀࡋࡇ ࡋࡌࡀࡃࡉࡄࡕࡀ ࡖ ࡒࡉࡒࡉࡋ 

(2596) ࡅࡌࡀࡐࡓࡉࡔࡀ ࡏࡋࡇ ࡅࡀࡌࡓࡀࡋࡇ ࡀࡍࡀ ࡄࡉࡁࡉࡋ ࡆࡉࡅࡀ ࡀࡉࡕࡉࡕ ࡌࡀࡂࡀࡋࡕࡀ ࡑࡉࡋࡐࡀ ࡅࡊࡃࡅࡁ ࡔࡉࡓࡔࡀ ࡖ ࡄࡉࡉࡀ ࡅࡌࡉࡌࡓࡀ ࡅࡓࡀࡆࡀ ࡅࡃࡓࡀ 

(2597) ࡅࡔࡀࡃࡀࡓ ࡅࡀࡁࡅࡃ ࡁࡂࡀࡅࡀࡉࡅࡍ ࡀࡌࡉࡍࡈࡅࡋ ࡖ ࡀࡍࡀ ࡄࡉࡉࡀ ࡓࡁࡉࡀ ࡔࡀࡃࡓࡅࡍ ࡅࡀࡕࡉࡕ ࡋࡅࡀࡕࡀࡊ ࡄࡀࡉࡆࡀࡊ ࡀࡉࡕࡉࡀ ࡒࡉࡒࡉࡋ ࡌࡀࡂࡀࡋࡕࡀ ࡅࡑࡉࡋࡐࡀ 

(2598) ࡅࡊࡃࡀࡁ ࡅࡃࡓࡀ ࡌࡍ ࡓࡅࡄࡀ ࡗ ࡌࡀࡃࡉࡄࡕࡀ ࡄࡅࡀ ࡔࡒࡉࡋࡀ ࡌࡉࡍࡇ ࡄࡀࡉࡆࡀࡊ ࡐࡀࡋࡉࡂ ࡁࡍࡀࡑࡅࡓࡀࡉࡉࡀ ࡅࡀࡔࡅࡀࡋࡀࡍࡇ ࡌࡍ ࡄࡀࡍࡀࡕࡀ ࡊࡃࡀࡁࡀ 

(2599) ࡖ ࡊࡃࡀࡁ ࡄࡀࡉࡆࡀࡊ ࡏࡕࡁࡀࡓࡉࡀࡕ ࡌࡍ ࡒࡅࡃࡀࡌࡇ ࡄࡃࡀࡓ ࡏࡅࡑࡓࡇ ࡅࡌࡀࡃࡉࡄࡕࡇ ࡖ ࡒࡉࡒࡉࡋ ࡅࡄࡀࡉࡆࡀࡊ ࡀࡐࡀࡊ ࡌࡀࡋࡀࡋࡉࡀ ࡅࡀࡐࡀࡊ ࡒࡌࡀࡄࡉࡀ 

(2600) ࡖ ࡁࡉࡍࡉࡀࡍࡀ ࡅࡏࡕࡀࡐࡓࡀࡔ ࡖ ࡓࡅࡄࡀ ࡄࡏ ࡊࡅࡋ ࡊࡃࡀࡁࡀ ࡖ ࡄࡅࡀ ࡋࡅࡀࡕࡇ ࡌࡍ ࡄࡀࡍࡀࡕࡇ ࡊࡃࡀࡁࡀ ࡖ ࡓࡅࡄࡀ ࡒࡋࡀ ࡁࡍࡅࡓࡀ ࡅࡔࡀࡃࡀࡓ 

(2601) ࡋࡍࡀࡑࡅࡓࡀࡉࡉࡀ ࡅࡀࡔࡅࡀࡋࡀࡍࡇ ࡖ ࡀࡉࡕࡅࡍ ࡊࡃࡀࡁࡉࡀ ࡖ ࡉࡀࡄࡁࡉࡍࡀࡋࡊࡅࡍ ࡒࡋࡅࡍࡅࡍ ࡁࡍࡅࡓࡀ ࡀࡌࡉࡍࡈࡅࡋ ࡖ ࡀࡔࡓࡀࡒࡕࡀࡍ ࡗ ࡋࡀࡉࡀࡃࡉࡕ ࡌࡍ ࡌࡀࡍࡀ ࡅࡌࡍ 

(2602) ࡄࡀࡍࡀࡕࡅࡍ ࡍࡀࡑࡅࡓࡀࡉࡉࡀ ࡖ ࡀࡁࡀࡃ ࡔࡉࡓࡔࡀ ࡕࡀࡒࡍࡀ ࡄࡅࡀ ࡀࡉࡕࡉࡀ ࡊࡃࡀࡁࡉࡀ ࡅࡉࡀࡄࡁࡉࡋࡇ ࡅࡒࡋࡀ ࡁࡍࡅࡓࡀ ࡅࡊࡅࡋࡌࡀࡍ ࡖ ࡔࡉࡓࡔࡀ ࡖ 

(2603) ࡉࡀࡄࡅࡈࡀࡉࡉࡀ ࡄࡅࡀ ࡄࡀࡍࡀࡕࡅࡍ ࡊࡃࡀࡁࡉࡀ ࡋࡀࡀࡉࡕࡉࡀ ࡅࡋࡀࡉࡀࡄࡀࡁࡋࡇ ࡋࡒࡉࡒࡉࡋ ࡅࡐࡀࡔࡉࡅࡍ ࡌࡍ ࡄࡀࡍࡀࡕࡅࡍ ࡊࡃࡀࡁࡉࡀ ࡋࡅࡀࡕࡅࡍ ࡀࡐࡓࡉࡔ ࡄࡉࡁࡉࡋ ࡆࡉࡅࡀ 

(2604) ࡋࡄࡀࡆࡉࡍ ࡌࡉࡌࡓࡀ ࡅࡆࡄࡀࡓࡀ ࡏࡋ ࡍࡀࡑࡅࡓࡀࡉࡉࡀ ࡖ ࡄࡀࡅࡉࡍ ࡁࡃࡉࡍࡁࡀ ࡖ ࡃࡀࡓࡀ ࡁࡀࡕࡓࡀࡉࡀ ࡏࡆࡃࡀࡄࡀࡓ ࡅࡏࡆࡃࡀࡄࡀࡓ ࡋࡁࡀࡓ ࡌࡍ ࡄࡀࡆࡉࡍ ࡊࡃࡀࡁࡀ 

(2605) ࡖ ࡂࡀࡋࡀࡋࡕࡀ ࡓࡀࡁࡕࡉࡀ ࡋࡀࡍࡉࡁࡀࡃ ࡔࡉࡓࡔࡀ ࡕࡀࡒࡅࡍ ࡄࡀࡉࡅࡀ ࡅࡍࡉࡎࡄࡀࡃ ࡅࡍࡉࡁࡀࡃ ࡅࡋࡀࡍࡉࡁࡈࡅࡋ ࡌࡍ ࡄࡀࡆࡉࡍ ࡆࡄࡀࡓࡀ ࡃࡀࡊࡉࡀ ࡎࡀࡋࡉࡒ ࡒࡅࡃࡀࡌ 

(2606) ࡀࡁࡀࡄࡀࡕࡀ ࡊࡅࡋ ࡖ ࡄࡀࡆࡉࡍ ࡃࡉࡓࡊࡀ ࡁࡂࡀࡅࡇ ࡋࡀࡎࡀࡄࡉࡃ ࡅࡋࡀࡋࡀࡂࡉࡈ ࡋࡄࡔࡅࡊࡀ ࡁࡀࡉࡉࡀ ࡔࡀࡐࡉࡋ ࡌࡀࡐࡓࡉࡔࡍࡀࡋࡊࡅࡍ ࡍࡀࡑࡅࡓࡀࡉࡉࡀ ࡖ ࡄࡀࡅࡉࡍ 

(2607) ࡁࡃࡉࡍࡁࡀ ࡖ ࡃࡀࡓࡀ ࡁࡀࡕࡓࡀࡉࡉࡀ ࡀࡔࡀࡓ ࡅࡀࡁࡅࡃࡉࡅࡍ ࡁࡄࡀࡆࡉࡍ ࡊࡃࡀࡁࡀ ࡅࡂࡀࡋࡀࡋࡕࡀ ࡓࡀࡁࡕࡉࡀ ࡔࡅࡌࡇ ࡀࡌࡉࡍࡈࡅࡋ ࡖ ࡄࡀࡍࡀࡕࡇ ࡆࡉࡁࡍࡀ 

(2608) ࡍࡀࡐࡔࡉࡀ ࡀࡌࡀࡌࡉࡀ ࡅࡕࡀࡅࡌࡉࡀ ࡅࡋࡉࡔࡀࡍࡉࡀ ࡅࡊࡅࡋ ࡏࡍࡉࡔ ࡉࡅࡕࡓࡀࡍࡀ ࡋࡍࡀࡐࡔࡉࡇ ࡁࡀࡉࡉࡀ ࡅࡍࡀࡐࡔࡉࡀ ࡊࡃࡀࡁࡉࡀ ࡅࡎࡉࡂࡉࡉࡇ ࡖ ࡓࡅࡄࡀ ࡅࡀࡃࡅࡍࡀࡉ ࡅࡁࡂࡀࡅࡀࡉࡅࡍ 

(2609) ࡔࡀࡐࡋࡉࡍ ࡍࡉࡔࡌࡀࡕࡅࡍ ࡋࡄࡔࡅࡊࡀ ࡅࡄࡀࡉࡆࡀࡊ ࡌࡍ ࡒࡅࡃࡀࡌ ࡖ ࡍࡀࡐࡉࡒ ࡁࡓࡇ ࡖ ࡔࡄࡀࡈ ࡀࡓࡀࡁࡀࡉࡀ ࡍࡀࡐࡔࡉࡀ ࡀࡌࡀࡌࡉࡀ ࡊࡓࡅࡎࡈࡌࡉࡀ 

(2610) ࡅࡃࡅࡌࡀࡉࡉࡀ ࡖ ࡉࡀࡄࡅࡈࡀࡉࡉࡀ ࡄࡅࡓࡃࡁࡀࡉࡉࡀ ࡅࡃࡉࡋࡁࡉࡋࡀࡉࡉࡀ ࡅࡌࡉࡕࡐࡀࡋࡂࡉࡀ ࡀࡌࡀࡌࡉࡀ ࡅࡍࡀࡐࡔࡉࡀ ࡋࡉࡔࡀࡍࡉࡀ ࡅࡋࡉࡔࡀࡍࡉࡀ ࡍࡀࡐࡔࡉࡍ ࡖ ࡍࡀࡑࡅࡓࡀࡉࡉࡀ 

(2611) ࡄࡀࡆࡉࡍ ࡅࡄࡀࡉࡆࡀࡊ ࡌࡉࡕࡍࡉࡎࡁࡀ ࡌࡍ ࡁࡍࡀࡉࡅࡍ ࡖ ࡁࡍࡉࡀ ࡀࡓࡃࡁࡀࡍ ࡌࡀࡋࡊࡀ ࡌࡀࡋࡊࡅࡕࡀ ࡌࡍ ࡁࡀࡂࡃࡀࡃ ࡄࡀࡓࡃࡁࡀࡉࡉࡀ ࡍࡀࡎࡁࡉࡋࡇ ࡏࡋ 

(2612) ࡌࡀࡋࡊࡅࡕࡀ ࡐࡀࡔࡉࡅࡍ ࡁࡂࡀࡅࡇ ࡖ ࡁࡀࡂࡃࡀࡃ ࡏࡌࡀ ࡅࡔࡅࡁࡉࡍ ࡃࡓࡀࡁࡔࡉࡀ ࡅࡁࡉࡌࡀࡍࡃࡉࡀ ࡅࡄࡀࡉࡆࡀࡊ ࡀࡊࡉࡋ ࡌࡀࡋࡊࡀ ࡖ ࡄࡀࡓࡃࡅࡁࡀࡉࡉࡀ ࡕࡋࡀࡕࡌࡀ 

(2613) ࡅࡔࡉࡕࡉࡍ ࡔࡍࡉࡀ ࡅࡄࡀࡉࡆࡀࡊ ࡌࡉࡌࡋࡉࡊ ࡁࡓࡇ ࡖ ࡔࡄࡀࡈ ࡀࡓࡀࡁࡀࡉࡉࡀ ࡀࡁࡃࡀࡋࡀࡇ ࡍࡀࡐࡉࡒ ࡅࡀࡌࡀ ࡋࡀࡂࡉࡈ ࡋࡍࡀࡐࡔࡉࡇ ࡅࡂࡆࡅࡓࡕࡀ ࡂࡀࡆࡀࡓ ࡗ 

(2614) ࡄࡀࡆࡉࡍ ࡄࡀࡅࡉࡀ ࡐࡀࡉࡉࡔ ࡁࡁࡀࡂࡃࡀࡃ ࡗ ࡄࡀࡆࡉࡍ ࡄࡀࡅࡉࡀ ࡄࡀࡅࡀࡋࡀࡉ ࡃࡉࡋࡇ ࡔࡉࡕࡉࡍ ࡃࡓࡀࡁࡔࡉࡀ ࡅࡄࡀࡉࡆࡀࡊ ࡍࡀࡎࡉࡁ ࡎࡉࡐࡀ ࡅࡌࡀࡎࡉࡐࡋࡇ ࡌࡍ 

(2615) ࡌࡃࡉࡍࡕࡀ ࡖ ࡔࡀࡌ ࡅࡀࡋࡌࡀ ࡋࡁࡉࡕ ࡃࡅࡁࡀࡓ ࡖ ࡄࡏ ࡁࡃࡉࡍ ࡌࡉࡕࡒࡉࡓࡉࡀ ࡊࡅࡋࡇ ࡌࡀࡌࡋࡉࡊࡋࡇ ࡅࡁࡉࡋ ࡈࡅࡓࡀ ࡖ ࡐࡀࡓࡎࡀࡉࡉࡀ ࡌࡀࡌࡋࡉࡊࡋࡇ 

(2616) ࡖ ࡄࡉࡍࡅࡍ ࡄࡀࡓࡃࡀࡁࡀࡉࡉࡀ ࡌࡉࡕࡒࡉࡓࡉࡀ ࡅࡍࡀࡎࡁࡉࡋࡇ ࡋࡌࡀࡋࡊࡅࡕࡀ ࡌࡉࡍࡀࡉࡅࡍ ࡄࡀࡉࡆࡀࡊ ࡗ ࡄࡀࡅࡉࡀ ࡄࡀࡆࡉࡍ ࡁࡏࡃࡀࡍࡀ ࡀࡕࡉࡀ ࡀࡍࡅࡔ ࡁࡓ ࡃࡀࡍࡒࡀ 

(2617) ࡌࡉࡕࡉࡒࡓࡉࡀ ࡌࡍ ࡈࡅࡓࡀ ࡖ ࡀࡓࡎࡀࡉࡉࡀ ࡌࡍ ࡁࡀࡂࡃࡀࡃ ࡌࡃࡉࡍࡕࡀ ࡖ ࡁࡉࡄࡍࡅࡔ ࡌࡀࡋࡊࡉࡀ ࡌࡍ ࡍࡉࡑࡅࡁࡕࡇ ࡖ ࡀࡓࡃࡁࡀࡍ ࡅࡀࡉࡉࡋ ࡃࡉࡋࡇ ࡖ 

(2618) ࡌࡅࡄࡀࡌࡀࡃ ࡁࡓ ࡀࡁࡃࡀࡋࡀࡇ ࡁࡓࡇ ࡖ ࡔࡄࡀࡈ ࡀࡓࡀࡁࡀࡉࡀ ࡗ ࡄࡀࡅࡉࡀ ࡁࡓ ࡔࡀࡁࡉࡌࡀ ࡔࡍࡉࡀ ࡅࡍࡀࡎࡁࡉ ࡋࡇ ࡌࡍ ࡌࡃࡉࡍࡕࡀ ࡋࡅࡀࡕ ࡎࡅࡐ 

(2619) ࡆࡀࡁࡀ ࡖ ࡄࡏ ࡁࡀࡑࡓࡀ ࡌࡉࡕࡒࡉࡓࡉࡀ ࡅࡌࡀࡄࡅࡉࡋࡇ ࡋ ࡈࡅࡓࡀ ࡖ ࡐࡀࡓࡎࡀࡉࡉࡀ ࡋࡁࡀࡂࡃࡀࡃ ࡌࡃࡉࡍࡕࡀ ࡅࡌࡀࡐࡓࡉࡔࡋࡇ ࡀࡍࡅࡔ ࡋࡁࡓࡇ ࡖ ࡔࡄࡀࡈ 

(2620) ࡀࡓࡀࡁࡀࡉࡀ ࡀࡊࡅࡀࡕ ࡖ ࡌࡀࡐࡓࡉࡔࡋࡇ ࡋࡀࡍࡅࡔ ࡁࡓ ࡃࡀࡍࡒࡀ ࡁࡄࡀࡆࡉࡍ ࡊࡃࡀࡁࡀ ࡖ ࡀࡁࡀࡄࡀࡕࡀ ࡖ ࡊࡅࡋࡄࡅࡍ ࡌࡀࡋࡊࡉࡀ ࡖ ࡍࡀࡑࡅࡓࡀࡉࡉࡀ ࡀࡔࡀࡓ 

(2621) ࡏࡋࡄ ࡅࡎࡀࡊࡅࡍ ࡖ ࡌࡀࡋࡊࡉࡀ ࡁࡂࡀࡅࡇ ࡖ ࡄࡀࡆࡉࡍ ࡊࡃࡀࡁࡀ ࡖ ࡌࡀࡐࡓࡀࡔ ࡌࡍ ࡀࡃࡀࡌ ࡌࡀࡋࡊࡀ ࡖ ࡀࡋࡌࡀ ࡋࡀࡋࡌࡀ ࡋࡀࡓࡃࡀࡁࡀࡍ ࡌࡀࡋࡊࡀ ࡅࡀࡋࡌࡀ ࡋࡁࡄࡉࡓࡀ ࡌࡍ 

(2622) ࡀࡍࡅࡔ ࡖ ࡌࡍ ࡔࡉࡓࡔࡀ ࡖ ࡀࡓࡃࡁࡀࡍ ࡌࡀࡋࡊࡀ ࡅࡀࡋࡌࡀ ࡋࡀࡍࡅࡔ ࡁࡓ ࡃࡀࡍࡒࡀ ࡖ ࡌࡍ ࡔࡀࡓࡔࡀ ࡖ ࡁࡄࡉࡓࡀ ࡄࡅࡍ ࡅࡄࡀࡉࡆࡀࡊ ࡀࡐࡓࡉࡔ ࡏࡋࡇ ࡖ 

(2623) ࡌࡀࡋࡊࡀ ࡖ ࡀࡓࡃࡁࡀࡉࡉࡀ ࡋࡊࡅࡋ ࡌࡀࡄࡅ ࡖ ࡁࡇ ࡋࡌࡉࡁࡀࡃ ࡅࡊࡉࡁࡔࡉࡀ ࡌࡍ ࡁࡍࡉࡀ ࡔࡅࡓࡁࡀ ࡓࡁࡀ ࡖ ࡄࡉࡉࡀ ࡖ ࡋࡀࡍࡉࡄࡅࡍ ࡁࡍࡀࡑࡅࡓࡀࡉࡉࡀ ࡖ ࡄࡅࡍ 

(2624) ࡁࡃࡀࡓࡀ ࡅࡌࡀࡋࡊࡅࡕࡀ ࡅࡄࡀࡉࡆࡀࡊ ࡀࡐࡓࡉࡔ ࡅࡀࡌࡀࡓ ࡀࡍࡅࡔ ࡁࡓ ࡃࡀࡍࡒࡀ ࡖ ࡋࡀࡔࡁࡀࡒࡕࡇ ࡋࡁࡓࡇ ࡖ ࡔࡄࡀࡈ ࡀࡓࡀࡁࡀࡉࡀ ࡖ ࡄࡀࡈࡉࡀ ࡁࡊࡀࡍࡀ 

(2625) ࡖ ࡍࡉࡔࡌࡀࡕࡀ ࡁࡄࡀࡉࡋࡇ ࡖ ࡌࡀࡋࡊࡀ ࡓࡀࡌࡀ ࡖ ࡍࡄࡅࡓࡀ ࡌࡔࡀࡁࡀ ࡔࡅࡌࡇ ࡁࡄࡀࡉࡋࡀ ࡖ ࡍࡀࡈࡓࡀ ࡖ ࡄࡀࡆࡉࡍ ࡊࡃࡀࡁࡀ ࡖ ࡌࡀࡋࡊࡅࡕࡀ ࡖ ࡂࡀࡋࡀࡋࡕࡀ 

(2626) ࡓࡀࡁࡕࡉࡀ ࡌࡔࡀࡁࡀ ࡔࡅࡌࡇ ࡅࡋࡌࡀࡄࡅ ࡖ ࡀࡔࡊࡉࡕ ࡁࡄࡀࡆࡉࡍ ࡀࡐࡓࡀࡔࡀࡕࡀ ࡖ ࡂࡀࡋࡀࡋࡕࡀ ࡓࡀࡁࡕࡉࡀ ࡋࡀࡀࡔࡊࡉࡕ ࡁࡊࡅࡋࡄࡅࡍ ࡎࡉࡂࡉࡉࡀ ࡅࡌࡉࡑࡓࡉࡀ 

(2627) ࡅࡃࡉࡅࡀࡍࡀࡍ ࡖ ࡄࡉࡉࡀ ࡒࡀࡃࡌࡀࡉࡉࡀ ࡖ ࡄࡅࡍ ࡁࡂࡉࡍࡆࡉࡇ ࡅࡀࡋࡅࡀࡕࡀࡉ ࡄࡉࡃࡓࡉࡕ ࡋࡊࡅࡋࡄࡅࡍ ࡓࡉࡔ ࡀࡌࡉࡀ ࡍࡀࡑࡅࡓࡀࡉࡉࡀ ࡖ ࡄࡅࡍ ࡅࡄࡆࡉࡕ ࡊࡃࡀࡁࡉࡀ ࡍࡀࡐࡔࡉࡀ 

(2628) ࡊࡃࡀࡁࡀ ࡖ ࡌࡄࡀࡒࡀࡓ ࡅࡊࡃࡀࡁࡉࡀ ࡖ ࡂࡀࡋࡀࡋࡕࡀ ࡓࡀࡁࡕࡉࡀ ࡅࡋࡀࡄࡆࡉࡕ ࡀࡊࡅࡀࡕ ࡄࡀࡆࡉࡍ ࡔࡉࡓࡔࡀ ࡖ ࡌࡕࡀࡒࡍࡀ ࡖ ࡌࡍ ࡒࡃࡉࡌࡀ ࡅࡋࡀࡋࡀࡌ ࡌࡍ 

(2629) ࡓࡉࡔ ࡀࡋࡌࡀ ࡖ ࡍࡄࡅࡓࡀ ࡅࡀࡋࡌࡀ ࡋࡀࡋࡌࡀ ࡕࡌࡉࡍࡀࡉࡀ ࡌࡍ ࡓࡉࡔ ࡀࡋࡌࡀ ࡕࡌࡉࡍࡀࡉࡀ ࡅࡀࡋࡌࡀ ࡋࡊࡉࡌࡑࡀࡕ ࡀࡋࡌࡉࡀ ࡊࡃࡀࡁࡉࡀ ࡖ ࡌࡀࡐࡓࡀࡔ ࡋࡕࡅࡒࡍࡀ ࡖ 

(2630) ࡊࡅࡋ ࡔࡐࡉࡕࡀ ࡅࡋࡓࡉࡔࡉࡇ ࡖ ࡊࡅࡋࡇ ࡍࡄࡅࡓࡀ ࡅࡋ ࡃࡉࡍࡁࡀ ࡖ ࡊࡅࡋࡇ ࡄࡔࡅࡊࡀ ࡁࡄࡀࡆࡉࡍ ࡊࡃࡀࡁࡉࡀ ࡖ ࡂࡀࡋࡀࡋࡕࡀ ࡓࡀࡁࡕࡉࡀ ࡏࡕࡀࡔࡊࡀ ࡅࡁࡊࡃࡀࡁࡉࡀ ࡄࡅࡓࡉࡍࡉࡀ 

(2631) ࡋࡀࡏࡕࡀࡔࡊࡀ ࡌࡀࡄࡅ ࡖ ࡌࡀࡐࡓࡀࡔ ࡁࡄࡀࡆࡉࡍ ࡊࡃࡀࡁࡀ ࡅࡃࡉࡓࡊࡀ ࡖ ࡔࡀࡋࡌࡀࡍࡉࡀ ࡅ ࡀࡋࡌࡀ ࡋࡊࡉࡌࡑࡀࡕ ࡀࡋࡌࡉࡀ ࡄࡀࡆࡉࡍ ࡃࡉࡓࡊࡀ ࡖ ࡔࡀࡋࡌࡀࡍࡉࡀ 

(2632) ࡏࡕࡉࡁࡄࡉࡓ ࡏࡕࡄࡉࡁ ࡋࡁࡀࡓ ࡔࡉࡓࡔࡀ ࡕࡀࡒࡍࡀ ࡅࡋࡁࡀࡓ ࡍࡉࡈࡅࡐࡕࡀ ࡃࡀࡊࡉࡕࡀ ࡖ ࡗ ࡔࡌࡉࡋࡅࡍ ࡋࡌࡀࡋࡀࡋࡉࡀ ࡅࡀࡐࡓࡀࡔࡀࡕࡀ ࡖ ࡄࡀࡆࡉࡍ ࡊࡃࡀࡁࡀ 

(2633) ࡖ ࡔࡀࡋࡌࡀࡍࡉࡀ ࡎࡄࡉࡃ ࡀࡋࡀࡍࡐࡇ ࡅࡎࡀࡄࡉࡃ ࡏࡅࡑࡓࡇ ࡅࡍࡀࡄࡅࡓ ࡅࡊࡅࡋ ࡁࡓ ࡁࡋࡉࡋࡀ ࡄࡅ ࡗ ࡔࡀࡌࡀࡋࡅࡍ ࡋࡄࡀࡆࡉࡍ ࡌࡀࡋࡀࡋࡉࡀ ࡕࡀࡒࡍࡉࡀ ࡄࡀࡔࡅࡊ ࡏࡅࡑࡓࡀ 

(2634) ࡅࡋࡀࡈࡀࡉࡉࡌࡋࡅࡍ ࡅࡋࡀࡈࡀࡌࡅࡍ ࡖ ࡌࡀࡋࡀࡋࡉࡀ ࡃࡀࡊࡉࡉࡀ ࡅࡌࡀࡉࡕࡉࡀ ࡂࡀࡅࡍࡉࡀ ࡌࡍ ࡏࡅࡑࡓࡀ ࡀࡊࡅࡀࡕ ࡒࡀࡃࡀࡄࡀ ࡅࡔࡉࡓࡔࡀ ࡖ ࡌࡉࡍࡇ ࡐࡓࡀࡔ ࡀࡐࡓࡉࡔ ࡄࡉࡁࡉࡋ 

(2635) ࡆࡉࡅࡀ ࡋࡄࡀࡆࡉࡍ ࡀࡐࡓࡀࡔࡀࡕࡀ ࡅࡂࡀࡋࡉࡋ ࡅࡀࡌࡀࡓ ࡊࡅࡋ ࡂࡀࡁࡓࡀ ࡍࡀࡑࡅࡓࡀࡉࡉࡀ ࡖ ࡌࡉࡕࡀࡔࡊࡀ ࡄࡀࡆࡉࡍ ࡀࡐࡓࡀࡔࡀࡕࡀ ࡁࡂࡉࡍࡆࡉࡇ ࡍࡉࡆࡃࡀࡄࡀࡓ ࡒࡅࡃࡀࡌ 

(2636) ࡁࡋࡉࡋࡉࡀ ࡋࡀࡍࡉࡂࡀࡋࡉࡋ ࡒࡃࡉࡄࡀ ࡅࡂࡀࡋࡀࡋࡕࡀ ࡖ ࡒࡀࡃࡀࡄࡉࡀ ࡖ ࡓࡀࡆࡉࡀ ࡖ ࡊࡅࡋ ࡖ ࡉࡀࡒࡉࡓ ࡁࡄࡀࡆࡉࡍ ࡊࡃࡀࡁࡀ ࡏࡋ ࡖ ࡌࡂࡀࡋࡉࡋ ࡒࡅࡃࡀࡌ ࡏࡅࡕࡓࡉࡀ 

(2637) ࡁࡋࡉࡋࡉࡀ ࡖ ࡋࡀࡈࡀࡊࡎࡀ ࡅࡌࡀࡔࡉࡈࡉࡋࡅࡍ ࡋࡌࡀࡋࡀࡋࡉࡀ ࡃࡀࡊࡉࡉࡀ ࡎࡀࡉࡉࡌ ࡋࡒࡅࡃࡀࡌࡇ ࡔࡉࡕࡉࡍ ࡕࡉࡒࡋࡀࡕࡀ ࡅࡔࡉࡕࡉࡍ ࡄࡀࡈࡀࡉࡉࡀ ࡍࡉࡔࡁࡅࡒࡋࡇ ࡅࡀࡁࡀࡕࡅࡓ 

(2638) ࡊࡅࡔࡈࡀ ࡉࡀࡒࡓࡀ ࡌࡉࡍࡇ ࡍࡉࡐࡔࡅࡈ ࡄࡀࡉࡆࡀࡊ ࡀࡐࡓࡉࡔ ࡄࡉࡁࡉࡋ ࡆࡉࡅࡀ ࡌࡔࡀࡁࡀ ࡔࡅࡌࡀ ࡋࡊࡅࡋ ࡌࡀࡍ ࡖ ࡍࡉࡊࡎࡉࡉࡇ ࡅࡍࡉࡍࡉࡈࡓࡇ ࡗ ࡔࡀࡋࡉࡌࡋࡇ 

(2639) ࡊࡉࡋࡇ ࡀࡃࡉࡍࡒࡉࡀ ࡄࡀࡈࡀࡉࡉࡇ ࡍࡉࡎࡀࡒ ࡍࡉࡔࡓࡉࡀ ࡅࡍࡉࡃࡁࡀࡓ ࡀࡋࡅࡀࡕࡇ ࡔࡉࡕࡉࡍ ࡏࡎࡉࡓ

آخرین ارسال ها

آخرین جستجو ها